الاداره تحظر موضوع ..( رايك في برنامج هيه قطب)

[medosalah]

واضح ان الاداره من النوع اللي يتبع اسلوب النعامه في دفن راسه في التراب لما تقابله مشكله بدل ما يواجهها

المنتدي ده منتدي محترم .. والاعضاء اللي فيه اعضاء محترميييييييين

غير مقبوا ابدا خظر موضوع فجاه كده دو ابداء اي اسباب

يا ريت الي عمل حظر للموضوع يبدي الاسباب .. دي مش طريقه متحضره علي الاطلاق

طبعا انا عارف ان اللي عمل كده مش بعيد ابدا يعملي وقف للعضويه .. طالما هذا هو اسلوبه او اسلوبها في التعامل

بس كلمتين وكان لازم اقولهم

[hilal]

قد يكون لدى الادارة مبررات كافية لذلك
صحيح أن معظم الاعضاء محترمون ومثقفون
ولكن لا ننكر أن الكثير من الاعضاء مازالوا في مراحل التعليم الثانوي
ولا يصح أن يتم النقاش في أمور حساسة تتعلق بالعلاقات الحميمة بين الازواج في حضور الابناء
أنا ألتمس العذر للإدارة

[FAR!D]

قد يكون لدى الادارة مبررات كافية لذلك
صحيح أن معظم الاعضاء محترمون ومثقفون
ولكن لا ننكر أن الكثير من الاعضاء مازالوا في مراحل التعليم الثانوي
ولا يصح أن يتم النقاش في أمور حساسة تتعلق بالعلاقات الحميمة بين الازواج في حضور الابناء
أنا ألتمس العذر للإدارة

يعني ايه يا استاذ هلال ؟؟
هوا الموضوع كان بيسأل ايه رأي الاعضاء ولا كان بيبثلها حلقات؟
دلوقتي اولاد الثانوي بيفهموا في الحاجات ديه اكتر مني و منك و احنا متجوزين :)
لا مبرر

[FAR!D]

واضح ان الاداره من النوع اللي يتبع اسلوب النعامه في دفن راسه في التراب لما تقابله مشكله بدل ما يواجهها

المنتدي ده منتدي محترم .. والاعضاء اللي فيه اعضاء محترميييييييين

غير مقبوا ابدا خظر موضوع فجاه كده دو ابداء اي اسباب

يا ريت الي عمل حظر للموضوع يبدي الاسباب .. دي مش طريقه متحضره علي الاطلاق

طبعا انا عارف ان اللي عمل كده مش بعيد ابدا يعملي وقف للعضويه .. طالما هذا هو اسلوبه او اسلوبها في التعامل

بس كلمتين وكان لازم اقولهم

انت حتتوقف فعلا لمخالفتك قاعده عدم نقاش قرارات الاداره و للتعدي على الاداره بالقول
و اغلب الظن حنتوقف انا والأستاذ هلال عشان ردينا في الموضوع ده و ناقشنا معاك قرارات للاداره
خد التقيله هههههه
الموضوع ده حيتحذف اصلا
تحياتي :)))

[hilal]

يعني ايه يا استاذ هلال ؟؟
هوا الموضوع كان بيسأل ايه رأي الاعضاء ولا كان بيبثلها حلقات؟
دلوقتي اولاد الثانوي بيفهموا في الحاجات ديه اكتر مني و منك و احنا متجوزين :)
لا مبرر

أستاذ فريد
أتفق معك أن أولاد الثانوي بيفهموا في الحاجات دي أكتر مننا
بس أعتقد ان الادارة لا تريد أن تتورط في هذا الاتجاه أو أن يكون المنتدى وسيلة لذلك
واللي عاوز يعرف أكثر أو حتى يتفرج على بورنو ، يبقى على مسئوليته الخاصة وفي مواقع أخرى وليس من خلال المنتدى
تحياتي

[FAR!D]

أستاذ فريد
أتفق معك أن أولاد الثانوي بيفهموا في الحاجات دي أكتر مننا
بس أعتقد ان الادارة لا تريد أن تتورط في هذا الاتجاه أو أن يكون المنتدى وسيلة لذلك
واللي عاوز يعرف أكثر أو حتى يتفرج على بورنو ، يبقى على مسئوليته الخاصة وفي مواقع أخرى وليس من خلال المنتدى
تحياتي

تمام

[Samah AbdAllah]

هى ايه الفايدة اللى هتعود على الاعضاء من رايهم في البرنامج ؟

[FAR!D]

