لاجئين سوريا ولماذا الان

[FAR!D]

واحده واحده كده عشان الكل يفهم
ليييه بالتحديد و دلوقتي طفح على السطح مشكله لاجئين اهل سوريا ماهو بقالهم 3 سنين من 2012 في القصه ديه ...
اقولك تعالالي باه
انت مصدق ان فيه داعش؟
انت مصدق ان امريكا بجلاله قدرها بترسانه الاسلحه اللي عندها مش عارف تقضي على التنظيم ده ؟
قصف جوي كل يوم و تحالف و برضوا داعش مستمره و بتقوى كل يوم عن قبله ؟
سلاح و مركبات و معارك حقيقيه و صك جنيهات دهب و تصوير خرافي هوليودي لعمليات الذبح و التعذيب ( تصوير غرضه كله بث الرعب )
(حد سمع عن حاجه في السنه او القرآن بتقول انهم يقتلوا بالمنظر اللي بنشوفه في فيديوهاتهم ؟ )
اييييه شغل عالي يعني ...منين ده كله ؟
داحنا يا مصريين ياللي علمنا العرب السينما جنب التصوير و الاخراج بتاع داعش هواه ...اه و الله
داعش يا ساده زيها زي القاعده و قبلهم الثوار الشيشان تطبيق لسياسه الحرب بالوكاله اللي ابدعته امريكا من بعد حرب فيتنام
ليه اجيب ولادي يحاربوا و ابقى في الصوره طالما عندي اللي يحاربلي و ينفذ اهدافي و انا في الخلفيه

سوريا :
الهدف من الضغط على شعب سوريا لتفريغها :
1- يخلوا سوريا فاضيه تمهيدا لقدوم شعب الخلافه الاسلاميه من كل حدب و صوب من العالم ( ارهابيين )
2- استغلال الشعب السوري في انعاش القاره العجوز (اوربا ) اللي بتعاني من زمن من نقص الايدي العامله و قله المواليد اه ماهو لاجئ مش لاقي ياكل لا حيطلب مرتب محترم و لا معيشه محترمه ...سخره و عبيد يعني و كل دوله تاخد اللي يكفيها و تبقى عامله جميله معاهم كمان
3- لو اتكتبلها سوريا حل سياسي هما فين باه الساسه اللي على الارض الوطنيين ما طفشوا خلاص ههههه
و خليكوا فاكرين اغراض تفريغ سوريا عشان مرتبطه باللي جاي

ايران:
ايران اللي بتكفر امريكا و بتعتبرها الشيطان الاعظم و امريكا اللي مسميه ايران راعي الارهاب الاول اللي بتهر منها اسرائيل و بترتعد من النووي بتاعها بقيوا صحاب ؟؟ !!!
لوللللي يالف نهار ابيض هههههه
ايران شيعه و داعش المفترض انها سنه و امريكا قربت من ايران عشان صنيعتها داعش لو كسرت اللجام و خرجت من الطوع الكلب ايران يلمه و يحجمه و يمنعه من الخروج عن السيطره و طبعا فك كماشه تاني ناحيه الخليج و الفك الاول هوا داعش
ماهو اتعلمت من اخطائها مع القاعده و طالبان

داعش :
انها تتوحش يا ساده و تكبر و تتقدم و تزحف و كوووول ده مخطط و مدروس و هوووب تيجي اللحظه
تدخل امريكا و تحقق انتصار وهمي مزيف منظر يعني و تنهي اسطوره داعش تحت اقدام جيوشها المهابه
و ساعتها باه توطن اللي عايزه توطنوه من عملائها و قله من السوريين اللي بقيوا متمسكين بارضهم و مثال صغير على كده العراق .. فين العراق ؟
و مش بعيد تكون اسرائيل طلعت من الجولان و شدتلها حته اصل داعش بقيت في قفاها فلازم تحمي نفسها و تركيا اللي حدودها مهدده و بدأت بالفعل تضرب في سوريا في الشمال و في الاخر سوريا بتاعتها و مش حتقوم لها قومه تاني ده ان متفتتش و بقيت دوليلات عقبال ما امريكا تمص خيرها
احنا كان مخططلنا كده بالظبط ...لولا فشل المخطط و امريكا لن تكل و لا تنام لان مصر هي الكريزه اللي على وش التورته زي ما قالوا
والمصيبه الادهى انهم قالوها و اعلنوها على لسان كوندليزا رايس " الشرق الاوسط الجديد " و نشروا الخرائط للدول المفككه و بعديها رئيس ال cia لما قال " سنصنع لهم اسلاما يناسبهم " لكن العرب لا يقرأون و لا يفهمون ولا يتذكرون من اساسه
والله عينهم على مصر صدقوني و صدقوا التاريخ
و بصوا على علم اسرائيل اللي متغيرش و مش حيتغير لانها دوله دينيه و دينهم اساسه دوله اسرائيل الكبري من النيل للفرات عشان ينزل المسيح اللي حيمكنهم في الارض اللي هنا عذبوه اصلا و تقوم القيامه عشان هما شعب الله المختار
ايوه ده دينهم و هي دوله دينيه في الأساس و مفيش دول مبنيه على قواعد دينيه في العالم غير اسرائيل و الفاتيكان
حمي الله مصر و حمي جيشها و شعبها
تمسكوا و التفوا حولين جيش مصر لانه صمام امان المنطقه و كل العرب

