هو الموضوع بقى سهل قوي كده ؟؟؟؟؟

[Abo_Mazen]

كنت متردد قوي قبل ما أكتب الموضوع ده ..عشان أنا متأكد إن في ناس مش هتقدر تفهم أنا عاوز أقول إيه
بس أنا قلت هكتب الموضوع ده ..عشان يمكن أنا بس اللي مش قادر أستوعب

أنا بتكلم مع ناس كتير ..أصحاب في العمل ..أقارب ..أصدقاء ..أهل ..بنتكلم في حاجات برضه كتير ..أكيد ..ما إحنا عايشين وبني آدمين ولينا إهتمامات ..نلتقي فيها أو نختلف ...ممكن الكلام يكون في السياسة في الإقتصاد في العلوم في التكنولوجيا في الإجتماع ..أهو كلام ..وعلى قد ما هو كلام ..فهو برضه كلام ...

بس في حاجه كانت بتعدي عليا قبل 25 يناير 2011 ومكنتش باخد بالي منها ..وكان اللي بيقولها وقتها برد عليه رد بسيط كده وخلاص ..بس لاحظت إن الحاجه دي بدأت تاخد منحى تاني ..منحى خطير ..منحى يخلي اللي يقول الكلام ده ويعتقد فيه ..مش إنسان ..

قبل 25 يناير 2011 كانت ظهرت فيديوهات على اليوتيوب فيها ناس بيتم تعذيبهم من الداخليه ..وكان فيه فيديو مشهور قوي لواحده متعلقة من رجليها وبتستغيث ..

أنا بصراحه كنت شايف إن اللي بيحصل ده شيء بشع جدا ..وشئ مقرف ومقزز جدا..وكنت بقول مهما كانت الجريمة اللي إرتكبها الشخص ده ..ما يتعملش معاه كده من شخص مش شغلته إنه يصدر أحكام ..لكن كنت بلاحظ إن الداخليه من خلال بيانات غير رسميه ..كانت بتبرر الكلام ده بإن اللي بيتعذب ده عمل كذا وكذا وكذا ..زي مثلا الست اللي متعلقه من رجليها الداخليه قالت عليها وقتها إن هي قتلت زوجها هي وعشيقها ..وكان في فيديو تاني لواحد برضه بيضرب بالأقلام بسرعة ..والداخلية قالت عليه وقتها إنه متهم بإغتصاب طفل ..

أنا كان ليا رأي وقتها وكنت دايما بقوله ..إن كل واحد يعاقب بما فعل ..ومش كده وبس ..ده اللي يحدد عقوبته القانون ..بصرف النظر بقى عن إن القانون ده وضعي أو قانون شرعي إلا إن مش من حق حد أيا كان ..إنه يعذب حد ..أو يطبق عليه حكم منه لنفسه كده ..

معلش أسهبت شوية في الكلام ..بس عشان اللي يقرا يقدر يمشي معايا في نفس الطريق اللي بفكر فيه ..وهو ..هل إن فلان عمل جريمة بشعة جدا ..ده يعطينا الحق إن إحنا نقيم عليه أحكام وننفذها كمان ؟؟

يعني مثلا أنا شفت واحد بيسرق ..ينفع أقوم واخده ورابطه وأقوم قاطع إيده ؟؟

شفت فلان بيزني ..ينفع أقوم واخده ورابطه وأقوم جالده ..؟؟

هو مش المفروض فيه قاضي هو اللي بيحكم ..؟؟

طيب أنا لما أحكم على فئه معينة بإنها تستحق القتل ..زي مثلا لما أقول الإخوان كلهم يستحقوا القتل ..أو مثلا أقول ..كل رجال الجيش يستحقوا القتل ..مش أنا كده بتحمل ذنب أو وزر كل واحد قتل بدون ذنب تحت مسمى إنه إخوان ..أو إنه رجل عسكري

الموضوع أنا مش عامله عشان أتكلم عن إخوان أو جيش

الموضوع أنا عامله لإن حاسس إن إحنا ممكن نستحل دم حد لمجرد إنه إخوان أو لمجرد إنه ضابط جيش ...أو لمجرد إنه تبع أي فئة أنا بعاديها

طيب حد شاف الفيديو بتاع داعش لما إستوقفوا ضابط جيش ونزلوه من عربيته وقاموا واخدينه طلقه في دماغه ..

في ناس فرحت في الفيديو ده ..وكان ليهم مبرر إن الضابط ده شغال في المنفذ وكان سبب إن فلسطيين وأطفال كتير يموتو محتجزين على الحدود ..وده جزائه الطبيعي

أنا كنت بقول إزاي جزاءه الطبيعي؟؟ ..ومين اللي أصدر عليه حكم إن ده جزاءه الطبيعي ..؟؟

طيب حد شاف فيديو لأحمد موسى وهو بيحرض على حرق الإخوان كلهم ..؟؟

في ناس أيدت كلام أحمد موسى ..وبتقول وبمنتهى الصراحه ..آه ..كلهم يستحقو الحرق ؟؟

هل كل الإخوان اللي في البلد دي إشتركوا في الجرائم اللي إرتكبها الإخوان ؟؟؟



الله ..النبي عليه الصلاة والسلام قال ..في معنى ما قال ..وهل يكب الناس على وجوههم إلا حصاد أسلنتهم ؟؟

يعني الموضوع خطير ..ومش سهل ..مش سهل أبدا إني أصدر حكم بإستحقاق أحد للقتل ..أو إنه يستحق اللي بيجراله ..عشان أخوه أو أبوه أو أمه أو حتى عشيرته إرتكبت ذنب ..

