متى تترك المنتدى؟!

[3adelnor]

الحمد لله والصلاة والسلام على رسول الله نبينا محمد خير خلق الله

بحب أكتب بسم الله الرحمن الرحيم وأحمد الله وأصلي وأسلم على رسول الله نبينا محمد خير خلق الله
علشان يمكن تكون فى ميزان الأعمال الصالحة إن شاء الله
والذكر من أهم الحاجات الى تخلى قلب الانسان مستقر ومطمئن
لما كتبت إذا توفاك الله على ما أنت عليه كتبت بعدها والله أعلم لماذا لم تلتفت لها
والله أخبرنا جزاء كل عمل نعمله وأنتم توذون الجميع ولكن يبدو بدون قصد
واذا كان فى حد مش حاسس هو بيعمل ايه فواجب على كل من يحبه انه ينبه
وأعوذ بالله أن أتألا على الله أعوذ بالله من ذلك وأشهد أن لا إله إلا الله وحده لا شريك له وأن محمد رسول الله
وطول ما في كلام مش مظبوط على قياس القران الكريم وسنة الرسول عليه الصلاة والسلام لاى سبب لازم ححاول اشارك معاكم ونتشارك الرأى والنصيحة
واذا خرج الكلام عن الأدب والأخلاق العامة المفروضه علينا لأننا ناس محترمين نحترم بعض فى كل الأحوال حيكون الرد على قدر الكلام

سبحان الله وبحمد سبحان الله العظيم

تاني فتي في الدين وادعاء الفهم
ايه هو انك كتبت بعدها والله اعلم , طيب ينفع اقلك انت كافر والله اعلم , يبقي كدا انا برأت نفسي !!!
يا عم ياللي عامل فيها متدين
ربك وربي قال لسيدنا موسي روح لفرعون قوله قولا لينا مقلوش روح قله انت هالك والله اعلم , رغم ان الاخ معملش اللي عمله فرعون وعلي طول سياتك قلتله انت هالك
ابعدوا الدين عن خلافتكم الشخصية , ابعدوا الدين عن السياسة
منكم لله اسأتم للاسلام والمسلمين

[Ahmedmiy]

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

الحمد لله لقد ذكرت بجزاء العمل تذكير ودعوت له خالص الدعاء بالسعادة ودخول الجنة ورحمه الله وعفوه

وبالفعل جميعا منا لله عليك بالدعاء وأنا كذلك والله يحكم بيننا بالحق

أكثر من الدعاء

سبحان الله وبحمده سبحان الله العظيم

[lancer06]

السلام عليكم ورحمة الله وبركاتة
يا جماعة متحولوش الموضوع لصراع بيزيد حدة وفى الأخر الموضوع يتقفل
أى مشاركة بتنضاف للمنتدى فهى باب للمناقشة والحوار بينا كلنا
مش من حقى اقول لأى حد أمشى أو أقعد
المنتدى لا بعدد اعضاءة ولا كتر زوارة
المنتدى بالمشاركة والأجتهاد بينا كلنا
انتو قدوة للزائر اللى جاى أنتم ناس كبيرة وعاقلة
الموضوع عمرة ما يتحل بالمشادة فى الكلام لكل منا وجهة نظرة ولو عاوز تقنع غيرك بوجهة نظرك يبقى باللين

[FAR!D]

بما انى من الأعضاء القديمة فى المنتدى ........ فححكى اللى حصل بسرعة :)

المنتدى فى فترة ما قبل الثورة كان متألق جدا ........... مواضيع العربيات و كل ما يخصها كانت كتير و متجددة و مرجع فعلا لأى حد عايز يعرف اى حاجة

و بصراحة كان فيه عتاولة فى المجال ده فعلا .......... اسامى كتير اختفت دلوقتى

و المنتدى الأجتماعى ده مكان الترويح عن النفس و التعارف بعيد عن مواضيع العربيات

و كان ممنوع الكلام فى السياسة تجنبا لأذية صاحب المنتدى نفسه ......... اللى مباحث الأنترنت كل يوم و التانى كانت تستدعيه بسبب مواضيع سياسية هو مالوش ذنب فيها

و جاءت الثورة المجيدة ............. و عينك ما تشوف الا النور

المنتدى الأجتماعى قلب سياسى .......... و اتقسم اعضاء المنتدى فرق جديدة

التقسيمة زمان كانت على العربيات ........ ده بيشجع اليابانى و ده الألمانى و ده شايف الكورى قادم

مرة واحدة بقت التقسيمة ....... ده ثورجى و ده فلول و ده اخوانجى و ده سلفى و ده علمانى و ده ليبرالى

