استفسار عن كليات حاسبات ومعلومات الخاصة وعلوم فسم حاسب آلي

[نور القمر]

كنت عايزة اخد رأيكم في الجامعات الخاصة مش المعاهد بالنسبة لكليات الحاسبات والمعلومات
ايه افضل الجامعات القريبة من الهرم بتدرس البرمجة في حال لا قدر الله ابني ملحقش حاسبات ومعلومات حكومية ويكون رنج المصاريف 20 الف على الاكثر
وهل علوم قسم حاسب آلي بيدرسوا فيها برمجة وهل الدراسة فيها ترتقي لحاسبات ومعلومات
هو في كل الاحوال مش هايعنمد على الكلية كليا لتعلم البرمجة لانه عنده اساسيات في كذا لغة وهايكون والده هو المرجع لتعليمه لكن وجود شهادة في التخصص مهمة
ابني جايب 92 تقريبا علمي رياضة وبالاطلاع على ورق الاجابة في التظلم المفروض مجموعه يزيد شوية ان كانت اجراءات التظلم نزيهة

[Ahmed_Morsy]

ربنا يوفقه ويلحق باذن الله
بس حضرتك تقصدی 20 الف فی السنة ولا توتال ؟
لو 20 الف فی السنة ليه مش يدخل هندسة خاصة ولو حتی هو حابب كمبيوتر يدخل اتصالات واسمه هيكون مهندس وفرص الشغل هتكون كويسة احسن من حاسبات خصوصا ان حضرتك بتقولی انه محتاج الشهادة مش اكتر وانه هيعتمد علی نفسه
الا لو هو حابب حاسبات وغاوی المجال ده جدا

[نور القمر]

ربنا يوفقه ويلحق باذن الله
بس حضرتك تقصدی 20 الف فی السنة ولا توتال ؟
لو 20 الف فی السنة ليه مش يدخل هندسة خاصة ولو حتی هو حابب كمبيوتر يدخل اتصالات واسمه هيكون مهندس وفرص الشغل هتكون كويسة احسن من حاسبات خصوصا ان حضرتك بتقولی انه محتاج الشهادة مش اكتر وانه هيعتمد علی نفسه
الا لو هو حابب حاسبات وغاوی المجال ده جدا

20 في السنة
هو حابب حاسبات ودماغه شغاله في المجال ده جدا ده اولا
ثانيا الهندسة الخاصة اغلى من حاسبات وحتى لو كان جايب مجموع همدسة حكومة مكنش هايدخلها
بس احنا متخوفين الكليات الخاصة يكون مجال الدراسة فيها مركز على نظم اكتر من معلومات خصوصا ان اكتر من كليه اسمها داخل فيه كلمة نظم

[أحمد كمال]

حاسبات و معلومات خاص = كنافة ...... بطيخ .... و لا ليها اي لزمة

[egyptawy2010]

92 ان شاء الله اكيد هيلحق حكومة

النهاردة كنت فى جامعة مصر الدولية اعتقد بمجموعة ده ممكن ياخد تخفيض 15 %

هى مصاريفها 29

[نور القمر]

حاسبات و معلومات خاص = كنافة ...... بطيخ .... و لا ليها اي لزمة

انا معاك انها كنافة بس ما باليد حيلة لو ملحقش حكومة
انت ايه رأيك في علوم قسم حاسب؟
بيدرسوا برمجة ولا نظامهم ايه
وبعدين زي ماقلت هو بالنسبة له الكلية مجرد شهادة
باباه وعمه مبرمجين كويسين وهم شهاداتهم مش في البرمجة وعندهم برامج ويب ابلكيشين ضخمة وعمه اكتر مسيطر على سوق العقارات في مصر ودول خليجية ببرنامج كان شغال عليه وبيطوره من وهو طالب واحمد شارب منهم حب البرمجة

[نور القمر]

92 ان شاء الله اكيد هيلحق حكومة

النهاردة كنت فى جامعة مصر الدولية اعتقد بمجموعة ده ممكن ياخد تخفيض 15 %

هى مصاريفها 29

ربنا يكرم يارب بس المؤشرات بتقول انها من ٩٣

[نور القمر]

محدش عنده مهلومات ؟