ياللا نحرق دم بعض

[Islam_galal]

ياللا يا شباب . . . دي سهلة جدا

موضوع عن عربيه و الناس معجبه بيها جدا
خش و قول كلمتين من نوعيه - دي عربية عرة و ملهاش لازمة و اللي يجيبها مبيفهمش

موضوع عن عربيه و الناس قرفانة منها جدا
خش و قول اللي بيقول كده مبيفهمش حاجة و مالوش فيها

موضوع عن عصبيه لمصر أو أي دولة أخري
خش و هاجم البلد دي

ياللا خش دي سهلة خالص
ياللا شارك و احرق دمنا
ياللا اكتب و خد ذنوب
ياللا فكر إزاي تحرق دمنا

يا من تخاطبوا فينا الجدال . . . اتقوا الله

[جمال]

فعلا بقى فيه ناس متخصصة فى الكلام ده, سبحان الله

[MTAK]

و انا موافق نرق دم بعض
يالا بينا
---------------------
معك حق يا اسلام
يا من تخاطبوا فينا الجدال
الا تعلموا اننا على شعرة من الجدال
يعنى انتوا بس تلمحوا لموضوع جدلى و هووووووووووووووووووب عينيكوا مش هاشوف النور و لا الضلمة فى بعض الاحيان
-----------------
المشكلة اننا نجادل لللاشئ او فى اللاشئ
و بعض فترة طويلة ننسى اصل الموضوع من التفريعات الجدلية
-----------------
يا امة ضحكت من جدالها الاممٌ
بطلى شوية اصابنا الصممٌ

[أشرف العدوي]

ايه الموضع العجيب ده
اتمنى ان يتقفل حالاً
حاجة عجيبة قوي

[aif]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

[elassar2010]

فعلا فى ناس بتتكلم وتشارك فى المواضيع علشان تجادل وتتخانق بس وعايز يقنع الناس برأية هو والناس التانية وحشة وخصوصا موضوع العربيات الصينى والدكتور المصرى بالسعودية

[WalidAdel]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

ياباشا حضرتك كل موضوع تقول المفيد فيه بجد يعني اللي هو لو انا قولته حبقي بكرر كلام حضرتك ...... بارك الله فيك

انا مع رأي الاستاذ قلباً و قالباً

[aif]

ياباشا حضرتك كل موضوع تقول المفيد فيه بجد يعني اللي هو لو انا قولته حبقي بكرر كلام حضرتك ...... بارك الله فيك

انا مع رأي الاستاذ قلباً و قالباً

شكرا ياوليد
ده بس من زوقك وكرم اخلاقك
....
انا ساعات كتيييير بعد ما باكتب المشاركة باعمل لها معاينة ..... وكتيييير بعد ما باقرأها .... باغير فيها .... وكتييير بالغيها خالص لعدم وجود مضمون جديد .... لو لأنها ح تكون مستفزة لبعض الزملاء او ح تثير جدل ملوش اي لازمة
يا ريت نقرأ كلامنا قبل ما نرسله .... والله ح نلاقي مشاركات كتييير مالهاش لازمة

[KoDaK_Gti]

بص يا اسلام .... انا عندي اقتراح انا بأنفذه فعلا ..
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
لو عملنا كدة المواضيع الجدلية دي ح تختفي لوحدها

+11111 هو ده فعلا اللى انا بعمله والله علشان الواحد يريح دماغه

[medo55]

المفروض ان الكل يقتنع بالحكمه الي بتقول

لولا اختلاف الاذواق لبارت السلع

فمينفعش اني علشان اشتريت عربيه صيني اقنع الناس كلها انها تتجه للصين

ممكن اه اقول ان عربيتي حلوه بس دا يمنعش ان عربية اخويا الياباني انها هي كمان حلوه لكن من وجهة نظر الناس الخبيره مثلا فيها عيب صغير او حتى كبير ( دا طبعا من حكم تعاملك مع العربيه دي تقوله مش لمجرد انك ماشتريتهاش تقول وحشه ) المفروض ان الي بيتكلم عن حاجه يكون من واقع تجربه ومش مجرد تجربه يوم او يومين لازم تعيش معاها 40 يوم :D ومن عاشر القوم 40 يوم بئى منهم اقصد على العربيه بئت منك مش انت الي من العربيه ركزو :D

مع اختلاف المقارنات بس دا مثال بسيط ان كل واحد لما يحب يقول رأيه يكون عن تجربه او تجربة ناس خبراء موثوق فيهم ... مثلا في اختبار المتانه الاوروبي للعربيه معظمه بيتصور فيديو وبيكون متعلق عليه من الخبراء ان العربيه دي حلوه ولا لا فبالتالي الناس تقدر تحكم لانها شافت التقرير

