ايه السر

[خالد الشاذلى]

يا شباب نفسى أفهم السر فى حسن استقبال الالمان للاجئيين السوريين الناس من الصور تحسهم قلوبهم صافيه

شوفوا الفرق فى معامله الاجئيين لما وصولوا مصر والفرق لما وصلوا المانيا

ايه السر يا ترى هو الدين أن الشيوخ اللى عندنا مسخوا الدين ولا الموضوع تربيه ولا تعليم ولا ايه بالظبط


دى صور لاستقبال الالمان للاجئيين السوريين

[volociximab]

و مال الشيوخ
الشيوخ قالوا ان السوريات بيتاجروا بشرفهم فى مصر؟
الشيوخ طاردوا السوريين من مصر؟
انا شفت سوررين فى السعودية قلتلهم جيتوا منين قالوا من مصر-و اتكسفوا يقولوا حصل معاهم ايه بحكم انى مصرى
الموضوع تربية و قلة انسانية
الى صفق لقتل صاحبه و اخوه و جاره و رضى و اعان على الدم لن يهتم لو اترمى السوريين للكلاب

[A.Saad]

فيه سوريين كتير عايشين فى مصر وفاتحين مشاريع او شغالين فى اماكن وبيتعاملوا كويس
وفيه مش ليهم دخل
الموضوع نسبى
بس انت كدولة مش هتقدر توفر للكل مساعدات ودخل ثابت ومكان اقامة

[A.Saad]

الى صفق لقتل صاحبه و اخوه و جاره و رضى و اعان على الدم لن يهتم لو اترمى السوريين للكلاب

جار واخ وصاحب ؟؟؟؟؟؟؟؟

الجار عليه حقوق مفيهاش انه يروح يتفق على قتل جاره مع اعدائه
ولا يتفق مع اعداء الدين انه يمسك الحكم
ولا يعمل نفسه بيخدم الناس علشان يقعد على كرسى الحكم
الصديق والصاحب اللى يعمل كدة يبقى خاين برده
ومالهمش امان ولا ديه

[volociximab]

جار واخ وصاحب ؟؟؟؟؟؟؟؟

الجار عليه حقوق مفيهاش انه يروح يتفق على قتل جاره مع اعدائه
ولا يتفق مع اعداء الدين انه يمسك الحكم
ولا يعمل نفسه بيخدم الناس علشان يقعد على كرسى الحكم
الصديق والصاحب اللى يعمل كدة يبقى خاين برده
ومالهمش امان ولا ديه

الى صفق على الدم صفق لانه توقع انفراجة اقتصادية و امنية بعد قتل الفشلة
يعنى جعل رغيف العيش امام دم البنى ادم
نفس الناس دى بتشتم فى السيسي دلوقت
الناس الى استرخصت الدم بهذه الدرجة هتضرب السوريين بالجزم دون ادنى جريرة لمجرد تحريض من رقاصة فى الفضائيات المصرية
و ستصفق لقصف بيوت الفلسطنيين بحكم ان حماس اعداءنا و ليس اسرائيل
اراضينا ضاقت بالسوريين لان انفسنا لم ترحمهم
اذا ترحلت عن قوم و قد قدروا
الا تفارقهم فالراحلون هم
شر البلاد مكان لا صديق به
و شر ما يكسب الانسان ما يصم

[Mohamed_Hamid]

بص للصورة كاملة متبصش لجنب واحد بس
فيه واحد اسمهabdo fayed على الفيس. ده شاب مصرى عايش فى المانيا... ادخل على الفيس دور عليه وتابع بوستاته هتلاقى فيها كل الردود لتساؤلاتك وبيكشفلك الوهم ده. اه فى المان كويسين جدا وفيه المان عنصريين بجنون زى اى شعب على فكرة. احنا هنا فى مصر فينا الكويس مع الأفارقة مثلا اللى عايشين هنا وفينا اللى بيهينهم بالكلام او بالضرب بدون اى سبب.

