لأطباء المنتدى ... مساعدة في اختيار التخصص

[ehab]

السلام عليكم
في الوقت الحالي

أمامي الاختيارات ديه في نيابات الجامعة بتثبيت

جراحة قلب وصدر
أمراض صدرية
تخدير ورعاية


أنا شايف إنه الرعاية المجال الأفضل

لكن البيت عندي بيحاول يقنعني بجراحة القلب

ممكن اراءكم

[volociximab]

و عليكم السلام
انت عاوز ايه؟
المفروض تخدير غير رعاية
انا بس عاوز اوضحلك ان فيه اتجاه ان الرعاية المركزة تكون تخصص ملوش علاقة بالتخدير
يعنى مثلا ايه علاقة التخدير بالmi
فمصطلح العناية المركزة مصطلح واسع يشمل تخصصات عده لذلك فيه ماستر رعاية مركزة ملوش علاقة بالتخدير
المهم انت عاوز ايه
يعنى انا مثلا دكتور باطنه و أكره كل التخصصات التى كتبتها فى مشاركتك

[ehab]

هو أنا عارف انها مفصولة تخدير لوحدو و رعاية لوحدها بس عندنا في عين شمس النيابة واحدة بنشتغل جزء رعاية وجزء تخدير

أنا في بداية الإمتياز كنت ميال للجراحة العامة بس عشان ترتيبي مكنش يجبها فمنزلتش فيها
لكن حظي حضرت في الباطنة مع مجموعة كويسة فضلت معاهم طول فترة الإمتياز

فحسيت نفسي ماشي في الباطنة ، وشايف إن الرعاية المركزة تعتبر هي الباطنة بشكل الطوارئ



اعذرني لو فيه أخطاء إملائية عشان بكتب بكونفرتر لأن معنديش حروف عربي

[volociximab]

العناية المركزة فيها جزئين سلبيين
الجزء الاول ان مفيش عيادة--مش هتفتح عيادة عناية مركزة--عشان كده نواب العناية المركزة ايامنا كانوا بيحضروا كارديولوجى

العيب الثانى الضغط العصبى--انا اشتغلت عناية مركزة شهرين فكرت اسيب الطب لما واحده عندها 35 سنة ماتت امامى--ضغط عصبى كبير
و بالتالى شغلك البرايفت كله هيبقى مستشفيات و شفتات و من شفت لشفت
الميزة انك بتتعامل مع حالات حرجة
و ممكن تخرم من عناية لباطنة بس بشهادة اجنبية مثل الmrcp و دى مش بالساهل

جراحة القلب و الصدر ايضا شغل مستشفيات و مشوار طويل ممكن تدور عليه بنفسك-يعنى مينفعش تحضر ماستر بس و بما انك فى الجامعة يبقى الطريق سالك ان شاء الله-بس لما رجلك بتثبت بيبقى العائد قوى على ما اعتقد

الصدرية نفس القصة بتخرم على العناية فى شغل التنفس الصناعى و اجهزته

اهم شيئ ميولك و كمان فى قعدة الاختيار ممكن تلاقى الامور اتغيرت و تخصصات قفلت و تخصصات فتحت
مش عارف مسألة تثبيتك ليها علاقة بمستشفى جراحة الصدر الجديدة عندكم و لا لا

[ehab]

هو مؤخراً القلب والصدر بياخد 7 أماكن من 3 بتثبيت كان ديماً بثبت 1
زاد بعد كدا بقى 2 و حالياً 3 بسبب زايدة شغل الأكادمية الجديدة
و وصل لمكان ترتيبي عشان فيه عزف عنو لبعد عائد المادي وصعوبات فترة النيابة
ال-juniors بيروح مرة كل اسبوعين
والشائع سيطرة 3 أسماء على الشغل البريفت بشكل لا يقارن مع بقي الأسماء
والخوف من التوسع في استخدم القساطر

[volociximab]

هو مؤخراً القلب والصدر بياخد 7 أماكن من 3 بتثبيت كان ديماً بثبت 1
زاد بعد كدا بقى 2 و حالياً 3 بسبب زايدة شغل الأكادمية الجديدة
و وصل لمكان ترتيبي عشان فيه عزف عنو لبعد عائد المادي وصعوبات فترة النيابة
ال-juniors بيروح مرة كل اسبوعين
والشائع سيطرة 3 أسماء على الشغل البريفت بشكل لا يقارن مع بقي الأسماء
والخوف من التوسع في استخدم القساطر

طبيعي الجونيور فى الجراحة العامة بيروح يوم كل اسبوعين و ممكن يتحرم منهم كمان-مفيش نوم-و اى جزا ممكن يضيعك
السنيورتي و القرف فى شغل الجامعة شيىء اساسي-السنيورتى موجودة برضه فى العناية
مسألة سيطرة الاسماء فيها خوف من حكاية ان مفيش تعليم او يقرفك فى التحضير و بالتالى لا تصل الى المستوى المطلوب او المؤهل المطلوب لتزاحمه فى السوق
الكلام ده بيحصل فى الجامعات الاقليمية-ماعرفش ان كان موجود عندكم و لا لا

[volociximab]

و بالتالى مينفعش تدخل فى تخصص بدايته بهدله الا لو انت حابه فعلا-و النيابة فى الجامعه بدايتها بهدله

[الفجر]

احسب كل شئ سواء اليوم او بعد لما تكبر فى السن ومدى احتياج سوق العمل فى الداخل والخارج وتكون متزوج وعندك اطفال

مثلا الخدير .......... ممكن الجراح يستدعيك الفجر او اوقات متاخرة بليل فهل انت من نوع اللى بيحب السهر ؟

جراحة قلب وصدر ... والكارديولوجى عموما الفترة الاخيرة نواب كتير جدا اختاروا التخصص دة واصبح الوضع مزدحم جدا

تخصص باطنة وصدر ........ فى راى شخصى الاقبال علية قليل جدا ولو اشتغلت بس على الامراض الحساسية هتقف على رجلك كويس واحسن من اى شغل بالخليج ........ وولو فكرت تسافر الخليج هتاخد اعلى المرتبات من اى تخصص موازى لان اغلب الخلايجة عندهم ازمات ربوية بسبب غبار الصحراء


احسبها من كل الوجوة زى ما قلت ليك سواء لمستقبلك الحالى او المستقبل البعيد وايضا بحجم طلب فى سوق العمل وفرص السفر للخليج وربنا يوفقك