اعضاء نادي الثلاثينات ... محتاج نصائحكم

[Bassem Youssef]

انا حاليا بدأت في ال 29 سنه خلاص

لو في عمر و اجل و بقيت 30 سنه

مش عارف استقبل الموضوع ده ازاي

طول عمري حاسس اني صغير

و العمر لسه قدامي طويل

دلوقتي خلاص نظرتي اتغيرت

انا حاليا بحاول انقاذ المتبقي من العمر

و ربنا يساهل

لو في حاجه اعملها او حاجه ابطل اعملها

ياريت تعرفوني

[blazer]

تقرب الى الله اكثر
والله اعلم لم يعد فى العمر مثل ما فات

[ESO101]

أنا مواليد 85 عندي 30 سنة .. أو بالظبط يعني 29 و 10 شهور فاضلي شهرين بالظبط
من ساعة ما حسيت إني بودع الـ 29 وأنا مش قادر أستوعب إني على حافة الـ 30
المشكلة إني حاسس إن الحياة ملهاش أي طعم .. والإنجاز معدش مهم
30 سنة .. سن مرعب وبداية العد التنازلي الحقيقي .. اللي فاضلينلك بالظبط 10 سنين
وتدخل مرحلة التدهور ... في الصحة والشكل و النفسية وكمان 5 سنين تبتدي مرحلة الإنهيارات على المستوى الصحي
هتفضل تتآكل صحيًا لحد 60 بعد كدا تبقى ماشي أجهزتك كلها معتمدة على الأدوية وبتدي الإنذار الأخير لحد ماتعلن التوقف التام
متوسط عمر الرجل المصري 69 سنة ... يعني أجهزته كلها بتتوقف وتجيب آخرها
وخلي بالك الـ 9 سنين الأخيرة دي بتبقى شبه ميت أساسًا .. دا لو عشتهم يعني

أنا مش بحبطك أنا زيك ... إحساسي بكبر السن بدأ فجأة ..
إبتديت أحس حقيقي بالعمر بعد ما رقم 30 إقتحم حياتي


عمومًا
مش هحاول أكذب على نفسي .. أنا 30 سنة وأدي سنة الحياة
كل ماهنالك تعرف إنك لازم تحافظ على صحتك عشان تحافظ على نفسك
لو مكنتش بتعمل الحجات دي قبل كدا فعرف إنك دلوقتي هتعملهم للضرورة مش رفاهية

تطمن على نفسك بفحوصات بشكل دوري
تهتم بصحتك ( الرياضة ) وأكلك و شعرك وبشرتك واسنانك كويس أوي
طبيب الأسنان كل عيد ميلاد هدية لنفسك إعمل تنظيف .. لو مش هتقدر تروح كل 6 شهور
تحاول تبعد عن لبس النضارة .. الليزك حل الموضوع
نظام غذائي كويس عشان تبعد عن السكر والضغط وأمراض العصر

وعلى المستوى الديني .. الصدقة أهم حاجة

[exelence]

ههههههه
فكرتنى بمرة كنت راكب المترو و فيه مكان بقى فاضى فباقول لشاب صغير اتفضل أقعد
قاللى لا احنا شباب ممكن نستحمل اتفضل حضرك انت اقعد.
انا طبعا اكبر من ال 30 يعنى داخل لسه فى اواخر التلاتينات بس كنت حاسس نفسى لسه شباب.

عموما مقوله هاقولهالك و هتفتكرها بعدين فعلا فعلا الشباب شباب القلب

[م أحمد]

" و هذا كتاب أنزلناه مبارك "

أى بركة عايزها... عليك و على القرآن الكريم...اللى غيرك بيعمله فى عشر سنين تعمله انت فى سنة
الموضوع دا معايا سلبا و ايجابا

و معنى البركة الزيادة و النماء

[volociximab]

محسسنى انى فى ارذل العمر

[Ahmed Eraqy]

يا حماعة ايه اليأس ده .. الاجانب بيبدوأ نص حياتهم التاني بعد ال 60 و الخروج على المعاش انا شوفت واحد فى منتدي اجنبي بيسأل انه عايز يتعلم برمجة و هو عنده 60 سنة و الناس شجعته اهتم بالعبادة و بصحتك و العب رياضة ..... انت لحد ال40 لسه شاب على فكرة انا 30 برده

[cyborg_ift]

والله كله محصل بعضه عشرين زي تلاتين زي اربعين واهم حاجه اعمالك وانك تتقي ربنا

[marsguy]

يا جماعه إيه التشاؤم ده.

كل فتره زمنيه وليها جمالها.

وكمان مش لازم كل اللي فوق الخمسين يكون عايش على أجهزة تنفس صناعي.