[ehabpopo]

جار واخ وصاحب ؟؟؟؟؟؟؟؟

الجار عليه حقوق مفيهاش انه يروح يتفق على قتل جاره مع اعدائه
صح مافيش كلام ..... ههههههه
ولا يتفق مع اعداء الدين انه يمسك الحكم
دول مصريين مش اعداء ولا حاجة ... وناس محترمة ... بس يمكن حضرتك عرفت منهم الوحش ماعرفتش النضيف ... زى ما فية وحش وحلو في كل شىء
ولا يعمل نفسه بيخدم الناس علشان يقعد على كرسى الحكم
ده على اساس ان الناس اللى قبل الثورة ... واللى بعد عزل الاخوان .. دى ناس ملايكة وبيعملوا لخدمة الناس ... فعلا واضح واضح
الصديق والصاحب اللى يعمل كدة يبقى خاين برده
ومالهمش امان ولا ديه

على اساس ان كل اللى بيعملوة دلوقتى حاجة جميلة وكلها براءة واحساس بالناس ... وطيبة كمان

[hobiko]

الى صفق على الدم صفق لانه توقع انفراجة اقتصادية و امنية بعد قتل الفشلة
يعنى جعل رغيف العيش امام دم البنى ادم
نفس الناس دى بتشتم فى السيسي دلوقت
الناس الى استرخصت الدم بهذه الدرجة هتضرب السوريين بالجزم دون ادنى جريرة لمجرد تحريض من رقاصة فى الفضائيات المصرية
و ستصفق لقصف بيوت الفلسطنيين بحكم ان حماس اعداءنا و ليس اسرائيل
اراضينا ضاقت بالسوريين لان انفسنا لم ترحمهم
اذا ترحلت عن قوم و قد قدروا
الا تفارقهم فالراحلون هم
شر البلاد مكان لا صديق به
و شر ما يكسب الانسان ما يصم

اللى صقف للدم الأول اللى راح جاب الأرهابيين و القتلة و المجرمين و قعد يكرمهم على مرأى و مسمع العالم فى احتفالات اكتوبر

اللى صقف للدم ........... اللى عفى عن الأرهابيين و المجرمين و خرجهم من السجون

اللى صقف للدم ......... اللى راح ساب سينا مستباحة و ملاها تكفريين و ارهابيين عشان يبقوا سلاح معاه ضد بلده و شعبه

اللى صقف للدم ....... اللى كفر اللى ضده و معارضيه و اللى يقول نعم يدخل الجنة و اللى يقول لأ يدخل النار

اللى صقف للدم ......... اللى وقف على المنبر يقسم فى الناس و يفرقهم و يستخدم الدين عشان يوصل لأغراضه السلطوية

اللى صقف للدم .......... اللى قالك دونها الرقاب و اللى يرش الخروف بالميه نرشه بالدم و اللى هدد بالتفجيرات و القنابل و العربيات المفخخة و قال حنحرق مصر

و بعدين انا مش فاهم انتوا زعلانين ليه ؟؟؟!!!!! الدولة عملت بالضبط زى ما عمل الأخوان ممثلين فى حماس لما دكوا جامع ابن تيمية على دماغ جماعة جند انصار الله اللى كانوا معتصمين هناك فى 2009 و ابادوهم

و طلع بعد كده القرضاوى فى فيديو شهير يبرر و يقولك احنا حذرناهم كتير و نصحناهم و هما ماسمعوش كلامنا :))))))

[Bassem Youssef]

عشان بني ادمين عندهم دم و احساس و انسانيه و نفوسهم سويه

[volociximab]

اللى صقف للدم الأول اللى راح جاب الأرهابيين و القتلة و المجرمين و قعد يكرمهم على مرأى و مسمع العالم فى احتفالات اكتوبر