يمكن أنا نفسي بقع في الخطأ ده ..إني ممكن أتهم فئه كاملة بإنها تستحق كذا وكذا وكذا ..وأنا كده بمنتهى الغباء ..أخدت ذنب ناس والله ما أعرفهم ..ويوم القيامة هقابلهم ..وهيسألوني ..إنت قلت علينا كده ليه ؟؟

أنا حاسس إن الموضوع كبير ..وعارف إن في ناس هتبدأ تدخل وتهاجم وتخون بعضها وأنا نفسي هتهم بإني داخل أشكك وداخل مش عارف أعمل إيه ..وناس هتقول عليا إخواني وناس هتدخل تتهم ناس تانيه بإنها بتؤيد وبتبارك الدم والقتل ..مع إن لا ده يعرف ده ..ولا ده يعرف ده ..ولا اللي هيتهمني أصلا يعرفني


الموضوع خطير ..ومش سهل ..إحنا كلنا نصبنا نفسنا تقريبا كده قضاه ..

إصدار الأحكام وفقا للشريعه أصعب منه وفقا للقانون الشرعي

يعني إثبات تهمة الزنا في القانون الوضعي أسهل بكتير من إثباته وفقا للشرع والدين

أخيرا ..قال الرسول صلى الله عليه وسلم ((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))

وأخيرا ..فضلا وليس أمرا ..اللي هيدخل يتهم ويخون غيره يتفضل بالمشاهده فقط ولا يعلق ..لإن أنا هنا بتكلم عن طبيعة إنسان ..عشان يحس إنه مستريح لمنظر التعذيب والقتل ..يوجد مبرر للي فعله اللي بيتعذب ..

[مُصْطٓفٓى]

وكأنها ليست حرب أهلية
فاكر على الحجار وهو بيغني احنا شعب وهم شعب
لكن الفارق ان احد الشعبين أصبحوا شعب من الزومبي

[Abo_Mazen]

وكأنها ليست حرب أهلية
فاكر على الحجار وهو بيغني احنا شعب وهم شعب
لكن الفارق ان احد الشعبين أصبحوا شعب من الزومبي

الشعبين اتحولوا لزومبي ..

[مُصْطٓفٓى]

الشعبين اتحولوا لزومبي ..

اتحداك

[Karim Alaa]

كلامك صحيح ميه فى الميه و لكن بعد ان انقسمنا طرفين كل طرف يعتقد ان حكم الطرف الاخر سيقضى على الوطن و الدين و الدنيا و يهدد حياته و حياه اولاده اصبح من الاسهل استمراء قتل و تعذيب الاخر حتى لا تنهار البلاد حسب راى كل طرف و ده شفته من اول الثوره فى 25 يناير لحد اللحظه الى احنا فيها دى و دايما بصرخ و اقول متبررش لو بررت هيتعمل فيك فى يوم و هتفهم انه مكنش بسبب و ان كل ده مش من حق يعمله و لكن يا سيدى هى السياسه التى اقحمنا نفسنا فيها دون سابق خبره و ادع الجميع انهم اهلا لها فاصبحت حرب على سلامه الوطن و الدين للاسف

[AlphaCharlie]

يا أبو مازن للأسف....

لما قامت ثورة يناير كان الظلم جاوز المدى.. وفرحت بالثورة علشان ولادنا يعيشوا حياه نظيفة بعيدا عن الظلم والقهر والسرقة - وقولت معلش ندفع إحنا الثمن ونعيش 10 - 15 سنة في لغبطة علشان جيل جديد يطلع نظيف.

لكن هيهات... خدنا كلنا (ق...) ولا بلاش.. (مقلب) ورجعت كل حاجة زي الأول ...
مين السبب بقى .. مش مهم

- هل هم القوى الثورية الشبابية زي 6 إبريل؟
- هل هم الإخوان بغبائهم السياسي وعدم السيطرة على الحكم؟
- هل هم الفئة المنتفعة من النظام القديم إلي رجعوه تاني؟
- هل هم النظام القديم نفسه إلي لف وإستخدم إمكانيات الدولة كلها من جيش وقضاء وشرطة وإعلام ووزارات؟

مش مهم أي حاجة..

المهم إن طالما خرجنا فئات وقلبنا عليهم زي (6 إبريل - الألتراس - الإخوان - السلفيين - وغيرهم) وأصبح دمهم وسجنهم وسحلهم عادي ومبرر لمجرد الإنتماء أو شبهة الإنتماء لهؤلاء..

يبقى إحنا دخلنا بالفعل بوابات الحرب الأهلية.

ما من ثورة في العالم بدأت إلا وإنتهت بحرب أهلية... عارف لأيه؟؟؟

في أي ثورة سواء فرنسا - تشيلي - رومانيا - روسيا .... اي ثورة

القوة إلي قامت بالثورة وهم الأكثرية المطحونة خرج لها قوة ذات نفوذ وثروات وهم أقلية وجمعوا معهم الكثير بأدواتهم (أموال - إعلام - سجون - قضاء....) وأبادوهم وأخرسوهم.

فلازم ييجي الوقت إلي القوة المطحونة دي ترد مهما كان طبيعة الرد دا (شرعي أو غير شرعي)
والي بيحصل الوقتي دا مش هو إلي أنا أقصده...

