ازاى اوصل لمركز د / مجدى يعقوب للقلب ( باسوان )

[tarek12]

يا جماعه

عندنا حاله عندها مرض بصمامات القلب و اتصلنا بمركز د جدى يعقوب باسوان ,, قالو ابعتو تقارير الحاله عبر البريد ,,
بعثت لمركز الدكتور مجدى يقوب بالبربد مرات كثيره ولكن حتى الان لم ياتى الرد منهم ,,

فهل منكم احد راح قبل كده لمركز مجدى يعقوب ,, و ازاى اوصل له التقارير وازاى اعرف منهم الرد ؟؟؟

ياريت اجد الافاده

[هيثم مجدي]

ربنا يمن على مريضكم بالشفاء إن شاء الله
موضوع مركز مجدي يعقوب دا وهم كبير, عن تجربة. الحالات اللي بيتم استقبالها اللي بتصلح للدراسة عليها, او بتبقى داخله تحت المعونات المختلفة للمركز من جهات اجنبيه, أو بتكون حالات مضمونة الشفاء وبياخدوها للشو الإعلامي.
لو رحت هناك هتلاقي عائلات المرضى مفترشين الأرض امام المستشفى بالأيام, بيباتوا على الأرض أقسم لك بالله, ولولا أني كنت وقتها بصحبة مريض كنت صورت الوضع لكن لأني كنت منشغل بالمريض اللي معانا مش هفكر في شئ زي دا.
قابلت هناك عائلات تفطر على الأرض في رمضان, وبعضهم بقى له اسابيع وأكثر من شهر حسب كلامهم معي. ومنتظرين الفرج على الباب.
المريض اللي كان معايا دخل لان كان لنا واسطة طبيبة بتعمل في المركز. فقدرت توفرلنا الموضوع بالكامل, و مدفعناش اي شئ غير ثمن بعض الأدوية البسيط فقط, و تم تركيب منظم لضربات القلب وحجز الحالة أسبوع لاستقرارها كان كل دا مجاني, و كان تكلفة بسيطة اوي للادوية و اكراميات لطاقم التمريض فقط.

انصحك تشوف طبيب داخل القاهرة او الاسكندرية افضل. لو عاوز طبيب في اسكندرية انا ارشح لك دكتور مجدي سيف, عن تجربة أيضا مع احد اقاربي عمل قسطرة وتركيب دعامة, و شخص آخر معرفة ركب صمام ومنظم لضربات القلب. لكن طبعا التكلفة لو خارج التأمين بتبقى كبيرة, لكن لو عندك تأمين بتقدر توفر كتير.

ربما يمن على مريضكم بالشفاء ان شاء الله

[wawamoha]

انا اللي اعرفه كمان انه بيعالج الاطفال فقط ... و دي حاله حصلت مع صديق و جاب واسطه قالوله هانبص بس ..بس احنا بنتعامل مع اطفال فقط ... وكل ده بالمراسله فقط

[tarek12]

ربنا يمن على مريضكم بالشفاء إن شاء الله
موضوع مركز مجدي يعقوب دا وهم كبير, عن تجربة. الحالات اللي بيتم استقبالها اللي بتصلح للدراسة عليها, او بتبقى داخله تحت المعونات المختلفة للمركز من جهات اجنبيه, أو بتكون حالات مضمونة الشفاء وبياخدوها للشو الإعلامي.
لو رحت هناك هتلاقي عائلات المرضى مفترشين الأرض امام المستشفى بالأيام, بيباتوا على الأرض أقسم لك بالله, ولولا أني كنت وقتها بصحبة مريض كنت صورت الوضع لكن لأني كنت منشغل بالمريض اللي معانا مش هفكر في شئ زي دا.
قابلت هناك عائلات تفطر على الأرض في رمضان, وبعضهم بقى له اسابيع وأكثر من شهر حسب كلامهم معي. ومنتظرين الفرج على الباب.
المريض اللي كان معايا دخل لان كان لنا واسطة طبيبة بتعمل في المركز. فقدرت توفرلنا الموضوع بالكامل, و مدفعناش اي شئ غير ثمن بعض الأدوية البسيط فقط, و تم تركيب منظم لضربات القلب وحجز الحالة أسبوع لاستقرارها كان كل دا مجاني, و كان تكلفة بسيطة اوي للادوية و اكراميات لطاقم التمريض فقط.

