نفسي أنام بقى تعبت

[DreAmO]

يعني ايه أفضل صاحي 34 ساعه ..
وبعدين انام 10 بالليل فأصحي الساعه 1 بالليل ( 3 ساعات نوم )
وبعدين افضل صاحي 15 ساعه وانام 4 او 5 ساعات مع القلق واصحى
وبعدين افضل صاحي 12 ساعه وانام 4 ساعات .. وهكذا

انا في احسن حالاتي مش بنام اكتر من 6 ساعات يتخللها قلق مستمر وعدم راحه في النوم
واغلب الوقت 5 ساعات

ولو اتقلبت عالسرير وانا نايم وفتحت عيني فيمتو ثانيه بس .. خلاص كده مستحيل اكمل نوم

انا من سنين طويله عالحاله دي .. لكن بتقل في فترات وتنشط فترات تانيه
وفترات تبقى اوفر اوي اوي

مفيش اي حاجه مزعجه وانا نايم
الدنيا كحل .. صمت تام .. اغلب الوقت قافل الموبايل اساساً .. مش بشرب شاي ولا قهوه ولا بدخن .

وطبعاً الحاله دي بتخليني مش موجود في الوجود
يعني صاحي بس مش صاحي .. عايش بس مش عايش
لا عارف انام ولا عارف اصحى

جسمي ببقى حاسس انه بيشع حراره .. وريقي ناشف ودماغي مضغوطه في بعضها
والحاله العامه والمود سىء جداً .

أعمل ايه .. اشرب خل ولا اشرب سم ولا اعمل ايه

عايز انام .. أو أصحى .

[amr011111]

ألف سلامه ليك
وكان فيه موضوع هنا
عند احد الزملاء بيقول انه راح مركز بيوصلوا مجسات بيه تقريبا وينام طول الليل ويشوفوا ايه السبب اللى مش بيخليه ينام
حاول تدور على الموضوع ده

[Anaslbda]

Melatonin

[hugan]

هد نفسك في عمل جسماني شاق وانت تنام

[hesham fawzy h]

فى ضغوط عليك .. او قلقان من حاجة ؟

هل انت حاسس انك بتعمل حاجة غلط ولو شك بسيط هو سبب المشكلة دى

[Ah.Farid]

الحالة دة خطر جدا لان الجسم والمخ والاعصاب لازم يحتاجوا الى النوم .....عشان يقدروا يستمروا غير كدة ممكن يحصل مضاعفات

انا بقولك الكلام دة لانى عانيت فترة من هذا الارق والتوتر .....لازم تشوف دكتور باطنة يكتبلك على مهدىء يخليك تنام كويس ....وخالى بالك تغيرة كل فترة عشان متتعودش علية

انا لما زرت الطبيب قالى ان اسباب عدم النوم كتير ....بس فى حالتى كان التهاب الجيوب الانفية بيسبب اختناق يخليك تنام متقطع وتصحى كل ساعتين وبالتالى عدم انتظام فى النوم وتقوم مكسر وحالتك المزاجية مش ولا بد وممكن تتخانق على ابسط مشكلة

مع العلاج بقيت تمام التمام .....الواحد بيقوم رااااااايق وعامل دماغ من النوم تحس انك ممكن تحل اكبر مشاكل الكون
والحمد لله وربنا الشافى

[Bassem Youssef]

الحر بيعمل اقذر من كده ... بتنام في تكييف ؟؟؟ دماغك مشغوله بموضوع معين ؟؟؟

[marsguy]

يعني ايه أفضل صاحي 34 ساعه ..
وبعدين انام 10 بالليل فأصحي الساعه 1 بالليل ( 3 ساعات نوم )
وبعدين افضل صاحي 15 ساعه وانام 4 او 5 ساعات مع القلق واصحى
وبعدين افضل صاحي 12 ساعه وانام 4 ساعات .. وهكذا

انا في احسن حالاتي مش بنام اكتر من 6 ساعات يتخللها قلق مستمر وعدم راحه في النوم
واغلب الوقت 5 ساعات

ولو اتقلبت عالسرير وانا نايم وفتحت عيني فيمتو ثانيه بس .. خلاص كده مستحيل اكمل نوم

انا من سنين طويله عالحاله دي .. لكن بتقل في فترات وتنشط فترات تانيه
وفترات تبقى اوفر اوي اوي

مفيش اي حاجه مزعجه وانا نايم
الدنيا كحل .. صمت تام .. اغلب الوقت قافل الموبايل اساساً .. مش بشرب شاي ولا قهوه ولا بدخن .