لسة القوة الي قامت بالثورة مردتش حتى الآن

وربنا يستر وتكون النار القادمة أقل من المتوقع

[kaza]

كنت متردد قوي قبل ما أكتب الموضوع ده ..عشان أنا متأكد إن في ناس مش هتقدر تفهم أنا عاوز أقول إيه
بس أنا قلت هكتب الموضوع ده ..عشان يمكن أنا بس اللي مش قادر أستوعب

أنا بتكلم مع ناس كتير ..أصحاب في العمل ..أقارب ..أصدقاء ..أهل ..بنتكلم في حاجات برضه كتير ..أكيد ..ما إحنا عايشين وبني آدمين ولينا إهتمامات ..نلتقي فيها أو نختلف ...ممكن الكلام يكون في السياسة في الإقتصاد في العلوم في التكنولوجيا في الإجتماع ..أهو كلام ..وعلى قد ما هو كلام ..فهو برضه كلام ...

بس في حاجه كانت بتعدي عليا قبل 25 يناير 2011 ومكنتش باخد بالي منها ..وكان اللي بيقولها وقتها برد عليه رد بسيط كده وخلاص ..بس لاحظت إن الحاجه دي بدأت تاخد منحى تاني ..منحى خطير ..منحى يخلي اللي يقول الكلام ده ويعتقد فيه ..مش إنسان ..

قبل 25 يناير 2011 كانت ظهرت فيديوهات على اليوتيوب فيها ناس بيتم تعذيبهم من الداخليه ..وكان فيه فيديو مشهور قوي لواحده متعلقة من رجليها وبتستغيث ..

أنا بصراحه كنت شايف إن اللي بيحصل ده شيء بشع جدا ..وشئ مقرف ومقزز جدا..وكنت بقول مهما كانت الجريمة اللي إرتكبها الشخص ده ..ما يتعملش معاه كده من شخص مش شغلته إنه يصدر أحكام ..لكن كنت بلاحظ إن الداخليه من خلال بيانات غير رسميه ..كانت بتبرر الكلام ده بإن اللي بيتعذب ده عمل كذا وكذا وكذا ..زي مثلا الست اللي متعلقه من رجليها الداخليه قالت عليها وقتها إن هي قتلت زوجها هي وعشيقها ..وكان في فيديو تاني لواحد برضه بيضرب بالأقلام بسرعة ..والداخلية قالت عليه وقتها إنه متهم بإغتصاب طفل ..

أنا كان ليا رأي وقتها وكنت دايما بقوله ..إن كل واحد يعاقب بما فعل ..ومش كده وبس ..ده اللي يحدد عقوبته القانون ..بصرف النظر بقى عن إن القانون ده وضعي أو قانون شرعي إلا إن مش من حق حد أيا كان ..إنه يعذب حد ..أو يطبق عليه حكم منه لنفسه كده ..

معلش أسهبت شوية في الكلام ..بس عشان اللي يقرا يقدر يمشي معايا في نفس الطريق اللي بفكر فيه ..وهو ..هل إن فلان عمل جريمة بشعة جدا ..ده يعطينا الحق إن إحنا نقيم عليه أحكام وننفذها كمان ؟؟

يعني مثلا أنا شفت واحد بيسرق ..ينفع أقوم واخده ورابطه وأقوم قاطع إيده ؟؟

شفت فلان بيزني ..ينفع أقوم واخده ورابطه وأقوم جالده ..؟؟

هو مش المفروض فيه قاضي هو اللي بيحكم ..؟؟

طيب أنا لما أحكم على فئه معينة بإنها تستحق القتل ..زي مثلا لما أقول الإخوان كلهم يستحقوا القتل ..أو مثلا أقول ..كل رجال الجيش يستحقوا القتل ..مش أنا كده بتحمل ذنب أو وزر كل واحد قتل بدون ذنب تحت مسمى إنه إخوان ..أو إنه رجل عسكري

الموضوع أنا مش عامله عشان أتكلم عن إخوان أو جيش

الموضوع أنا عامله لإن حاسس إن إحنا ممكن نستحل دم حد لمجرد إنه إخوان أو لمجرد إنه ضابط جيش ...أو لمجرد إنه تبع أي فئة أنا بعاديها

طيب حد شاف الفيديو بتاع داعش لما إستوقفوا ضابط جيش ونزلوه من عربيته وقاموا واخدينه طلقه في دماغه ..

في ناس فرحت في الفيديو ده ..وكان ليهم مبرر إن الضابط ده شغال في المنفذ وكان سبب إن فلسطيين وأطفال كتير يموتو محتجزين على الحدود ..وده جزائه الطبيعي

أنا كنت بقول إزاي جزاءه الطبيعي؟؟ ..ومين اللي أصدر عليه حكم إن ده جزاءه الطبيعي ..؟؟

طيب حد شاف فيديو لأحمد موسى وهو بيحرض على حرق الإخوان كلهم ..؟؟

في ناس أيدت كلام أحمد موسى ..وبتقول وبمنتهى الصراحه ..آه ..كلهم يستحقو الحرق ؟؟

هل كل الإخوان اللي في البلد دي إشتركوا في الجرائم اللي إرتكبها الإخوان ؟؟؟



الله ..النبي عليه الصلاة والسلام قال ..في معنى ما قال ..وهل يكب الناس على وجوههم إلا حصاد أسلنتهم ؟؟

يعني الموضوع خطير ..ومش سهل ..مش سهل أبدا إني أصدر حكم بإستحقاق أحد للقتل ..أو إنه يستحق اللي بيجراله ..عشان أخوه أو أبوه أو أمه أو حتى عشيرته إرتكبت ذنب ..

