استشارة بخصوص فتح حساب بنكي

[Defender]

السلام عليكم

من فضلكم حد لدية معلومة عن اسماء البنوك اللى بتدعم رؤية الحساب وإجراء تعاملات عليه و إجراء عمليات تحويل الأموال من داخل موقعهم الإلكترواني بدون حاجة للذهاب للبنك؟

محتاج اشوف الحساب بطريقة دورية ، و محتاج اعمل تعاملات عليه (تحويلات)

ياريت اللى عنده معلومة بخصوص بنك بيعمل كدة ، يبلغني بيه ، وياريت الإجراءات بتاعته زي الحد الأدني لفتح الحساب والمصاريف اذا كان متوافر بخصوصها معلومة



وشاكر لكل شخص يحاول المساعدة.

[sherifahmed]

من السمع احسن بنك فى الحوار دا hsbc

[Dr. Assem]

البنك التجاري الدولي. Cib .يمكنك عن طريق النت معرفة حسابك و كارت الائتمان. كل العمليات التي تجري على الحساب . يمكن التحويل من حسابك لاي حساب اخر داخل اابنك او خارجه. كما يمكنك الايداع عن طريق ماكينات البنك

لمعلومات عما تحتاجه لفتح الحساب اطلب 19666

[Elawany13]

البنوك بقت مقرفه قوى وزحمة جدا
وبيخصموا كل 3 شهور مصاريف ادارية
هوه اللى اللى حصلهم بقوا بيستعبطوا كده ليه

[DreAmO]

كل البنوك تقريباً فيها الخواص دي لكن مقابل مصاريف شهريه

ومع الأسف البنوك الخاصه عن تجارب معاملتها سيئه جداً .. ومصاريفهم كتير وحوارتهم كتير

وبيكدبوا كتير أوي .. ومش بيهتموا بالشكاوي .

اما البنوك الحكوميه مثل بنك مصر .. أفضل تعامل عن تجربة .. وتقدر تشوف حسابك عالنت
لكن فقط تطلع عالحساب وتعاملاته بدون عمل أي إجراء .. وبدون مصاريف .

[mk3]

ببلاش بنك كريدى اجريكول
بس لو حساب شخصى وحركته كتير هيقرفك
وهيطالبك بسجل تجارى او هيقولك حوله شركات

[Defender]

ببلاش بنك كريدى اجريكول
بس لو حساب شخصى وحركته كتير هيقرفك
وهيطالبك بسجل تجارى او هيقولك حوله شركات

هتكون حوالات شهرية غالباً ، بعد مراجعة بعض البنوك لقيت البنك العربي بيسمح اعمل تحويل لاي بنك خارج او داخل مصر ، حد عنده فكرة؟

[Defender]

ايه رأيكم فى البنك العربي ؟