وطبعاً الحاله دي بتخليني مش موجود في الوجود
يعني صاحي بس مش صاحي .. عايش بس مش عايش
لا عارف انام ولا عارف اصحى

جسمي ببقى حاسس انه بيشع حراره .. وريقي ناشف ودماغي مضغوطه في بعضها
والحاله العامه والمود سىء جداً .

أعمل ايه .. اشرب خل ولا اشرب سم ولا اعمل ايه

عايز انام .. أو أصحى .

جرب تعمل نظام غذائي خالي من الجلوتين

[Mohamed_Hamid]

"الحاله العامه والمود سىء جداً ."

انت قلت سبب مشاكلك. الهم والحزن بيطير النوم من عين اتخن تخين

عود نفسك يبقى عندك تحكم شوية فى مستوى الزعل بتاعك بحيث متبقاش ( متطرف ) فى الزعل لأنه انت لوحد اللى هتنضر.

روق واستهدى بالله وتوكل عليه وكله هيبقى تمام. كلنا عندنا مشاكل مفيش حد مش مرتاح فى الدنيا والراحة الأبدبة فى الجنة ان شاء الله كلنا صحبة مع أهالينا وأحبابنا مع النبى صلى الله عليه وسلم. :)

[خالد الشاذلى]

لو الموضوع طول معاك الاحسن تكشف وفى حبوب بتنيم كويس بس الاحسن تكون تحت اشراف دكتور

[Abo_Mazen]

كنت زيك ..شفت العذاب الوان ..الوهم كان هيقتلني


نصيحه .وخدها كده زي ما هي بدون تفاصيل



فسي دماغك

[DreAmO]

فى ضغوط عليك .. او قلقان من حاجة ؟

هل انت حاسس انك بتعمل حاجة غلط ولو شك بسيط هو سبب المشكلة دى

أه في ضغوط كبيره ومستمره وقلق وتوتر لابد منهم

واكيد هي أحد العوامل .. لكن مش للدرجادي .. يعني كل الناس عندها ضغوط وقلق وبتنام .

وعلشان الضغوط والقلق شىء لابد منه ملازم حياتنا .. كيفت عقلي ونفسيتي معاهم .

[DreAmO]

انا بقولك الكلام دة لانى عانيت فترة من هذا الارق والتوتر .....لازم تشوف دكتور باطنة يكتبلك على مهدىء يخليك تنام كويس ....وخالى بالك تغيرة كل فترة عشان متتعودش علية

انا لما زرت الطبيب قالى ان اسباب عدم النوم كتير ....بس فى حالتى كان التهاب الجيوب الانفية بيسبب اختناق يخليك تنام متقطع وتصحى كل ساعتين وبالتالى عدم انتظام فى النوم وتقوم مكسر وحالتك المزاجية مش ولا بد وممكن تتخانق على ابسط مشكلة

مع العلاج بقيت تمام التمام .....الواحد بيقوم رااااااايق وعامل دماغ من النوم تحس انك ممكن تحل اكبر مشاكل الكون
والحمد لله وربنا الشافى

ايوه انا حاسس ان في مشكله في جيوبي الانفيه ..
لكن مشكلتي لا بحب اروح لدكاتره ولا بحب اخد ادويه

وفعلاً النوم نعمه كبيره من عند ربنا

لما بتحصل في السنه مره وانام واصحى فايق واحس اني نمت
ببقى بني ادم تاني خالص .. والمشاكل بتتحل لوحدها وقدراتي في العمل بتزيد
وكل حاجه سالكه .

[DreAmO]

الحر بيعمل اقذر من كده ... بتنام في تكييف ؟؟؟ دماغك مشغوله بموضوع معين ؟؟؟

الحر وانا صاحي بس وشغال
لكن وقت النوم في تكييف شغال في الصاله ومش ببقى حران وانا نايم

الدماغ مشغوله ديماً في الف حاجه .. لكن وقت النوم بردو مش بحاول افكر في حاجه .

[DreAmO]

جرب تعمل نظام غذائي خالي من الجلوتين

مش عارف ايه هو الجلوتين ( إن شاء الله أبحث في المعلومه )
لكن مش باكل نهائي خارج البيت .. واكلي شبه خالي من الدهون
ومتجنب تماماً المخللات و اي اكل فيه ملح كتير .

و هي وجبه او جبتين في اليوم .