السياحه الدخليه

[Hussein_Ramdan]

الصراحه العيال عاملين عليه ثوره فى البيت وعايزين يخلعونى ههههههههههه
وانا عمرى ما صيفت الا السنه الى فاتيت وطلعت الغردقه ونزلت فى موفنبيك والصراحه المكان يكيف الباشا وانا خارج بردو وبحاسب اتكيفت تانى ههههههههههههههه
المهم واحد صحبى قالى كنت طلعت معا شركه سياحه كانت جابت ليك الفندق بسعر اقل وكمان كانت نظمت ليك رحلات حلوة احسن من هناك الصراحه كنت بطلع كده معا ناس غريبه واسعار غريبه ومره تطلع حلوة ومره تطلع وحشه
هل اطلع معا شركه ولاة اطلع معا نفسى
ولو شركه ترشحو ليا ايه

[Hussein_Ramdan]

والصراحه انا عايز مكان يكون فى مناظر حلوة اكتر من البحر عشان انا اصلا مش بعرف اعوووووم
يعنى مثلا سانت كاترين الدنيا فيها ايه هنا

[محمد بلال]

انا الاولاد مطلعين عيينى على المصيف

[emam]

فى شركة اسمها هاميس للسياحة فى 6 اكتوبر بتنظم رحلات كويسه وبتعمل برنامج للرحلة واسعار معقولة

[A.Saad]

احجز من بوكينج
شوف شاليهه بيكون ارخص من الفندق

[Hussein_Ramdan]

ايه موضوع شاليه ده مش فاهم بس للاسف انا عايز خدمات زاى فطار وغداء وخدمه وكده

[magid1010]

هاميس ترافيل مدينة 6 اكتوبر :: الرئيسيةهاميس ترافيل مدينة 6 اكتوبر :: الرئيسية

[sasatony]

شركات السياحة بتعمل عروض حلوة جدااا
دور في النت علي مواقع خاصة بالمصايف وكده وهتلاقي عروض كتير اووي

[A.Saad]

ايه موضوع شاليه ده مش فاهم بس للاسف انا عايز خدمات زاى فطار وغداء وخدمه وكده

يبقى الشاليه مش هينفع

[ahmed_eng2001]

هاميس ترافيل مدينة 6 اكتوبر :: الرئيسيةهاميس ترافيل مدينة 6 اكتوبر :: الرئيسية

هاميس ترافيل ليهم قرى و فنادق متعاقدين معاهم ... و خاصة فى شرم الشيخ .. و ممكن يعملوا لحضرتك اوفرات و حجوزات لشرم .... و ممكن يعملك حجز عادى لأى فندق انت عاوزه فى اى حته تانية... بس ميبقاش ليهم علاقة بيه اوى ... كنت سألتهم على حجز فى بعض الفنادق .. و ردوا انه مش حينفع علشان كله محجوز ... و لما دورت على بوكينج .. وجدت اماكن !!!!

[ahmedhcl]

المصيف وقتة الايام دى فى الجو الى احنا فية دة

[just4cadbury]

ده احسن موقع وهو عبارة عن تجميع لكل رحلات شركات السياحة في مصر
خش علي الرحلات الداخلية واختار المدينة وعيش
ترافل يالا.كوم دليلك للعروض السياحية |رحلات شرم الشيخ,الغردقة,حج وعمرة
اطلع علي شرم الشيخ فيها Nightlife اكتر وفيها watersports , ومش شرط تكون بتعرف تعوم وسفاري وقاعدة وعشاء بدوي وكروز والف ليلة وليلة كلها عروض واكلها تحفة وفي عروض للدولفين عشان الاولاد وفيه السوق القديم في اماكن للكال جميلة واسعارها رخيصة وتقدر تطلع سان كاترين بس صعبة شوية في الحر ده
نصيحة اختار اوتيل فايف ستارز ويكون في الداون توان عشان السياحة في جنوب سينا واقعة والاسعار رخيصة نسبيا والاوتيلات زحمة مش هتبقي براحتك انما في الفايف ستارز هترتاح اكتر

[Hussein_Ramdan]

انا شايف فعلا ان شركه هاميس عامله عروض حلوة بس عيب موقع يلا ترفيل انو جايب كل الشركات يعنى مالوش علاقه ان الشركه دى كويسه فى المعامله او لاء
حد اتعامل معا شركه هاميس دى قبل كده يعنى الاتوبسات بتاعتهم نضيفه والمعامله كويسه ولاة ايه

[Hussein_Ramdan]

ايه احسن مكان فى شرم عشان اكتر من مكان زاى خليج نعمه واكتر من مكان تانى ايه المكان الحلو واسعارو متكونش مولعه

[ahmed_eng2001]

انا شايف فعلا ان شركه هاميس عامله عروض حلوة بس عيب موقع يلا ترفيل انو جايب كل الشركات يعنى مالوش علاقه ان الشركه دى كويسه فى المعامله او لاء
حد اتعامل معا شركه هاميس دى قبل كده يعنى الاتوبسات بتاعتهم نضيفه والمعامله كويسه ولاة ايه

فيه بعض اقاربى راحوا رحلة مع هاميس .... و بيتكلموا ان ترتيبهم للرحلة كان جيد جدا ....

و على ما اعتقد ان هاميس شركة حجز و تنظيم رحلات ... و لا تمتلك اوتوبيسات .. و لكنها تقوم بالحجز و التنظيم