وعلى فكره أعرف ناس صحتهم بدأت تبوظ واضطروا يقفوا مع نفسهم وبطلوا عادات غذائيه سيئه ولعبوا رياضه وصحتهم أتحسنت عن ايام ما كانوا في العشرينات.

[mody1982]

اهلا بيك يا باسم اخيرا حسيت بيها
انا 34 و ابشرك انك داخل علي مرحله اكئتاب عظيمه
لأنك محققتش اي خاجه ليها معني في حياتك يعني لا عندك اسره و لا عندك وظيفه كبيره تتباهي بيها و لا عملت فلوس كتير مثلا
في الواقع انت ختحس بالاحساس ده و هيزيد كل يوم لما تلاقي حد في سنك و عنده اللي مش عندك
تقريبا انت بدأت و لاول مره تحس بيا و اللي انا عايش فيه
استمتع

[medosalah]

[color="black"]انا مش عارف انتم مكبرين الموضوع اوي كده ليه.. وبتتكلموا كانكم عديتوا الستين

من الاخر كده .. كل البشر هيكبر وكل البشر هيعدي العشرين والتلاتين والاربيعين والخمسين

الفرق الوحد اللي انت ممكن تحس فيه باختلاف عن غيرك هو الانجااز ..ايوه الانجاز والاحساس بالسعاده ليه سببين رئيسيين
اولا القرب من الله
ثانيا انك تحس انك تكون انجزات شيء في حياتك

طبعا النجاح في العمل انجاز .. المال وتحييق ثروه برده انجاز بس متعتهم مش زي متعه سنه الحياه

انا رايي ان افضل انجاز ممكن تعمله في حياتك .. ويحققلك اكبر قدر من السعاده الزوجيه وكمان يجدد من شبابك ويجدد في اهدافك وطموحاتك كل يوم ويخلي فيه معني للحياه ويحسسك بقيمه واهميه نفسك وكمان يشبع رغبات عندك ويديك سعاده عمره ما حسيت بيها او دوقتها قبل كده .. هي انك ترتبط بانسانه كويسه .. متدينه وعلي قدر كويس من الجمال(
(مش لازم تكون واو ومافيش زيها)

وربنا يرقق بالاولاد والبنات وتشغل في تربيتهم ..

هتحس بطعم الابوبه.. هتحس بطعم العيله والاسره اللي انت قائدها.. هتحس بطعم المتعه مع زوجتك . متعه عاطفيه وجسديه

هتحس انا بقي ليك اهميه وقيمه كبييييييره في الحياه.. وانك لو غبت عنهم الدنيا تقف

..طبعا هتقولي انك سنك كبر وان مستوي جمال البنات في مصر ضايع وان الجواز مكلف

مبدايا كده في عائلات كتيييييييييير اوي الان وعائلات محترمه وكبيره كمان غيرت مفاهيمها عن الجواز والتكاليف الباهظه

البنات كمان لو دورت في سن ال 25 26 27 هتلاقي كتيييييييييييييير ومستوي جمال ونضج فكري كويس جدا
بس المشكله انكم دايما تبصوا للبنات 20 او 22 .. ماشي .. مافيش اي مانع بس دول الجميل فيهم واللي عيلته معقوله سعات بيتنك شويه ويطلب طلبات اعلي

انتم فاهمين ان البنت في سن 25 26 27 وكمان 28 تبقي خلاص انتهت. مالهاش لازمه...
يا جماعه بلاش تسيبوا القطر يفوتكم .. حاول تدور .. روح النادي لو مشترك فيه... اتبرع بوقتك وانزل الاعمال الخيريه زي رساله

ابدا عيد تفكيريك في طلباتك العاليه اوي في مستوي جمال البنت

مثال ... في ناس تقولك انا عايز اتجوز واحده بيضا .. غير كده لا؟؟
مع ان في فنانات بشرتهم قمحي وعلي قدر كبييير جدا من الجمال . زي مثلا بنت عادل امام في مسلسل العراف

الغني مش كل شيء ... احنا عندنا دكاتره جامعه كبار في الناحيه العلميه وبعضهم ترشح لجايزه نوبل وعنهم فيلل وبيركبوا مرسيدس وعياداتهم مليانه بس والله فيهم ناس وصلوا لسن الستين والسبعين وخلاص ماسكين عكاز والحياه والعلم سرقهم ولم يتزوجوا او ينجبوا

يعني دخلوا الحياه وهيخرجوا منها بطولهم ..

