محتاج نصيحة عاجلة من خبراء اللابتوب.

[a_tantawy7]

السلام عليكم يا شباب,
الموضوع بأختصار أني عايز أشتري لابتوب, واستخدامي ليه معظمه أعمال مكتبية (يعني word,excel).يعني عايز حاجة تقضي الغرض و في نفس الوقت مفيهاش مشاكل.
المهم لاحظت أن فرق السعر سببه أساسا أن الأنواع الرخيصة (من 2600 ل 3000 جنيه.) بيبقى الprocessor سليرون, الأنواع الأغلى (من 4000 جنيه وطالع.) بيبقى core 2 due .
السؤال بقى:
ايه الفرق بين ال processor السليرون وال core 2 due ؟
أحد الأعضاء في موضوع سابق حذر من اللبتوبات اللي ببروسيسور سليرون وقال أنها بتسخن بسرعة وكفائتها بتقل بعد فترة بسيطة من الاستخدام, هل الكلام ده صحيح؟ أرجو النصيحة واللي عنده معلومة ميبخلش بيها, وجزاكم الله خيرا.

[Lion_Heart]

و يا ريت كمان ايه الأنواع المحترمة و فى حدود كام ؟

[د./اليشع ثابت]

اخى الفاضل

طبعا الافضل هو core 2 due بمراحل لانه قوووى جداااا و يضاعف سرعة

الاداء الى الضعف يعنى باختصار كما لو ان 2 processor يعملان معاااا

وشكرااا لك

[نور القمر]

حضرتك بتقول هاتستخدمه ورد واكسل بس يعني برامج بسيطه مش محتاجة سرعه مضاعفه
عموما انا انصحك بالسيلرون مدام استخدامك محدود يعني من باب التوفير
لكن من ناحية الكفاءة اطمن

اما اذا كانت الماديات مش هتفرق معك كتير هات core 2 due بحيث انك لو قررت في يوم من الايام تستخدم فوتوشوب مثلا او سويش او اي برامج تقيله

بالنسبة للانواع ابعد عن اسر وغنيله مشاكله كتير وضمانه وحشين

الاعضاء هنا بيشكروا في توشيبا وفي ضمانه

كمان انا جربت اتش بي سيلرون كويس واحيانا بحس انه احسن من اسر اللي معايا core due

اتش بي ماشاء الله معانا من سنه تقريبا محتجتش اوديه ضمان ومش عارفه ضمانه كويس ولا لأ
لكن اسر وحش من كله

[Terrible_DaRsH]

Toshiba
(3777) LE
Core d2
DVD
Wireless
Screen 15 "
HD 160 G
Ram 1 Gb
________
HP
(4444) LE
Core D2 Pro..
HD 160 Gb.
Ram 1 G
DVD
Wireless
Screen 15 "
+ PAGE ORIGINAL

[sab3aawy]

فيه عندك Hp 530

والبروسيسور بتاعه كور ت ديو

وسعره فى حدود 3600 جنيه، جهاز اكثر من رائع، انا معايا نفس الجهاز بس جبته من سنة بناء على نصيحة صديقنا العزيز خبير اللابتوب كريم منير لما كان متاح ببروسيسور دويل كور (اعلى بكتير من السليرون واقل من الكور 2 ديو) ومبسوط منه جدا، عيبه الوحيد ان فيه 2 يو اس بى بس مش 4 ودى تتحل بيو اسى بى هاب 4 بورت تمنه 25 جنيه بالكتير ،و ان مافيهاوش بلوتوث، بس فيه وايرليس لان، وبرضه البلوتوث(لو احتجتها علشان الربط مع موبايل) تمنها 50-60 جنيه ، لكن علشان الربط من النت هو فيه وايرليس لان، وشاشته صورتها تحفة وكفاية انك بتاخد اتش بى بالسعر ده

[hero]

البروسيسور السيليرون باختصار ...هو خط انتاج شركة انتل من الميكروبروسيسور المنخفضة السعر...ودة اتعمل علشان ينافسوا بية آسعار شركة AMD وايلي فارقة كتير قوي عن Intel

السيليرون بيعتمد علي عدد ترانزيسستور اقل في الميكروتشيب وبالطبع الميموري او الذاكرة الداخلية لية هاتبقي اقل برضة..دة غير انة غالبا بيكون علي سرعات اقل من البنتيوم 4 حتي...مش الدويل كور او الكور 2 دو ..(وان كان الاتنين تكنولوجي واحدة ومعناة تعدد الكورز في الميكروتشيب الواحدة)

المهم لو تقدر تجيب Core 2 Duo هايبقي افضل بكتير ...علشان حتي لوحبيت تبيعه بعد سنة ولا اتنين يجيب اي حاجة...وبرضة خليك في ميكروبروسيسور يكون وسط يعني لا عالي قوي ولا انتهي من السوق..

وخليك برضة في الميكروبروسيسور ايلي بـ2 ميجا بايت كاش...علي اعتبار انها مرحلة وسطية من ايلي موجود حاليا (اعلي لاب توب حاليا 6 ميجا كاش....)

وارشحلك اي جهاز من دول بالترتيب ....
توشيبا ساتلايت...
ديل ....بس خليك في الـ Latitude لو عرفت تلاقية...
HP
ACER
انا استبعدت الـ Sony Vaio علشان هايبقي غالي جدااا...بيفرق في نفس المواصفات مش اقل من 1500 جنية....

وربنا يوفقك....