لو حد يعرفي اماكن كويسة باسعار كويسة

[riesgo]

انا محتاج اعرف اماكن فيها اثاث كويس فى القاهرة و باسعار كويسة و معقولة (فى المتناول )

لسه بجهز شقتي عشان الجواز عقبال عندكم جميعا
جربت اروح مكرم عبيد .. الاسعار هناك صعبة جدا .. بكتيري اجيب غرفتين بس باللي معايا منهم هناك


فلو حد يعرف اماكن فى القاهرة اثاثها (عفشها) كويس و يناسب عريس جديد .. واهم حاجة اسعارها كويسة

يساعدني و يدلني عليها ... او حتى عروض او معارض

[riesgo]

مفيش حد يعرف ؟!

[Omar.Shawki]

شوف مفكو حلوان فى ش الهرم
وفى كذا محل كويس فى فيصل الرئيسى

[Elawany13]

اعتقد دمياط احسن
وربنا يتمملك بخير

[riesgo]

شوف مفكو حلوان فى ش الهرم
وفى كذا محل كويس فى فيصل الرئيسى

شكرا يا عمر .. بس انا روحت هناك هما ممتازين بس في مشكلتين
1- السعر برضه عالي
2- التصماميم مش قد كدة

[riesgo]

اعتقد دمياط احسن
وربنا يتمملك بخير

تسلم يا باشا .. انا مخلي دمياط دي اخر حاجة خصوصا ان الجو كمان االايام دي حر جدا

[wawamoha]

يا اخي الكريم الف مبروك اولا ...........

ثانيا انتظر اسبوعين بكتيره - درجه الحراره هاتقل ....كمان دمياط مدينه شمال القاهره ....هاتلاقيها اقل من القاهره كتير ..
توكل عل الله وروح دمياط هتلاقي كل المستويات ............ و الاسعار لا تقارن بالقاهره ..بس خد معاك نجار ثقه
ربنا يوفقك

[Ah.Farid]

فية مكانين :-

الاول منطقة المناصرة .....عند باب الخلق فى شارع بورسعيد وقريبة من العتبة ودة زى سوق كبير للموبليا .....

المكان التانى : مش فاكر اسمة قريب جدا من قليوب مشهور بشغل الموبايليا منطقة كبيرة فيها محلات كتيرة وبتنقى خشب ابيض وتشترية و تعمل بعد كدة الدهانات اللى انت عاوزها لو نزلت محطة قليوب وسألت اعتقد ناس كتير ممكن تدلك واقرب من دمياط .....

بس نصيحة تاخد نجار او حد بيفهم فى الخشب ويعرف يفاصل فى السعر لان بصراحة النصابين كتير الايام دة

[omarhelalyehia]

ربنا يتمم لك بخير
روح مول دمياط للاثاث فى مدينة نصر و فيه كمان مول دمياط للاثاث فى الهرم ....كل مول من دول فيه فروع لورش موبيليا فى دمياط و بضاعتهم كويسة و سعرها معقول بالنسبة لاسعار الايام دى ....ربنا معاك

[new_man]

انزل مول القوات المسلحة اللى ورا الكليه الحربيه هتلاقى كل اللى انت عايزه بأسعار كويسه جداااااااااا وشغل محترم اوى

[riesgo]

جزاكم الله خير
wawamoha
Ah.Farid
omarhelalyehia
new_man

انا روحت مول دمياط اللى فى فيصل برضه السعر عالي
مول القوات المسلحة سمعت عنه بس مش متأكد الاسعار كويسة و لا و كمان الخشب كويس و لا .. لانه اللى عرفته انهم مأجرين المكان من القوات المسلحة .. مش تابع ليهم
هشوف برضه موضوع قليوب دا .. يا مسهل

لو حد يعرف برضه عروض او خصومات فى اي حته .. يدلني عليها

[abd_el_7amid]

متابع

[amr011111]

بتاع قليوب منطقه اسمها طنان
فيه معرض فى الهرم اسمه النجار للموبيليا حاجته حلوه فى شارع العروبه الهرم
والف مبروك

[cyborg_ift]

بلاش طنان معظم حاجتهم مضروبه وعن تجربه

[Mohamed_Hamid]

أولا ألف مبروك وربنا يتمم بخير

ثانيا علشان توفر على نفسك تعب القلب والمشاوير: كلمة واحدة: دمياط عاصمة الأثاث ولا يعلى عليها. تروح بدرى تقضى اليوم هناك وتبقى محدد اهدافك ومتديش ودنك للسماسرة اللى فى الشارع واللى على الموتوسيكلات وتاخد معاك نجار معرفة وياسلام لو ليك صديق دمياطى يلف معاك او على الأقل يحددلك أهدافك...يبقى تمام اوى

بالتوفيق ان شاء الله