استشارة في بناء عمارة سكنية

[ghost11]

السلام عليكم ورحمه الله وبركاته


ان شاء الله هابدا في بناء عمارة سكنية من 6 ادوار علوية هي مساحه الارض 135 متر والدور علي شقة واحدة طبعا بس كنت حابب اسال كام سوال ويا ريت اللي عنده خبره يفيدني جزاه الله خير

1- اولا بالنسبة للاساسات هل لازم لبشة وكم تكلفتها تقريبا
2-تكاليف بناء 6 ادوار وتشطيب ةتقفيل متوسط بكم يكلف او كيفية الحسبة

اي حد عنده نصيحه ما يبخلش بيها

[amr011111]

السلام عليكم ورحمه الله وبركاته


ان شاء الله هابدا في بناء عمارة سكنية من 6 ادوار علوية هي مساحه الارض 135 متر والدور علي شقة واحدة طبعا بس كنت حابب اسال كام سوال ويا ريت اللي عنده خبره يفيدني جزاه الله خير

1- اولا بالنسبة للاساسات هل لازم لبشة وكم تكلفتها تقريبا
مش لازم لبشه طالما 6 ادوار ومش ناوى تزود
هتبقى قواعد منفصله مرتبطه بسملات
2-تكاليف بناء 6 ادوار وتشطيب ةتقفيل متوسط بكم يكلف او كيفية الحسبة
بالنسبه لتكلفة البناء قول سعر طن الحديد وطن الاسمنت وصل لكام واقولك التكلفه
بالنسبه لتشطيب متوسط للشقق يعنى سيراميك ودهانات وكرانيش ومصيص هيبقى فى حدود 50 الف جنيه
اي حد عنده نصيحه ما يبخلش بيها

[ghost11]

شكرا علي ردك السريع استاذ عمرو وربنا يباركلك

سعر الحديد 4700 والاسمنت 580

[amr011111]

شكرا علي ردك السريع استاذ عمرو وربنا يباركلك

سعر الحديد 4700 والاسمنت 580

السقف الواحد بالاعمده بتاعته هيتكلف فى حدود 45 الف جنيه
يبقى عندنا 6 اداور والاساسات تتحسب دور يبقى كله سبعة اداور فى 45 الف جنيه
يبقى المبنى كله يتكلف فى حدود من 315 الف جنيه
طبعا ده خرسانات فقط يعنى هيكل فقط
من غير طوب

[ghost11]

يعني تقريبا العمارة كلها من الالف الي الياء تتكلف 700 الي 750 الف كده مظبوط ولا انا غلطان

[amr011111]

أه فى حدود 750 الف جنيه كهيكل خرسانى فقط وتشطيب شقق يعنى ضيف كمان 50 الف طوب ده غير تشطيب السلم والواجهات ده غير سباكة العماره والموتور والتقديم على الكهرباء والعدادات وهكذا

[ALYSALIM]

متر البناء بيتحسب ازاي ياهندسة؟

[ghost11]

شكرا جزيلا ليك وربنا يعينا بقي علي المصاريف دي كلها

[MaZaGAngeE]

متر البنا و التشطيب و الخرسانات بيكلف 2000 مونة و اجرة ..
و الاساسات تعتبر دور في المصروفات ..

[JOHN YOUSSEF]

متر البنا و التشطيب و الخرسانات بيكلف 2000 مونة و اجرة ..
و الاساسات تعتبر دور في المصروفات ..

بس انا اسمع ان الاساسات بتكلف اغلى من الدور ... دا صحيح ولا ايه


يعنى انا عندى ارض 600 متر فى العبور و البناء على 400 متر على شقتين كل واحدة 200 متر بس صافى الشقة بيبقى حوالى 160 بعد ماتشيل المدخل و المناور و الادوار بتكون ارضى و دورين و روف
يبقى كدة لو اعتبرناهم ارضى و 3 ادوار و كمان الاساسات دور يبقى كدة كله 5 ادوار مضروبين فى 400 متر
يبقى التكلفة الكلية للخرسانة بس و الاساسات 670 الف
صح كدة

[ahmedhcl]

هذة تختلف من بناية لاخرى حسب تشطيبك

[MaZaGAngeE]

بس انا اسمع ان الاساسات بتكلف اغلى من الدور ... دا صحيح ولا ايه


يعنى انا عندى ارض 600 متر فى العبور و البناء على 400 متر على شقتين كل واحدة 200 متر بس صافى الشقة بيبقى حوالى 160 بعد ماتشيل المدخل و المناور و الادوار بتكون ارضى و دورين و روف
يبقى كدة لو اعتبرناهم ارضى و 3 ادوار و كمان الاساسات دور يبقى كدة كله 5 ادوار مضروبين فى 400 متر
يبقى التكلفة الكلية للخرسانة بس و الاساسات 670 الف
صح كدة

بتضرب في اللي هتبنيه… متحسبش المساحات الفاضية… ده تقدير لبنا فعلي من كام شهر كده ..

[MaZaGAngeE]

670 الف ده رقم قريب للفعلي حاليا .. للهيكل الخرساني بس من غير مباني ولا تشطيبات ..

[amr011111]

بس انا اسمع ان الاساسات بتكلف اغلى من الدور ... دا صحيح ولا ايه

فى المبانى السكنيه لحد 6 اداور بتبقى الاساسات تقريبا بنفس تكلفة الدور لان الاحمال بتبقى قليله على الاساسات وده بيسمح ان الاساسات تبقى عباره عن قواعد منفصله بها حديد سفلى فقط
بخلاف لو ان المبنى 12 دور فبتكون الاحمال على الاساسات كبيره وبتكون ساعتها الاساسات عباره عن لبشه مسلحه ( حصيره ) واللبشه بيبقى فيها حديد سفلى وحديد علوى وحديد إضافى كمان وبيبقى سمكها اكبر من متر فبيبقى تكلفتها اعلى من تكلفة الدور اللى بيبقى سمك السقف فيه غالباً 20 سم لو كانت فلات سلاب