استشارة في اختيار نوع تكييف

[mr_vampire]

السلام عليكم ياشباب....

انا داخل علي مرحلة تركيب التكييفات فشقتي.

ايه افضل الانواع المتاحة من ناحية التحمل والصيانة والوكيل وقطع الغيار.

لو غرف بمساحة 4x4 تكييف كام حصان يبقي كفاية عليها.

وريسيبشن في حدود 4X6كام حصان يكفيه ؟؟؟

ولو حد عنده فكره عن الاسعار.

شكرا مقدما

[rotanamasoud]

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

[مُصْطٓفٓى]

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

هل العروض قد تصل لنسبة كبيرة ومغرية ؟

[Anaslbda]

أسعار التكييفات عمالة بتطلع وتنزل بطريقة غريبة.. لدرجة اني اعرف راجل شغال في التكييفات بيقولي انا بطلت الشغلانه مؤقتاً عشان الوضع الغريب ده.
انا ركبت شارب سبليت الأسبوع اللي فات.. دُخت على الفئة الستاندرد (أقل حاجة) ملقتش خلصان من المخازن كلها. اضطريت اجيب البارد/سخن بلازما (اعلى فئة),, فرق حوالي 300 جنيه.
بالنسبة لنوع التكييف.. ابعد عن شارب, الأداء مش قد كده مع ان اللي عندي 2 وربع حصان ومبيعملش حاجة خالص. في المقابل عندي تكييف شباك راكب من سنة 92 والى الآن مبقدرش أقعد قدّامه من قوة التبريد.
خليك في سامسونج.

[Dr_Smart]

في الحر اللي احنا فيه اليومين دول بقيت بحس ان التكييفات في مصر كلها فرز تاني

والكفاءة والتحمل في النازل .. الظاهر بيسترخصو في القطع اللي بيجمعوها من الصين

[Bassem Youssef]

انا مركب عندي في المحل شارب و شغال بقاله كام سنه زي الفل و الصيانه بتاعتهم مستواها "معقول"

[rotanamasoud]

هل العروض قد تصل لنسبة كبيرة ومغرية ؟

معرفش وقتها حيكون ايه بس العرض والطلب بيفرق دى المروحه فى اول الصيف لو 130 ممكن تعدى ال160 فى الموسم

[ahmedk7]

carrier

[mr_vampire]

اعتقد ان ده توقيت سيئ اختار وقت شتوى عشان تاخد افضل عروض وارخص اسعار وتكون الشركات والعمال فاضيين فتعرف تاخد تركيب مريح غير مضغوط من العمل
يعنى شهر 11-12 دى وجهه نظرى

والله يافندم انا مجبر اني اركب دلوقتي بسبب اني نازل اجازة وعايز اركب وانا موجود غير كدة مش هبقي موجود.

اللي فيه الخير بقي يقدمه ربنا.

طيب بالنسبة للانواع تنثح بايه من حيث الكفاءة وخدمات مابعد البيع ؟؟؟؟

[mr_vampire]

هل YORK و white whale

موجودين ؟؟؟ حد يعرف عنهم حاجة ؟؟؟