محتاج تكييف

[sherif1988]

محتاج رئيكم

انا محتاج تكييف 2.25 حصان لغرفة 16 متر

ومحتار بين نوعين

شارب ولا كارير ؟

انا ناوى لو شارب هجيب شارب 2.25 حصان ديجيتال إسبليت بارد بريميم بلاس

لو كارير مش عارف لسة فية أنواع

انا مقلق من شارب بسبب خدمة العملاء

من كام شهر اتصلت بيهم عاشان يجيو يعملو معاينة للغرفة اللى هيتم تركيب فيها التكييف وقلولوى في خلال 48 ساعة تقريبا هيجيى فنى يعاين ومحدش جة

بعدها اتصلت تانى بيهم وبلغتهم وقلولوى نفس الكلام هيجلك واحد يعاين ومحدش جة

وبعدها بكام يوم لقتهم بيتصلو يقولوى حضرتك كنت عايز تكييف قلتلهم اه لقتهم بيقولوى ممكن حضرتك تطلب التكييف دلوقت ولما يجيلك الفني اللى هيركب يعمل معاينة بردك رفضت وقلتلهم يجيى الفني يعاين الأول علشان اجهز وصلة الكهرباء ومحدش جة من سعتها ولا سئل

كمان قريت على النت ناس كتير بتشكتى من الموضوع دة وكمان في موضوع الصيانة ناس شرية أجهزة وحصل مشاكل ويتصلو بيهم ومحدش بيعبر ولا يروح يصلح ولا حاجة

فا انتو اية رئيكم

واية رئيكم في كرافت ؟ وجرى والمركات الأخرى ؟

[مُصْطٓفٓى]

يبدو إن الطريقة الأسرع لتركيب تكييف شارب
إن حضرتك تروح تشتري الجهاز بنفسك من أي معرض أو موزع أو شركة متخصصة في التكييفات
حتشتريه بسعر أقل لأنه غير شامل التركيب والنقل وخصوصا لو حتشتريه من معرض أجهزة كهربائية
وبعدين تنقله بمعرفتك وتتفق مع أي شخص أو مركز يركبهولك
والضمان واحد سواء الشركة نفسها هي اللي ركبتها او اتبعت الخطوات ده إن شاء الله

فيه موديلات للأسف مش متوفرة في الشركة ولا عند الموزعين
زي تكييفات الانفرتر من شارب عشان مستوردة وكانوا جايبين كمية ويشوفوها حتمشي في السوق ولا لا
والبريميم بلاس بارد ساخن احتمال يكون غير متوفر الأيام ده

[sherif1988]

يبدو إن الطريقة الأسرع لتركيب تكييف شارب
إن حضرتك تروح تشتري الجهاز بنفسك من أي معرض أو موزع أو شركة متخصصة في التكييفات
حتشتريه بسعر أقل لأنه غير شامل التركيب والنقل وخصوصا لو حتشتريه من معرض أجهزة كهربائية
وبعدين تنقله بمعرفتك وتتفق مع أي شخص أو مركز يركبهولك
والضمان واحد سواء الشركة نفسها هي اللي ركبتها او اتبعت الخطوات ده إن شاء الله

فيه موديلات للأسف مش متوفرة في الشركة ولا عند الموزعين
زي تكييفات الانفرتر من شارب عشان مستوردة وكانوا جايبين كمية ويشوفوها حتمشي في السوق ولا لا
والبريميم بلاس بارد ساخن احتمال يكون غير متوفر الأيام ده

الف شكر لحضرتك

بس انا اللى خايف منة بعد الشراء انهم يذلونى في التركيب والصيانة بعد كدة

اية هيا الموديلات اللى بيستوردوها
واية الفرق بين البريميم بلاس والانفرتر ؟

[مُصْطٓفٓى]

الف شكر لحضرتك

بس انا اللى خايف منة بعد الشراء انهم يذلونى في التركيب والصيانة بعد كدة

اية هيا الموديلات اللى بيستوردوها
واية الفرق بين البريميم بلاس والانفرتر ؟

ده المتوقع للأسف بسبب زيادة عدد عملائهم
ولذلك اعتمادهم الأكبر أصبح على المراكز التابعة لهم
والصيانة الدورية حتكون تبع حد تعرفه وتثق في شغله إن شاء الله
سواء شحن فريون أو تنظيف الفلاتر
لكن ده لا يعني انهم معندهمش خدمة عملاء في حالة وجود عيب صناعة لا قدر الله
ممكن تتعب معاهم شوية لكن في الآخر حيغيرولك الوحدة اللي فيها العطل

تكييف الانفرتر يعتبر تقنية حديثة ولها ميزتين بالإضافة إلى ميزة انه مستورد على حد علمي وليس صناعة مصرية

الميزة الأولى إنه بيوفر في استهلاك الكهرباء بنسبة 40% إن شاء الله
يعني لو بتدفع 100 جنيه زيادة على فاتورتك بسبب التكييف
حتلاقي نفسك بتدفع 60 جنيه زيادة فقط بدلا من 100 جنيه

الميزة الثانية
ثبات درجة الحرارة في الغرفة
لأن التكييف العادي بيشتغل بأقصى قدرته ولم يوصل لدرجة الحرارة المطلوبة ولتكن 22 درجة حتلاقي ان الكمبورسور بيفصل تماما
وبعد لما الحرارة تعلى تاني يبدأ يشتغل بأقصى قدرته لحد ما يوصل لدرجة الحرارة المطلوبة مرة تانية وبعدين بيفصل وهكذا

