بتحوش ازاي

[Red_1024]

المدير بتاعي الله يكرمة
اقترح عليا اني علشان احوش احول جزء من مرتبي لاي عملة تانية دولار او ريال او غيرة
اية رايكم واقتراحتكم علشان انا في مشكلة جامدة جدا
الفلوس بيتطير في الهوا وانا لسة متجوزتش وعليا اقساط عربية وشقة؟؟؟؟؟

[ahmedalaahosny]

متابع باهتمام

[volociximab]

فكرة جيدة
بس عيبها انك لما تتزنق هتبيع بخسارة
فكرة حلوة هى الجمعيات

[Dr. Assem]

و مين قال لك اني عارف احوش اصلا

[ahmedfor3]

يعنى ايه تحويش اصلا

[Amr_MO]

التحويش أصلا حرام :d

[Bassem Youssef]

انا عشان احوش 1000 جنيه في الشهر بقضي نص وجبه العشاء بتاعتي نوووووووووووم :d :d :d

[hamo81]

زمان كان عندي مشكلتك دي
مرتبي بيطير في الهواء ومش عارف أتصرف في إيه ولا إيه
لحد ما قابلت مهندس زميلي قالي لازم تخصص مبلغ شهري ولو صغير 100 أو خمسين جنية تطلعهم صدقة ومن يومها جبت علبة صغير وكتبت عليها صدقة وحطيتها قدامي علشان أفتكر باستمرار وبقيت أعمل كل إلي نفسي فيه بالمرتب وأجي أخر الشهر ألاقي المرتب لسه فيه مع العلم إني عليا أقساط شقة وعربية وبعمل جمعيات والمرتب ربنا بيبارك فيه
ولو عايز تحوش بجد اشتري عقارات بالقسط ( شقق أو محلات أو حتى أرض ) الحجات دي عمرها ما بترخص

[mikho83]

المرتب باخده يوم 1 في الشهر، يوم 3 بيكون خلص :)

[A_H_M_A_D]

الحل الوحيد زي ما ذكر احد الاخوه هو الجمعيات

لانك بتستقطع المبلغ من المرتب في اول يوم في الشهر وبتظبط نفسك على الباقي طول الشهر

غير كده انسى انك تحوش جنيه

[Abo_Mazen]

الجمعيات ..بتخليك تمسك فلوس في الآخر فعلا

إتجوزت بالجمعيات

بدفع مصاريف المدرسة بتاعة إبني بالجمعيات

ده حتى في رحلة ناوي أطلعها الصيف الجاي بخطط ليها من دلوقتي هعملها جمعية ..

هي الجمعية إيه غير واحد بتحوش معاه قرشين وتاخدهم في وقت ما إنت عاوز

[Mohamed_1414]

متابع باهتمام شديد
انا عندي نفس المشكلة بالظبط