إعـــــــلان

Collapse

.

,
See more
See less

تقرير 2015 عن دهب .. بلد السحر والجمال .. الجو الحلو و الهدوء واسعار زمااااااان

Collapse
X
 
  • Filter
  • الوقت
  • Show
Clear All
new posts

  • تقرير 2015 عن دهب .. بلد السحر والجمال .. الجو الحلو و الهدوء واسعار زمااااااان

    باختصار لو عاوز مكان جوه حلو في عز الصيف فاضي مفيهوش زحمه ودوشة ورخيص مفيش اي بلد في مصر او برا مصر كلها بتجمع الحاجات دي لانها نادرة دلوقتي مالكش إلا دهب بس

    معظم الناس بتخاف من الطريق الطريق متامن كويس جدا و اي حد بيعطل فيه بوكس بيجي يوقف معاه دا من ملاحظتي للطريق

    حاجات كتير حبيتها هناك
    1-الجو هنا جميل جدا طول اليوم في عز أزمة الحر في مصر كلها
    2- الجو بعد المغرب بيبقى حر شويا عكس مصر كلها وعكس طول اليوم ودي حاجة غريبة جدا بالنسبة ليا
    3- الطبيعة هنا لسه بخيرها مش زي شرم الشيخ الجبال وكل حاجة زي ما هيا ممنوع حد يقرب منها بأمر البدو مع انها جبال جرانيت يعني بمليارات
    4-دهب المدينة الوحيدة اللي زرتها في مصر مفيهاش كنتاكي !!! ولا اي مطعم تاني براند كل المطاعم هنا لوكال
    5-فيها ناس أجانب عايشين هنا بقالهم 10-15 سنه منهم راجل بريطاني بقاله 17 سنه بشوفه كل يوم يجي كافيه الفندق العصر ياخد المشروب بتاعه ويمشي كل يوم في نفس الوقت بقاله سنين وقاعد لوحده في دهب وبيقولوا عليهم local
    6- مفيش منديل عل الأرض الصبح بدري تلاقي الأجانب ماشيين يلموا الزبالة
    7- البلد في كساااد فظيع محلات كتير فلست و بقت مهجورة ومتكسرة بشكل يزعل ويحزن بجد
    8- اماكن الغطس اللي هنا خرافيه وناس بتسافر بس للأماكن دي بس للاسف حاليا نسبة كبيرة اوي اوي من للشعب بتموت بسبب الإهمال وبسبب أن الناس اللي بتنزل بتلمس الشعب وتموت وللأسف أغلبهم مصريين ومفيش حد بيتحرك
    9-وانت قاعد هنا تحس بالنظام الاقتصادي الكامل المبنى عل السياحة ناس في بلد مقطوعه بدون اي دخل ناس بتيجي تصرف عندهم فلوس يأخذوا الفلوس يشترون كل حاجة من برا فايصرفوا الفلوس دي تاني
    10- فاكر نفسك شوفت جبال في حياتك تعالى هنا جبال غريبه فعلا
    11- فاكر نفسك شوفت نجوم يبقي اطلع الجبل هنا وهتشوف منظر غريب حتي الشهب بتكون واضحة جدا جدا عكس شرم مفيش نجمة واحدة حتي في السما
    12- البلد دي الحيوانات كلها اليفة عادي لما تلاقي كلب بيتمشي بين الناس رايح جاي يجي يقعد معاك او على البحر شويا زي القطة اللي منزلها جت جنبي ونامت !!