اللى صقف للدم ........... اللى عفى عن الأرهابيين و المجرمين و خرجهم من السجون

اللى صقف للدم ......... اللى راح ساب سينا مستباحة و ملاها تكفريين و ارهابيين عشان يبقوا سلاح معاه ضد بلده و شعبه

اللى صقف للدم ....... اللى كفر اللى ضده و معارضيه و اللى يقول نعم يدخل الجنة و اللى يقول لأ يدخل النار

اللى صقف للدم ......... اللى وقف على المنبر يقسم فى الناس و يفرقهم و يستخدم الدين عشان يوصل لأغراضه السلطوية

اللى صقف للدم .......... اللى قالك دونها الرقاب و اللى يرش الخروف بالميه نرشه بالدم و اللى هدد بالتفجيرات و القنابل و العربيات المفخخة و قال حنحرق مصر
كل ما قلته بالاعلي تم عمل ما يقابله من الطرف الاخر

و بعدين انا مش فاهم انتوا زعلانين ليه ؟؟؟!!!!! الدولة عملت بالضبط زى ما عمل الأخوان ممثلين فى حماس لما دكوا جامع ابن تيمية على دماغ جماعة جند [color=black]انصار الله اللى كانوا معتصمين هناك فى 2009 و ابادوهم

و طلع بعد كده القرضاوى فى فيديو شهير يبرر و يقولك احنا حذرناهم كتير و نصحناهم و هما ماسمعوش كلامنا :))))))[
اذن فأيديهم هم ايضا ملطخة بالدم

/color]

كلامى عن الشعب و ليس الموقف السياسي
الموقف السياسي انه من اجل الحكم ممكن تتقتل و الاعلام يجعل منك شهيد او مجرم يستحق الاعدام
لكن من صفق لقتل شخص مسلم عشان اكل العيش هو ما اعنيه
الاخوان فشله
و اغبيا
لكنهم لم يسرقوا مثل غيرهم
لم يسجنوا مثل غيرهم
لم يقتلوا مثل غيرهم
مظلمة الشعب عندهم اقل بكثير من مظلمته عن كثيرين
لماذا صفق الشعب؟
لان قطع الطرق سينتهى
قطع الكهربا سينتهى
الاقتصاد سينتعش
و هنخلص من هؤلاء الفشلة
صفق عشان لقمة العيش
كان الملتحين فى الشوارع بدون ادنى ذنب بينضربوا و يتقتلوا فى الشوارع و هم ملهمش اى علاقة بالموضوع اساسا
معظم سيئات الاخوان موجودة فى غيرهم
الفرق ان الاخوان مستضعفين
و الطبيعة الفرعونية ان الضعيف بياخد بالجزمة و القوى بتترفع جزمته على الرؤوس

[A.Saad]

كلامى عن الشعب و ليس الموقف السياسي
الموقف السياسي انه من اجل الحكم ممكن تتقتل و الاعلام يجعل منك شهيد او مجرم يستحق الاعدام
لكن من صفق لقتل شخص مسلم عشان اكل العيش هو ما اعنيه
الاخوان فشله
و اغبيا
لكنهم لم يسرقوا مثل غيرهم
لم يسجنوا مثل غيرهم
لم يقتلوا مثل غيرهم
مظلمة الشعب عندهم اقل بكثير من مظلمته عن كثيرين
لماذا صفق الشعب؟
لان قطع الطرق سينتهى
قطع الكهربا سينتهى
الاقتصاد سينتعش
و هنخلص من هؤلاء الفشلة
صفق عشان لقمة العيش
كان الملتحين فى الشوارع بدون ادنى ذنب بينضربوا و يتقتلوا فى الشوارع و هم ملهمش اى علاقة بالموضوع اساسا
معظم سيئات الاخوان موجودة فى غيرهم
الفرق ان الاخوان مستضعفين
و الطبيعة الفرعونية ان الضعيف بياخد بالجزمة و القوى بتترفع جزمته على الرؤوس

