رجاء حار من اداره المنتدي لان الواحد جاب اخره

[Bassem Youssef]

مجموعه من الاطفال او الشباب صغير السن مسجلين في المنتدي ب 5000 عضويه و شغالين تطبيل لشخصيات عامه معينه و تهديد لبعض الاعضاء لحد ما طفشوا الاعضاء المحترمين زي ابو اسر و غيره

كلامهم مقرف و الواحد مش عارف يرد عليهم احتراما لقواعد المنتدي

مش عارف دول مخبرين متنكرين و لا لجان اكترونيه و لا ايه بالظبط

لو الاداره مرتضيه بهذا الامر ياريت اعرف عشان مدخلش علي المنتدي مره اخري و اعتقد ان في اعضاء كتير متضامنين معايا في الكلام ده

اعتذر اني عملت الموضوع في الاجتماعي بس عشان معظم الاعضاء يشوفوه

شكرا

[hilal]

انا ايضا افكر في ترك المنتدى لنفس الاسباب

[moha sasa]

- زى ما قولتلك قبل كده.

- مع ألفين مليون سلامه.

- ثم أنت لسه ناصح نفس النصيحه للعضو (الفجر) بأنه ببساطه شديدة جداً ميخوشش تانى المنتدى.

- من الأوُلى اتبع نصحتك يا أخى.

- وأنت عارف كويس أن الدنيا مش هتوقف على حد أو على مجموعه بعينها.

- النايل موتورز من أكبر المنتديات معمروش وقف أو هيقف على حد.

- لو أنا من إدارة المنتدى أوقفك وأنذرك لأن ده مكان مناقشه مش شكاوى.

- إللى يخالف قاعدة من قواعد المنتدى بلغ عنه الإدارة.

[moha sasa]

انا ايضا افكر في ترك المنتدى لنفس الاسباب

- لو أنا منك أنفذ الفكرة ومخليهاش تضيع منى.

[hilal]

- لو أنا منك أنفذ الفكرة ومخليهاش تضيع منى.

على بركة الله
وهذه آخر مشاركة لي

[Bassem Youssef]

لا و داخلين يردوا و عاملين من بنها

حاسس اني هتشل -_-

[3adelnor]

ايه الحلاوة دي حضرتك كمان خبير معلوماتي وامن انترنت
علي طول عرفت ان في اعضاء في المنتدي مسجلين ب 5000 عضويه ودا ايه من غير حتي ما تبقي مشرف او مدير في المنتدي
كل دا علشان مش عجبك ردودهم عليك بتقول ان في ناس مسجلة باكثر من عضوية , مش قادر تصدق يا ولداه ان الناس دي كلها مش عجبها اسلوبك ولا شتمتك في البلد ليل نهار .
ياريت بجد انت اللي تسيب المنتدي لانك شخصية مستفزة ولا تفيد المنتدي باي شئ غير انك تخلق حالة نفسية سيئة عند الناس وتشعل الخلاف بين اعضاء المنتدي المحترمين .
عايزين تشتموا في البلد وتطلعوا اشاعات عليها وتجيبوا اخبار غير موثوقة والموضوع يعدي عليكم بسلام
خايف من ايه لما لو انت شخص محترم وعندك معلومة صحيحة
اللي بيعمل الغلط هو اللي المفروض يخاف , انت بقي خايف علشان شايف نفسك علي باطل مش علي حق وعارف ان كلامك كله هري وكلام فاضي
سيب المنتدي لينا مخضر هو كمان وشفلك منتدي سوداني شقيق

[moha sasa]

- الواحد بيتقبل الآخر وبيتناقش معاه مهماً كان تفكيره.

- لو أنا اضيقت من ناس أنا بأختلف معاهم فى التفكير.

- أروح مهدد المنتدى.

- إللى اتخن منك مشى والدنيا موقعتش.

- مع السلامه يا أخويا.

- المنتدى كل يوم بيقفز للأمام.

- بص على كمية المواضيع الجديدة يومياً.

[رحالة]

- المنتدى كل يوم بيقفز للأمام.

- بص على كمية المواضيع الجديدة يومياً.

نايل موتورز ام الدنيا وهتبقى قد الدنيا

[Bassem Youssef]

لا كمان و بيعملوا لايكات و هما اللي داخلين يردوا

اللي راسه بطحه

في انتظار رد الاداره علي هذه المهازل

[3adelnor]

تم تبليغ الادارة بمشاركتك السيئة لانك بتسب الاعضاء بانهم اطفال وكلام لا يليق بمنتدي محترم

[moha sasa]

- أنا واحد من الناس سيبت منتدى سيارات كبير ومبقتش أخش عليه تانى. ليه؟

- مش زى هنا خالص. الفرق كبير وواضح لصالح النايل موتورز.

- وبى مناسبه كلامك ده.

- أنا هنصح كل أصحابى يعملو حسابات هنا ويتفعلو.

- ومع تلاتين مليون ألف سلامه للى مش عاجبه.

[moha sasa]

- ناس عايزه الدنيا معوجه لصالحها.

- يا أما كده يا أما مش لاعب.

- طب كمان مرة مع السلامة.

[Bassem Youssef]

اللي علي راسه بطحه يحسس عليها

اللي شايف نفسه طفل و لجنه الكترونيه و عنده عضويات متكرره

هو اللي متوجهله الكلام

[moha sasa]

- ولو حد سألنى فين الحج باسم؟؟؟؟؟؟؟؟؟؟؟

- هرد عليه زى ما أتعلمت من العضو (مُصْطٓفٓى) وهقوله.

- أصله تبينله الحق ومشى.