حاول تسعي في التقرب لربنا .. حاول تسعي في الزواج .. ماترفضش البنات من اول مقابله ..
مش لام تتجوز نانسي عجرم يعني .. ومش شرط تتجوز بنت 20 او 22 يعني .. ومش لازم تكون شقتك 200 متر وجاهزه من مجاميعوا والمرسيدس تحت البيت

ابدا بالسهل علشان القطر مايفوتكش وان شاء الله بعد كده تحقق كل شيئ تتمناه .. بس تبقي لحقت نفسك وبعد كده هتشتغل بنفس وتكبر وتعلي مستواك وانت هادي ومش حاسس ان في كلب مسعور بيجري وراك الا وهو السن

تحياتي[/color]

[prof2013]

انا عمري 25 سنة
وحاسس اني كبرت
لو كان ربنا رزقني بواحدة زي ما انا عايز كان زماني وصلت لحاجة كبيرة قبل الدخول في الثلاثينيات لاني كنت هحس بالاستقرار
ولكن الاستعجال والتهور والرغبة في الهجرة ضيعني
لاني مش عايز اغسل اصحان عايز ابقى مستثمر وابقى رجل اعمال صغير وبعدين اكبر واحدة واحدة
ولكنه النصيب ........

[prof2013]

[color="black"]البنات كمان لو دورت في سن ال 25 26 27 هتلاقي كتيييييييييييييير ومستوي جمال ونضج فكري كويس جدا
بس المشكله انكم دايما تبصوا للبنات 20 او 22 .. ماشي .. مافيش اي مانع بس دول الجميل فيهم واللي عيلته معقوله سعات بيتنك شويه ويطلب طلبات اعلي

انتم فاهمين ان البنت في سن 25 26 27 وكمان 28 تبقي خلاص انتهت. [/color]

كنت بقول زيك كده حضرتك
ولكن المرأة هي المرأة
انسى ........

[Bassem Youssef]

اهلا بيك يا باسم اخيرا حسيت بيها
انا 34 و ابشرك انك داخل علي مرحله اكئتاب عظيمه
لأنك محققتش اي خاجه ليها معني في حياتك يعني لا عندك اسره و لا عندك وظيفه كبيره تتباهي بيها و لا عملت فلوس كتير مثلا
في الواقع انت ختحس بالاحساس ده و هيزيد كل يوم لما تلاقي حد في سنك و عنده اللي مش عندك
تقريبا انت بدأت و لاول مره تحس بيا و اللي انا عايش فيه
استمتع

هو انت عشان مكتئب عايز الكل يكتئب زيك ؟؟؟

اللي اعرفه ان اللي مش قادر يحقق طموحه في مكان

بيسيبه و يروح مكان تاني

بدل ما يعد يكتئب بدون ما يغامر

[omarhelalyehia]

السلام عليكم

ايه يا جماعة ....صلوا على رسول الله...ايه كمية الاحباط المهولة دى ....انتوا فى احلى سنين عمركم ...على كده اللى فى سنى يروح يموت احسن ....انا عارف ان ده كله انعكاس للظروف المجتمعية اللى عايشنها كلنا ....لكن الشباب لازم تكون عزيمته قوية و شديدة و احسن من كده .....و فرج ربنا قريب جدا بس مطلوب الاجتهاد و السعى ....يعنى ايه الاجتهاد و السعى يعتى تبذل اقصى جهدك لتحقيق امالك عشان ماتندمش بعد كده ...تبذل اقصى جهدك و التوفيق ده بتاع ربنا ...و لازم تكون متصالح مع نفسك و حاسس بقيمتك و اهميتك للناس اللى حواليك و اهميتهم بالنسبة ليك .....و الاهداف فى الحياة مش مادية بس ...رغم اهمية المال طبعا الضخمة و خاصة الايام دى ...و صدقنى فيه ناس كتير مستواها المادى ضعيف بس سعدا جدا و محققين من وجهة نظرهم اهدافهم فى الحياة...و فيه ناس ابتدت تنجح و تشتهر بعد سن الاربعين و الخمسين ( عندك من الممثلين حسن عابدين و لطفى لبيب و حاليا سيد رجب و انا واخد دول امثلة لان الناس بتشوفهم فى التليفزيون ) لكن فى غيرهم كتير فى مجالات مختلفة ...النجاح بيتأخر لكن بييجى فى ميعاده اللى ربنا كاتبه...حرام عليكم و الله نبرة اليأس و الاحباط دى فى حديثكم....و على فكرة انا زيكم و بعانى من الظروف اللى احنا كلنا بنمر بيها ( انا بشتغل فى مجال السياحة و الدنيا واقعة خالص من 3 سنين ) ربنا موجود ....تفاءلوا يا شباب....30 سنة و زعلان ومحبط ...يا حلاوة....ارجوا ان كلامى ما يزعلش حد....لان انتوا ناس كويسين و تستاهلوا كل خير ....و السلام