انصحك تشوف طبيب داخل القاهرة او الاسكندرية افضل. لو عاوز طبيب في اسكندرية انا ارشح لك دكتور مجدي سيف, عن تجربة أيضا مع احد اقاربي عمل قسطرة وتركيب دعامة, و شخص آخر معرفة ركب صمام ومنظم لضربات القلب. لكن طبعا التكلفة لو خارج التأمين بتبقى كبيرة, لكن لو عندك تأمين بتقدر توفر كتير.

ربما يمن على مريضكم بالشفاء ان شاء الله

صراحه اشكرك كثيرا على مجهودك الرائع لتوصيل الصورة

ولكن المشكله ان المريض هيجرى له قلب مفتوح ,,, و لو كانت المساله عمل قسطره و تغير شرايين لكان الامر سهل و بسيط فى اى مستشفى فى بالقاهرة
ولكن الكثير قالو لنا ان بلاش هتجروها عن اى حد ,, الافضل اما بره مصر او عند مركز د مجدى يعقوب .
صراحه قبلت واحد قال لى انه بعث لمركز مجدى يعقوب ,, و وافقو على استقبال الحاله ,,
و راح و عمل عمليه قلب مفتوح , و خرج زى الفل ,,,,

معلش لى اسئله لحضرتك

1- هل تم مراسله المركز د مجدى يعقوب قبل سفره و كان رده خلال كام يوم ؟؟

2- هل مستوى التمريض هناك كويس ام سىء ؟؟؟؟

ياريت الافاده شكرا

[tarek12]

انا اللي اعرفه كمان انه بيعالج الاطفال فقط ... و دي حاله حصلت مع صديق و جاب واسطه قالوله هانبص بس ..بس احنا بنتعامل مع اطفال فقط ... وكل ده بالمراسله فقط

شكرا لحضرتك

لى سؤال لك

هل تم الرد عليك بعد المراسله بكام يوم ؟؟؟؟؟؟

ياريت الافاده

[tarek12]

للرفع,,,,,,,,,,,,,,,,,,,

[mif]

ربنا يمن على مريضكم بالشفاء إن شاء الله
ان شاء الله ربنا يشفيه و يشفى كل مريض
موضوع مركز مجدي يعقوب دا وهم كبير, عن تجربة. الحالات اللي بيتم استقبالها اللي بتصلح للدراسة عليها, او بتبقى داخله تحت المعونات المختلفة للمركز من جهات اجنبيه, أو بتكون حالات مضمونة الشفاء وبياخدوها للشو الإعلامي.
وهم ! دراسة ! مضمونة الشفاء ! شو اعلامي !
انت بكلام مرتجل دمرت واحدة من افضل مستشفيات مصر و الشرق الاوسط
انت بتقول كلام و كانك عارف كل كبيرة و صغيرة داخل المستشفى .
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!
لو رحت هناك هتلاقي عائلات المرضى مفترشين الأرض امام المستشفى بالأيام, بيباتوا على الأرض أقسم لك بالله, ولولا أني كنت وقتها بصحبة مريض كنت صورت الوضع لكن لأني كنت منشغل بالمريض اللي معانا مش هفكر في شئ زي دا.
قابلت هناك عائلات تفطر على الأرض في رمضان, وبعضهم بقى له اسابيع وأكثر من شهر حسب كلامهم معي. ومنتظرين الفرج على الباب.
انا مش عارف انت تقصد ايه بالكلام ده
انت عايز تحمل مركز د مجدي يعقوب كميات المرضى الكبيرة و كانه مستشفى حكومة ملزم بعلاجهم.

