في حمامات سباحه بفلوس؟

[4fun14]

ليا واحد صاحبي عنده الغضروف بشكل مزمن ومحتاج ينزل حمام سباحه بشكل منتظم بس هو مش مشترك ف اي انديه رياضيه.. هل في ف الاقاهره عموما او مدينه نصر خصوصا مكان يسمح للناس باستخدام البيسين ف مقابل فلوس سواء باشتراك شهري او باليوم؟
ممكن حد يساعدني؟

[amr011111]

الف سلامه ليه
وخليه يسأل فى نوادى القوات المسلحه

[4fun14]

انت عاوز ابناء القوات المسلحه ينزلوا المياه مع الغوغاء من المدنيين؟ بتهذر يا كوتش

[kh_fawzy]

كل نوادي القوات المسلحة مسموحه للمدنيين بفلوس

[4fun14]

مسموح الدخول.. بس نزول حمام السباحه مسموح بيها ف انديه ايه؟

[Karim Alaa]

كل الانديه الى فيها حمامات سباحه يروح نوادى 6 اتوبر كلها لو الحمام شغال عادى هيستخدمه

[4fun14]

ياريت.. دي تباه فرجت من واسعه

[حمادة الاسمر]

لو عايز مكان طبى متخصص
مركز تأهيل العجوزة تابع للقوات المسلحة فية علاج مائى مع طبيب متخصص فى شكل جلسات

[Mostafa Bedo]

لو ف مدينة نصر في حمام سباحة مغطي في حته اسمها الوفاء والامل والساعة ب 25 والمياة جميلة هناك والدخول من برة بالعربية يكون افضل عشان مسافة كبيرة من البوابة لحمام السباحة اسمها جمعية الوفاء والامل لمصابي الحرب تقريبا بس هي مفتوحة للمدنيين ولو عاوز رقمهم للاستفسار عن اي حاجة ابعتلي وانا ادهولك لو ممنوع هنا

[4fun14]

ياريت الرقم.. مش ممنوع ولا حاجه

[hesham fawzy h]

كلة بالحب

[A.Saad]

ههههههه
كلهم طلعوا بتوع الجيش
كيدا فى الخونة الفجرة

[Mostafa Bedo]

ياريت الرقم.. مش ممنوع ولا حاجه

اسمهم عالم الرياضة
والرقم اهه
01017604052
وربنا يشفي كل مريض

[MaZaGAngeE]

اسمهم عالم الرياضة
والرقم اهه
01017604052
وربنا يشفي كل مريض

عالم الرياضة مش جيش… همه كانوا مأجرين من جمعية الوفاء و الامل بتاعة المكفوفين قبل ما الجيش يحط ايده علي الارض كلها و الجمعية و يسميها المحاربين القدماء و همه شفتلين من 10 سنين و بياخدوا من اول سنتين في السباحه لحد 9 سنين للبنات و اظن للولاد بياخدوا لحد سن اكبر من كده كتير و كمام ممكن تأجر وقت في الحمام وتجيب المدرب بتاعك او تطلب مدرب من عندهم و كلهم هناك مستوي فني ممتاز جدا ..