تقريبا المنتدى الأجتماعى اتدمر ........ لغاية ما فتحوا قسم احوال الشارع المصرى

و انتقلت كل الخناقات و و المشاكل الى هناك ............. و ايقافات و عقوبات و شكاوى بقى بالجملة

شوية شوية .............. الناس سابت العربيات ........... و بقت ماسكة فى السياسة و كل واحد فاكر نفسه هنرى كيسنجر

المنتدى نفسه بقى بيروح .......... غير المشاحنات و المشاكل اللى بقت بين الأعضاء و بعضها و انا منهم مش بستثنى نفسى و لا حاجة

و فى الأخر اخدنا ايه .............. وجع القلب و الدماغ على الفاضى

يبقى فى رأيي نرجع زى زمان ........... منتدى سيارات .......... فى مكان للتعارف و الأجتماعيات

و شكرا :)

+11111

[FAR!D]

فيه ناس في المنتدي اقسم بالله بحزن عليها انها سابته و منهم نفسي و انا ادعي اني كان ليا موضوعات كتيير مفيده و برضوا استفدت اكتر من المنتدي لكن دلوقتي مبقتش ادخل المنتدى الا لمتابعه القسم ده وقبله قسم احوال الشارع المنيل و لو اني تحكمت في نفسي امتى اشارك و امتى اجلس في الصفوف الاماميه للمتفرجين لمتابعه " خناقه "
نفسي يرجع لايام 2009 اول ما دخلته

[ESO101]

إن كان المؤمن المسلم يدافع عن دين الله .. لوجه الله وحده
لا إنتصارًا لنفسه ولا رياءً
فما الداعي من تحديث العامة عن إنتصاره لله
أنا أدافع عن ديني
أنا أحث الإدارة على الحفاظ على الدين
أنا لا أترك المنتدى من أجل نفسي
أنا لا أغضب إلا من أجل الدين
أنا لا أجتمع في مكان واحد مع هؤلاء لأجل الدين

إن لم يكن هذا رياءً فما نسميه
ماهو الغرض من ذكر هذا العمل الذي هو خالص لوجه لله للناس ؟
يا كل من تخرج صدقتك بعيد عن ناظر الناس وتحرص أن تخفيها حتى لا يشوب عملك رياء
وتوسوس نفسك إن رآك الذي سخره الله لتطهير ذنوبك
تخشى أن يمس عملك رياء إن عرف من صاحب الصدقة

كيف بمن يدعي أنه يدافع عن دين الله ..
فيأتي بغير مناسبة ويتفاخر ويزكي نفسه .. بالكذب أو بظن السوء
هل هذا العمل خالص لوجه الله حقًا ؟
المؤمنون بالله حق إيمان والصادقون المخلصون لا يتصرفون على هذا النحو
ولا يمكن أن يكونوا هكذا

ثانيًا دائمًا الغرض الأساسي من هذا النوع من مواضيعك
تصدير فكرة أن الدين هش ويتهاوى من أي فكر أو سؤال
وفكرة أنه يجب أن تُرصد الكلمات ويُجعل للدين حرسٌ و حماة ..
والمسلمون جهلة ولا يستطيعون التفكير في أبسط مايمكن للبشر التفكير به

ثالثًا المواضيع التي تصاغ على أنها دينية تقدح في صميم الدين
وتشوه صورته في نظر أي صاحب فكر أو أدنى درجات العقل

رابعًا إتهام الذي يفند له إدعاءاته ويبين له أن المسلمين ليسوا بتلك الحماقة
يتهمه أنه يطعن في الدين
خامسًا تنفير من ليسوا على المنهج الصحيح ونعتهم بألفاظ وتلميحات والتباذؤ عليهم
على أساس أن هذه البذائات هي دفاعًا عن الدين

هل الله الذي تنزه عن كل العباد بحاجة للدفاع عنه بهذا المستوى ؟
هل الذي يدافع عن دين كالدين الإسلامي بحاجة لأن يكون بذيء ..

