Tweet
حكمة اتعلمتها الصديق الحقيقى هيكون بعد سن 30
-
-
اروح احتفل النهاردةComment
-
ربنا يصلح حالك يا اخ مودى .! ويرزقك الزوجة الصالحة عما قريب . !Comment
-
شكرا للدعاء يا باشا و ربنا يتقبل منك و يجازيك خير علي دعائكالمشاركة الأصلية كتبت بواسطة sting_2010 مشاهدة المشاركةComment
-
-
المشكله اني فعلا حاسس اني عندي اكتئاب فعلياالمشاركة الأصلية كتبت بواسطة volociximab مشاهدة المشاركة
لا بستمتع بأي حاجه و لا حتي لما بخرج او بسافر بكون مبسوط
حاسس اني عايش بلا هدف ولا معني زي ثور في ساقيه
لا بتقدم في حياتي الخاصه( مش عارف اكون بيت و لا اسره و لا عندي اصدقاء اقضي معاهم وقتي) و لا حياتي العمليه ( بسبب عدم وجود اماكن متاحه للترقي)
ساعات بحس ان الموت احسن ليا لأني مش شايف اي متعه او هدف من الحياه
مش عارف اخرج من اللي انا فيه ازايComment
-
و لما تتجوز هتحس برضه بالاكتئاب و ستضع الزواج و مسؤليته احد اسباب ذلك
انصحك تبحث عن علاج للاكتئاب
انت عرفت الاكتئاب بنفسك---فقدان لذة الحياة
انا متردد انى اخد العلاج لانه بوليكه و انا مش عاوز وجع دماغ بس شكلى هاخده فى الاخر[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
يعني تقصد اروح لدكتورالمشاركة الأصلية كتبت بواسطة volociximab مشاهدة المشاركة
بس انا اعتقد ان الاكتئاب ده عن معظم الناس
و مش بشوف حد بيروح لدكتور
طيب ايه العلاج اللي المفروض الواحد يخدهComment
-
انت وصفت حالتك بفقدان لذة الحياة و ده الاكتئاب
انت اضفت انك حاسس ان مفيش فايدة من حياتك-دى ممكن تكون مرحلة متقدمة من الاكتئاب
الدكتور لا عيب و لا حرام[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
الى حواليك عندهم نفس الشعور يبقوا مرضى بس مبيتعالجوش
انا باقولك انا عندى اكتئاب من 13 سنه[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
يا باشا المشكله في عدم وجود اصدقاء تقضي معاهم وقتك. تخرج معاهم تنبسط معاهم تخيل يبقى نفسك تخرج. من البيت و تقعد مع حد و تتفسح مع حد متلاقيش
ساعات انزل مع زمايلي في الشغل بس بتبقي نادره و بحس انهم بيخدوني معاهم مجامله و مش علشان هما عايزيني معاهم و كتير اوي مش. بيكلموني و مثلا لما يحبوا يطلعوا الساحل محدش فيهم يفكر يكلمني رغم انه ممكن. يكلم. غيري انا اكبر منهم بس مش بكتير بحوالي 5 سنين بس الموقف محبط جدا و محزن جدا مع اني مش بني ادم غلس بالعكس في ناس بتقول ان دمي خفيف بس رغم ذلك غير مدعوا في التجمعات الكبيره اخري كل كام خروجه ليهم يكلموني علشان اقعد معاهم علي اي كافيه ساعه و لا اثنين و مش قادر الومهم اصلهم في الاخر زملاء عملComment
-
عدم وجود الاصدقاء شيء طبيعي لكثير من الناس
انت دخلت جامعة و تركت اصدقاء الدراسة
و تركت الجامعة مع اصدقائك هناك
و ذهبت من شغل لشغل و كل شغل فيه ناسه
كلنا ملناش اصدقاء
انا لا اتكلم عن الظروف انا اتكلم عن الواقع النفسي انك حتى لو اتفسحت مش بتفرح زى الااول
لو اتقالت نكته مش بتضحكك و لو ضحكت بيبقى ظاهريا
الخبر الحلو و الوحش مش فارقين لان فيه انسداد نفسي
كل حاجة فى الحياة ملهاش طعم