هى ايه الفايدة اللى هتعود على الاعضاء من رايهم في البرنامج ؟

معلش يا مدام سماح اني مش صاحب الموضوع لكن ممكن اعلق على تعليقك؟
هوا ده وجه الخلاف فقط اللي نتج عنه حذف الموضع ؟ بس كده ؟ من وجه نظر مين ؟ حضرتك ولا الاداره ككل ولا الاعضاء اللي ممكن يكونوا عملوا شكوي في موضوع قديم اصلا ولسه مرفوع اليومين دول
ماهو لو كده اغلب كوضوعات الاجتماعي حتتشال اصلا :)
تقبلي مروري و تعليقي بصدر رحب

[Karim_Monir]

السلام عليكم يعني ايه دفن راسه
احنا معندناش اللي بنخاف عليه ولا خايفيين من حاجه
وبما انك طبيب فده يعني انك علي وعي عالي من المعرفه
وبما انك علي نايل موتورز من زمان فالمفروض انك عارف ان في موضوعات بتكون غير لائقه للعرض على صفحات المنتدى
عشان احنا في الاصل منتدى سيارات والاجتماعي عشان نلم الشمل
لكن بعيدا عن الثلاثي
الدين السياسه الجنس
وكتير جدا مع تكرار كلمات وجمل غير متعلقه بالسيارات وبالمحتوى ده
جوجل بتصنفنا بعيدا عن تصنيفنا كمنتدى سيارات
وكمان بتبدء تصنفنا اننا بنعرض محتوى غير لائق للعرض على افراد الاسره
ومحتوى يستلزم موافقات ابويه
ومحتوى بلا بلا بلا
ليه بقي
عشان ارتباط لفظ هبه قطب نفسه مرتبط دلاليا بموضوعات خادشه للحياء
وغير لائقه للعرض الاسرى
وننزل كمستوى في جوجل شويه درجات
يبقي حضرتك تسال الاول قبل ما تتهم
وتسال في مكان الاستفسارات
لان الاداره بتشوف اللي انت مبتشوفوش
احنا نزلنا في التصنيف عده درجات عشان كذا عضو حط حوادث موتسكيلات بيحذر الناس من السرعه
بسببها اتوقف اكونت جوجل ونزلنا في التصنيف عده درجات

[FAR!D]

وعليكم السلام و مساء الخير يا استاذ كريم
ممكن العضو اللي عامل الموضوع كان حاد في وضفه لكن....
انت ذكرت انكم كا اداره معندكوش خوف من شئ او على شئ
طب القلق من تصنيف جوجل نفسه خوف
و شوفته اتكرر كتير جدا في كلامك و افتكر تنويه حذف الموضوعات اللي فيها صور من سوريا
انا فعلا معاك في تصنيف جوجل من الصور البشعه او تكرار كلمات من نوع isis -الدوله الاسلاميه -داعش
بيلفت نظر جوجل ليك ولو ان كده كل الموقع و الصفحات الاخباريه زمانها تصنيفها بال-
ماشي تمام برضوا
لكن ايه علاقه جوجل بهبه قطب
هبه قطب مين اصلا اللي بتتصنف على جوجل تصنيف
Adult او porn ?
هيا هبه قطب بتتعرى او بتقدم برنامج اباحي على قناه اباحيه و قمر هوت بيرد
ولا اتعمل مثلا ريبورتات على الصفحات اللي بتحتوى محتوي يخص هبه قطب ؟
مش متفق ولا معاك في ديه اطلاقا

[Samah AbdAllah]

معلش يا مدام سماح اني مش صاحب الموضوع لكن ممكن اعلق على تعليقك؟
هوا ده وجه الخلاف فقط اللي نتج عنه حذف الموضع ؟ بس كده ؟ من وجه نظر مين ؟ حضرتك ولا الاداره ككل ولا الاعضاء اللي ممكن يكونوا عملوا شكوي في موضوع قديم اصلا ولسه مرفوع اليومين دول
ماهو لو كده اغلب كوضوعات الاجتماعي حتتشال اصلا :)
تقبلي مروري و تعليقي بصدر رحب

اهلا استاذ فريد تقدر طبعا تعلق براحتك
بس مشاركتى كانت سؤال حقيقى عن الهدف من مناقشة راى الناس
مالوش علاقة بحذف الموضوع

[FAR!D]

اهلا استاذ فريد تقدر طبعا تعلق براحتك
بس مشاركتى كانت سؤال حقيقى عن الهدف من مناقشة راى الناس
مالوش علاقة بحذف الموضوع

