البورسلين الصيني

[midoabdeen]

السلام عليكم ورحمة الله وبركاته

عايز اجيب بورسلين حوالي 60 م

البورسلين الكويس المتر مش بيقل عن 180-200 جم

و لاقيت بورسيلن في السلاب ب 109 جم

وبيقولوا ان درجتة كويسة مش اي كلام

ياتري حد جرب البورسلين الصيني كويس ولا مشاكله كتير للي جربة

[mr_vampire]

كنت بشتري من سنة. متر البورسلين الاسباني 175 والصيني ب 70.
كانت من عيوب الاسباني اللي اتقالتلي انه بيقشر وبيشرخ بسرعة من كتر الحركة عليه.

[mk3]

الصينى بيطفى رغم لمعانه المبالغ فيه
بص على ماجستك

[midoabdeen]

طيب هو بكام المتر في ماجستيك
وكمان هو اصلا في الشقة مش هيبقي فيه هلك كتير ليه الاستعمال هيبقي خفيف اوووي

[Adnfalcon]

انصحك .. ابعد عن الصيني .. هتندم ندم عمرك
ييطفي بسرعه و بيطلع من مكانه بالذات لو البلاطه كبيره
الكلام عن تجربه منيله

[midoabdeen]

انصحك .. ابعد عن الصيني .. هتندم ندم عمرك
ييطفي بسرعه و بيطلع من مكانه بالذات لو البلاطه كبيره
الكلام عن تجربه منيله

هو مش المفروض ان في منه درجات ولا ايه
ياعني اللي شوفته في السلاب الراجل قالي عليه انه درجة عالية من الصيني
لان كان موجود صيني ب 80 جم واللي شوفته ب 110 قالي انه احسن ودرجتة اعلي
ولا كلام نصب في الاخر

[4fun14]

يعني الاسباني بيقشر والصيني بيطفي؟ كدة الاماراتي باه ولا بلاش بورسلين خالص؟!

[mr_vampire]

كنت بشتري من سنة. متر البورسلين الاسباني 175 والصيني ب 70.
كانت من عيوب الاسباني اللي اتقالتلي انه بيقشر وبيشرخ بسرعة من كتر الحركة عليه.

قصدي من عيوب الصيني. مش الاسباني.
ده حتي سعره يخلي الكلام مش راكب علي بعضه

[Adnfalcon]

الأسباني راكب ف 4 شقق تبعي من 14 سنه .. بيلمع وتشوف انعكاس النجف منه
لما اشترينا الصيني كان اغلي نوع
الصيني حرام فيه الفلوس

[midoabdeen]

طيب كويس اوى الواحد يبعد عن الصيني ويشتري دماغه
بس انا سمعت عن بورسلين ماجيستك
حد جربه الل عرفته أن سعره كويس و خامته كويسه
ياريت اللي جربه يقولنا على تجربته معاه وياسلام لو يكون حد يعرف سعره كام

[م أحمد]

لو هتفرش سجاد هات سيراميك عادى لان ساعتها البورسالين ولا ليه اى لازمة نهائى و مش فارقة حتى لو حطيت بلاط

الكلام عن تجربة فى شقتى و شقة اخويا

البورسالين شغل مكاتب و مساحات مكشوفة فيبقى ديكور فى الحالة دى

[midoabdeen]

مش هيبقى في سجاد خالص إلا في الشتاء غالبا علشان كده بفكر في البورسلين

[Salamonti]

أنا جايب الصيني في البيت عندي وحلو بسم الله ما شاء الله
طبعا لفيت واتفرجت ومسكت خامات كتير..
مع احترامي لجميع الآراء السابقة لكن لو في البيت يبقا انت أولى بفرق السعر إلا اذا الميزانية مفتوحة معاك..
أما لو مكتب أو شركة أو محل هنا الصيني ماينفعكش نهائي..

الصيني فيه درجتين عشان تبقا عارف..
اسأل ع الدرجة الدبل جليز Double Glaze
دي بيبقا فوقها طبقة شفافة زي الإزاز كدة بتديله لمعة إضافية + حماية ضد الخدوش وخلافه..
وده هاتلاقيه أغلى حاجة في الصيني عموما..

سيبك من كلام الناس بتاع أصله بيخرج من مكانه وأصله بيشرخ وأصله ماعرفش إيه..
الرك ع الصنايعي
لو جايب بورسلين من المريخ والمونة تحته مطبلة يبقا هايشرخ ويخرج من مكانه..
ولو جايب بورسلين من الصومال وجبت صنايعي نضيف يركبه هايبقا زي الفل..

