تعيش حياه العزوبيه ازاي

[mody1982]

بما اني اعزب غصب عني و بحاول اتجوز لكن ربنا مش رايد
و بما اني تقريبا معنديش صحاب
و بما اني تقريبا مفيش حاجه في حياتي حلوه والدي و والدتي مرضي بأمراض مزمنه و علي طول عند الدكتور
حياتي ملخبطه و كئيبه مفيهاش حاجه مبهجه
و بما اني تقريبا بقي عندي اكتئاب مرضي من الظروف اللي حواليا
فأنا محتاج نصايح من الناس اعمل ايه علشان انبسط حتي لو شويه صغيره في حياتي
عايز اي حاجه تبسطني و لو شويه لأني في اعلي درجات الحزن و الغم و الكأبه
يا ريت تفيدوين بنصايحكم

[A7medelfe2y]

هو طريق واحد مفيش غيره القرب من الله
بعد كدا هتلاقي كل حاجه بدأت تتحل
حاول تصلي كل الاوقات في الجامع
اعمل علاقات سواء في الجامع او في الشغل او الجيران او السوشيال ميديا
مارس اي رياضه طلع فيها كل طاقتك

[rotanamasoud]

طيب تخيل لو عايش حياه العزوبيه بعد ما اتجوزت
العزوبيه اللى انت فيها لا تقارن اطلاقا بالموقف ده
وفى مثل بيقول ما عزوبيه الا بعد جواز
ربنا يوفقك وتلاقى اللى بتدور عليه اشغل نفسك بالتقرب الى الله وهوايه مفيده روح جيم لو ليك فى الجيمز هاتلك كمبيوتر جيمز او بلاى استشن

[monamize4]

زى ما قال الاعضاء المحترمين ,, لا بديل عن التقرب الى الله و ممارسة الرياضة
و المفروض اصلا ان كل الناس تلتزم بال 2 دول ,, بس ف حالتك انت ليهم فايدة اكبر كمان
و حاول تزود عليهم كورس ف مجال شغلك او كورس لغة او تنمية بشرية او حسب اهتماماتك

[samyyousef]

يكفيك والديك المرضى للانشغال بهما
ان لم تستغل فترة العزوبية هذه في الدراسة و تنمية مهاراتك المختلفة ستندم لانك لما تتجوز او مجرد تخطب...على حسب ما يذكر اخواننا المتزوجين ...مش حاتلائي وقت

[mody1982]

هو طريق واحد مفيش غيره القرب من الله
بعد كدا هتلاقي كل حاجه بدأت تتحل
حاول تصلي كل الاوقات في الجامع
اعمل علاقات سواء في الجامع او في الشغل او الجيران او السوشيال ميديا
مارس اي رياضه طلع فيها كل طاقتك

الحمد لله علاقتي بربنا كويسه طبعا مش اقصي حاجه ممكنه و لكن تعتبر كويسه جدا
بالنسبه للرياضه مشكلتي ا ني بعيد عن اي نادي انا مشترك في نوادي بس محتاج ساعه علي الاقل علشان اوصل للنادي من منطقه سكني

طيب تخيل لو عايش حياه العزوبيه بعد ما اتجوزت
العزوبيه اللى انت فيها لا تقارن اطلاقا بالموقف ده
وفى مثل بيقول ما عزوبيه الا بعد جواز
ربنا يوفقك وتلاقى اللى بتدور عليه اشغل نفسك بالتقرب الى الله وهوايه مفيده روح جيم لو ليك فى الجيمز هاتلك كمبيوتر جيمز او بلاى استشن

ازاي يبقي متجوز و عازب دي مش فاهمها الصراحه يا ريت حضرتك توضح علشان الجمله غامضه جدا

[prof2013]

ما انا عازب زيك أهو ومريت بمواقف العن مما مريت به واديني عايش أهو وكل شيء ايزي
لا تشغل بالك بالموضوع ده
موضوع الجواز تافه ولا يستحق منك كل هذا العناء
هما اللي اتجوزوا عملوا ايه !!! بالله عليك تخبرني
الاخوة اللي بيقولوا العب جيم ولا ادرس ولا مش عارف ايه
للاسف كل ده مش هيحل المشكلة الا اذا اتغيرت طريقة تفكيره عن الحياه بشكل عام والجواز بشكل خاص
لانه كل ما هيحاول يضيع وقته في اي حاجة وافتكر موضوع الجواز هتنغص عليه حياته كل شوي فلازما يكره الحاجة اللي بتنغص عليه حياته دي كالجواز على سبيل المثال
بص اعمل زي ما انا عملت
احسبها من وجهه تانية
بيعتمد على ذكائك انت بقى وعمق تفكيرك
كمثال : واحدة اتصلت بابراهيم الفقي الله يرحمه تطلب منه المساعدة في الاقلاع عن شرب البيبسي لانها بتحبها جدا وعايزة تسيبها ومش عارفة
قالها بسيطة وانتي بتشربي تخيلي ان فيه دود جوا الازازة ومخاط والخ والخ
راحت قالتله يادكتور انت مقرف وكرهت البيبسي بسببك وقفلت في وشه
قالها وهو المطلوب اثباته هههههههههههههه
نفس الحكاية
افتكر انك ممكن تتجوز واحدة شمال تنكد عليك عيشتك فأيهما أفضل العزوبية ولا الجواز ؟!
ما هو انت مش عارف حظك
حاجة في علم الغيب والخ والخ والخ