لو انتي كنتي قرأتي الصفحات بتاعه الموضوع اكيد حتلاحظي ناس كتير مؤيده و شايفاها مفيده و ناس رافضاها اكتر والطرفين بيتكلم من وجهات نظر كتير
انا واحد من الناس قولت انا بحب اسلوبها بس مبحبش كلامها المكشوف
و افتكر انه الموضوع احتوى على تصويت
بس ارجع و اقولك انه موضوع عادي زي اي موضوع مادام مبيحتويش لا صور او دعوه للرزيله و انتم كاداره اكيد عدى عليكم مواضيع اللي افجر و اصخم من كده زي مواضيع الالحاد اللي جت عليها فتره و انتشرت و اكيد محدش كان حيرفض حذف حاجه زي كده

[medosalah]

هى ايه الفايدة اللى هتعود على الاعضاء من رايهم في البرنامج ؟

اولا. ده منتدي اجتماعي .. يعني معمول لمناقشه قضايا اجتماعيه . او مشاكل يوميه بتقابلنا

ده حتي في مواضيع كتيييييير شخصيه زي (مراتي سابت البيت) .. (زوجه واحد صاحبي طالبه الطلاق)..
(عايز بناطيل وقمصان كلاسيك بسعر رخيص).. (تكييف المحل بينقط ميه)

واعتقد ان هذه المواضيع هي اللي فعلا ممكن تكون مواضيع شخصيه ولا تعود بالنفع العام


ثانيا .. الموضوع اصلا مش بتاعي .. بس انا عملت مشاركه فيه نظرا لاهميه الموضوع وانتشار النقاش فيه في التلفزيون وفي الشارع..

[ESO101]

هل نفهم من كلام الإداريين إن مساهمتنا لنشر أي موضوع على صفحات المنتدى خارج إطار السيارات
بيخفض ترتيب المنتدى لذالك الموضوع غير مرغوب فيه ؟
هل نفهم إن أي موضوع يطلب رأي الأعضاء في أي شيء هو موضوع غير مفيد وغير مرغوب فيه ؟
نرجو التوضيح .. عشان يكون الأمر واضح للجميع

[Karim_Monir]

وعليكم السلام و مساء الخير يا استاذ كريم
ممكن العضو اللي عامل الموضوع كان حاد في وضفه لكن....
انت ذكرت انكم كا اداره معندكوش خوف من شئ او على شئ
طب القلق من تصنيف جوجل نفسه خوف
و شوفته اتكرر كتير جدا في كلامك و افتكر تنويه حذف الموضوعات اللي فيها صور من سوريا
انا فعلا معاك في تصنيف جوجل من الصور البشعه او تكرار كلمات من نوع isis -الدوله الاسلاميه -داعش
بيلفت نظر جوجل ليك ولو ان كده كل الموقع و الصفحات الاخباريه زمانها تصنيفها بال-
ماشي تمام برضوا
لكن ايه علاقه جوجل بهبه قطب
هبه قطب مين اصلا اللي بتتصنف على جوجل تصنيف
adult او porn ?
هيا هبه قطب بتتعرى او بتقدم برنامج اباحي على قناه اباحيه و قمر هوت بيرد
ولا اتعمل مثلا ريبورتات على الصفحات اللي بتحتوى محتوي يخص هبه قطب ؟
مش متفق ولا معاك في ديه اطلاقا

خوف ؟؟؟؟؟
في فرق بسن الحرص علي تقدم المنتدى وترتيبه ونجاحه وفرق بين الخوف
فالخوف كلمه مقبلهاش
لكن الحرص علي المنتدى طبعا ده شيئ اساسي واما مكنش وصل للترتيب اللي وصله ده


بخصوص الجزء التاني من كلامك
فالموضوع كبير واكبر من اني اشرحهولك في مشاركه
لكن باختصار لو صفحه اتكرر فيها كلمه (الشيخ الشعراوي) مع ما مرتبط بسه الكلمه دي في الموضوعات الدالاليه المتارشفه في جوجل فهايشوف ان الصفحه دي بتحتوى علي محتوى ديني


ولو اتكررت كلمه (هبه قطب) اللي كل موضوعاتها المتارشفه في جوجل مع كلمات دلاليه عن الجنس يبقي صفحات المنتدي دلوقتي بتحمل محتوى جنسي
مثال تالت لو انذكر كلمه (مجدي عبد الغني ) (كاس العالم ) كتير في صفحه يبقي المكان ده بيحتوى علي محتوى عن رياضه كره القدم




ده ابسط صور للموضوع لكن مع جوجل بياخد شكل اكثر تعقيدا بكتير
وعشان نوفر الوقت والجهد علي المشرفين
بنقول المحتوى غير لائق للعرض على المنتدي