دكتور مخ واعصاب وعمود فقرى

[Hussein_Ramdan]

السلام عليكم ياشباب دلوقتى زوجتى بتشتكى من صداع رهيب كل فتره ووجع فى الرقبه
لفينا على اكثر من دكتور من رمد لعظام ولمخ واعصاب
اخر دكتور كبير جدا ومشهور فى العضام بعد الاشاعات قالها انتى تروحى لدكتور مخ واعصاب
روحنا لدكتور وليد عبد الغنى بتاع برناميج ريهام سعيد
بس مش عارف اظاهر من كتر ما الدكتور بيكبر ويشتهر والحجز يوصل عندو لشهور بيصاب بالغرور
رافض بيتكلم معانا خالص عاملنا تحاليل كتر واشاعات كتير وفى الاخر قالها احنا هنعمل عمليه فى العمود الفقرى
الصراحه الكلام معجبنيش قولت اسئلكو هنا
عايز دكتور بيتقى يكون تخصص مخ واعصاب وعمود فقرى
وشكرا ليكو مقدما

[Abo_Mazen]

وهو الدكتور الأخير ده داخل كده بدماغه وش ..عايز يعمل عملية في العمود الفقري كده علطلول ..طيب مش يقول في إيه ..وجهة نظره إيه ..عايز يعمل العملية ليه ؟؟..عموما لو حضرتك عايز حد في إسكندرية أنا ممكن أفيد حضرتك كويس قوي

[hobiko]

للاسف حضرتك من القاهره ............ الدكتور اللى اعرفه من اسكندرية

اسمه علاء عبد الرؤوف ...... هو استاذ مساعد فى كلية طب الأسكندرية و عالم فى تخصصه غير احترامه و ادبه و اخلاقه

[Hussein_Ramdan]

فعلا ادها حبه مراهم وقالها لو مستريحتيش خلال شهر هنعمل عمليه فى العمود الفقرى . ومعا العلم تقريبا من اكبر الدكاتره فى المخ والاعصاب وبيطول فتره الحجز عندو الى ثلاث اشهر والكشف يتعدى ال 400 جينه
يفضل لو كان الدكتور فى القاهره
واشكرك جدا

[Hussein_Ramdan]

وهو الدكتور الأخير ده داخل كده بدماغه وش ..عايز يعمل عملية في العمود الفقري كده علطلول ..طيب مش يقول في إيه ..وجهة نظره إيه ..عايز يعمل العملية ليه ؟؟..عموما لو حضرتك عايز حد في إسكندرية أنا ممكن أفيد حضرتك كويس قوي

بيقولها عنديك عضله فى الفقره تقريبا التالته بس مش عارف اعمل ايه والصراحه انا متخوف جدا من عمليه عمود فقرى

[wawamoha]

و هيا اسكندريه بعيده ؟؟؟ توكل عل الله طالما شاطر و امين و في الاول و الاخر ربنا هو الشافي

[volociximab]

انا بس عاوز اوضح حاجة و انا لا اعرف الدكتور الذى ذهبت اليه
مش لازم دكتور يطلع فى التليفزيون يبقى شاطر
و فيه دكاترة بتدفع فلوس و تطلع فى التليفزيون
يعنى حكاية التليفزيون دى اونطة------و هذا لا يعنى ان الدكتور الى ذهبت ليه خايب و لا يعنى ايضا انه شاطر
عبد العاطى كفته كان بيطلع فى التلفزيون

[Ahmedmiy]

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

الدكتور حازم عبد البديع جراحة مخ وأعصاب كنت اتعاملت معاه من خمس سنوات والله أعلم كيف هو الأن العيادة فى المهندسين اخر شارع سوريا فوق اوتو ايجيبت نيسان
العيادة كانت زحمة جدا والحجز بالشهور اذا كان الدكتور مش مسافر حاول ان شاء الله هو دكتور بخلاف انه شاطر ما شاء الله كمان ضميره ممتاز ان شاء الله يُسدد لك الله طريق الخير ويُعينك على مسئوليتك ويجزيك عنها الخير

سبحان الله العظيم وبحمده

[hugan]

دكتور عادل حكيم
العماره الملاصقه لقسم ومرور مصر الجديده
لسه عامل عمليه ورم في الغده النخاميه ﻻئبن اختي
بعد لف ودوخه علي كل التخصصات
الحمد لله الولد ارتاح جدا من الصداع الرهيب الي كان عنده
لكنه دكتور جزار في الغلوس اجره يده فقط 20 الف جنيه

[hugan]

المواعيد من2/6مساء

[kazamodia]

بعد لف طويل في الموضوع ده احب اقول لك على اشهر الدكاتره في المجال ده في القاهرة الجراحيين منهم
د. عمرو صفوت
العنوان: 35 ش الدقى - الدور 1 شقة 2

د. عمرو منسي
16 رشدان، الدقى، الجيزة، مصر

[msobhy]

عمرو صفوت - يبقى تتقل جيبك يا وحش

فيه دكتور هشام حزين ابن الدكتور محمد حزين دور على النت هاتلاقى كل بياناته

[Hussein_Ramdan]

انا بس عاوز اوضح حاجة و انا لا اعرف الدكتور الذى ذهبت اليه
مش لازم دكتور يطلع فى التليفزيون يبقى شاطر
و فيه دكاترة بتدفع فلوس و تطلع فى التليفزيون
يعنى حكاية التليفزيون دى اونطة------و هذا لا يعنى ان الدكتور الى ذهبت ليه خايب و لا يعنى ايضا انه شاطر
عبد العاطى كفته كان بيطلع فى التلفزيون

ههههههههههههههههههه هيقولها كان عنديك صداع وراح

[Hussein_Ramdan]

الحمد لله والصلاة والسلام على رسول الله نبينا محمد خير خلق الله

الدكتور حازم عبد البديع جراحة مخ وأعصاب كنت اتعاملت معاه من خمس سنوات والله أعلم كيف هو الأن العيادة فى المهندسين اخر شارع سوريا فوق اوتو ايجيبت نيسان
العيادة كانت زحمة جدا والحجز بالشهور اذا كان الدكتور مش مسافر حاول ان شاء الله هو دكتور بخلاف انه شاطر ما شاء الله كمان ضميره ممتاز ان شاء الله يُسدد لك الله طريق الخير ويُعينك على مسئوليتك ويجزيك عنها الخير

سبحان الله العظيم وبحمده

اشكرك جدا وهشوفو

[Hussein_Ramdan]

دكتور عادل حكيم
العماره الملاصقه لقسم ومرور مصر الجديده
لسه عامل عمليه ورم في الغده النخاميه ﻻئبن اختي
بعد لف ودوخه علي كل التخصصات
الحمد لله الولد ارتاح جدا من الصداع الرهيب الي كان عنده
لكنه دكتور جزار في الغلوس اجره يده فقط 20 الف جنيه

يارب الواحد يلقى دكتور محترم يتعامل معاه لكن للاسف الجراحين وخصوصا العمود الفقرى بيقا عايز يفتح وخلاص
ومش عايز ياخد السكه بتاعيت العلاج الطبيعى ولو خد السكه دى بيقا عندو مركز عايز يشغلو
كان ليا تجربه معا دكتور فى شقه وفاتح الشقه الى قصادو مركز علاج طبيعى وخد جلسات كتير ومفيش فايده فعلا هشوف العياده دى