يمكن أنا نفسي بقع في الخطأ ده ..إني ممكن أتهم فئه كاملة بإنها تستحق كذا وكذا وكذا ..وأنا كده بمنتهى الغباء ..أخدت ذنب ناس والله ما أعرفهم ..ويوم القيامة هقابلهم ..وهيسألوني ..إنت قلت علينا كده ليه ؟؟

أنا حاسس إن الموضوع كبير ..وعارف إن في ناس هتبدأ تدخل وتهاجم وتخون بعضها وأنا نفسي هتهم بإني داخل أشكك وداخل مش عارف أعمل إيه ..وناس هتقول عليا إخواني وناس هتدخل تتهم ناس تانيه بإنها بتؤيد وبتبارك الدم والقتل ..مع إن لا ده يعرف ده ..ولا ده يعرف ده ..ولا اللي هيتهمني أصلا يعرفني


الموضوع خطير ..ومش سهل ..إحنا كلنا نصبنا نفسنا تقريبا كده قضاه ..

إصدار الأحكام وفقا للشريعه أصعب منه وفقا للقانون الشرعي

يعني إثبات تهمة الزنا في القانون الوضعي أسهل بكتير من إثباته وفقا للشرع والدين

أخيرا ..قال الرسول صلى الله عليه وسلم ((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))

وأخيرا ..فضلا وليس أمرا ..اللي هيدخل يتهم ويخون غيره يتفضل بالمشاهده فقط ولا يعلق ..لإن أنا هنا بتكلم عن طبيعة إنسان ..عشان يحس إنه مستريح لمنظر التعذيب والقتل ..يوجد مبرر للي فعله اللي بيتعذب ..

ابو مازن حبيب قلبي ولو تسمحلي هاعمل هنتاية صغيرة كدة
شوف ياسيدي ...فية كتاب كنت قريتة من فترة عن المخابرات الامريكية وكيفية تفكيك الدول
والخطوات سهلة وبسيطة جدا بتبتدي بالحاكم وتفسدة وتجعل له بطانة سوء وتشجع اتجاة تاني مضاد تحت اي مسمي ديني ديموقراطي انساني شيوعي وسطي ابريلي اي مسمي المهم يكون معاكس وتنمي الاتجاة دة بمعاونة كارثة العصر الشبكة العنكبونية العتديدة والتي كانت مخصصة للجيش والمخابرات الامريكية في الاساس وعلية مواقع التواصل الاجتماعي والاتصالات والحلويات كلها باسم حرية الاتصال والحصول علي المعلومات وهي سم في عسل الحصول علي معلومة
وبالتالي فيدوهات الشرطة والتعذيب والتنكيل مش بعيدة عن دة ولعلمك لسة بيتعمل ويكل مكان سواء الحجز في الاقسام والمراكز لغاية السجون بس السؤال وحط تحت دة 100 خط
حضرتك لو اتعاملت مع احد عتاة الاجرام والبلطجية وبعض الفئات الاجرامية هتفهم الكلام دة وهتعرف ان فية غئة لا تؤمن باي دين ولا اخلاق ولا اي حاجة وان القتل اسهل حاجة لة عجبتة حاجة معاك ويتحمل التعذيب لدرجة انت نفسك تذهل دة بيستحمل اللي بيتعمل فية ازاي وكل دة علشان تعرف منه خفي جثة فين او مسروقات او واحد او واحدة مخطوف ومتاويه...ياابو مازن مش كل الناس ملايكة وصدقني فية شياطين من البشر تقشعر منهم ومن افعالهم الابدان عتاة مجرمين بجد ولو جربت التعامل معاهم لن تاخذك شفقة ولا رحمة بهم ابدا اكاد اجزم باليقين علي ذلك
وتأكد ان الكلام دة مابيتعملش مع اي حد انما عينة بعينعا يعلمها كل ضابط مباحث او امن دولة جيدا ولو تشوف التحقيقات والاهوال التي بتسجل فيها هيقف شعر دماغك من قسوة جرائم الفئة دي والتي اسهل حاجة عندهم البكاء والكذب وادعاء انة بيتعذب لكن ولا حاسس بحاجة

[kaza]

يا أبو مازن للأسف....

لما قامت ثورة يناير كان الظلم جاوز المدى.. وفرحت بالثورة علشان ولادنا يعيشوا حياه نظيفة بعيدا عن الظلم والقهر والسرقة - وقولت معلش ندفع إحنا الثمن ونعيش 10 - 15 سنة في لغبطة علشان جيل جديد يطلع نظيف.

لكن هيهات... خدنا كلنا (ق...) ولا بلاش.. (مقلب) ورجعت كل حاجة زي الأول ...
مين السبب بقى .. مش مهم

- هل هم القوى الثورية الشبابية زي 6 إبريل؟
- هل هم الإخوان بغبائهم السياسي وعدم السيطرة على الحكم؟
- هل هم الفئة المنتفعة من النظام القديم إلي رجعوه تاني؟
- هل هم النظام القديم نفسه إلي لف وإستخدم إمكانيات الدولة كلها من جيش وقضاء وشرطة وإعلام ووزارات؟

مش مهم أي حاجة..