عندما قال إبراهيم رب أرني كيف تحيي الموتى وهو الذي خلقه وإصطفاه وكلمه
فرد الله عز وجل ( وهو الله ) بكل عظمته وجبروته
قال أولم تؤمن قال بلى ( ولكن ليطمئن قلبي )
والكثير الكثير من الأمثلة التي فيها إحتواء المخالف مهما كانت درجة تعنته ..
لأنه في النهاية لم يصله اليقين
كل مهمتنا نحن المسلمين محاولة إرشاد الذين ليسوا على المنهج
بمحاورتهم والسماع منهم والرد على كل تساؤلاتهم وأفكارهم بلين وبحكمة
لا سبهم ولا ترهيبهم ولا الخوف منهم
فهم بشر لديهم فكر يظنون أنه الحق ونحن بشر لدينا دين نعتقد إعتقادًا جازمًا ويقينيًا أنه الحق

أنت .. إن كنت مسلم فراجع منهجك ..
وإن كنت منافق فلا تتعب نفسك فمن هنا ليسوا سفهاء
وقلت لك وها أنا أنا أبشرك
أني لك ولمن هم مثلك بالمرصاد ..
لن أسمح لك .. لا أنت ولا من تتشدد بهم بنشر سخافاتكم هنا
سأسحقها ولن أكن من المتفرجين

وبالمناسبة
الشيخ خالد رجل محترم وسوي ومحبوب من الجميع
لا تجره لمنهجك وتجعله من فريقك وأعتقد أن غرضك من هذا حتى يكسب خصومات وينفر منه الناس ..
فدوره الدعوي المحبب للنفس مطلوب .. فلا تقحمه في مواضيعك فأنت تسيء لمكانته وتحجم دوره
هؤلاء الأشخاص سخرهم الله للناس وأعطاهم نبل وحكمة حتى يجمعوا لا يفرقوا وينفروا
وهذا غرضك من إقحام اسمه حتى وإن أبدى تعاونه .. فالرجل حسن النية

[ibrahim sallam]

الحمد لله والصلاة والسلام على رسول الله نبينا محمد خير خلق الله

تقدير وإحترام وشكر جزيل للموضوع وجزاك الله خير يا من كتبت لا تبتغي إلا وجه الله ولا تبتغي إلا الصالح للجميع بما فيهم من يقوم بالاستفزاز وهو غافل عن ما يعمل لاننا جميعا نعيش معا او نهلك معا

لم أندم على جملة كتبتها فى المنتدى إلا جملة فى موضوع قلت فيها أنى لن اشارك مرة أخرى لان هناك أعضاء تقوم بالتهديد لجميع الأعضاء
والحقيقة أني نيتي والله أعلم وهذا ما لم يكن واضح أني لن أشارك لانى لا أريد الكلام بشكل يجرح الأخرين وان كانوا يستحقوا طالما استمروا على ما يقوموا به ورغم أنهم ليس عندهم مانع من شتم وتهديد اى حد واحنا اساسا اخواتهم المفروض كده ولكن هى غفله كبيرة أن يخسر شخص كل حاجة الدنيا بالكامل والأخرة بالكامل
فلم أكن خائف كما ظن البعض ولكن كان من باب الأدب والإحسان
فلن يصيبنا إلا ما كتب الله لنا وممكن دلوقتى حالاً يأمر الله عز وجل بقبض روحي

وفيما يخص الإدارة وطريقة التعامل مع المنتدي الاجتماعي تحديدا وإن كانت الطريقة تؤثر فى كل قسم ومنتدى متخصص أخر

وبالتأكيد أنا مُخطئ الأن إذا أردت تقديم النصيحة لأخوانى فى الإدارة على الملأ ولكن لم يعد هناك وقت يسمح بالإنتظار

فأقول كما كنت أحاول القول من أعوام أن نايل موتورز كان من المنطقي من أكثر من ثلاث سنوات أن يأخذ شكل المؤسسة مثل ما بدأ جوجل أو فيس ولكن كان النظر تحت الأقدام سبب رئيسي فى ضياع الكثير ،،،، الربح والمكسب المادي أمر طبيعي ولكن المكسب المادي الأكبر كان متوفر أمام أيديكم والأن عليكم بعد الإجتماع والمشورى بينكم كادارة أن يكون هناك منهج محدد يتم التعامل به وأهم حاجة فى المنهج ده أن القيم لها الاولويه عن أى شئ أخر
وبالنسبة للإجتماعي والله لا أحاول أن أوجهكم لما يضركم بعد ما حدث في الفترة الأخيرة كان من الواجب غلق الإجتماعي تماما وده علشان

شخصيا مش عارف أنتم موافقين على طريقة الاعضاء المسيئة علشان ده رأيكم الشخصي وأتمنى ألا يكون وأشعر بقوة أنه ليس كذلك ولكن لست واثق لأنكم لم تتحركوا ابدا