الإشاعات دي طلعها الصنايعية عشان يطلعوا ان العيب مش منهم..
بعد مايركب تطلع بلاطة مطبلة وتتكسر فتيجي تكلم الراجل يقوم يرمي اللوم ع البلاطة ويقولك يا بيه اصله صيني !!

أنا بقا كنت واقف على إيد الصنايعي وهو بيركب..
البلاطة اللي مش واخدة مونة كفاية أو مطبلة كنت اقوله ارفعها وركبها تاني..
وكنت اطبل بإيدي على كل بلاطة بيركبها لو سمعت تحتها صوت رنة تبقا واخدة هوا..

ملكش خلق تقف مع الصنايعية يبقا اعمله لزق وانجز وريح بالك..
حتى تكلفة اللزق أرخص بس لازم يكون عندك أرضية مستوية تلزق عليها..

عايز تفاصيل أكتر عن اللزق روح كيماويات البناء الحديث هاتلاقي الراجل عمللك بريزنتيشن عنه وماتشتريش لزق الا من عندهم عشان ده احسن نوع :)

وتاني بقولك لو جبت أغلى بلاطة واللي ركبها مش تمام يبقا برضه هاتنكسر.. الرك ع التركيب وبس..

[kemoelord]

طيب يا جماعه دلوقتي بغض النظر ع نوع البورسلين , انا داخل ع مرحلة تركيب السيراميك في الشقه وبكلم بالمهندس الي ماسك الشقه وبقوله ان شاء الله هركب بورسلين قالي انسى حاجة اسمها بورسلين اصلا ! فبساله ليه قعد قالي احنا ركبناه في اكتر من شقه وفي فيلل وعملنا كل الاحتياطات واللازم وكان بيطبل وبيتكسر !!

فانا سؤالي : هل هو كلامه صح علما بان شايف ناس هنا مركباه كتييير وفي المركبه من 10 سنين ؟

وفرضا لو كلامه صح , ع كدا ايه الفرق فيه تركيب البروسلين والسيراميك العادي ع كدا ؟؟؟!؟!؟؟

[mr_vampire]

أنا جايب الصيني في البيت عندي وحلو بسم الله ما شاء الله
طبعا لفيت واتفرجت ومسكت خامات كتير..
مع احترامي لجميع الآراء السابقة لكن لو في البيت يبقا انت أولى بفرق السعر إلا اذا الميزانية مفتوحة معاك..
أما لو مكتب أو شركة أو محل هنا الصيني ماينفعكش نهائي..

الصيني فيه درجتين عشان تبقا عارف..
اسأل ع الدرجة الدبل جليز double glaze
دي بيبقا فوقها طبقة شفافة زي الإزاز كدة بتديله لمعة إضافية + حماية ضد الخدوش وخلافه..
وده هاتلاقيه أغلى حاجة في الصيني عموما..

سيبك من كلام الناس بتاع أصله بيخرج من مكانه وأصله بيشرخ وأصله ماعرفش إيه..
الرك ع الصنايعي
لو جايب بورسلين من المريخ والمونة تحته مطبلة يبقا هايشرخ ويخرج من مكانه..
ولو جايب بورسلين من الصومال وجبت صنايعي نضيف يركبه هايبقا زي الفل..

الإشاعات دي طلعها الصنايعية عشان يطلعوا ان العيب مش منهم..
بعد مايركب تطلع بلاطة مطبلة وتتكسر فتيجي تكلم الراجل يقوم يرمي اللوم ع البلاطة ويقولك يا بيه اصله صيني !!

أنا بقا كنت واقف على إيد الصنايعي وهو بيركب..
البلاطة اللي مش واخدة مونة كفاية أو مطبلة كنت اقوله ارفعها وركبها تاني..
وكنت اطبل بإيدي على كل بلاطة بيركبها لو سمعت تحتها صوت رنة تبقا واخدة هوا..

ملكش خلق تقف مع الصنايعية يبقا اعمله لزق وانجز وريح بالك..
حتى تكلفة اللزق أرخص بس لازم يكون عندك أرضية مستوية تلزق عليها..

عايز تفاصيل أكتر عن اللزق روح كيماويات البناء الحديث هاتلاقي الراجل عمللك بريزنتيشن عنه وماتشتريش لزق الا من عندهم عشان ده احسن نوع :)

وتاني بقولك لو جبت أغلى بلاطة واللي ركبها مش تمام يبقا برضه هاتنكسر.. الرك ع التركيب وبس..

الناس اللي حضرتك ذكرتهم دول بينصحو علي حد علمهم وتجاربهم الشخصية. مش هياخدو عمولة لو اشتري اسباني ولا هيخسرو لو اشتري صيني.

فكان ممكن تقول رايك وتجربتك من غير ماتجيب سيرة حد قال نصيحة خالصة لوجه الله.