المهم إن طالما خرجنا فئات وقلبنا عليهم زي (6 إبريل - الألتراس - الإخوان - السلفيين - وغيرهم) وأصبح دمهم وسجنهم وسحلهم عادي ومبرر لمجرد الإنتماء أو شبهة الإنتماء لهؤلاء..

يبقى إحنا دخلنا بالفعل بوابات الحرب الأهلية.

ما من ثورة في العالم بدأت إلا وإنتهت بحرب أهلية... عارف لأيه؟؟؟

في أي ثورة سواء فرنسا - تشيلي - رومانيا - روسيا .... اي ثورة

القوة إلي قامت بالثورة وهم الأكثرية المطحونة خرج لها قوة ذات نفوذ وثروات وهم أقلية وجمعوا معهم الكثير بأدواتهم (أموال - إعلام - سجون - قضاء....) وأبادوهم وأخرسوهم.

فلازم ييجي الوقت إلي القوة المطحونة دي ترد مهما كان طبيعة الرد دا (شرعي أو غير شرعي)
والي بيحصل الوقتي دا مش هو إلي أنا أقصده...

لسة القوة الي قامت بالثورة مردتش حتى الآن

وربنا يستر وتكون النار القادمة أقل من المتوقع

حرب اهلية اية وفئات اية ...يعني لو حد شاف سلفي يقتلة ولا مسيحي يخلص علية ولا منقبة يجري يغتصبها هو حضرتك لم تلاحظ التزامن الغريب للاحداث في معظم الدول العربية للثورات في وقت واحد ولا القهر والظلم حصل كلة في ليبيا وتونس واليمن وسوريا وساب سلطنة عمان والمغرب والامارات والجزائر مافيهمش ظلم وهو السلطان سعيد ابو قابوس مكاتش عندك فكرة انة كان بيجلد اللي يدوس علي ضل القصر بتاعة
ياعمنا الثورات والحركات دي من باب خلص علي نفسك بنفسك واحنا تيجي ننط بمنتهي السهولة من غير وجع دماغ وخساير وحرب هيخسروها لانهم بدون عقيدة وهتدمر قواهم وبلادهم وتنتهي سطوتهم تماما ودة غير مرغوب
ومعرفش ميت اللي قسم التقسيمة دي طيب مانا لي زمايل واصدقاء اخوان وسلفيين ومسيحيين وثوريين بنتناقش ونحتد لكن تجمعنا محبة ورباط واي حد فينا بيحصلة حاجة بتلاقي الجميع معاه ووالله مبابلاغ ولا باقول حواديت
دي مصر يااستاذنا مصر امة موحدة بكل مافيها وربنا حاميها باذنة وفضلة ومهما كان اللي فيها هتقوم وتنهض بس اتفائل شوية واستبشر بالقادم هتلاقية

[Bassem Youssef]

دول بيفرحوا في موت دول ... و دول بيفرحوا في موت دول ... و احنا بنتهرس في النص بين دول دول ... اخرتها دول و دول هينزلوا الشارع يدبحوا في بعض و احنا اللي خسرانين كالعاده

الموجه القادمه قريبه جدا و هتحصل فجأه و ربنا ينجي المصريين "المعتدليين الطيبين" منها

[volociximab]

حرب اهلية اية وفئات اية ...يعني لو حد شاف سلفي يقتلة ولا مسيحي يخلص علية ولا منقبة يجري يغتصبها
كان بيحصل كده بالفعل ايام ثورة 30 يونيو فى الشوارع

هو حضرتك لم تلاحظ التزامن الغريب للاحداث في معظم الدول العربية للثورات في وقت واحد ولا القهر والظلم حصل كلة في ليبيا وتونس واليمن وسوريا وساب سلطنة عمان والمغرب والامارات والجزائر مافيهمش ظلم وهو السلطان سعيد ابو قابوس مكاتش عندك فكرة انة كان بيجلد اللي يدوس علي ضل القصر بتاعة
ياعمنا الثورات والحركات دي من باب خلص علي نفسك بنفسك واحنا تيجي ننط بمنتهي السهولة من غير وجع دماغ وخساير وحرب هيخسروها لانهم بدون عقيدة وهتدمر قواهم وبلادهم وتنتهي سطوتهم تماما ودة غير مرغوب
متفق معاك
ومعرفش ميت اللي قسم التقسيمة دي طيب مانا لي زمايل واصدقاء اخوان وسلفيين ومسيحيين وثوريين بنتناقش ونحتد لكن تجمعنا محبة ورباط واي حد فينا بيحصلة حاجة بتلاقي الجميع معاه ووالله مبابلاغ ولا باقول حواديت
انتم فئة معينة من المجتمع اسمها حزب الكنبه
انا واحد من هذه الفئة
لكن على الارض فيه حاجات تانيه
ليه بقت فيه حرب حقيقية فى سينا؟
شوف مثلا اوروبا--اوروبا تدعم ما فعله السيسي بشهادة تونى بلير فى الجانب الاخر كثير من قبادات الاخوان فى اوروبا
يعنى بيمسكوا كل الخيوط--ليك مصلحة؟ يبقى تفتحلي باب فى البلد دى--ولعوا فى بعض انا مش مستعد و مش قادر اولع فيكم(هى دى اوروبا)
دي مصر يااستاذنا مصر امة موحدة بكل مافيها وربنا حاميها باذنة وفضلة ومهما كان اللي فيها هتقوم وتنهض بس اتفائل شوية واستبشر بالقادم هتلاقية
مصر دولة متخلفة منذ نهاية حكم محمد على فى منتصف القرن ال19 يعنى من 150 سنه

