الخيانه الزوجيه ارجو الحل

[black.hawkdawn]

السلام عليكم ورحمة الله وبركاته
عارف ان فى المنتدى رجال لهم عقل وعندهم دين ومش هيبخلو عليا بالرد ابدا وربنا يجزيكم كل خير
صديقى وعشرة عمرى اتجوز من سنه ومراتو مبتقعدش فى البيت خالص على طول مغبونه طلعت زعلانه يوم الصباحيه وطول الوقت فى مشاكل وهيا الى بتفتعل المشاكل على اى سبب تسيب البيت المهم هوا انسان محترم جدا وشغال دكتور
عرفت ان مراتو ماشيا مع واحد والله اعلم بالى بيحصل بينتهم بس مش عارف الواحد ده مين وقولت لصاحبى على كل حاجه وقولالو اتاكد برضو هوا راقبها وعرف انها بتكلم واحد بس سكت علشان يفكر يعملها ايه عملت خناقه برضو فى نفس اليوم وطلعت زعلانه هوا كان عايز يطلقها من سكات وكل واحد يروح لحلاله
بس مصمم انو يرجعها وياخد حقو منها
افيدونى وربنا مايوقعكم فى مصيبه

[Abo_Mazen]

السلام عليكم ورحمة الله وبركاته
عارف ان فى المنتدى رجال لهم عقل وعندهم دين ومش هيبخلو عليا بالرد ابدا وربنا يجزيكم كل خير
صديقى وعشرة عمرى اتجوز من سنه ومراتو مبتقعدش فى البيت خالص على طول مغبونه طلعت زعلانه يوم الصباحيه وطول الوقت فى مشاكل وهيا الى بتفتعل المشاكل على اى سبب تسيب البيت المهم هوا انسان محترم جدا وشغال دكتور
عرفت ان مراتو ماشيا مع واحد والله اعلم بالى بيحصل بينتهم بس مش عارف الواحد ده مين وقولت لصاحبى على كل حاجه وقولالو اتاكد برضو هوا راقبها وعرف انها بتكلم واحد بس سكت علشان يفكر يعملها ايه عملت خناقه برضو فى نفس اليوم وطلعت زعلانه هوا كان عايز يطلقها من سكات وكل واحد يروح لحلاله
بس مصمم انو يرجعها وياخد حقو منها
افيدونى وربنا مايوقعكم فى مصيبه

ياخد حقه منها إزاي يعني .؟؟؟!!! هيضربها ...آسف في الكلمه ومش بتريق ..هيخزها بمطوى

يا باشا الطلاق هو الحل ..ربنا شرع الطلاق عشان الحالات اللي زي دي ..حضرتك بتقول دكتور ومحترم وبعدين يحمد ربنا إن مفيش أطفال ..يخاف بقى على سمعته ويطلقها

وتذكر قول النبي عليه الصلاة والسلام


" ثلاثة يدعون فلا يستجاب لهم : رجل كانت تحته امرأة سيئة الخلق فلم يطلقها ،
و رجل كان له على رجل مال فلم يشهد عليه ، و رجل آتى سفيها ماله و قد قال الله
عز وجل : *( و لا تؤتوا السفهاء أموالكم )* " .

تخيل إن ربنا لا يستجيب اللي بيسكت على سوء خلق زوجته

خليه يطلقها ...خليه يطلقها حفاظا على نفسه هو مش على حاجه تانيه

[amr011111]

هوه يروح يجيب ابوها واخوها ويكبسوا عليها ويحاول قبل كده يبقى مسجل مكالمات بينهم
ويا سلام انه يقولها انه مسافر اسبوع وساعتها لو الامور بينها وبين الواد وصلت لمستوى متدنى
ساعتها يقدر يكبس عليهم هوه واخوها وابوها

[msobhy]

ربنا يستر علينا وعلى صاحبك وعلى مراته
قوله يطلقها بهدوء - مهما كانت الخسائر هو اللى كسبان - يطلق بهدوء
لو فيه اطفال خليه يطلق بهدوء بشرط انه ياخد الاطفال
قوله له باللفظ - ينسى كل اللى عرفه وميتكلمش مع حد تانى
هاتاخد فلوس - قايمه - نفقه - دهب ------- كل ده فى ستين داهيه - لو عرف يقلل خسايره يبقى ممتاز معرفش برضو ممتاز
اوعى يفتكر انه لو فضحها او عمل معاها مشكله هايبقى كده اخد حقه
ديه امرأه زى الطاعون أو المرض - لو شوفت واحد عنده ايدز وبينزف وبيتقيئ ويتبول على نفسه انا اسف على التشبيه وسب لك ميت مله وشتمك بأقظع الالفاظ - هاتروح تضربه وتتخانق معاه

قول لصاحبك يهرب بهدوووووووووووء خصوصا لو فيه اطفال

[black.hawkdawn]