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!
المريض اللي كان معايا دخل لان كان لنا واسطة طبيبة بتعمل في المركز. فقدرت توفرلنا الموضوع بالكامل, و مدفعناش اي شئ غير ثمن بعض الأدوية البسيط فقط, و تم تركيب منظم لضربات القلب وحجز الحالة أسبوع لاستقرارها كان كل دا مجاني, و كان تكلفة بسيطة اوي للادوية و اكراميات لطاقم التمريض فقط.
واسطة كمان .... طب سيب المكان و علاج المجان للغلابة .... و بلاش بتاع الشو الاعلامي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!
انصحك تشوف طبيب داخل القاهرة او الاسكندرية افضل. لو عاوز طبيب في اسكندرية انا ارشح لك دكتور مجدي سيف, عن تجربة أيضا مع احد اقاربي عمل قسطرة وتركيب دعامة, و شخص آخر معرفة ركب صمام ومنظم لضربات القلب. لكن طبعا التكلفة لو خارج التأمين بتبقى كبيرة, لكن لو عندك تأمين بتقدر توفر كتير.

ربما يمن على مريضكم بالشفاء ان شاء الله
ربنا يشفي كل مريض

[aminibrahim]

ربنا يمن على مريضكم بالشفاء إن شاء الله
موضوع مركز مجدي يعقوب دا وهم كبير, عن تجربة. الحالات اللي بيتم استقبالها اللي بتصلح للدراسة عليها, او بتبقى داخله تحت المعونات المختلفة للمركز من جهات اجنبيه, أو بتكون حالات مضمونة الشفاء وبياخدوها للشو الإعلامي.
لو رحت هناك هتلاقي عائلات المرضى مفترشين الأرض امام المستشفى بالأيام, بيباتوا على الأرض أقسم لك بالله, ولولا أني كنت وقتها بصحبة مريض كنت صورت الوضع لكن لأني كنت منشغل بالمريض اللي معانا مش هفكر في شئ زي دا.
قابلت هناك عائلات تفطر على الأرض في رمضان, وبعضهم بقى له اسابيع وأكثر من شهر حسب كلامهم معي. ومنتظرين الفرج على الباب.
المريض اللي كان معايا دخل لان كان لنا واسطة طبيبة بتعمل في المركز. فقدرت توفرلنا الموضوع بالكامل, و مدفعناش اي شئ غير ثمن بعض الأدوية البسيط فقط, و تم تركيب منظم لضربات القلب وحجز الحالة أسبوع لاستقرارها كان كل دا مجاني, و كان تكلفة بسيطة اوي للادوية و اكراميات لطاقم التمريض فقط.

انصحك تشوف طبيب داخل القاهرة او الاسكندرية افضل. لو عاوز طبيب في اسكندرية انا ارشح لك دكتور مجدي سيف, عن تجربة أيضا مع احد اقاربي عمل قسطرة وتركيب دعامة, و شخص آخر معرفة ركب صمام ومنظم لضربات القلب. لكن طبعا التكلفة لو خارج التأمين بتبقى كبيرة, لكن لو عندك تأمين بتقدر توفر كتير.

ربما يمن على مريضكم بالشفاء ان شاء الله

كلامك ارتجالي للاسف عشان انا من هناك والراجل افضل من ناس كتير والواحد مش هايتكلم تاني

[aminibrahim]

شكرا لحضرتك

لى سؤال لك

هل تم الرد عليك بعد المراسله بكام يوم ؟؟؟؟؟؟

ياريت الافاده

هي الحاله صعبه قوي حضرتك؟ يمكن اقدر اساعدك
وعلي فكره ممكن تروح هنا القسم الملحق بمستشفي الجلاء

[aminibrahim]

احيييك قلت كل اللي في نفسي شابوووووه

[Karim Alaa]