الشيء المعترض عليه هو الحرب الاهليه
مصر عمرها ما حصل فيها حرب اهليه
بس اعتقد ان الاحداث ستدخل البلد فى طور بعيد من النزاع
يعنى
تخيل الناس الى اتقتلت من الطرفين كام؟
كل واحد له عائلة و اصدقاء
المسجونين بالالاف و كل واحد له عائلة و اصدقاء
يعنى الوف
هؤلاء الالوف ينظر كل واحد للاطرف الاخر انه هناك بينه و بينه دم
ليس مجرد خلاف سياسي بل دم
و هناك فئة لن ترى امامها الا الثأر
بل قد يكون الثأر هو هدف حياتها
و مستعده تنضم لاى فصيل او اى جماعه او عصابة تحت اى فكر خوارج دواخل اى حاجة المهم ياخد بثأره
الجميع لم يدرك ان الصراع المسلح بين حسنى مبارك بجبروته و فى اوج قوته و بين الجماعه الاسلامية لم ينته الا بالمراجعات
الجميع لم يدرك حكمة حسنى مبارك انه لم يورط جيشه قدر الامكان فى نزاع داخلى فى مصر و جعل ملف الارهاب بالكامل مع الداخلية حتى فى اشد اللحظات دموية
دلوقت مصر بتحارب نفسها-جيش و شرطة و جماعات من المصريين نازلين طحن فى بعض و بقية الشعب بيتفرج على الماتش و يشجع

[volociximab]

فى النهاية الثورة القادمة لن تكون فى جيلنا
الثورة الايرانية حدثت بعد ربع قرن من خلع محمد مصدق

[kaza]

الشيء المعترض عليه هو الحرب الاهليه
مصر عمرها ما حصل فيها حرب اهليه
بس اعتقد ان الاحداث ستدخل البلد فى طور بعيد من النزاع
يعنى
تخيل الناس الى اتقتلت من الطرفين كام؟
كل واحد له عائلة و اصدقاء
المسجونين بالالاف و كل واحد له عائلة و اصدقاء
يعنى الوف
هؤلاء الالوف ينظر كل واحد للاطرف الاخر انه هناك بينه و بينه دم

ناس اية اللي اتقتلت ومين بيقتل في مين واية السبب والسوأل هل اللي اتقتل دة الوف ياسيدي انهي عائلة في مصر مافيهاش حد في الجيش او الشرطة وكم الارامل نتيجة اللي بيحصل والاطفال المشردين اد اية وياريت تفند كم ارهابي تعمد قتل ارواح برئة ذنبها انها بتخدم البلد وبتحرسنا واحنا نائمين هانئين في بيوتنا وشبعانين وبنرغي علي النت ازاي وجه المقارنة وبتقارن اية باية ياراجل ...ياعمنا لو حضرتك مصري هتعلم علم اليقين ان الجيش والشرطة هم مصر وشعب مصر واهل مصر وابناء واباء واعمام واخوال واقارب كل واحد في مصر ....يعني اللي بتقولة مستحيل وفي المشمش ومتتعبش نفسك في التطرف بالتفكير للدرجة دي


ليس مجرد خلاف سياسي بل دم
و هناك فئة لن ترى امامها الا الثأر
بل قد يكون الثأر هو هدف حياتها
و مستعده تنضم لاى فصيل او اى جماعه او عصابة تحت اى فكر خوارج دواخل اى حاجة المهم ياخد بثأره
الجميع لم يدرك ان الصراع المسلح بين حسنى مبارك بجبروته و فى اوج قوته و بين الجماعه الاسلامية لم ينته الا بالمراجعات
الجميع لم يدرك حكمة حسنى مبارك انه لم يورط جيشه قدر الامكان فى نزاع داخلى فى مصر و جعل ملف الارهاب بالكامل مع الداخلية حتى فى اشد اللحظات دموية


ياعمي دم اية وسياسي اية يااستاذنا الموضوع بسيط عصابة حاولت تستولي علي البلاد بالتواطؤ مع امريكا واسرائيل وجماعة خدعت الجميع بما فيهم شباب الجماعة بمسميات هم نفسهم كاذبون بها وابسط امثلة استحلال الكذب والادعاء بالباطل وقلب الحقائق والتعالي عن باقي الشعب الغير منتمي للجماعة واما ان تكون اخوان او تكون عبدا في خدمة الاسياد ...مش دة منطق القيادات ونسيت انا دكتور في ناسا ولا انا امي مش امريكية بالمناسبة مش ليه جوز عيال امريكان برضة ومديهم الجنسية لية علشان يخدموا البلد ولا ابو مناخير والست مراتة صاحبة الصون والعفاف ياعمنا اهدي الله يكرمك واعرف كويس ان البلد كانت علي وشك التقسيم وصراع ضاري بين الاخ واخوة وبين كل فئات الشعب بمباركة امريصهيونية والغرض واضح وضوح الشمس وخسيس وجبان والحمد لله طلعنا منها ولسة هنطحن كل محاولة للنيل من الدين والوطن باذنه تعالي
يالمناسبة حسني مبارك من اكتر الناس اللي اذوا البلد وسعي بغباء لتحقيق المخطط الامريكي وهو السبب الرئيسي في انتشار الفساد والواسطة والمحسوبية وحشع رجال الاعمال وغل يد الحكومة وقطع اطرافها ونشر الفقر والمرض والظلم بسبب تعديلات القوانين لتحقيق مكاسب لفئات بعينها علي حساب باقي الشعب
حسني مبارك رغما عن انه بطل من ابطال اكتوبر لكن عامل اساسي في سقوط البلاد وضعف الجيش وزيادة الديون وتأكل الارض الزراعية وسوء الجهاز الاداري وفسادة للدولة
حسني مبارك بالمراجعات سمح لفصيل نشأ بايادي المخابرات الانجليزية وترعرع في احضان السي اي ايه ولا يعرف حاجة اسمها مصر ولا اسلام ومصلحة الفصيل فوق كل اعتبار حتي بالكذب والخديعة والقتل والتاريخ يشهد والاحداث الجارية علي نية الفصيل دة واستحالة هيرجع او تتاح له الفرصة تاني والا يبقي غباء وجهل وارادة لتدمير الدين قبل البلاد