المشكلا انها ازتو اوى وكان عايز يموت نفسو فى يوم من الايام بسببها لولا ربنا وانا وبيت عندى فى اليوم ده وكانت حالتو وحشه جدا
المشكلا انو كتبلها الشقه باسمها من كتر حبو فيها المهم انها عملت خناقه معاه قبل كده فى التليفون وقالتلو هتجوز في شقتك وهعيش انا وجوزى الجديد وعربيتك هتبقا بتعتو وملكش عندى حاجه

[black.hawkdawn]

المشكلا انها ازتو اوى وكان عايز يموت نفسو فى يوم من الايام بسببها لولا ربنا وانا وبيت عندى فى اليوم ده وكانت حالتو وحشه جدا
المشكلا انو كتبلها الشقه باسمها من كتر حبو فيها المهم انها عملت خناقه معاه قبل كده فى التليفون وقالتلو هتجوز في شقتك وهعيش انا وجوزى الجديد وعربيتك هتبقا بتعتو وملكش عندى حاجه

[خالد الشاذلى]

يطلقها ويريح دماغه لان اللى زى دى مش هيقدر يسيطر عليها وهتدمرله حياته

[أحمد كمال]

يطلقها قبل ما تشيل عيل من غيره و تلبسهوله

[hilal]

كده بسهولة ويسيب لها الشقة والعفش وكل حاجة؟
الموضوع محتاج تدبير

[Bassem Youssef]

يفضحها قدام اهلها و يطلقها و بعدين هو غلط غلطه عمره لما كتبلها الشقه باسمها

[مُصْطٓفٓى]

الاعضاء اللي بتقول انه يشهد ابوها واخوها ويتفقوا مع بعض ويطبوا عليها وهي متلبسة
حضراتكم متخيلين ان ابوها واخوها حيقولوا حاضر ويسكتوا لحد ما الخطة تنجح
اولا حيمسكوا في خناقه جوزها وحيتهموه انه بيتبلى على بنتهم
وبعدها بدقيقة حيتصلوا ببنتهم ويحكولها على اللى حصل ويطلبوا منها انها تلم نفسها شوية اليومين دوله عشان جوزها واخد باله
ولو فيهم ذرة احترام حيبهدلوها لكن بعيد عن جوزها
ولو قلتلهم محصلش وجوزها بيكذب حيصدقوها
عشان بنتهم تطلع بالشقة وبكل حاجة ومش بعيد يعملوا محضر لجوزها انه بيتهمها في شرفها من غير دليل

اهلها هما سبب اللي هي فيه دلوقتي من قلة الدين والاخلاق

وحتى لو صورها مع اي حد في مكان عام فتقريبا ده مش دليل ادانة
وتسجيل المكالمات تقريبا لا يعتد به الا بإذن من النيابة

هو غلط في اختيار الزوجة
وغلط في انه كتبلها الشقة

اولا يحمد ربنا ان مفيش عيال بينهم
ثانيا يعجل في موضوع الطلاق
ثالثا ينتقى زوجة على خلق لانه تقريبا اهتم بالجمال اكثر من الاخلاق
زوجته الجديدة بإذن الله حتنسيه القديمة وحتنسيها الشقة
رابعا ينسى تماما اللي حصل وينسى سبب الطلاق واللي يسأله يقوله مفيش توافق فكرى او اي سبب اخر

اظن انه معندهوش حلول تانية عقلانية
لان ممكن خناقة واحدة بينهم في بيته يقوم يقتلها

[مُصْطٓفٓى]

نسيت اقول ان نقل ملكية الشقة تقريبا ملهوش علاقة بالكلام ده كله
يعني لو جاب الشرطة ودخلوا عليها وهي في وضع مخل
الشقة تفضل شقتها ولا تنتقل ملكيتها مرة اخرى لزوجها
واحتمال الكلام ده يسرى على القايمة كمان

[wawamoha]

يا اخي صاحبك ده يسجد و يركع 10 ساعات كل يوم حمددا لله عل نعمه:
1- ربما تكون الخساره الماديه - عقابا على ذنب في الدنيا.
2- انه لا يوجد اولاد 0 فربما لو كان فيه اولاد كان هايعيش طول عمره يشك فيهم .
3- انه اكتشف ده بدري...

يطلقها من سكات و يستعوض ربنا - شغل اخد الحق و البلطجه ده اخرته سوده و عن تجربه ....

[mohbasyouni]

الطلاق

[black.hawkdawn]

يا جماعه هيا عايزه ترجع وكل الى مبيناه قدام زوجها انها محترمه احترام السنين وموضوع انو يطلقه وتاخد شقه 450000 الف جنيه وتاخد عربيه 200000 الف دا مستحيل علشان هوا ممعوش فلوس على كده كل حياتو ادمرت بسببها ازاى يطلقها ويسيب خيانه وشرفو الى بهدلتو الوسخه دى ويسيب فلوسو كده عايزين حل عملى