Tweet
السلام عليكم
أتمنى يكون الموضوع دا لطرح الافكار والمناقشات حول الوسائل البسيطة والسهلة لزيادة الدخل بجانب الوظيفة
الوسائل دي منها اللي هايكون متطلب وجود سيارة ومنها اللي هايتطلب وجود رأس مال بسيط ومنها اللي مش محتاج غير وقت ومجهود
واتمنى يكون هدفنا اننا نخدم بعض واللي عنده معلومة او خبرة في حاجة معينة ميبخلش بيها وان شاء الله هايشوف نتيجة دا بركة وزيادة في رزقه لو حد انتفع بفكرة هو قالها
هابدأ بطرح 3 وسائل أول وسيلة هاتحتاج سيارة ومبلغ والتانية هاتحتاج سيارة فقط والتالتة مش شرط سيارة ولا مبلغ
الفكرة الأولى: التوزيع
لو عندك سيارة ومبلغ في حدود 5000 الى 15000 ممكن تتعامل مع شركات الأغذية وتاخد منهم منتجات ويفضل يكون منتج واحد علشان تاخد كمية كبيرة ويكون البونص كبير
وتوزع على تجار الجملة او القطاعي
يعني مثال علبة شوفان بتتباع للمستهلك ب 12 ج والكرتونة 20 علبة .. المصنع بيبع الكرتونة ب 160ج يعني العلبة ب 8ج ولو اخدت 100 كرتونة هاتاخد 6 كرتونات بونص يبقى العلبة ب7.5ج
(( معرفش بالظبط المكسب في الجملة بيوصل كام .. يعني لو جنيه او 2 ج في العلبة هايكون كتير ولا قليل))
لو بمكسب 1ج او 2ج في العلبة يعني 16000ج ممكن يكسبوا من 2000ج ل 4000ج
ممكن نوع تاني من التوزيع الأكياس والشنط المستخدمة في المحلات دي حاجة استهلاكية جدا ومطلوبة بصفة دورية وبرضه ممكن تكسب في الكيلو 1ج او اكتر والطن بحوالي 15000ج
ولو فيه محل عايز يطبع شنط ممكن تعمله التصميم والاكلاشية وتطبع له وتورد وبيبقى المكسب اكتر يعني ممكن 3ج في الكيلو
وبرضه ممكن توزيع على المطاعم اطباق فوم واكواب بلاستيك
افكار التوزيع كتير واساسها انك تشتري جملة وتعمل تخفيض على أد ماتقدر وتوزع وممكن تعمل تسهيلات في السداد علشان تكسب العملاء
الفكرة التانية:
دورات توصيل للمدارس والحضانات
دي طبعا محتاجة سيارة وشوية اعلانات تتلصق على المدارس والحضانات اللي في طريق شغلك وتحدد الخط اللي هاتشتغل عليه واعتقد الفرد بيدفع من 150 ل 200ج شهريا يعني ممكن لو عملت دورتين يبقى ممكن تزود دخلك 1500ج شهريا
الفكرة التالتة:
التجارة اون لاين
هاتعمل حساب على مواقع البيع اون لاين زي سوق وجوميا .. إلخ
وتعرض السلع بطريقتين:
أولا: ممكن تشتري منتجات من المواقع الصينية زي علي اكسبريس وغيره من اللي بتبيع بالقطعة مش جملة وتعرض على حسابك بالموقع مع زيادة في السعر لمكسبك وتعمل حساب عمولة الموقع ..
الطريقة الثانية : ممكن تتابع الستورز الكبيرة لما تعمل عروض وتخفيضات أو حتى من غير عروض تروح وتصور المنتجات وتعرضها على حسابك بموقع البيع مع حساب مكسبك وعمولة الموقع ولما يجيلك طلب شراء تروح تشتري المنتج من مكانه وكدا انت مش خسران حاجة ومش هاتشتري المنتج الا لما يكون مطلوب ونفس الكلام ممكن يتنفذ مع معارض بيع الاجهزة او الادوات المنزلية بالجملة تفهمهم انك هاتبيع اون لاين وتصور المنتجات من عندهم ومتشتريش غير لو جالك طلب شراء
ولو انت في محافظة او مدينة بتتميز بنوع معين من المنتجات مش منتشر مثال سجاد يدوي او مشغولات ممكن تستخدم نفس الفكرة تعرض وتشتري عند طلب الشراء
وفي كل الأحوال محتاج تعمل شوية دعاية بمصاريف بسيطة على جوجل او على موقع البيع نفسه..
