عاوز اجيب سمك من السويس

[عﻻء سالمان]

الزمﻻ الكرام نظرا ﻷن مفيش سمك كبير فى القاهرة عاوز اطلع طلعة بعد الفجر عالسويس اجيب سمك ممكن حد يوصفلى طريق الحلقة ازاى وافضل انواع اﻻحجام الكبيرة اربعة كيلو مثﻻ واية الى ممكن تجيبة اليومين دول اعمل علية عزومة كويسة قاروص وﻻ شعور وﻻ هامور وﻻ اية انواع غيرهم و اية اللغة الى اتكلم بيها عشان محدش يستغفلنى بما انى رايح اجيب كمية وفى حد معين اجيب منة وﻻ اعمل اية والميزانية تكون كام لو عاوز اجيب اربع خمس سمكات الواحدة متوسطها 4 كيلو وفى حد فى السويس ممكن يجهز السمك بصنعة حلوة فى وقت معقول.. واذا زودتلى كمية جمبرى رمادى كبير يتكلفوا كام سعر وتوضيب.. انا معنديش خبرة ومحتاج ارشادات

[Abo_Mazen]

كنت عاوز اقولك تعالى اسكندريه ..بس السويس تكسب في سمك البحر الاحمر..زي التونه مثلا

[hesham fawzy h]

متابع

[mohabelnegm]

لو حضرتك مابتعرفش فى السمك أى شرح هنا هايكون فايدته محدودة , لأن البياع لو معندوش ضمير ممكن يديلك سمكة مش كويسة..ممكن مثلا يديك شعور أو وقار بس تكون بايته عنده و ديه صعب تكتشفها بالوصف من هنا. لو تقدر يكون معاك حد بيفهم فى السمك يكون أفضل و خصوصا انك هاتشترى كميه.
عموما الشعور بيكون من أفضل اسماك البحر ألأحمر و اكترها فى البحر و دايما بتلاقيه فى السوق و فيه منه أنواع كتير , بس اللى هتلاقيه فى السوق الشعور المحسنى و ده بتلاقيه دماغة كبيرة وتحس ان السمكه تخينه شويه و فيه الشعور الحر و ده بتلاقي فيه لون دهبى مع مع لون السمكة و دماغه اصغر من المحسنى. و فيه البونجز و ده سمك الشعور من الحجم الصغير (فى حجم البلطى ) و بيكون جميل جدا فى أكله . مش لازم بكون كل السمك سمك كبير.. يعنى ممكن تجيب سمكتين كبار شعور و وقار تعملهم صوانى أو سنجارى و تجيب الباقى مشكل لو تلاقى من ألأنواع ديه( بونجز- بورى بحر مش مزارع - بربون- سيجان-مرجان ابو أتب-أبو شرارة) و ممكن تجيب شوية سبيط يتعمل مقلى أو طاجن.
أهم حاجة تاخد معاك أيس بوكس كبير و هناك هايجهزولك السمك للسفر بالتلج فى ألأيس بوكس

[عﻻء سالمان]

نورتو الموضوع و اشكر لمهاب الإفادة.. بالنسبة للأسعار..؟

[mohabelnegm]

نورتو الموضوع و اشكر لمهاب الإفادة.. بالنسبة للأسعار..؟

بالنسبة لجنوب سينا , ألأسعار تتراوح بين
الشعور 40-50
السيجان 25
الوقار 40-50
البورى(بورى بحر مش مزارع) 35-40
بونجز شعور 25-30
بربون 30