هنيئأً لهم ماتوا امام الكعبة

[حسام الغرباوي]

من مكة الأن

سقوط رافعة ضخمة بسبب العواصف وشهداء ومصابين في صحن الطواف

[Forever.Leo]

رحمهم و غفر لهم الله .. و لكن الحادث به اهمال او سوء تقدير لا يبرره امطار او عواصف .. ده مش اي مكان .. ازاي تعرضه لخطر الهدم لا قدر الله .. و تعرض زواره للموت و في موسم مزدحم كموسم الحج .. المقام ليس مقام التهنئة بل هو مقام الحساب .

[volociximab]

هذه الرافعة فى هذا المكان منذ بداية التوسعة
ما حدث اليوم هو رياح عاصفة شديدة جدا اسقطت الاشجار تبعها امطار رعدية غزيرة
رحم الله الموتى و شفى الله المصابين

[هيثم مجدي]

رحمهم و غفر لهم الله .. و لكن الحادث به اهمال او سوء تقدير لا يبرره امطار او عواصف .. ده مش اي مكان .. ازاي تعرضه لخطر الهدم لا قدر الله .. و تعرض زواره للموت و في موسم مزدحم كموسم الحج .. المقام ليس مقام التهنئة بل هو مقام الحساب .

آمين
بالضبط. اهمال جسيم ترك الروافع في وقت زي دا
بتخيل لو كان حدث دا وقت طواف الإفاضة مثلا, كانت الوفايات بالآلاف بدون مبالغة

[طارق _عبد السلام]

اللهم ارزقنا حٌسن الخاتمه

[Mu7ammeD]

اكتر شىء معصبني بالموضوع أن الكلام عن الاجر والثواب ليهم وعن الايام والظروف المباركه اللي ماتوا فيها..

ومفيش إي كلام عن حساب المسئول عن هذا التقصير الفظيع!

في عالم مواز كان سيتم القبض عن المسئول والمقصر فورا

[ESO101]

ربنا يرحمهم ويصبر أهلهم
حادثة مأساوية
وأصغر مهندس عارف إن ظروف العمل الميدانية في البيئة الخارجية
لازم يكون فيها إحتياطات سلامة للعاملين وغيرهم
وطبعًا معرفة الأحوال الجوية من أهم إحتياطات السلامة
في حالة الرافعات والتعامل معها أثناء وصول الرياح لسرعة معينة أو التوقع
بتتثبت
عمومًا
مشاريع الحرم محتاجة متابعة دقيقة وعناية فنية وهندسية فائقة من جهة حكومية لا شركات خاصة

[الاسد المهاجر]

الله يرحمهم
طبعا ده اهمال شديد وحدش فاكر يقول نحاسب المسئول وده لو كان حصل في مصر كانو قالبو الدنيا وقالو الرئيس ومعرفش ايه
المهم ربنا يرحمهم

[gade2]

ولا حد هيهتم بالتقصير

[حسام الغرباوي]

علي فكرة الناس بتتكلم عن الثواب وحسن الخاتمة لان معروف في المملكة ان المقصر هيتحاسب حساب شديد , وبالتالي محدش بيتكلم في النقطة دي


ولكن وفي كل الأحول الرياح والعواصف فعلا كانت مهولة جدا جدا وتطاير بعض الناس والحواجز الخرسانية الضخمة من مكانها .

[حسام الغرباوي]

فيديو بيوضح قوة العاصفة

https://www.facebook.com/aga2b/videos/1374333022596385/

[Elawany13]

رحم الله ضحايا حادث الحرم المكى
هذا الحادث
فكرنى بحادث فندق حياة ريجينسى فى أمريكا فى الثمانينيات
وكان ليه ضحايا كتير بين قتيل ومصاب بإصابات خطيرة
وتحول الحادث الى ساحات القضاء
وتوصلت التحقيقات الى خطأ فى التصميم تسبب فى هذه الكارثة وصرفت ملايين الدولارات كتعويضات للضحايا والمصابين
وتم ايقاف المهندس المسئول وإتخاذ اجراءات صارمة فى مبانى أمريكا لمنع تكرار الحادث
وده اللى المفروض يحصل

http://www.youtube.com/watch?v=ysaN8Lwy8L4

[Elawany13]

منقول

رسالة خطيرة وصلتني من أحد العاملين بشركة بن لادن المسؤولة عن جريمة رافعة الحرم المكي:
أنا شغال في بن لادن من سنين، وحالات الموت والإهمال من الأمن الصناعي فظيعة، ودي مش أول حادثة.
تم إسناد إدارة الأمن الصناعي للسعوديين ضمن إجراءات السعودة، ومفيش كفاءة خالص.
أخطر حادثة حصلت كانت من 4 سنين لما انهار سلم في برج الساعة ومات فيها عشرات العمال
الأوناش بقى متوزعة ف الحرم بطريقة عشوائية جدا، يعني مهتمين بعدد الأوناش فقط ومفيش تفتيش على جودة اللحام ولا ربط القواعد
سألنا كتير ليه مش بيوقفوا الحج لحد ما نحلص
يقولو مين هيدفع المرتبات
ويستمر العمل والفوضي أثناء دخول وخروج الحجاج
وده مش أول ونش يوقع، حصل قبل كده وقوع ونش بس الحمد لله محدش انصاب
المصيبه ان المشروع كان مفروض يخلص من سنتين لكن بسبب دخول رمضان والحج دايما بيتم أمرنا بتركيب تجهيزات مؤقته لحد انتهاء الموسم
آخرها قاموا بتمديد كابلات علي وجه الأرض وأحد المهندسين اعترض وراح قال لهم الناس اللي هتموت متكهربه ذنبها في رقبتكم
تاني يوم عامل مات متكهرب!
-----
انتهت الرسالة

[ahmed_eng2001]

منقول


الأوناش بقى متوزعة ف الحرم بطريقة عشوائية جدا، يعني مهتمين بعدد الأوناش فقط ومفيش تفتيش على جودة اللحام ولا ربط القواعد

-----
انتهت الرسالة

النقطة دى هى الى ممكن يتعمل علشانها تحقيق ... و ليه الونش كان قريب من الحرم و لم يتم ابعاده ... و لكن الونش الى وقع ونش متحرك على حصيرة جنزير .... و لا يتم تثبيته بالارض ... و كان حيقع فى اى حتة ربنا يتقبل من مات و يبعث على حاله .... ملبيا و ساعيا

[volociximab]

هذه الرافعة هى اكبر رافعة فى الحرم و هى موجودة فى ذلك المكان منذ سنوات و بينها و بين حدود المسجد حوالى 100 متر
العواصف شيء طبيعى فى مكة و كذلك الامطار الرعدية الغزيرة و السيول و كلنا فاكرين هذه الصورة القديمة


الايام السابقة و حتى اليوم الطقس متقلب--شمس و فجأة غمام و امطار او عواصف رملية
و هذا طبيعي فى هذه الفترة من السنة
اذكر فى العام الماضى دخلت بنك و الشمس مشرقة و خرجت منه و السماء مظلمة و السيارات مضيئة الانوار

https://www.youtube.com/watch?v=L7TMpKEGayA