ازاي اروح العنوان ده في القاهره

[punisher]

انا هركب السوبر جيت من اسكندريه وعايز اروح قنصليه الهند ومكتوب ان عنوانهم في

3 شارع ابو الفدا، الزمالك

كان الاول مكانهم في طلعت حرب فا كنت بنزل التحرير وامشي لغايه هناك بس دلوقتي مش عارف اروح ازاي

يا ريت اللي يعرف المكان يساعدني ضروري

[Ahmed emad has]

بص يا سيدي السوبر جيت بينزل في رمسيس حضرتك تروح عند اول رمسيس (الاسعاف) وتاخد اي حاجة تعديك كوبري مايو وتنزلك الزمالك خد يمين ناحية الكورنيشافضل ماشي هتتطلع علي شارع ابوالفدا . لو السوبر جيت نزل الجيزة سهلة برضروا اول ما تنزل اركب بولاق لوا وانزل في شارع السودان عند موقف الاتوبيسات بتاع بولاق فيه جوا الموقف عربيات بتروح هناك

[mody112]

خد تاكسى من مكان ما هتنزل وريح دماغك
وشارع ابو الفدا على النيل على طول يعنى مش هتلف كتير .
بس انت متاكد من العنوان ده ؟

[mramzy]

على فكره انت ممكن تاخدها مشى من السوبر جيت لما ينزلك عبد المنعم رياض هتاخد شارغ ٢٦ يوليه وتعدى كوبرى الزمالك او يمين هندخلى مفيش ١٠٠ متر وهتلاقى سفاره العند على اليمين - طلعت حرب ده كان الملحق التجارى

[punisher]

Embassy of India in Cairo has adopted the online visa issuance system with effect from 17 April 2012. All Egyptian and foreign nationals wishing to take a visa to India must log into http://indianvisaonline.gov.in/visa/ to fill up the online application form. The printout of the application form and 2 photographs need to be brought to the consular section at 3 Abu El Feda Street, Zamalek, Cairo for further processing.

ده اللي مكتوب علي موقعهم ودي اول مره اشوف العنوان ده لاني كنت بروح الاول في طلعت حرب ناحيه سينما مترو كده

تب دلوقتي لو ركبت سوبر جيت وبعد كده تاكسي... انزل من السوبر جيت فين بالظبط؟

[mramzy]

على فكره انت ممكن تاخدها مشى من السوبر جيت لما ينزلك عبد المنعم رياض هتاخد شارغ ٢٦ يوليه وتعدى كوبرى الزمالك او يمين هندخلى مفيش ١٠٠ متر وهتلاقى سفاره العند على اليمين - طلعت حرب ده كان الملحق التجارى

انا قلت لجضرتك تنزل فين والعنوان بالظبط

[punisher]

انا لسه شايف مشاركه حضرتك دلوقتي

هل المسافه معقوله اني امشيها ولا بعيده؟

لو حضرتك تعرف... ايه السبب اللي خلاهم ينقلوا مكانهم من طلعت حرب؟

[هيثم مجدي]

على فكره انت ممكن تاخدها مشى من السوبر جيت لما ينزلك عبد المنعم رياض هتاخد شارغ ٢٦ يوليه وتعدى كوبرى الزمالك او يمين هندخلى مفيش ١٠٠ متر وهتلاقى سفاره العند على اليمين - طلعت حرب ده كان الملحق التجارى

بس كدا بتاع 2 كيلو مش 100 متر خالص :)
هياخد نص ساعه تقريبا عشان يوصل من عبدالمنعم رياض لحد ابو الفدا.

[mramzy]

انا بقول ١٠٠ متر من نزله كوبرى الزمالك يخش يمين ١٠٠ متر وهيلاقهيم هناك

[mramzy]

حضرتك محطه السوبر جيت مكانها الوحيد عبد المنعم رياض وبعد كده بيطلع كوبرى اكتوبر لالماظه
يبقى حضرتك تنزل عبد المنعم رياض وتاخد تاكس لاول الزمالك
وساعات الوقت والزحمه يخلوك تاخدها مشى اسرع وخصوصا فى وسط البلد والزمالك