الافكار دي طبعا عرضة للصواب والخطأ ياريت تضيفوا ارائكم واقتراحاتكم وخبراتكم لننفع بعضنا البعض عملا بقول رسول الله صلى الله عليه وسلم: "من استطاع منكم أن ينفع أخاه فليفعل"
أتمنى يكون الموضوع دا لطرح الافكار والمناقشات حول الوسائل البسيطة والسهلة لزيادة الدخل بجانب الوظيفة
الوسائل دي منها اللي هايكون متطلب وجود سيارة ومنها اللي هايتطلب وجود رأس مال بسيط ومنها اللي مش محتاج غير وقت ومجهود
واتمنى يكون هدفنا اننا نخدم بعض واللي عنده معلومة او خبرة في حاجة معينة ميبخلش بيها وان شاء الله هايشوف نتيجة دا بركة وزيادة في رزقه لو حد انتفع بفكرة هو قالها
هابدأ بطرح 3 وسائل أول وسيلة هاتحتاج سيارة ومبلغ والتانية هاتحتاج سيارة فقط والتالتة مش شرط سيارة ولا مبلغ
الفكرة الأولى: التوزيع
لو عندك سيارة ومبلغ في حدود 5000 الى 15000 ممكن تتعامل مع شركات الأغذية وتاخد منهم منتجات ويفضل يكون منتج واحد علشان تاخد كمية كبيرة ويكون البونص كبير
وتوزع على تجار الجملة او القطاعي
يعني مثال علبة شوفان بتتباع للمستهلك ب 12 ج والكرتونة 20 علبة .. المصنع بيبع الكرتونة ب 160ج يعني العلبة ب 8ج ولو اخدت 100 كرتونة هاتاخد 6 كرتونات بونص يبقى العلبة ب7.5ج
(( معرفش بالظبط المكسب في الجملة بيوصل كام .. يعني لو جنيه او 2 ج في العلبة هايكون كتير ولا قليل))
لو بمكسب 1ج او 2ج في العلبة يعني 16000ج ممكن يكسبوا من 2000ج ل 4000ج
ممكن نوع تاني من التوزيع الأكياس والشنط المستخدمة في المحلات دي حاجة استهلاكية جدا ومطلوبة بصفة دورية وبرضه ممكن تكسب في الكيلو 1ج او اكتر والطن بحوالي 15000ج
ولو فيه محل عايز يطبع شنط ممكن تعمله التصميم والاكلاشية وتطبع له وتورد وبيبقى المكسب اكتر يعني ممكن 3ج في الكيلو
وبرضه ممكن توزيع على المطاعم اطباق فوم واكواب بلاستيك
افكار التوزيع كتير واساسها انك تشتري جملة وتعمل تخفيض على أد ماتقدر وتوزع وممكن تعمل تسهيلات في السداد علشان تكسب العملاء
الفكرة التانية:
دورات توصيل للمدارس والحضانات
دي طبعا محتاجة سيارة وشوية اعلانات تتلصق على المدارس والحضانات اللي في طريق شغلك وتحدد الخط اللي هاتشتغل عليه واعتقد الفرد بيدفع من 150 ل 200ج شهريا يعني ممكن لو عملت دورتين يبقى ممكن تزود دخلك 1500ج شهريا
الفكرة التالتة:
التجارة اون لاين
هاتعمل حساب على مواقع البيع اون لاين زي سوق وجوميا .. إلخ
وتعرض السلع بطريقتين:
أولا: ممكن تشتري منتجات من المواقع الصينية زي علي اكسبريس وغيره من اللي بتبيع بالقطعة مش جملة وتعرض على حسابك بالموقع مع زيادة في السعر لمكسبك وتعمل حساب عمولة الموقع ..
الطريقة الثانية : ممكن تتابع الستورز الكبيرة لما تعمل عروض وتخفيضات أو حتى من غير عروض تروح وتصور المنتجات وتعرضها على حسابك بموقع البيع مع حساب مكسبك وعمولة الموقع ولما يجيلك طلب شراء تروح تشتري المنتج من مكانه وكدا انت مش خسران حاجة ومش هاتشتري المنتج الا لما يكون مطلوب ونفس الكلام ممكن يتنفذ مع معارض بيع الاجهزة او الادوات المنزلية بالجملة تفهمهم انك هاتبيع اون لاين وتصور المنتجات من عندهم ومتشتريش غير لو جالك طلب شراء
ولو انت في محافظة او مدينة بتتميز بنوع معين من المنتجات مش منتشر مثال سجاد يدوي او مشغولات ممكن تستخدم نفس الفكرة تعرض وتشتري عند طلب الشراء
وفي كل الأحوال محتاج تعمل شوية دعاية بمصاريف بسيطة على جوجل او على موقع البيع نفسه..
الافكار دي طبعا عرضة للصواب والخطأ ياريت تضيفوا ارائكم واقتراحاتكم وخبراتكم لننفع بعضنا البعض عملا بقول رسول الله صلى الله عليه وسلم: "من استطاع منكم أن ينفع أخاه فليفعل"
Comment