لكن مع الانفرتر
التكييف بيشتغل بأقصى قدرة وبعد ما يوصل للدرجة المطلوبة
قدرة الكمبورسور بتقل لدرجة معينة حتى تؤدي إلى ثبات درجة الحرارة ومبتفصلش
ومع ذلك حتلاقي إن استهلاك الكهرباء أقل من التكييف العادي

[mr_vampire]

يعني نقدر نقول ان التكييف الانفرتر هو افضل تكنولوجيا موجودة الان ؟؟؟
وهل هو متوفر فالشارب فقط ولا موجود فالكاريير واليونيون اير ؟؟؟
وهل متوفر منه بارد وساخن ؟؟؟؟

اسف عالاسئلة الكتير لاني بشطب شقة وداخل علي شراء اربع وحدات.

[مُصْطٓفٓى]

يعني نقدر نقول ان التكييف الانفرتر هو افضل تكنولوجيا موجودة الان ؟؟؟
وهل هو متوفر فالشارب فقط ولا موجود فالكاريير واليونيون اير ؟؟؟
وهل متوفر منه بارد وساخن ؟؟؟؟

اسف عالاسئلة الكتير لاني بشطب شقة وداخل علي شراء اربع وحدات.

شارب وال جي وسامسونج عندهم اما بقية الماركات معرفش
ال جي عندهم تكييف انفرتر بارد ساخن لكنه غالي

[aw2100]

التكييف بالأنفرتر افضل وفيه ميزه تانيه غير توفير الكهرباء فيه مثبت تيار لو الكهرباء ضعيفه او قويه يفضل شغال بنفس القدرة ومايفصلش والأفضل فى الأنفرتر lg علشان مركبين كومبروسر حديث كاتم للصوت للاجواء الحارة يشتغل لغاية 50 مئويه ومبروك على التكييف الجديد !!

[mr_vampire]

التكييف بالأنفرتر افضل وفيه ميزه تانيه غير توفير الكهرباء فيه مثبت تيار لو الكهرباء ضعيفه او قويه يفضل شغال بنفس القدرة ومايفصلش والأفضل فى الأنفرتر lg علشان مركبين كومبروسر حديث كاتم للصوت للاجواء الحارة يشتغل لغاية 50 مئويه ومبروك على التكييف الجديد !!

طيب هل حضرتك تعرف رينج اسعاره اسبيليت لل 1.5و 2.25و 5 حصان ؟؟؟

واخبار وكيله ايه وقطع غياره ؟؟؟

[Batman372]

دائما فى مثل هذا التوقيت من كل سنه شهر 7/8/9 .. ده اصعب وقت لتركيب تكييف
الجو حر جدا ..و الطلبات اعلى من حجم الاجهزه الموجوده فى السوق
و الاسعار مرتفعه عن الرسمى استغلال للحاله و مفيش بارد فقط حاليا لان الطلب عليه اكتر
لو عايز تركب الان على طول ... لازم تنزل تبحث عند الشركات و ما اكثرها و تقبل اسعار اعلى و سخن و بارد و موديلات محدده ...
غير كده انتظر وقت الشتاء. .. الدنيا بتريح عندهم و بتاخد افضل سعر و خدمه ...
تحياتى ...

[digicron]

التكييف بالأنفرتر افضل وفيه ميزه تانيه غير توفير الكهرباء فيه مثبت تيار لو الكهرباء ضعيفه او قويه يفضل شغال بنفس القدرة ومايفصلش والأفضل فى الأنفرتر lg علشان مركبين كومبروسر حديث كاتم للصوت للاجواء الحارة يشتغل لغاية 50 مئويه ومبروك على التكييف الجديد !!

ياريت يا افندم نعرف اماكن بيع مكيفات الlg بتلك التكنولوجيا؟؟
الواحد اصلا مش لاقي مكيفات ال جي العادية من سنين ماضية؟؟
اكتر مكيفين شاحين الان شارب و ال جي و خصوصا ال1.5 حصان

[magdy_dvd]

مصرية جروب اسعار تكييف شارب تكييف كاريير ال جى سامسونج يونيون فريش

[smsm2015]

طيب ازاى يا جماعة نحدد قدرة التكيف المناسبة للغرفة

[amr011111]

هوه التكييف الانفرتر ده اللى ييتحط فى فيشة الكهرباء اتوماتيك وبيتنقل من غرفه للتانيه وعباره عن وحده واحده شامله التكييف والكمبريسور

[مُصْطٓفٓى]

طيب ازاى يا جماعة نحدد قدرة التكيف المناسبة للغرفة

عن طريق المعادلة ده الا لو الشقة في الدور الاخير وعزلها مش جيد
طول في عرض في 800
مثلا غرفة مساحتها 3 متر في 4 متر
3 في 4 في 800 = 9600
يبقى حضرتك محتاج تكييف بيخرج وحدات حرارية اكثر من الرقم ده
وفي المعتاد حتلاقي تكييف 1.5 حصان بيخرج 12000 يعني مناسب
والـ 2.25 حصان بيخرج 18000
والـ 3 حصان بيخرج 24000

[مُصْطٓفٓى]

وتعتبر ده ابسط معادلة
لكن فيه معادلات اخرى بتعمل حساب الشبابيك والابواب وعدد الاشخاص وارتفاع السقف وكمية العفش ونقاط اخرى كثيرة