اى مكان بيعالج بالمجان فى مصر بيبقى مضغوط جدا و غصب عنه مش هيقدر يعالج كل الناس دى مهما كان مش عارف ليه حضرتك بتقول وهم رغم انك نفسك عالجت حد تعرفه فيه و بتكلفه بتقول بنفسك بسيطه اى مجهود بيتعمل من شخص مش مجبر يعمل اى شىء يبقى يشكر عليه صراحه شايفه مكان محترم بيساعد ناس كتير و اكيد مش هيساعد كل الناس و مش شايف اى وجهه للهجوم عليه ربنا يستر بعد وفاء مجدى يعقوب من الى هيحصل للمركز ده

[هيثم مجدي]

صراحه اشكرك كثيرا على مجهودك الرائع لتوصيل الصورة

ولكن المشكله ان المريض هيجرى له قلب مفتوح ,,, و لو كانت المساله عمل قسطره و تغير شرايين لكان الامر سهل و بسيط فى اى مستشفى فى بالقاهرة
ولكن الكثير قالو لنا ان بلاش هتجروها عن اى حد ,, الافضل اما بره مصر او عند مركز د مجدى يعقوب .
صراحه قبلت واحد قال لى انه بعث لمركز مجدى يعقوب ,, و وافقو على استقبال الحاله ,,
و راح و عمل عمليه قلب مفتوح , و خرج زى الفل ,,,,

معلش لى اسئله لحضرتك

1- هل تم مراسله المركز د مجدى يعقوب قبل سفره و كان رده خلال كام يوم ؟؟

2- هل مستوى التمريض هناك كويس ام سىء ؟؟؟؟

ياريت الافاده شكرا

بعتذر انا متابعتش الموضوع عشان ارد في وقتها

1- الحالة اللي كانت معانا زي ما قلتلك دخلنا بواسطة. فالموضوع مكنش حجز قبلها ولا حاجة.

2- مستوى التمريض زي اي مستشفي خاص في مصر. الادارة جيدة فبيكون فيه متابعة. لو الادارة بتكسل شوية انت عارف بيحصل ايه

[هيثم مجدي]

استاذ mif

حضرتك حر في رأيك. بس ياريت متتهمنيش بشئ. انا محكتش تجربة كدا من نفسي. انا رديت على الاستاذ اللي بيسأل. هو نفسه بيقول انهم مردوش عليه مرات عديدة. لو عندك تجربة إيجابية ممكن تقولها. لكن بلاش بث أمل كاذب للناس. الاستاذ ان شاء الله يقدر يروح ولو عنده تجربة ايجابية يبقى يكتبها.

هرد بس على موضوع ان ليه رحنا المستشفى دي. لان قريبي وقتها كنا هناك ومكنش فيه اي مستشفى تاني. وليه الواسطة لأن مفيش حلول تانية لما يبقى معاك مريض وعاوز تعالجه. اكيد مينفعش تطالبني بالمثالية في موقف زي دا.

[mif]