    تقرير عن السكن والرحلات والاكل

    تقرير عن السكن والاكل والرحلات في دهب
    بالنسبة للسكن
    هنبدأ من اغلي حاجة لاقل حاجة متوفرة
    1- شاليه او فيلا على البحر مباشرة
    الاسعار من 250-400
    انا اول اسبوع اخدت فيلا بـ 400 و الراجل نزل السعر لـ 300 جنية واعتقد لو هتاخد اكتر من 5-6 ايام السعر كمان هينزل ..
    وفيه حاجات اخده سيط كبير زي red c villa او red rock دي حاجات اعلي ممكن توصل 600-800 بس انا شايف ان مالهاش لازمه خاصة الفيلا اللي كنت اخدها كويسة جدا ومفروشة وفيها شخص بينضف كل شخص
    2- تاني اسبوع انا روحت فندق مش وااااااااو يعني بس السعر كان 100 جنية للفرد شامل الافطار اخدت غرفة دبل مع فطار و على البحر مباشرة بـ 150 جنية للشخصين في اليوم العيب مكنش في تليفيزيون في الغرفة بس مش عيب اوي لاننا مكنش هنحتاجه بدرجة كبيرة
    3- في حاجات اقل هتلاقيها في المشاية وكويسة الفرد الليلة بـ 50 جنية اليوم ودي تنفع للشباب اكتر
    بالنسبة للرحلات
    1- احسن واهم رحلة تروحها من وجهة نظري هيا رحلة الثري بوولز ودا مكان للسنوركلنج و الغطس و شاطئ بتقعد عليه تنزل ساعتين او براحتك وتتغدي وبعد كدا بتاخد بتيش باجي وتتمشي على البحر وتدخل وادي جناي في دهب و تدخل تشوف العيون وواحة كدا في نص الصحرا وترجع تاني في حوالي ساعتين الرحلة دي جميلة وبتجمع كل حاجة و خفيفة كدا و سعرها 100 جنية للشخص شامل المواصلات والشاطي والعدة و البيتش باجي و الغدا
    2- العشاء البدوي بصراحة في دهب مختلف شويا عن شرم الشيخ واي حتة لان بيكون التركيز على القعده ومفيهوش بيتش باجي وفيه مكانين في دهب فيهم المووضوع دا واحد اسمه ادهم ودي القعده فيها دي جي بس عنده مكان بتطلع لفوق في الجبل بتقعد مع النجوم في حتة عالية جدا و دي ميزة المكان هناك
    المكان التاني اسمه بندق دا راجل بدوي عامل قعده فوق الجبل كلها شمع وطول ما اتن قاعد الشمع بيخلص يتغير وشاي بدوي النور خفيف واحسن حاجة بيعملوا نار ويغنوا بدوي مع طبل وبتكون قعدة سمر جميلة
    سعر الرحلة 90 جنية للفرد شامل المواصلات و المشروبات و الاكل والشاي البدوي طول السهرة
    3- رحلة الوايت كانيون و الكلر كانيون و صخرة الماشروم
    دي رحتها بس يفضل يكون شباب لوحدهم وعندهم استعداد يتفحتوا طلوع ونزول جبال و حبال وكلام من دا الوايت كانيون عبارة عن اخدود في الارض شق كبير جدا بتقعد ماشي فيه حوالي ساعتين وبتمشي في صخور نازل طالع وكذلك الكلر كانيون بس اصغير ممكن نص ساعة فقط الرحلة دا غالية لان لازم بتطلع بعربية مجهزه ومع اتنين بدو عارفين الطرق لان الحاجات دي في نص سينا ومفيش اي طرق هناك غير الرمل واول مرة فعلا اروح اقعد مع بدو حقيقين واكل اكل بدوي مطبوخ عل الخشب في الرحلة دي
    5- جلاس بوت من اللاجونا في دهب بيوديك منطقة شعب اسمها نابوليان تقريباً جميلة جدا وممتازة الفرد تقريباً 50 جنية
    4- رحلة البلو هول ودي احسن منطقة دايفينج في دهب والتانية تقريباً على العالم انا مرحتهاش لاني مش غاوي غطس بس الناس كلها بتقول دي من احسن الاماكن في شرم هيا ومحمية راس ابو جالوم
    5- فيه رحلات كتير جدا هناك ومتنوعة زي سانت كاترين ورحلات بالجمال وغيرة ممكن تجربوها برده
    الاكل
    علشان تاكل في دهب هتتعب شويا لان الاكل هناك مش على مزاجنا في اغلب الاوقات متحاولش تجرب لاني جربت محلات كتير وكنت بحس انهم من نفس المطبخ بالزبط بالاضافة لو مش عارف هتاكل فين بالزبط هتدفع كتير لان الاسعار تقريباً موحدة للمصريين و الاجانب
    1- احسن مكان في دهب every day cafe القديم قدام سوبر ماركت غزالة ودا مكان صغير ومعظم الصور اللي تحت منه وكل يوم كنا هناك خدوا بالكو لان فيه واحد تاني سارق الشعار بالزبط واكبر بس نصابين
    المكان دا كا اسعار كويس جدا جدا وعندهم مطعم بيعمل اكل عادي مصري واسعارهم كويسه جدا جدا المكان كمان عاوز تنام عاوز تعمل اللي انت عاوزه هتحس انك في البيت وهتلاقي ناس نايمة وقاعدة على الارض وعل الكنب وكل حاجة بتاخد راحتك وبتبقي قاعد والموج تحتك احساس ومكان من اروح الاماكن في مصر فعلاً ..
    2- الشيف حسانين في السوق برده الاكل عندهم جيد جدا واسعارهم وممتازة جدا
    3- بلو هاوس دا مطعم بتاع واحد تايلاندي هو و بنته بس اللي بيعملوا الاكل زي ما بيتعمل هناك وبيجيب بهاراته وحجته من هناك ولو حاجة خلصت بيعتذر يعملها
    4- عروس البحر ودا المطعم الوحيد تقريباً المتخصص هناك سي فود حلو بس مش زي ما الناس بتشكر فيه وغالي
    5- مطعم القمر البدوي عندهم برجر ممتاز وقعدة ممتازة واسعارهم معقولة
    الباقي حاجات موجهه للاجانب اكل مالوش طعم وغاااااالي جدا


