محدش يجرب اى حاجة خصوصا لو تخص الصحة

[3abdo.it]

واحد ابن حلال ربنا يسمحة قلى حل التهابات المعدة والتعب الى فيك عندى تشرب بردقوش قبل متنام مرة والصبح مرة وقلى كمان بيخفف الضغوط وهيخليك مستريح وعايز تنام

وبما ان الغريق بيتعلق بقشاية روحت جبتة من عند العطار هو عامل زى النعناع كدا وطعمة مرة حاجة بسيطة

شربتة قبل منام وفعلا هدانى ونومنى بسرعة قلت تمام

اقوم من الصبح يا معلمين نار قايدة فى المعدة حتى الان وتعبان ضعف التعب الى عندى الى بيجيلى الصبح

فبلاش نجرب اى حاجة على صحتنا

[nilmaster]

الاعشاب الطبيعيه كويسع ومفيده عموما بس زيها زي الدواء برضه ممكن تعملك اثار جانبيه رايي تجرب مره تانيه لو حصل نفس المشكله اقطع خالص

[Dr. Assem]

شوفلك دكتور متخصص كويس و عنده علم و ضمير.

انا عارف ان الواحد بقى ما بيضمنش الدكاترة. لكن اكيد اضمن من التجربة من ناس مش متخصصة

[3abdo.it]

دول اخر دكاترة روحتلهم


محمد عبد الوهاب فى المنصورة

نبيل القاضى فى الجيزة

شريف عباس فى المهندسين

هشام القطان فى وسط البلد


ولا الهوااا كل واحد يلغى علاج الى قبلة ويطلب تحاليل تانى ويدى علاج وما فى امل

[A_H_M_A_D]

طيب جرب الحلفا بر :)

[sfahmy6]

شوفلك دكتور متخصص كويس و عنده علم و ضمير.

انا عارف ان الواحد بقى ما بيضمنش الدكاترة. لكن اكيد اضمن من التجربة من ناس مش متخصصة

انا بس مستغرب انك دكتور وبتقول الكلام ده

[3abdo.it]

انا بس مستغرب انك دكتور وبتقول الكلام ده

أهل مكة ادرى بشعابها

[Dr. Assem]

أهل مكة ادرى بشعابها

للأسف الكلام ده صح. علشان كده ماتستغربش