ثانيا إذا تم غلق الإجتماعي نعم سيكون خسارة مادية ولكن سيكون مكسب كبير قد لا تعرفون العائد من وراءه
كل عضو بيحب الاجتماعي وبيقعد يكتب عليه أو بيدخل يسال ويستفيد منه لما يتم الغلق كل الناس ديه حتشوف مكان تاني أو مجال تاني تنفس فيه عن نفسها وغالبا حيكون فى الشوارع أو المكاتب لان الضغط بالشكل ده مش ممكن أبدا وده الى مش فاهمه الاعضاء المسيئة وهذا الغباء بعينه
وهذا التصرف سيعود على سمعة نايل موتورز بايه سيعود ان شاء الله بكل الخير لما يكون معروف بشكل واضح موقف الادارة الشريف بالتاكيد تزداد الثقة والحب وهو ده رأس المال الحقيقي زى كده ما كل واحد
بيشترى عربية أو اى حاجة بيدور على مين أهل الثقة والأمان علشان يتعامل معاهم واذا احتاجهم يلاقيهم هما الى بيبحثوا عنه

والله أقسم بالله إذا كنت أنا صاحب القرار فى نايل موتورز لكنت من شهور عديدة قررت اغلاق المنتدى بالكامل بجميع اقسامه هو مخاطره اه بس مخاطرة فى محلها ووقتها ولن تبقي إلا المواقف السليمة من أجل اهداف طيبة ونبيلة لان الحال المنطقي بيقول أن ممكن ما يكونش فيه منتدى أصلا بعد كده وكل حاجة حولينا كل واحد فينا عارف هى ايه بنفسه من غير ما حد يحلل او يشرح

خالص الشكر والإحترام

سبحان الله وبحمده سبحان الله العظيم

اشكرك على هذه المشاركه

انا الحقيقه مش قادر استوعب منتدى وفيه كثير من الاعضاء ماشاء الله ربنا يزيد ويبارك

هذا الكم لن تستطيع الزامه بفكره واحده ولن تستطيع فصله عن واقع يعيشه.

ومثلما قلت في مشاركه اخرى حتى لو حذف القسم سنتطرق الى ما يخص حياتنا( وهذا طبيعي يا

جماعه ايه المشكله في كده))

وبعدين انا شايف ان فيه حاجه غلط المطلوب مني اسكت مثلا ومش اتكلم عنها ولا المطلوب ااقول

عليها انها صح وتمام التمام عشان يبقى فيه رضا.

قلنا فيه قوانين وقليل الادب (( وهم قله)) يتحاسب.


وبعدين حاجه غريبه في الاول تم قفل احوال الشارع والاداره طلبت من الاعضاء عدم التحدث في

السياسه واعتقد ان الاعضاء استجابت بنسبه لا تقل عن80% مقارنة بقسم احوال الشارع

ايه المطلوب تاني مش قادر افهم انا (( طبعا كلامي غير موجه للعضو الفاضل المقتبس له الكلام

انما اتحدث بصفه عامه)).

وتاني: لو فضل قسم واحد بس حتى لو كان زيوت والله الناس مش هتبطل كلام

فيه ايه ياجماعه ليه عاوزين تجعلو منا مسخ ليه عاوزين ترجعونا للحضانه تاني حاضر ونعم

ودون نقاش.

ربنا يعطي كل شخص على قدر نيته

[3adelnor]

.................................................. .........
.................................................. ............

انذار ووقف اسبوع لمخالفة القاعدة رقم 12

[cyborg_ift]

للاسف اسلوب الحوار باه متدني جدا

[م أحمد]

بتخيل شكل الحوار لو مفيش ايقافات و حذف تعليقات......

عامة بشوف الكلام دا على الفيس بوك مجردا !!!

[مصطفى-حسن]

المهم ان في ناس قالت انها مش حتدخل المنتدي تاني ولسه بتدخل وبتعمل لايكات
منور يا حج مصطفي , مش ناوي تعملنا موضوع مفيد من مواضيعك المفيدة اللي مكسره المنتدي

طب مش نتعرف على العضوية الجديدة الاول

[memo_p910]

بصراحه ان مش قادر افهم ايه علاقة الدين والانتصار للدين بمنتدى متخصص في السيارات
المفروض ان المنتدى الاجتماعي كان للتعارف والاستجمام قلبتوها مكان للخناق والتناوش
يبقى تقفلوا كل المواضيع التي لا تخص السيارات أفضل

[ibrahim sallam]

إن كان المؤمن المسلم يدافع عن دين الله .. لوجه الله وحده
لا إنتصارًا لنفسه ولا رياءً
فما الداعي من تحديث العامة عن إنتصاره لله
أنا أدافع عن ديني
أنا أحث الإدارة على الحفاظ على الدين
أنا لا أترك المنتدى من أجل نفسي
أنا لا أغضب إلا من أجل الدين
أنا لا أجتمع في مكان واحد مع هؤلاء لأجل الدين