    في نص البلد شارع العصلة او العسلة دا شارع فيه كل حاجة صيدليات مغسلة محلات موبايلات مخبز وكل بنفس اسعارنا العادية وارخص

    معظم الصور انا اللي مصورها خلال الشهر دا

    دا ملخص تقريباً للحاجات اللي في دهب اللي جربناها وحبيت انقلها ليكم يارب تعجبكم واي استفسار انا معاكم اسيبكم مع الصور









































  • #2
    تقرير روعه فعلا
    تسلم ايدك يا محمد
    يا ريت فعلا نهتم بالتقارير القويه دي ده احنا في اكبر منتدي عربيات يعني :-)

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك

    Comment


    • #3
      مش ممكن الجمال ده سبحان الله
      نفسى اروحها فعلا هى وطابا
      [CENTER][URL]https://www.facebook.com/NMTechShop/[/URL] [/CENTER]

      Comment


      • #4
        انا من عشاق ده وتقريباً مش باروح غيرها

        بس للأسف زي ما محمد قال دلوق الحال ما يسرش هناك.

        أنا فاكر أيام الموسم زمات كنا لو مش حاجزين ممكن نفضل ندور 3 ساعات على أي غرفه نبات فيها.

        على العموم ربنا يكرم والأيام دي تعود تاني.

        سؤال محوري يا محمد باشا: هو مطعم blue house فتح تاني؟

        أنا كنت هناك من شهر وقالولي إنه قفل بس إحتمال يفتح تاني قريب.

        المطعم ده أجمد مطعم تايلندي أنا جربته في مصر وهو اللي حببني في الأكل التايلاندي وخلاني أتعلم أطبخه كمان :)

        أرجو الرد للأهميه

        شكراً
        محمد سعيد
        [B]"No act of kindness is ever wasted" [/B]

        Comment


        • #5
          شكراً جزيلاً على تقريرك الجميل
          [CENTER][SIGPIC][/SIGPIC][/CENTER]

          Comment


          • #6
            تقرير جميل
            تسلم ايدك
            [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

