سعر الدولار المتوقع الفتره القادمه

[Bassem Youssef]

يعني علي بدايه السنه الجديده هيكون بكام مثلا ؟؟؟

انا ملاحظ ان البنك المركزي مثبت سعر الدولار

و مكاتب الصرافه بتبيع باسعار علي مزاجها

انا مش عارف احول فلوسي دلوقتي و لا استني كام شهر ؟؟؟

اعتمد علي الصرافه و لا السوق السوده اللي معرفش اوصلها ازاي ؟؟؟

برضه كنت عايز اعرف حاجه

تاريخ طباعه الورقه النقديه ذات نفسها اعرفه ازاي ؟؟؟

[مُصْطٓفٓى]

اولا السوق السوداء هي مكاتب الصرافة مفيش فرق
تاني حاجة مكاتب الصرافة مش بتبيع على مزاجها
الطبيعي إنها بتبيع تبعا للعرض والطلب
لكن مع الإجراءات اللي اتخذها البنك المركزي من شهور
المفروض يكون الطلب على الدولار اعلى من كده بكثير
لكن محدش حيعرف يتصرف في الدولارات اللي معاه ولا حيعرف يحولهم للخارج
لأن البنك المركزي عامل حد للإيداع بالدولار
والا كان سعر الدولار ممكن يوصل في مكاتب الصرافة لـ 9 جنيه مثلا

تاني حاجة حضرتك بتسوف كل شوية في موضوع تحويل الفلوس اللي معاك للدولار
وفي نفس الوقت الدولار كل يوم سعره بيزيد مقابل الجنيه
والمبلغ اللي معاك قيمته بتقل للأسف
خد قرارك بسرعة شوية

[mk3]

هما المستوردين قال يعنى بيحولوا للخارج من البنك
الدولار طالع مفيش كلام
طبقا لجروبات الفيس اكثر من عضو غيروا ب 8 و 8 كسر

[ahmedsrs]

الموضوع عرض وطلب وطول مابنستورد من فوانيس رمضان الى السيارات ومفيش انتاج طبعا لازم يعلى

[ahmedwagdy03]

مستحيل الدولار ينزل طالما إحنا دولة عوالة على العالم كله . و كل اللى بيعمله البنك المركزى مسكنات يضحكوا بيها على الناس و يلاقوا مادة حديث فى التوكشووز بتاعهم اللى محدش بيتفرج عليه أصلا .

السعر الحقيقى للدولار أعلى من 8 جنية و كل الفرق ما يوسع تلاقى شوية مليارات جاية من الخليج ( فى صورة دعم الإقتصاد و المشاريع القومية اللى لا نسمع عنها و لا بنشوفها ) و البنك المركزى يضخها فى السوق علشان يفرمل الدولار شوية و بعد كدة مفعول المسكن يروح و يرجع فرق السعر .

[moha sasa]

مستحيل الدولار ينزل طالما إحنا دولة عوالة على العالم كله . و كل اللى بيعمله البنك المركزى مسكنات يضحكوا بيها على الناس و يلاقوا مادة حديث فى التوكشووز بتاعهم اللى محدش بيتفرج عليه أصلا .

السعر الحقيقى للدولار أعلى من 8 جنية و كل الفرق ما يوسع تلاقى شوية مليارات جاية من الخليج ( فى صورة دعم الإقتصاد و المشاريع القومية اللى لا نسمع عنها و لا بنشوفها ) و البنك المركزى يضخها فى السوق علشان يفرمل الدولار شوية و بعد كدة مفعول المسكن يروح و يرجع فرق السعر .

- الدولار تزداد قيمته أمام أغلب عملات العالم مش إحنا وبس.

[moha sasa]

- مفيش دولار واحد هيجلنا من الخليج وخاصةً من المملكة السعودية.

- سعر البرميل من اسبوع واحد 37.75 دولار.

- العجز من إجمالى الناتج القومى فى السعودية 20%.

- أما فى مصر فهو 10%.

- مستقبل الجنيه المصرى هيبقى واعد بعز عزيز أو ذل ذليل.

[Bassem Youssef]

مستقبل الجنيه المصري هيبقي واعد ؟؟؟؟

بالتوفيق :d

[ahmedwagdy03]

- مفيش دولار واحد هيجلنا من الخليج وخاصةً من المملكة السعودية.

- سعر البرميل من اسبوع واحد 37.75 دولار.

- العجز من إجمالى الناتج القومى فى السعودية 20%.