إن لم يكن هذا رياءً فما نسميه
ماهو الغرض من ذكر هذا العمل الذي هو خالص لوجه لله للناس ؟
يا كل من تخرج صدقتك بعيد عن ناظر الناس وتحرص أن تخفيها حتى لا يشوب عملك رياء
وتوسوس نفسك إن رآك الذي سخره الله لتطهير ذنوبك
تخشى أن يمس عملك رياء إن عرف من صاحب الصدقة

كيف بمن يدعي أنه يدافع عن دين الله ..
فيأتي بغير مناسبة ويتفاخر ويزكي نفسه .. بالكذب أو بظن السوء
هل هذا العمل خالص لوجه الله حقًا ؟
المؤمنون بالله حق إيمان والصادقون المخلصون لا يتصرفون على هذا النحو
ولا يمكن أن يكونوا هكذا

ثانيًا دائمًا الغرض الأساسي من هذا النوع من مواضيعك
تصدير فكرة أن الدين هش ويتهاوى من أي فكر أو سؤال
وفكرة أنه يجب أن تُرصد الكلمات ويُجعل للدين حرسٌ و حماة ..
والمسلمون جهلة ولا يستطيعون التفكير في أبسط مايمكن للبشر التفكير به

ثالثًا المواضيع التي تصاغ على أنها دينية تقدح في صميم الدين
وتشوه صورته في نظر أي صاحب فكر أو أدنى درجات العقل

رابعًا إتهام الذي يفند له إدعاءاته ويبين له أن المسلمين ليسوا بتلك الحماقة
يتهمه أنه يطعن في الدين
خامسًا تنفير من ليسوا على المنهج الصحيح ونعتهم بألفاظ وتلميحات والتباذؤ عليهم
على أساس أن هذه البذائات هي دفاعًا عن الدين

هل الله الذي تنزه عن كل العباد بحاجة للدفاع عنه بهذا المستوى ؟
هل الذي يدافع عن دين كالدين الإسلامي بحاجة لأن يكون بذيء ..

عندما قال إبراهيم رب أرني كيف تحيي الموتى وهو الذي خلقه وإصطفاه وكلمه
فرد الله عز وجل ( وهو الله ) بكل عظمته وجبروته
قال أولم تؤمن قال بلى ( ولكن ليطمئن قلبي )
والكثير الكثير من الأمثلة التي فيها إحتواء المخالف مهما كانت درجة تعنته ..
لأنه في النهاية لم يصله اليقين
كل مهمتنا نحن المسلمين محاولة إرشاد الذين ليسوا على المنهج
بمحاورتهم والسماع منهم والرد على كل تساؤلاتهم وأفكارهم بلين وبحكمة
لا سبهم ولا ترهيبهم ولا الخوف منهم
فهم بشر لديهم فكر يظنون أنه الحق ونحن بشر لدينا دين نعتقد إعتقادًا جازمًا ويقينيًا أنه الحق

أنت .. إن كنت مسلم فراجع منهجك ..
وإن كنت منافق فلا تتعب نفسك فمن هنا ليسوا سفهاء
وقلت لك وها أنا أنا أبشرك
أني لك ولمن هم مثلك بالمرصاد ..
لن أسمح لك .. لا أنت ولا من تتشدد بهم بنشر سخافاتكم هنا
سأسحقها ولن أكن من المتفرجين

وبالمناسبة
الشيخ خالد رجل محترم وسوي ومحبوب من الجميع
لا تجره لمنهجك وتجعله من فريقك وأعتقد أن غرضك من هذا حتى يكسب خصومات وينفر منه الناس ..
فدوره الدعوي المحبب للنفس مطلوب .. فلا تقحمه في مواضيعك فأنت تسيء لمكانته وتحجم دوره
هؤلاء الأشخاص سخرهم الله للناس وأعطاهم نبل وحكمة حتى يجمعوا لا يفرقوا وينفروا
وهذا غرضك من إقحام اسمه حتى وإن أبدى تعاونه .. فالرجل حسن النية

غريب جدا مع اني لم اذكر اسمك!!

[Basyouny]

غريب جدا مع اني لم اذكر اسمك!!

حصل خير يا جماعة
خلونا نتصالح ونبدأ صفحة جديدة
وأدعو الاخ ابراهيم والاخ eso101 لقبول دعوتي للتصالح

[Colin Chapman]

يا جدعان الموقع دة بتاع عربيات .. مش بتاع سياسة