مش عارف اشوف كويس و كمان غرمت فلوس

[ali ashraf]

السلام عليكم من زمان و انا بأستعمل نظارات نظر, حسيت ان الرؤية محتاجة كشف جديد, عملت كشف نظارة فى مكان "يفترض انه كويس فى المعادى" ب 200 جنية و رحت عملت عدسات جديدة زجاج لأنى مش مقتنع بالبلاستيك ب 340 جنية و استخدمت الشنبر القديم و كنت بستعمل نظارة تانية اثناء عمل الجديدة....المهم جيت استعمل الجديدة لقيت الرؤيه اسوأ بكتير من القديمة..... الحقيقة انا متغاظ و زعلان و حمدت ربنا ان معى نظارة تانية قديمة ... ودلوقت لازم اعمل جولة بين مكان الكشف و مكان عمل العدسات " و لو ان العدسات عملتها عند المغربى و من زمان بتعامل معه و مفيش مشاكل " انما المركز اللى اخذ مقاس العدسات اول مرة اتعامل معه بس مش عارف هم ممكن يعيدوا الكشف مجانا و يصلحوا الخطأ فى الكشف بس مين يتحمل تمن العدسات الغلط.....

[volociximab]

المفروض انك بعد ما بتعمل النظارة بترجع للمركز ليكشف على النظارة و مدى مطابقتها للكشف لان ممكن محل النظارات يخطىء
و هذا يتم عمله حتى فى عيادات العيون فى القرى
خذ النظارة و اذهب الى مكان الكشف ليكشف على مطابقتها

[Bassem Youssef]

معدش في ضمير و لا مفهوميه ... حسبي الله و نعم الوكيل

[ali ashraf]

ده اللى ناويت عليه

المفروض انك بعد ما بتعمل النظارة بترجع للمركز ليكشف على النظارة و مدى مطابقتها للكشف لان ممكن محل النظارات يخطىء
و هذا يتم عمله حتى فى عيادات العيون فى القرى
خذ النظارة و اذهب الى مكان الكشف ليكشف على مطابقتها

الحقيقة مفيش حل تانى هو ده اللى هعمله بس الحر الشديد هو اللى كسلنى هروح للمركز و اقول لهم مش شايف كويس بالعدسات الجديدة و ان كنت ارجح خطأ المركز الطبى مش عمل العدسات نفسها انما ده مجرد احساس يمكن اكون غلطان لما اروح المركز هبلغكم .....بس يا ربى يعنى كل حاجة اصبحت مشكلة و لازم ليها " ديل" نجرى وراه......

[javierzanetti]

انا حصلت معايا نفس المشكلة دى - اول ما جربت النظارة الجديدة مكنتش شايف كويس و حاسس انى مش متوازن كانها بتقرب الحاجة اوى المهم روحت عند مغربى اتاكد من النظارة طلعت سليمة فركنتها شوية و بعدين كنت فى اجازة قولت اجربها و افضل لابسها ف البيت و يومين و لا حاجة كدا بقيت اشوف بيها زى الفل - اعتقد الفكرة كلها تعود على الكشف الجديد بما ان نظرك بقى اضعف

[طارق _عبد السلام]

بتحصل معايا لو الكشف الجديد مقاساته متغيره بصراحه مبستحملهاش وبرجع للقديمه لانى
بدوخ وبطنى بتتقلب

[ali ashraf]

أعتقد الوضع مختلف

انا حصلت معايا نفس المشكلة دى - اول ما جربت النظارة الجديدة مكنتش شايف كويس و حاسس انى مش متوازن كانها بتقرب الحاجة اوى المهم روحت عند مغربى اتاكد من النظارة طلعت سليمة فركنتها شوية و بعدين كنت فى اجازة قولت اجربها و افضل لابسها ف البيت و يومين و لا حاجة كدا بقيت اشوف بيها زى الفل - اعتقد الفكرة كلها تعود على الكشف الجديد بما ان نظرك بقى اضعف

المشكلة عندى ان مش فى التقريب و البعد لكن الصورة زى متكون مهزوزة و كان الفنى عند المغربى لفت نظرى فى حاجة لما اعطيته الكشف الجديد قال لى غريبة الاستجماتزم كان عنك 0.5 بقى 1.5 و استغرب من الفرق الجامد و قلت له ساعتها اكيد اللى عمل الكشف هو اللى هيعرف لأنى معرفش فى حاجة كده
الان استرجعت حديث الفنى و بفكر يكون موضوع الاستجماتزم ده هو السبب بس لما اروح المركز هعرف و ابلغ حضراتكم

[Abo_Mazen]

الإنسان خطأه وارد ..

حصلت معايا قبل كده من عشرين سنة ..الفني بتاع النضارات قلب الكشف ..يعني حط اليمين مكان الشمال والشمال مكان اليمين ...


خطأ عادي وبيحصل..تروح المركز الطبي اللي عملت في المقاس وبعدين تروح لفني النضارات ..وارد إن الخطأ عن أحدهم