استاذ mif

حضرتك حر في رأيك.
انا و انت احرار فى اراءنا
بس ياريت متتهمنيش بشئ.
انا ما تهمتكش باى حاجة
كلامك هو اللى بيدينك
ازاى تقول على مركز بيدى امل فى الحياة لاسر كتير جدا بالمجان
رغم ان ممكن المركز دا كان يبقى بالفلوس و يكسب مليارات فى السنة و اقل عملية تبقى بماءات الالاف
ازاى تقول عليه وهم .... الا اذا كان كلامك كله هو اللى وهم
ازاى تقول حلات للدراسة ...... الا اذا كان هدفك تخوف الناس من اّمن مكان فى مصر
ازاى بتقول حالات مضمونة الشفاء ..... انت بتنجم ولا درست طب و عارف كل الحالات اللى اتقبلت واللى اترفضت
ازاى بتقول شو اعلامى .....الا اذا كان دا العيب نفسه
انا محكتش تجربة كدا من نفسي.
امال بتحكى تجربة حد حكالك صح .... علشان الكلام شكله اغلبه خيالي .
انا رديت على الاستاذ اللي بيسأل.
انت بترد عليه تقوله انه مركز زبالة و لازم واسطة و روح لمجدي ... هو دا كلامك.... لو انت مش شايفه كدا يبقى العيب عندك
هو نفسه بيقول انهم مردوش عليه مرات عديدة.
عادي جدا .... دى مش مستشفى حكومة و مش ملزمة لا ترد على كل الناس ولا تعالج كل الناس.
لو عندك تجربة إيجابية ممكن تقولها.
انا معنديش تجربة ..... لكن عندى صديق طبيب هناك .... و اللى انت بتحكى فيه هو اللى اكاذيب بسبب كثرة الانتهازيون اللى عايزيزن يدخلوا حالاتهم بكافة الطرق متجاوزين الحالات الاشد احتياجا
لكن بلاش بث أمل كاذب للناس.
بلاش انت تحكم على مءات من البشر بيجددوا امل الحياة لالاف الاطفال كل سنة .
بلاش نبث اكاذيب عن مستشفى نادرة جدا مش فى مصر لا فى دول متقدمة جدا .
فعلا بلاش بث اكاذيب للناس .
الاستاذ ان شاء الله يقدر يروح ولو عنده تجربة ايجابية يبقى يكتبها.
ان شاء الله يروح و يحكى تجربته ... و نصيحة لو الحالة مش طفل بلاش تروح ... سيبوها للاطفال ... و عايز تروح .. تروح اول مرة لوحدك و معاك الاشعات و التحاليل و حيحددوا يوم او يرفضوا .
هرد بس على موضوع ان ليه رحنا المستشفى دي. لان قريبي وقتها كنا هناك ومكنش فيه اي مستشفى تاني.
مفيش مستشفى فيه دكاترة .... مروحتش ليه ل د مجدى سيف
و باين انك من اسكندرية و عارف دكاترة كويسة .... مروحتش ليه
ولا عاشان مركز اسطورة الطب بيقدم علاج بالمجان للحلات الغير قادرة و انت استغليت دا بالواسطة
وليه الواسطة لأن مفيش حلول تانية لما يبقى معاك مريض وعاوز تعالجه.
مفيش حلول تانية .... صح !!! معلش !!!
انت واحد من الناس بتصرفاتهم بتاعة الواسطة بتاخر ناس كتير فى قواءم مستنية دورها ..... طالما انت قادر و ساكن جنب مجدي سيف روح له .... و بلاش تروح لمستشفى الغلابة و سيبها للاطفال اولى .
و ياريت تعرفنا باسم الواسطة و رقم تليفونها علشان الاستاذ يستفيد .... و لا دى لناس و ناس !
اكيد مينفعش تطالبني بالمثالية في موقف زي دا.
اكيد ما ينفعش اطالبك بالمثالية بكلام و مواقف زى كدا ... دا اكيد .

لا كلامك و كلام مءات زيك هيغيروا فى سمعة المستشفى او اداءها
طلعوا قبل كدا و قالوا مجدى يعقوب بيستخدم امعاء الخنزير الكافر و كله كذب و افترى .
فيه ناس كدا بتتعب من الانسان الناجح و من النجاح و من اللى بيقدموا علاج بالمجان .

[mif]

يا جماعه

عندنا حاله عندها مرض بصمامات القلب و اتصلنا بمركز د جدى يعقوب باسوان ,, قالو ابعتو تقارير الحاله عبر البريد ,,
بعثت لمركز الدكتور مجدى يقوب بالبربد مرات كثيره ولكن حتى الان لم ياتى الرد منهم ,,

فهل منكم احد راح قبل كده لمركز مجدى يعقوب ,, و ازاى اوصل له التقارير وازاى اعرف منهم الرد ؟؟؟

ياريت اجد الافاده

https://www.facebook.com/Myfegypt

خش على الجروب دا و اقرا و شوف تجارب الناس تجارب حقيقية مش اكاذيب
و باذن الله المريض اللى عندك يشفى باذن الله .