معايا قرشين عاوز اشغلهم فى البورصه

[خالد الشاذلى]

يا شباب

أنام عايا قرشين وعاوز اشغلهم فى البورصه بس انا ميح فى المواضيع دى ومعرفش حاجه خالص فيها عاوز اشغلهم زى الناس اللى بتشغل فلوسها فى سوق المال وكده وعاوزكم تدلونى اشغلهم فى ايه بالظبط

[hilal]

الوقت غير مناسب للاستثمار في البورصة حاليا وبصفة خاصة لمن تنقصه الخبرة
انتظر حتى تتضح ملامح أزمة البورصة الصينية ، والتي تأثرت بسببها جميع البورصات العالمية

[Bassem Youssef]

نفسي اسمع عن مستثمرين صغار شغلوا فلوسهم في البورصه المصريه و كسبوا

نصيحه ابعد عن البورصه بوجه عام ... و خصوصا اليومين دول

[Bassem Youssef]

البورصة تخسر 7.9 مليار جنيه بنهاية تعاملات الاثنين | المصري اليوم

البورصة تخسر 112 مليار جنيه في 6 أشهر | المصري اليوم

[مُصْطٓفٓى]

حولهم دولار وبعدين فكر براحتك

[ali ashraf]

اشترى شقة

اشترى شقة ( فى حدود المتاح) و يا ريت دور ارضى و اجرها قانون جديد و تكون دور ارضى علشان لو اتباعت بعد كده علشان تكون عمل تجارى بتتباع بعدة اضعاف تمنها الاصلى و انسى موضوع البورصة ده تماما

[ahmed2y]

محدش اشتغل فى البورصة وكسب أرمى فلوسك فى الشارع أحسن من البورصة

[monamize4]

أنا معايا قرشين وعاوز اشغلهم فى البورصه بس انا ميح فى المواضيع دى ومعرفش حاجه خالص

حسب كلامك دا ,, البورصة هى اخر مكان تفكر فيه .
دى الصورة التيبكال للناس اللى بتخسر ف البورصة

[الفجر]

سبحان الله انت فتحت موضوع فى وقت قاتل بالنسبة لية وانا كان نفسى افتح موضوع افضفض معاكم فى الظلم اللى انا شايفة فى البلد ومن قلة التقدير النفسى والمعنوى

انا واحد من ثلاثة فقط على مستوى خبراء التحليل الفنى ف العالم فقط فى البورصة وفى كل المنتديات العربية والاجنبية اللى توقعت بازمة انهيار الاسواق العالمية فى البورصات وانهيار اسعار البترول وسميت شهر اغسطس الحالى من قبل ان يبدءء بجحيم اغسطس الاسود !!!!!

الاخوة السعوديين والخليجين و بعض الناس انقذتهم م خسارة ملايين فى اسواق امريكا فى البترول لدرجة انهم عايزين يرسلوا لى طارة تاخدنى من فوق سطح بيتى لحد عندهم !!!!!!!!!!

وبعضهم عرض عليا شغل وتاشيرات حج وعمرة لية ولزوجتى معى باطفالى

اما فى مصر ...............ز لما روحت من عشر سنين اقدم لوظيفة محلل فنى قالولى احنا مش عايزين حد بيفهم فى البورصة احنا عايزين حد لية علاقات ويجيب تمن مرتبة وكمان انت طبيب بشرى مش معاك دبلوم تجارة هههههههههه وايى علاقة طبيب بشرى ببالبورصة !!! طيب مهو حضرتك عندك بتوع دبلومات مغرقين الدنيا واصلا مع احترامى ليهم ناس منهم مش بتعرف تقرى اساميهم وبعدين اية دخل شهادة جامعية فى مجال انا متفوق فية الى حد كبير !! والافندى اللى هناك قالى جبلى شغل اديك مرتب هههههههههههههههههه بمبدء قبضنى تجدنى

لو فى ذرة عدل فى البلد دى كان زمانى فى الفضائيات

طبعا هتقولى ىلية ما كتبت تحذيرك هنا من سقوط البورصة المصرية .. هرد عليك واقلك لان اللى هيقول ان البورصة هتقع حتى ولو لاسباب عالمية منها بورصة الصين هيتهم انة اخوانى وانة ارهابى وانة ابن................... وهيتشد من عرقوبة وفى الاخر مش هستفيد حاجة بس اللى عايز اثبتلة صحة كلامى ممكن على الخاص طبعا مع العلم ان لية نظريات فى علوم التحليل الفنى حتى الاجانب ما يعرفوا عنها شئ

استغفر الله من كل اثم ............ والله بكتنى قهرتنى يا اخى لما فتحت موضوع خصوصا فى شهر اغسطس

[lolnk]

فكك من البورصة الاسهم بشكل عام لو عايز اشتغل فوركس

[ahmedwagdy03]

البورصة فى مصر عبارة عن الأداة الحكومية لتحويل أموال الصغار لحسابات الكبار

[A_H_M_A_D]

انا هاقول وجهة نظر شخصية , واحساس شخصي برضه , مهياش فتوه أو ليها سند ديني

البورصة دي في نظري هي و القمار حاجه واحدة , لأن في الحالتين اللي كسب ميعرفش كسب ليه و اللي خسر برضه ميعرفش خسر ليه , انت بترمي فلوسك في اسهم بتاعة شركة زي اللي بيحط فلوسه على نمرة معينة في الروليت و يبص يستنى يشوف الكورة هاتنزل فين و يا كسب كل حاجه يا خسر كل حاجه

وفي الحالتين (البورصة و صالة القمار) بتلاقي الخسرانين أكتر بكتير قوي من الكسبانين , ومحدش بيكسب فعلا غير صاحب صالة القمار وهو بيدخن السيجار بتاعه من شباك مكتبه اللي فوق و هو عمال يراقب الناس اللي مضحوك عليها تحت و هي بتخسر فلوسها

بس كده ...

[hilal]

انا هاقول وجهة نظر شخصية , واحساس شخصي برضه , مهياش فتوه أو ليها سند ديني

البورصة دي في نظري هي و القمار حاجه واحدة , لأن في الحالتين اللي كسب ميعرفش كسب ليه و اللي خسر برضه ميعرفش خسر ليه , انت بترمي فلوسك في اسهم بتاعة شركة زي اللي بيحط فلوسه على نمرة معينة في الروليت و يبص يستنى يشوف الكورة هاتنزل فين و يا كسب كل حاجه يا خسر كل حاجه

وفي الحالتين (البورصة و صالة القمار) بتلاقي الخسرانين أكتر بكتير قوي من الكسبانين , ومحدش بيكسب فعلا غير صاحب صالة القمار وهو بيدخن السيجار بتاعه من شباك مكتبه اللي فوق و هو عمال يراقب الناس اللي مضحوك عليها تحت و هي بتخسر فلوسها

بس كده ...

إحساسك صادق لدرجة كبيرة
فعلا الآراء الفقهية تتلخص فيما يلي باختصار شديد:
السندات محرمة قولا واحدا ، لأنها تقوم على الربا الصريح
أما الاسهم فهي حلال بشرط أن تكون أسهم لشركات لا تتعامل في أشياء محرمة مثل شركات الدخان والخمور وغيرها.

هذا كله بشرط الشفافية ، وهي المحور الاساسي لعمليات البيع والشراء ، وهي محل شك كبير ، لأن كبار المضاربين لديهم من الوسائل المشروعة وغير المشروعة ما يسهل لهم الحصول على البيانات قبل نشرها ، مما يضر بصغار المساهمين وقليلي الخبرة الذين هم الوقود الحقيقي للمضاربات.
تحياتي