ثم تدخل فى مرحلة
الانظواء
التشاؤم
الضعف النفسي بمعنى انك تصبح غير قادر على تتحمل الضغوط و بالتالى تهرب:
تهرب من المكان الراقى فى العمل لمكان اقل رقيا لانه اقل ضغوطا
عبادتك تقل لان العبادة فيها ضغط
مذاكرتك تقل لان فيها ضغط
احساس دائم بالارهاق
احساس بعدم وجود قيمة للحياة[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
انا شايف ان هنا تكامن المشكلة انت مش عامل لنفسك نمط فى الخروج والفسح ودائما تنتظر من الاخرين الدعوةالمشاركة الأصلية كتبت بواسطة mody1982 مشاهدة المشاركة
لازم تتغير يعنى اولا تضيف لنفسك احساس بالثقة وتحاول تعمل لنفسك عدة اماكن فى كافيهات او نوادى ويكون ليك مواعيد محددة اسبوعية تتواجد فيها وتحاول تدعوا اى معارف - معارف - زملاء عمل - وتلتزم بكدة لمدة شهر واحد حتى لو يومين كل اسبوع وتتصل باللى حواليك وتتعامل وتفتح حوارات ولو عندة مشكلة او مشوار تحاول تساعدة وتسمعلة كويس .....خلى بالك فى الاول هتلاقى استجابة اللى حواليك ضعيفة ,,,,بس مع الوقت هتلاقى ناس بتقرب منك وناس تبعد عنك .....وهتلاقى ناس مشغولة واللى عندة اهتمامات او مواعيد تانية .........كمل فى نفس الطريق مع الوقت هيزيد معارفك واصدقائك ,,,,,,بس نصيحة زى ما هتكسب اصدقاء بردة هتخسر اصدقاء تانيين ....مفيش مشاكل
كل ما توسع فى علاقاتك كل ما وقتك هيتشغل و تبدأ تحس باهتمامات الناس بيك بس الاول اهتم بيهم واسمعلهم وساعدهم على قد ما تقدر
لازم تعرف احنا اللى بنصنع السعادة لنفسنا ....عن طريق اننا نسعد اللى حوالينا ....وبالطريقة دة هما كمان يصدرولنا السعادة[SIGPIC][/SIGPIC] سبحان الله وبحمدة,,,,,,,, سبحان الله العظيم
ahmed1900 سابقاComment
-
بص ياباشا محدش مرتاح ( لقد خلقنا الانسان فى كبد ).
وكل واحد مننا مهما بان عليه انه سعيد الا انه هتلاقى حاجة معينه منغصه عليه عيشته وحياته كلها مهما كان عنده فلوس او متجوز وعنده اولاد او صحته كويسه او او او ........
اللى انت بتقوله ده شىء عادى لكن انت اللى مكبر الموضع جامد قوى وحطه قدام عينينك لانك معندكش حاجه تانيه تشغلك او تملى فراغك .
وزى ما الاعضاء قالوا لو عندك رياضة بتمارسها او عضو فى جمعيه خيرية او بتدرس او خاطب مثلا وبتفكر فى الزواج لو عندك اى حاجه تانيه تشغلم مكنتش كبرت المشكله للدرجه دى .
مشكلتك انك عندك وقت فراغ ( والفراغ ده نعمه من عند ربنا لازم تستغلها )فلو عرفت اواى تستغل وقت فراغك المشكله هتختفى تدريجيا .
وبعدين انت مشكلتك مع الصحوبية دى عاديه جدا لان انت كل همك انك تلاقى حد تخرج معاه والسلام .
ولكن مشكلتى انا وبعض الاعضاء انك ساعات بتبقى متضايق ومتلاقيش حد تشتكيله مع ان الواحد عنده اصحاب كتييير لكن بتخاف تتكلم مع حد لياخد الكلام ده ضدك فى اى موقف بعد كده او لانه ممكن يحطى لحد تانى اللى انت حكيتهوله وكده يعنى وصدقنى هى دى مشكلة المشاكل انك تحس انك حواليك كتير ولكن ساعة الجد تحس انك وحيد .
ياريت تكون فاهم قصدى .
وربنا يهديلك حالك .( ادخلوا مصر ان شاء الله امنين )Comment
-
تابع المباريات الاوروبيهComment
Comment