[خالد الشاذلى]

متفق معاك فى اول سطر وأخر سطر بس اللى فى النص مش فاهمه بصراحه

[FAR!D]

متفق معاك فى اول سطر وأخر سطر بس اللى فى النص مش فاهمه بصراحه

قصدك على ايه بالتحديد

[خالد الشاذلى]

قصدك على ايه بالتحديد

أصلك دخلت امريكا مع سوريا وايران واسرائيل ومصر دخلت كله فى بعضه علشان كده مش فاهم حاجه

[FAR!D]

أصلك دخلت امريكا مع سوريا وايران واسرائيل ومصر دخلت كله فى بعضه علشان كده مش فاهم حاجه

ماهو ده اللي بيحصل فعلا في الواقع
خيوط متشابكة
يقول الامام الشافعي رحمه الله في زمن الفتن لو أختلط عليك الامر فاتبع أسهم اعدائك

[moha sasa]

- أهتمام رئاسة الجمهورية بأمن وسلامة المصريين.

- المصدر:-

بالفيديو..السيسى تعليقاً على الطفل السورى الغريق:عمرى ما هخلى المصريين يبقوا لاجئين |اليوم السابع

[moha sasa]

- مصر أكتر دولة أهتمت بأستضافة الاجئين السوريين.

- المصدر:-

والد الطفل "إيلان" لليوم السابع: مصر أفضل دولة تعامل اللاجئين السوريين |اليوم السابع

[moha sasa]

- إرهاب ما يسمى بدولة الخلافة الراشدة الإسلامية.

- 3156 قتيل منذ نشأة دولة الخلافة (الإرهابية).

- المصدر:-

الوطن | «المرصد السورى»: 3156 قتيلاً حصيلة إعدامات «داعش» منذ إعلان «الخلافة»

[3adelnor]

بجد كل يوم باحترم الراجل دا

ساويرس يعرض شراء جزيرة في المتوسط وتخصيصها لاستقبال المهاجرين

الشرق &#x06 27;لأوسط - الملي&#x06 27;ردير ا&# x0644;مصري &#x0633 ;

[moha sasa]

- @far!d

- حلوة قوى الحته بتاعت نقص الأيدى العامله وقلة المواليد.

- النقطة دى مخطرتش فى بالى خالص.

- لو أنا صاحب بيزنس فى أوروبا. تبقى دى أحسن حاجه تحصلى. ليه؟

- أن مش هدفع للناس دى حاجه وهستغلهم أسوء استغلال.

[volociximab]

مش مقتنع

[MTAK]

Respect

[FAR!D]

مش مقتنع

مش مشكله هما كده كده ماشين بالظبط على الخطه
هوا لسه فيه حد مقراش اللي بيحصل ؟

[FAR!D]

بجد كل يوم باحترم الراجل دا

ساويرس يعرض شراء جزيرة في المتوسط وتخصيصها لاستقبال المهاجرين

الشرق الأوسط - الملياردير المصري س

انت بتتريق ولا بتتكلم بجد ؟
خلاصه الموضوع ده تطبيق فعلي و حرفي لنقطه التفريغ السوري اللي كنت بحكي فيها
و لما السوريين يروحوا يتوطنوا في جزيره ارض سوريا تبقى لمين ؟؟؟؟ وصلت ؟

[FAR!D]

- @far!d

- حلوة قوى الحته بتاعت نقص الأيدى العامله وقلة المواليد.

- النقطة دى مخطرتش فى بالى خالص.

- لو أنا صاحب بيزنس فى أوروبا. تبقى دى أحسن حاجه تحصلى. ليه؟

- أن مش هدفع للناس دى حاجه وهستغلهم أسوء استغلال.

المانيا بتعاني بالفعل من نقص الايدي العامله و تراجع نسبه المواليد من فتره كبيره