- أما فى مصر فهو 10%.

- مستقبل الجنيه المصرى هيبقى واعد بعز عزيز أو ذل ذليل.

ممكن سيادتك تحدد مصدر معلوماتك عن إنخفاض الناتج القومى 20% فى السعودية .

جريدة الرياض و المدينة نشرت من يومين فقط إن المملكة تحقق فائض 4% حتى الآن فى عام 2015 . علما أنها كانت 7% فى عام 2014

لأعتقد أن دولة فى العالم يحدث إنخفاض 20% مرة واحدة إلا إذا كانت هناك أزمات عالمية مثل تسونامى و أزمة النمور الآسيوية و أزمة الرهن العقارى ....إنما السعودية عندها فعلا مشكلة تراجع عوائد البترول إلا أنها بدأت لأول مرة تسحب من الإحتياطي النقدى و ده بيؤجل ظهور العجز لمدة معينة . كذلك قللت من الإنفاق على المشروعات الكبرى .

ياريت توضحلنا مصدرك بتاع ال 20% علشان فيه 2 مليون فى السعودية يبدأوا يعملوا حسابهم على كلامك ده

[moha sasa]

ممكن سيادتك تحدد مصدر معلوماتك عن إنخفاض الناتج القومى 20% فى السعودية .

جريدة الرياض و المدينة نشرت من يومين فقط إن المملكة تحقق فائض 4% حتى الآن فى عام 2015 . علما أنها كانت 7% فى عام 2014

لأعتقد أن دولة فى العالم يحدث إنخفاض 20% مرة واحدة إلا إذا كانت هناك أزمات عالمية مثل تسونامى و أزمة النمور الآسيوية و أزمة الرهن العقارى ....إنما السعودية عندها فعلا مشكلة تراجع عوائد البترول إلا أنها بدأت لأول مرة تسحب من الإحتياطي النقدى و ده بيؤجل ظهور العجز لمدة معينة . كذلك قللت من الإنفاق على المشروعات الكبرى .

ياريت توضحلنا مصدرك بتاع ال 20% علشان فيه 2 مليون فى السعودية يبدأوا يعملوا حسابهم على كلامك ده

- ده المتوقع له فى القريب العاجل عشان كده أنت كتبتلك سعر البرميل.

+ عشان السعودية تحقق فائض لازم البرميل يتباع على 100 دولار أو أكتر وأنا لسه كتبلك أن تمنه 37.75 دولار من أسبوع.

+ البورصة وقعه 17% مساويه لما حدث فى شهر سبتمبر 2008.

+ عاصفة الحزم.

+ لو استمرت أسعار البترول حوالين 40 دولار للبرميل حتى عام 2018 هيخلص تقريباً كل الإحتياطى من العملات الأجنبيه وهما حوالى 655 مليار دولار.

+ أزداياد الإنفاق الحكومى بسبب ثورات الربيع العربى وحاجات تانيه كتير.

- ومش معنى ذلك أنى بأتمنى الشر للمملكة. ده أنا بأتمنلهم كل الخير علشان وقفو مع مصر فى حربها ضد الإرهابيين تجار الدين.

[moha sasa]

- بالمناسبه كان الإحتياطى السعودى من العملات الأجنبية فى بداية السنة 732 مليار دولار.

- دلوقتى 655 مليار دولار.

- يعنى استهلكتو حوالى 77 مليار دولار فى 8 شهور عشان تمشو الحال.

- كل التوفيق للمملكة ولأهلها.

[ALYSALIM]

موقف السعودية نفسه حصل في 2008 والدنيا مشت وزي الفل = الدولة في اديها ادوات كتير لتقليل العجز ده مستخدمتش منها غير اقتراض بسيط من البنوك المحلية
- الدولار في مصر هيراوح مكانه لان البنك المركز عاوز كدا
كتير من المؤسسات الدولية رشحت الجنيه لمزيد من الانخفاض بسبب تخفيض سعر اليوان
علي الاقل من 4-7 % بسبب توقع سيل الواردات من الصين لمصر
ناس كتير قالت سعر الدولار مقابل الجنيه العاددل 8.2 جنيه ضيف تخفيض جديد يبقي 8.5 تقريبا
الدولار بيزيد امام كل العملات يعني ممكن يكون السعر العادل له 8.75 جنيه تقريبا

لكن البنك المركزي المصري هيثبت سعر الدولار علي مشارف 8 جنيه