[mody1982]

ما انا عازب زيك أهو ومريت بمواقف العن مما مريت به واديني عايش أهو وكل شيء ايزي
لا تشغل بالك بالموضوع ده
موضوع الجواز تافه ولا يستحق منك كل هذا العناء
هما اللي اتجوزوا عملوا ايه !!! بالله عليك تخبرني
الاخوة اللي بيقولوا العب جيم ولا ادرس ولا مش عارف ايه
للاسف كل ده مش هيحل المشكلة الا اذا اتغيرت طريقة تفكيره عن الحياه بشكل عام والجواز بشكل خاص
لانه كل ما هيحاول يضيع وقته في اي حاجة وافتكر موضوع الجواز هتنغص عليه حياته كل شوي فلازما يكره الحاجة اللي بتنغص عليه حياته دي كالجواز على سبيل المثال
بص اعمل زي ما انا عملت
احسبها من وجهه تانية
بيعتمد على ذكائك انت بقى وعمق تفكيرك
كمثال : واحدة اتصلت بابراهيم الفقي الله يرحمه تطلب منه المساعدة في الاقلاع عن شرب البيبسي لانها بتحبها جدا وعايزة تسيبها ومش عارفة
قالها بسيطة وانتي بتشربي تخيلي ان فيه دود جوا الازازة ومخاط والخ والخ
راحت قالتله يادكتور انت مقرف وكرهت البيبسي بسببك وقفلت في وشه
قالها وهو المطلوب اثباته هههههههههههههه
نفس الحكاية
افتكر انك ممكن تتجوز واحدة شمال تنكد عليك عيشتك فأيهما أفضل العزوبية ولا الجواز ؟!
ما هو انت مش عارف حظك
حاجة في علم الغيب والخ والخ والخ

كلامك قد يكون في مجمله صحيح لكن الواحد من حقه يبقي ليه بيت و اسره
و ميبقاش عايش من غير هدف و كده خصوصا اني وصلت 34 سنه
حياتي مفيهاش شئ ممتع و لا حاجه تبسط
نفسي في حاجه تبسطني و تخليني مبتهج شويه
و مش عارف اعمل ايه علشان احرج من المود ده
اهلي المرضي هيجي يوم و مش هلاقيهم جنبي و هبقي عايش مليش حد

[elpilot]

ياباشا نصيحتي ليك
تمتع بالسئ فالاسوا قادم
ولو لينا عمر ان شاء الله هتفتكر نصيحتي دي كويس لما ربنا يكرمك وتتجوز

[nilmaster]

طبعا القرب من الله والاخذ بالاسباب
وغالبا مفيش حد سعيد فى الدنيا لا اللى متجوز ولا الاعزب
انما الرضا بقضاء الله قدره خيره وشره, وحمده فى السراء والضراء هى مفاتيح السعادة
دايما اقؤل لنفسى اصنع سعادتك
قراءة ورد من القرءان وقراءة الكتب ,الذهاب لجيم او لعب رياضة,دخول سينما

[blazer]

تقرب الى الله اكتر
حاول تدرس حاجه تزود بيها مهاراتك او تتعلم لغه جديده هتفيدك او كورس
مارس رياضه و جيم
اقرى كتب مفيده
سافر الى مكان جديد حتى لو جوه مصر متكنش رحته زى دهب / نويبع
اعمل حاجه جديده مفكرتش انك تعملها ,, اطلع جبل سانت كاترين ,, اعمل دايفينج, اركب خيل
كلنا عندنا بلاوى منغصه علينا عيشتنا وبنساعد بعض :)

[volociximab]

قلتلك و انا فى موضوع الاكتئاب ده من سنين
روح لدكتور
اى حاجة تانية او تغيير يبقي مع الدوا
الدوا هيعطيك دفعة باذن الله انك تقدر تهزم الاكتئاب
انا دلوقت عديت شهر مع الدوا و حاسس براحة كبيرة الحمد لله

[Ah.Farid]

مفيش وصفة جاهزة للى انت فية يعنى المفروض الاول تقولنا انت بتحب تعمل اية واية هواياتك وايه اللى مش بتحبة ويبقى عندك اختيارات

اولا زى ما اجمع الاخوة التقرب اللى الله هو الاساس الومفتاح اللى ممكن يساعدك انك تكتشف انت عاوز ايه
ثانيا الرضا والقناعة بالحال اللى انت فية لان للاسف مفيش حد راضى بحالة مع ان نعم ربنا كتيرة على كل انسان بس الانسان مش بيشوف الا الحاجة للى نقصاة ويمسك فيها

التقرب من الله والتمسك بفرائضة دة المدخل وبعد كدة ربنا هيكرمك وتحس بالنعم اللى انت فيها وساعتها هتعرف ان حالك احسن من ناس كتيرررر بس انت مكنتش شايفهم

[omarhelalyehia]

السلام عليكم

استمتع بخدمة ابوك و امك و اتهيألى كلام nilmaster مقنع جدا

[rotanamasoud]

ازاي يبقي متجوز و عازب دي مش فاهمها الصراحه يا ريت حضرتك توضح علشان الجمله غامضه جدا

راجع الخاص