دلوقت مصر بتحارب نفسها-جيش و شرطة و جماعات من المصريين نازلين طحن فى بعض و بقية الشعب بيتفرج على الماتش و يشجع

ينهار اسود مصر بتحارب نفسها وجيش وشرطة وجماعات مين وهل اللي بتمسكوا ويتقتلوا في سيناء مصريين ولما هما مصريين بيعملوا اية في سينا وبيهاجموا الجيش والشرطة ليه .. ولا حضرتك بتصدق اغتصاب السيناويات وقتل الشيوخ والاطفال واكاذيب الاعلام الاخواني العتيد ...يااستاذي انزل سيناء وروح لحد رفح وشوف الوضع وبعد كدة اتكلم يمكن تعترف بكذب الاعلام الاخواني ويرتد لك بصيرتك وتهدأ بالا
بس حلوة مصر بتحارب نفسها جايبها منين دي

[AlphaCharlie]

ينهار اسود مصر بتحارب نفسها وجيش وشرطة وجماعات مين وهل اللي بتمسكوا ويتقتلوا في سيناء مصريين ولما هما مصريين بيعملوا اية في سينا وبيهاجموا الجيش والشرطة ليه .. ولا حضرتك بتصدق اغتصاب السيناويات وقتل الشيوخ والاطفال واكاذيب الاعلام الاخواني العتيد ...يااستاذي انزل سيناء وروح لحد رفح وشوف الوضع وبعد كدة اتكلم يمكن تعترف بكذب الاعلام الاخواني ويرتد لك بصيرتك وتهدأ بالا
بس حلوة مصر بتحارب نفسها جايبها منين دي

هو انت مش شايف الي بيموت كل يوم؟
هي التفجيرات دي واخرها في شارع الهرم - حسب ما تابعت - مش في مصر ولا بلد تانيا؟
هو السيسي والحكومة مش في محفل دولي او محلي بيقولوا اننا في حرب وبيروجوا للحرب علي الارهاب؟
وزير الخارجية في كل دولة يروحها وكل وفد اجنبي يقابله يصرح ان مصر بتحارب الارهاب؟
الاسلحة الي بناخدها من امريكا طائرات اباتشي واف 16 مش علشان الحرب في سيناء علي الارهاب؟
في رفح والشيخ زويد والعريش هل مر شهر دون قتلى سواء من الجيش او من الجماعات المسلحة تحت اس اسم؟
في النهاية كل دا اعلام اخواني؟
علي اساس ان الرئيس والحكومة والجيش والاعلام اخوان مثلا؟

[Abo_Mazen]

ابو مازن حبيب قلبي ولو تسمحلي هاعمل هنتاية صغيرة كدة
شوف ياسيدي ...فية كتاب كنت قريتة من فترة عن المخابرات الامريكية وكيفية تفكيك الدول
والخطوات سهلة وبسيطة جدا بتبتدي بالحاكم وتفسدة وتجعل له بطانة سوء وتشجع اتجاة تاني مضاد تحت اي مسمي ديني ديموقراطي انساني شيوعي وسطي ابريلي اي مسمي المهم يكون معاكس وتنمي الاتجاة دة بمعاونة كارثة العصر الشبكة العنكبونية العتديدة والتي كانت مخصصة للجيش والمخابرات الامريكية في الاساس وعلية مواقع التواصل الاجتماعي والاتصالات والحلويات كلها باسم حرية الاتصال والحصول علي المعلومات وهي سم في عسل الحصول علي معلومة
وبالتالي فيدوهات الشرطة والتعذيب والتنكيل مش بعيدة عن دة ولعلمك لسة بيتعمل ويكل مكان سواء الحجز في الاقسام والمراكز لغاية السجون بس السؤال وحط تحت دة 100 خط
حضرتك لو اتعاملت مع احد عتاة الاجرام والبلطجية وبعض الفئات الاجرامية هتفهم الكلام دة وهتعرف ان فية غئة لا تؤمن باي دين ولا اخلاق ولا اي حاجة وان القتل اسهل حاجة لة عجبتة حاجة معاك ويتحمل التعذيب لدرجة انت نفسك تذهل دة بيستحمل اللي بيتعمل فية ازاي وكل دة علشان تعرف منه خفي جثة فين او مسروقات او واحد او واحدة مخطوف ومتاويه...ياابو مازن مش كل الناس ملايكة وصدقني فية شياطين من البشر تقشعر منهم ومن افعالهم الابدان عتاة مجرمين بجد ولو جربت التعامل معاهم لن تاخذك شفقة ولا رحمة بهم ابدا اكاد اجزم باليقين علي ذلك
وتأكد ان الكلام دة مابيتعملش مع اي حد انما عينة بعينعا يعلمها كل ضابط مباحث او امن دولة جيدا ولو تشوف التحقيقات والاهوال التي بتسجل فيها هيقف شعر دماغك من قسوة جرائم الفئة دي والتي اسهل حاجة عندهم البكاء والكذب وادعاء انة بيتعذب لكن ولا حاسس بحاجة

تؤ تؤ تؤ تؤ ...أختلف معاك كليا وجزئيا وضمنيا ...

