احنا ناس غريبه فعلا وبنعمل كده ليه مش عارف؟

[osama]

المصري هو اللى

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
ييجي بعد معاده بساعتين ويفتكر إن ده عادي


لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه


بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش البيت لسه ماستخدمهاش



بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب


بيكون مشغول بقيمة التيبس أو البقشيش طول العشا ياترى ربع جنيه ولا نص جنيه


برده بيتخانق ساعة دفع الحساب بحرارة شديدة على إنه هو اللي لازم يدفع


بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا



والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها(بيفرش له الملاية)

[Samir Elshahawy]

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها(بيفرش له الملاية)

ماهو هو ده صاح المثل اللي بيقول " ادعي علي ابني و اكره اللي يقول امين "

[osama]

*ليه اذا شفناعلى جدار او عامود نور عبارة: احترس من الدهان؟...مانصدقش ونجرب بأصابعنا؟؟..

>> يعني لازم يحلفوا ..؟؟!!





* ليه اذا كانت بطارية الريموت كنترول ضعيفه نضغط بقوووووه على الأزرار؟؟؟؟

>>يعني هو كده هتتشحن البطاريه؟؟!!!




*ليه اذا تأخر الاسانسير نضغط علىالزرار مية مرة؟؟؟

>>يعني كده خلاص هيحس على دمه وبيفتح





*ليه لما بنكون قاعدين في مكان عام ونسمع رنة مسج ولارنةموبايل على طووووول نشوف موبايلنا؟؟

>>ليييييه حضرتك مهم للدرجة دي علشان يرن بين البشر دي كلها ..؟؟!! ولا يعني انت مش عارف رنة موبايلك عشان كل ماواحد يرن تبص

[نور القمر]

الموضوع طريف ممكن ناخده for fun
لكن اعتقد الجزء الاولاني من الموضوع محدش بيعمله دلوقت
اساسا النملية دي اتلغت من قاموس المطبخ من زمان هههههههههههههههههه
انا عن نفسي بتخلص من اي حاجة مش مستخدمة اول باول
شكرا على الموضوع الجميل

[elassar2010]

موضوع ظريف فعلا وواقعى :k18:

[sh23]

أستاذ/osama...... تحياتي
بس سيادتك مش شايف أنه لو كان كلامك صحيح والأوصاف التي وصفت بها الناس صحيحة وقابله للتعميم علي كل المصريين ؛ فهذا معناه اننا شعب متخلف وعايش في الماضي

[EL_3OMDA]

موضوع دمه خفيف جدا شكرا لحضرتك
وبالذات الحته بتاع التليفون دى واضيف الموبايل كمان مش عارف ليه
ولو تلاحظ فيه ناس تحب تمسك سماعه التليفون جامده جدا
وتدوس كمان بيها على ودانها قوى لدرجه انها تبقى معلمه فى وشهم
يجى نص ساعه بعد المكالمه مش عارف ليه بس نرجع ونقول طبع
كلام والسلام

[ehab08]

موضوع لذيذ ومضحك لأن الواحد بيعمل فعلا معظم الحاجات دى من غير ما يفكر

[دموع الثلج]

انت لو قولت لى ان المصرى من هواه جمع الكراكيب

هقولك صح
بدليل اسطح العمارات والبلكونات و مناور العمارات وخلافه

لكن موضوع النمليه ده صعب شويه دلوئتى

[dr_abooody]

اكتر حاجة بتبين اننا بنحتفظ بالكراكيب

العربيات القديمة اللي بقالها 30 و لا 40 سنة و لسة ماشية

[Dr Ahmed]

كلام صحيح 1000%
وأكثرهم إغاظة الكلام العالى فى التليفونات كأن اللى معاك أطرش وكأن كل اللى حواليك لازم يعرفوا كل التفاصيل

إنما الاحتفاظ بالكراكيب حتى الكراكيب الحكومية الرئاسية (اللى بيقولوا اللى نعرفه أحسن من اللى مانعرفوش) فدا لأننا شعب عـشــرى وحـشــرى بكسر العين والحاء.

[Mido80]

فعلا موضوع التحدث في التليفون بصوت عالي دة مصيبة. انا هنا في قطر لما تيجي الظروف ويكون واحد مصري واقف جنبي في الباركنج او في المول وبيتكلم في التليفون الاقي الناس اللي واقفة كلها بصت لة تشوف اية الشخص اللي بيتخانق دة زي الهنود بالظبط. كمان لاحظت انهم بيتصرفوا نفس التصرفات اللي بيعملوها في مصر (البعض وليس الكل) من المزاحمة في الوقوف علي الدور او اولوية الحركة بالسيارة كمان لو متواجدين في مطعم الاقي الضحك باعلي الاصوات والهزار الماسخ اللي يجذب نظر اللي قاعدين حواليهم.

[Nour_Peugeot]

موضع تحفه فعلا

و حوالا تجربه الحيط المتبيد ده شوفته بنفسي في الزويه الحمراء

واحد ماشي بيكلم صحبه بيقوله الحق الحيط متبيد قله طيب شوفه نشفولا لا ههههههههه

[waled369]

فعلا كلام مظبوط بس برضه دي عادات بتلاقيها في شعوب كتير مش المصريين بس.

[Dr.A.Nabil]

والله علب برطمان المربى الفاضيه دي بتعمل شغل
انا عندي في البيت الحاجه والدتي بسم الله ما شاء الله عندها كميه برطمانات فاضيه تكفي مصنع فيتراك لمده شهرين ..

المهم انا لما باروح اصطاد باخد البرطمانات دي معايا ...
باحط فيهم سمكه في كل برطمان
او شوية طعم
او شوية سنانير


بينفعوا