مشروع بلاى ستيشن محتاج ارائكم

[egyboy]

السلام عليكم

كنت بفكر فى مشروع صغير براس مال صغير ويكون مربح

لو حد عنده افكار تانية يقووول

المهم

مشروع بلاى استيشن

عدد 2 جهاز بلاى ستيشن
عدد 1 جهاز اكس بوكس
عدد 3 شاشات كبير
عدد 3 ترابيزة للاجهزة
عدد 3 ركنة مميزة علشان الناس اللى هتلعب

متوسط الايجار والكهرباء ؟

الديكور للمحل

كمان هيكون فى مشروبات (شاى \ نسكافيه \ كابتشينو)
حاجات خفيفة (مولتو \ شيبسى \ شوكولاتة ...الخ)

مرتب واحد هيشتغل فى المحل


اولا محتاج حد يكون بيفهم فى الحاجات دى ويقولى الميزانية كدة كام بالظبط
ثانيا محتاج حد يفهمنى ايه الفرق بين البلاى ستيشن بهارد او من غير
والاكس بوكس هيمشى ولا بلاش

ايه تانى مطلوب ؟؟؟


المشروع مجدى ولا ايه والربح هيكون فى حدود كام
غالبا المكان هيكون فى مدينة نصر منطقة السراج

فى انتظاركم

[زهير فكري]

اهم حاجه الوضع القانوني , التراخيص وخلافه ده اهم نقطه زي المصنفات الفنيه مثلا وتراخيص الحي عشان ما حدش يزيط عليك , وبعدها نوعيه الزباين , عشان ما يحصلش قلق و خناقات والناس تشتكيك و ده هتحدده من سعر الساعه ,,

[Ahmed emad has]

اهم حاجة في المشروع ده انك لازم تختار مكان صح . لو اخترت المكان صح المكسب كبير ومضمون . واعتقد انك مختار مكان غلط . هات 2 بلاي ستيشن 3 و 1 بلايستيشن 4 . الديكور يبقي اسود تماما مع بعض الرسوم والاضاءة الفسفورية . هات البلايستيشن بهارد او يكون معدل . انتا محتاج منطقة زحمة وميكنش فيها حد بتاع بلايستيشن غيرك . لازم تفتح 20 ساعة من 9 الصبح لحد الفجر . الساعة ال3 تكون ب 10 و الساعة ال4 يكون ب 15 ده السينجل والمالتي زود 5 جنيه و اهم حاجة لازم سماعات واغاني ولازم تنقي الاغاني كويس

[hesham fawzy h]

3 اجهزة جانب السراج مش هينمشى خالص اعتقد و .. ولو هتزود اقل حاجة 5 اجهزة 4 الواحد هيقف ب حوالى 6 بعد التعديل و الاربعة دراعات ..

5 شاشات الواحدة فى حدود 4000

طرابيزة و كنب الخمسة فى حدود 10:13 الف لازم تعمل كنب نضيف و كبير و مريح علشان دة اساس الشغلانة

اهم حاجة يكون عندك دراعات كتير و الزبون ميشتكيش من دراع بايظ او الجو حر

لازم تكون مساحة كبيرة علشان تشد الناس و تكون اضاءة خفيفة

اوعا تنسا ميزانية التكيفات و تشطيب حمام و ثلاثة شهور مقدم

و لازم تقعد انت فى المحل علشان السرقة فية سهلة جدا


لو ناوى تعمل حاجة محترمة هتتكلفلها من 150 : 200 الف

[hesham fawzy h]

الربح لو ربنا كرمك .. هيبقى كتير جدا و مش هتتوقع المبالغ