لكن مش لمجرد اني سمعت ان فلان شاف حاجه في العربيه يبئى هي عربيه تعبانه


وربنا يهدي النفوس ما بين المسلمين ويوحد كلمتهم

قال رسول الله صلى الله عليه وسلم " انما بعثت لاتمم مكارم الاخلاق " صدق رسول الله صلى الله عليه وسلم

[Dr.A.Nabil]

ايه يا جماعه
الجدال ده زي الفلفل والشطه اللي عللى الاكل
والصراحه يعني انا ليا رأي

ليه دمك يتحرق لما حد يكون مخالفك في الرأي؟؟؟
ده رأيه وهو حر فيه

[Ahmed Samy]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

انا بقى الصراحة الفكرة عاجباني

و كثيرا باتبعها

بس ساعات ايدي بتاكلني (ما انا لحم و دم) و بشارك

رأيك جميل يا أحمد باشا ابراهيم :)

انت كلك انسان جميل و الله

[Chicco]

بص يا اسلام .... انا عندي اقتراح انا بأنفذه فعلا ......
لما تلاقي موضوع جدلي ... او موضوع فيه ريحة شياط ..... لا تشارك فيه .... ولو فيه ما يستدعي ... اعمل تقرير مشاركة سيئة
...
لو عملنا كدة المواضيع الجدلية دي ح تختفي لوحدها

انا بقى الصراحة الفكرة عاجباني

و كثيرا باتبعها

بس ساعات ايدي بتاكلني (ما انا لحم و دم) و بشارك

رأيك جميل يا أحمد باشا ابراهيم :)

انت كلك انسان جميل و الله

أنا بحاول أعمل زايك يا صديقي أحمد باشا ١ بس بينتهي بيي الحال زاي صديقي أحمد باشا ٢:) .... اديني بتاكلني و عايز أرد .... أخر مرة اقتبست مشاركة أخ فاضل لاقتها حل مثالي ...

أرسل أصلا بواسطة ahmed1981
معذرةً للجميع
الموضوع تحول لجدال عقيم

والنبي صلى الله عليه وسلم يقول: (عَنْ اَبِي هُرَيْرَةَ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ (لا يُؤْمِنُ الْعَبْدُ الإيمَانَ كُلَّهُ حَتَّى يَتْرُكَ الْكَذِبَ فِي الْمُزَاحَةِ وَيَتْرُكَ الْمِرَاءَ وَاِنْ كَانَ صَادِقًا)) رواه أحمد
عَنْ أَبِي أُمَامَةَ، قَالَ قَالَ رَسُولُ اللَّهِ صلى الله عليه وسلم " أَنَا زَعِيمٌ بِبَيْتٍ فِي رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا وَبِبَيْتٍ فِي وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا وَبِبَيْتٍ فِي أَعْلَى الْجَنَّةِ لِمَنْ حَسَّنَ خُلُقَهُ "رواه أبو داوود

صدق رسول الله صلي الله عليه و سلم ...

[WalidAdel]

شكرا ياوليد
ده بس من زوقك وكرم اخلاقك
....
انا ساعات كتيييير بعد ما باكتب المشاركة باعمل لها معاينة ..... وكتيييير بعد ما باقرأها .... باغير فيها .... وكتييير بالغيها خالص لعدم وجود مضمون جديد .... لو لأنها ح تكون مستفزة لبعض الزملاء او ح تثير جدل ملوش اي لازمة
يا ريت نقرأ كلامنا قبل ما نرسله .... والله ح نلاقي مشاركات كتييير مالهاش لازمة

دا المفروض والله بس تلاقي ناس كاتبه حاجات و الاخطاء الاملائيه سواء انجليزي او عربي و ساعات مشاركات غريبه تدل علي الشخصنه و بتاع فالواحد بيقول "فلتقل خيرا او لتصمت" بس تقول لمين بقي الكلام ده
دا الصح والله انك تعمل شيك كده تشوف الكلام ايه بتاع حرف كده حرف كده قبل ما تبعت

[نور القمر]

عن نفسي بكره المكان اللي في جدال كتير واللي فيه ناس مصره على رأيها بالرغم من مخالفة الاغلبية ليها
ممكن اقول رأيي مرة واحاول اوضحه مرة كمان ولوملقتش فايدة
بريح دماغي لاني مش هقدر اغير تفكير حد او اغير دماغه
بس من غير حرقة دم ولا حاجة