مفيش أي عقوبه ربنا فرضها فيها تعذيب ...

الأولى إن ربنا كان فرض عقوبات على الجناه فيها تعذيب

خد عندك مثلا ..

الزاني ..سواء أعزب أو متزوج ..عقوبته مفيهاش تعذيب ...سواء أعزب..لو شفت شروط الجلد هتلاقي إن هي لا تهدف للتعذيب أكتر من إنها بتهدف للفضيحه ..أو متزوج ..هتلاقي إن نهايتها الموت

السارق ..عقوبته قطع يده بدون تعذيب

شارب الخمر ..عقوبته الجلد ..زي الزاني الأعزب

الأهم بقى من ده كله ..إمكانية إثبات الجريمة ..يا سيدي عشان حضرتك توصل لمرحلة إنك تثبت جريمة سرقة على سارق وتحكم عليه بقطع يده ..دي مش سهلة أبدا ..ومش أي قاضي هو اللي يحكم بيها ..هو أصلا القاضي في الإسلام له شروط أنا مش بصدد نقاشها هنا بقدر ما أنا بصدد إن مش من حق أي حد أيا كان ..إنه يعذب إنسان حتى ولو قتل 99 نفس ..مش من حقك إنك تعذبه ..فما بالك بقى لو كنت إنت أصلا مش جهة إصدار حكم ..ولسه القضية فيها تحقيقات ..وحتى لو كنت متأكد ورأيته رأي العين إنه فعل كذا وكذا ..في برضه قاضي ..تروحله وتشهد أمامه ..مش هي دي الإنسانية برضه ؟؟..أنا مش عاوز أقول مش هو ده الإسلام برضه ..عشان ما أبقاش بختص نفسي أو بختصك بالسؤال بما إننا مسلمين ...لكن أنا بسأل على الحاجه اللي كلنا مشتركين فيها ..وبقول ..مش هي دي الإنسانية برضه ..؟؟؟؟

[Abo_Mazen]

ينهار اسود مصر بتحارب نفسها وجيش وشرطة وجماعات مين وهل اللي بتمسكوا ويتقتلوا في سيناء مصريين ولما هما مصريين بيعملوا اية في سينا وبيهاجموا الجيش والشرطة ليه .. ولا حضرتك بتصدق اغتصاب السيناويات وقتل الشيوخ والاطفال واكاذيب الاعلام الاخواني العتيد ...يااستاذي انزل سيناء وروح لحد رفح وشوف الوضع وبعد كدة اتكلم يمكن تعترف بكذب الاعلام الاخواني ويرتد لك بصيرتك وتهدأ بالا
بس حلوة مصر بتحارب نفسها جايبها منين دي

خلي بالك ..إنت بدأت أهو تستقطب نفسك في الحوار

إنت بتنكر إن في جرائم بترتكب ضد الشعب السيناوي ..وشايف إن السيناوية إرهابيين ...وشايف إن الإعلام إخواني ..وشايف إن الإخوان حاولو يستولوا على الحكم في البلاد ..مع إنك مكنتش شغال وقتها في المخابرات مثلا ..أو مامعاكش دليل رسمي ماسكه في إيدك زي تسجيلات لمقابلات أو تسجيلات لإجتماعات في قاعات مغلقه للعياط مثلا يعني ..معلش بقى ..طبيعي لما ألاقي حد بيتكلم كده ..وأنا مش بتكلم عن نفسي ..أنا بتكلم عموما ..لما حد يلاقي واحد بيتكلم بنفس طريقتك ..أكيد هيكون رده ..طيب هو مين اللي عمل كده ؟؟؟طيب هو مين اللي وصلنا لكده ؟؟؟؟...وهو بيسأل الأسئلة دي وفي عقيدة نفسه إن الجيش والشرطة اللي وصلونا لكده ...فخلي بالك ..لإن أنا لما طرحت الموضوع كنت بكتبه وعارف إن في ناس ماتت من هنا وناس ماتت من هنا ..وإتكلمت عن ضابط جيش تم إستيقافه وضربه في دماغه برصاصة من الدواعش ..وصعب عليا جدا لما قالهم ..حرام عليكم أنا مراتي حامل ..وحتى لما ناس فرحت فيه وبررت وقالت أحسن ..ذنب كل الأطفال اللي ماتو..على أساس إن كان شغال في المعبر وكان بينفذ تعليمات حجز الفلسطنيين في بلدهم أيام الحصار ..كان بيبقى ردي ...ومين اللي يقول إن ده جزاءه ..؟؟

أنا بناقش هنا موضوع إنساني ..أو تقدر تقول موضوع إتحول إلى لا إنساني