            [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

            Comment


            • #7
              مفيش هناك رحلات للبتراء ووادى روم فى الاردن من هناك؟؟؟
              [CENTER][SIZE=3][COLOR=DarkRed][B]نفسن براحتك ..
              إشتم براحتك ...
              إغلط و متعوزش تتحاسب ...
              إتبلطج و خدها دراع و أعمل دكر ..
              إحجر على الرأى التانى و إتريق على الناس ..
              إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
              [/CENTER]

              Comment


              • #8
                تقرير هايل بجد
                انا بعشق دهب و اعتقد اني مش هروح جنوب سينا غير لدهب انا كنت قاعد في المريديان طبعا اوتيل ممتاز جدا والاكل فيه نضيف وكل الاوض علي البحر واسعاره رخيصة جدا بالنسبة لاوتيل 5 نجوم حوالي 850 جنيه تلات ليالي هاف بورد الشاطئ بتاعه صخري مليان شعب مرجانية جبت نضارات سنوركلينج من المدينة بسعر رخيص وطبعا طول اليوم سنوركلينج علي شاطئ الاوتيل الي عايز شاطئ رملي و يركب شراع يطلع علي اللاجونا
                و ده ترتيب الاوتيلات من حيث تقديم الخدمات
                1- المريديان 5 نجوم
                2-سويس ان 4 نجوم
                3- دهب ريزروت 4 نجوم
                4- أيبيس دهب لاجون 4 نجوم
                5- دهبية 4 نجوم
                6- سول دهب
                طبعا دهب يعني البلو هووووول سنوركلينج ودايفينج
                بس الاسعار الي انت كتبتها بتاعت الرحلات حلوة جدا يا ريت تقول حجزتها من عند مين من الداون تاون نفسه ولا مكاتب معينة
                وطبعا دهب لعيلة هتكون ممتازة ريلاكسنج وهدووووء وهوا نضيف جدا

                Comment


                • #9
                  ليت الزمان يعود يوما ...الاولاد مش هيخلونا نروح حته ونستمتع تقريبا كل الخروجات ليهم
                  "ذلك من فضل الله عليناوعلى الناس ولكن اكثر الناس لا يشكرون"

                  الحمد لله

                  Comment


                  • #10
                    تقرير رائع تسلم إيدك.

                    Comment


                    • #11
                      شكراً على تشجيعكم

                      مطعم بلو هاوس شغال حالياً ومطعم ممتاز فعلاً

                      رحلات الاردن والقدس ممنوعة للمصريين للاسف ..

                      الرحلات حجزت معظمها من مكتب كنج سفاري دهب عند كوبري السيل

                      Comment


                      • #12
                        المشاركة الأصلية كتبت بواسطة bedos مشاهدة المشاركة
                        شكراً على تشجيعكم

                        مطعم بلو هاوس شغال حالياً ومطعم ممتاز فعلاً

                        رحلات الاردن والقدس ممنوعة للمصريين للاسف ..

                        الرحلات حجزت معظمها من مكتب كنج سفاري دهب عند كوبري السيل
                        ممنوعة ليه؟ مش ممكن الاردن ندخلها من غير فيزا؟

                        شركة اسمها teZ TOURS كانت عاملة الرحلة دى من فترة؟
                        [CENTER][SIZE=3][COLOR=DarkRed][B]نفسن براحتك ..
                        إشتم براحتك ...
                        إغلط و متعوزش تتحاسب ...
                        إتبلطج و خدها دراع و أعمل دكر ..
                        إحجر على الرأى التانى و إتريق على الناس ..
                        إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
                        [/CENTER]

                        Comment


                        • #13
                          المشاركة الأصلية كتبت بواسطة seiffoz مشاهدة المشاركة
                          ممنوعة ليه؟ مش ممكن الاردن ندخلها من غير فيزا؟

                          شركة اسمها tez tours كانت عاملة الرحلة دى من فترة؟
                          مش للمصرين اي جنسية غير المصريين اعتقد بسبب شروط امنية الراجل قالي ممكن تروح بس هتتعرض لمشاكل لما ترجع

                          Comment


                          • #14
                            نعيد التذكرة بالتقرير والبلد الجميلة دي بمناسبة دخول الصيف

                            Comment

                            Working...
                            X