اما يكون اموال الدولة اللى هما امناء عليها تروح للمحاسيب والاقارب والعزومات
واما الجماعة واتباعها والارهابيين المأجورين بتوعهم يتعينوا فى الدولة ده اسمه سرقة

اما واحد ينزل يتظاهر ضدهم ويتقتل ولا ناس تتضرب بالنار ولا يترموا من الاسطح ده اسمه قتل

الشعب منزلش فى يوم قتلهم وهما ماسكين الحكم
الناس عملت مظاهرة الاخوان قتلوا فيهم
اقرا الاحداث تانى وشوف اللى حصل

ولو الناس عملت مظاهرات علشان لقمة عيشها ده مش يعيبهم
لان المظاهرات دى اساسا اتعملت بعد الاخوان ما فضلت تضربهم فى المظاهرات ، وتاخد اموال الدولة لنفسها
وباى امارة الاخوان كانوا ضعفاء
وهما فى الحكم
ولا السلاح اللى معاهم
ولا الفلوس اللى معاهم

[هيثم مجدي]

يا شباب نفسى أفهم السر فى حسن استقبال الالمان للاجئيين السوريين الناس من الصور تحسهم قلوبهم صافيه

شوفوا الفرق فى معامله الاجئيين لما وصولوا مصر والفرق لما وصلوا المانيا

ايه السر يا ترى هو الدين أن الشيوخ اللى عندنا مسخوا الدين ولا الموضوع تربيه ولا تعليم ولا ايه بالظبط


دى صور لاستقبال الالمان للاجئيين السوريين

فيه تحليلات بتقول ان دا ضغط على حكومة أردوغان قبل الإنتخابات
وفيه تحليلات مضادة بتقول أن دا تلميع لحكومة أردوغان قبل الإنتخابات
الموضوع معقد ومتشابك, والسؤال منطقي جدا وطبيعي تظهر تفسيرات مختلفة

[prof2013]

بص للصورة كاملة متبصش لجنب واحد بس
فيه واحد اسمهabdo fayed على الفيس. ده شاب مصرى عايش فى المانيا... ادخل على الفيس دور عليه وتابع بوستاته هتلاقى فيها كل الردود لتساؤلاتك وبيكشفلك الوهم ده. اه فى المان كويسين جدا وفيه المان عنصريين بجنون زى اى شعب على فكرة. احنا هنا فى مصر فينا الكويس مع الأفارقة مثلا اللى عايشين هنا وفينا اللى بيهينهم بالكلام او بالضرب بدون اى سبب.

انا عامله follow ومتابعه من زمان
وده اقتباس من كلامه

Abdo Fayed
واستكمالًا لأسطورة ماما ميركل الحبشية اللي بتنجد المسلمين..والسياسة الألمانية الكيوت اللي الود ودها تشيل اللاجئين من علي الأرض شيل..
-ألمانيا لو كانت عايزة من البداية تفتح الباب فعلًا للسوريين كانت سهلت لهم مهمة اللجوء من السفارات الألمانية في لبنان ولا الأردن..بلاش دي..كانت الحكومة الألمانية جابت السورين بنفسها لتطبيق مبادئها الانسانية التي لاغبار عليها..لكن ألمانيا معملتش كده..
ألمانيا استقبلت 10 الاف سوري علي دفعتين في سبتمبر 2013،وفبراير 2014 من مخيمات لبنان..وكان اختيار المتقدمين يتم علي 3 قواعد..إجادتهم الألمانية..أن يكون لك قريب في ألمانيا..او تكون أسرة بلا عائل..وبناء عليه ينقوا كريمة الكريمة ويشحنوهم علي ألمانيا..طبعًا كان في شرط رابع يعطي المتقدم الأفضلية اقترحه وزير الداخلية هانز بيتر فريدريش..وهو ان تكون الأسر مسيحية لكن الشهادة لله الناس أكلت وشه سواء منطمة برو أزول أو حتي الجمعيات الخيرية المسيحية كاريتاس ودياكوني..
لما السياسة الألمانية خيرة أوي كده..ما كانت ترحم لاجئي الأردن ولبنان والسودان ومصر..وتوفر عليهم ركوب الموج والغرق والصور اللي تقطع القلب..وتكرر القصة تاني وتستضيف 30 ولا 40 ولا 300 ألف لاجئ كمان..لكن لأ ال 10 الاف دول كانوا دفعة إنسانية عشان العالم مايكلش وشهم..وخلصت الحدوتة..والباقي نسيبه يركب البحر..ويا يوصل وما يوصلش..سمك القرش بلعه..كان بها ارتحنا..وصل كان بها..نديله 352 يورو شهريًا مش هيكلفونا كتير يعني..
ولما ميركل حبشية وبتحب المسلمين الغلابة المشردين..ليه كانت بتلف الاتحاد الأوروبي عشان تقنع هولاند ورفاقه بتطبيق برنامج أمني لاستهداف شبكات التهريب؟..وكانت إحدي بنود الخطة الأمنية والتي أُقرت في 18-5-2015..هي ضرب قواعد المهربين في ليبيا تحديدًا..والدنيا اتقلبت عليهم والحكومة المعترف بها دوليًا قالت الجدع يقرب بسفينة وهنغرقها..وبان كي مون طالب فريدريكا مورجيني باستبعاد الحل العسكري في التعامل مع أزمة المتوسط..و انتهت القصة إلي اللاشئ..طيب ما كنتي تسيبيهم من الأول ؟ ولما أنتي خايفة عليهم من استغلال المهربين؟ ليه لم تُعطي اللاجئين تأشيرات إنسانية وتبقي قطعتي الطريق علي المهربين؟ لأ ازاي..احنا ندمر شبكات التهريب،ونسيبهم يا إما في بلاد اللجوء الفقيرة..يا إما يركبوا وسائل أكثر تهالكًا أو ياخدوها عوم عشان يوصلوا لنا..
ألمانيا معرفتش تمنع تدفق السوريين من المنبع..لا موضوع انتقاء اللاجئين من المخيمات نفع..ولا السياسات الأمنية نفعت..وهوبا وصل اللاجئين لبلادهم في تصميم لا سابق له..وريحة الموت قربت من ألمانيا وصور الغرقي بدأت تنأح علي ضمير الناس، فخلاص مفيش حل حرفيًا غير انهم يستقبلوهم بعد ما استنفذوا كل الخيارات المتاحة بمنعهم..وده اللي حصل..
بس الناس بتنسي السيناريو من الأول ويمسكوا في آخر لقطة للفيلم ويصقفوا للحكومة الألمانية وينسجوا أساطير خزعبلية عن الكيوتنس الحكومي..وميركل اللي بتقول احنا أقرب من مكة..وهنا ألمانيا لاخوف بعد اليوم..علي مين؟..لو بايدهم يمنعوهم مكنوش اترددوا فيمتو ثانية من الزمن..بس تصميم السوريين بقي أكبر من أي شئ..
شُكرًا للمواطن الألماني..سُحقًا للحكومة الألمانية..ولا عزاء للطيبين..نمشيها الطيبين..اللي بيصدقوا أن في سياسي علي الكوكب قلبه رحيم !

[خالد الشاذلى]

فيه سوريين كتير عايشين فى مصر وفاتحين مشاريع او شغالين فى اماكن وبيتعاملوا كويس
وفيه مش ليهم دخل
الموضوع نسبى
بس انت كدولة مش هتقدر توفر للكل مساعدات ودخل ثابت ومكان اقامة

موضوع الاجئيين ده حله سهل لو توفرت النوايا للحكومات العربيه الدول العربيه كتيره وقادره على استيعاب الاجئيين والاموال موجوده لمساعدتهم وتسهيل اقامتهم