فااااااااااااار

[khaloooda]

سؤال لو سمحتو يا جماعة
مشكلة تبدو بسيطة وهايفة لكن مؤرقة جداااا

عندي في البيت فار
حاولت اصطياده بكل الطرق اللي تتخيلوها
دورت عالنت
سألت ناس كتير
جربت طرق تقليدية ووصفات عطارين
مصيدة - لزق - سم - رش من شركات الرش ..... الخ
مفيييييييييييش فايدة

سمعت عن جهاز صغير كده زي جهاز الناموس بيعمل بالموجات فوق الصوتية اللي لا يتحملها الفار ولا يشعر بها الانسان فيسارع الفار بالهروب
حد يعرف اجيبه منين
او يعرف طريقة غير الطرق العادية او المنتشرة عالنت او بين الناس ينصحني بيها

القرف كله ان عندي طفل صغير بيحبي وخايف عليه
غير ان الفار من اكبر عوائل الامراض ... بيحمل وينقل كم من الامراض والبكتريا غير عادي

؟؟؟؟؟؟؟؟

[طارق _عبد السلام]

شوف المشكله دى حصلت عندى من فتره وفعلا كان عامل قلق في البيت واكل سجاجيد وبوظ الغساله..

فحاولت بكل الطرق الطريقه الوحيده الفعاله.... كانت المواجهه :) العصايه مش هتنفع نهائى... الحل الوحيد تتسلح بشوذ... تشوف عندك حذاء جلد يكون برقبه او عادى وتلبسه وفى اثناء هروب الباشا وراه بالقدم .. الموضوع هيكون سهل جدا لو عرفت مكانه في المطبخ مثلا او في حجره واقفل عليكم الباب واتعامل معاه هتجيبه يعنى هتجيبه...... انا نجحت مع تلاته.. بالطريقه دى.......... لكن الجهاز مش فعال... فيه حاجه اسمها لصقه الفئران في الصيدليه لكن بتنجح مع الحجم الصغير..... والمصيده انت وحظك

[رامي مصطفى]

ههههههههههههه
فكرتني بالماضي والله كنت لسه في 3 ابتدائي وكانت والدتي ربنا يحفظها لما تعرف ان فيه فار في الغرفه والله تدخلني وتقفل عليا ولازم تصطاده
وعمري والله ما خيبت ظنها
لازم المواجهه زي ماقال الزميل

[nilmaster]

السؤال هل انتم محددين مكانه يعنى لو فى مطبخ اقفل باب المطبخ باستمرار عشان تحدد اقامته
لو فى المطلخ غالبا بيبقى تحت البوتاجاز او تحت الثلاجة
هات جبنه رومى وحط عليها سم فران وحطها فى ورقه على الارض
احنا عانينا من الموضوع دة ورسيت على انى جبت لزقه قويه جاططها على الارض تانى يوم لاقيته ملزوق بيطلع فى النفس

[dede_dodo88]

للأسف مهياش مشكلة بسيطة لأنك بتتعامل مع كائن ذكي و كل الطرق التقليدية من مصيدة و سم او لازقة بقوا نادراً ما بيخدعوا الفار..
حصلت مرة عندي من كام سنة في المطبخ و كل الطرق فشلت فمكنش في سبيل غير المواجهة و الموضوع كان صعب جداً بسبب كترة الكراكيب في المطبخ, بس المهمة نجحت بعد كام ساعة من المطاردات المستمرة..
الله معك..

[volociximab]

السم اخطر على الطفل من الفار
الحل هو المطاردة و لازم جزمتك تكون جامدة لان الفيران بتعض

[khaloooda]

انا عارف الاوضة اللي هو فيها لكنه مش بيطلع من مخبئه الا بمزاجه
تخبط .. تكركب.. تعمل عفريت
مفيش فايده

[wawamoha]

المواجهة لازم 2 عل الاقل ...واحد ينكش وراه و التاني يصطاد و يا سلام لو 3 للتغطية .....
المصيده فعاله لو حطيت فيها الاتي :
راس سمكه
2- او جناح فرخه مشوي ....
3- لازم تكون الامصيده جديده او مغسوله ماماتش فيها فار قبل كده

[J A G U A R]

حاول تدخله ف اوضه فاضيه او البلكونه عشان ميهربش ف حاجه وافضل وراه بالعصايا على دماغه لغايه ما تجيب اجله .. دي طريقتي معاه وربنا يوفقك عشان ده كائن مؤذي جدا

[ESO101]

ياه .. فار .. دانا مش فاكر إمتى آخر مرة شوفت فيها فار
بس إعرف معلومة مهمة
التعابين بتتغذى على الفران
لو حضرتك ظهر عندك فار يعني المنطقة المحيطة دي فيها تعابين
حطه في كرتونة وطلعه برا البيت .. ارميه لإنه بيحمي الناس من ظهور التعابين

[hesham fawzy h]

دى علامة يا مارد

لسة شايف فار ولا عرسة طالعة من العمارة من شوية :)

[3abdo.it]

والله العظيم حصل عندى نفس الموضوع بالظبط فضل شهر فى الشقة وعندى طفلة بردة وجبت كل انواع اللازق والمصايد والسم

لحد معرفت مخبائة . كانت اوضة الاطفال والحمد لله فيها البلكونة . قفلت الباب عليا انا وابن عمى وابويا. وجبت الخبرة الكبيرة الست الوالدة كانت هيا القائد للعمليات وطلع عين الى جبونا وطلعناة من البلاكونة .. كان داخل الشقة صغير من كتر الاكل كبر وربرب




مفيش غير المواجهة العسكرية معاة

[A_H_M_A_D]

كان عندي فار برضه ، كنا ٦ انفار في البيت بنطارده لغايه معرفنا نصطاده بعد ساعه ونص ، انا عارف انه موضوع رخم ومش سهل

[wmz]

استلف قطة من اى حد معرفة

[الاستاذ]

بص الفار بيجوع وبيطلع من مكانه عشان ياكل طب انت عارف مكانه تعمل ايه
تنزل تشترى سم قوى وترش على جبنه او لانشون بس مهم تلبس جونتى لانه بيشم ريحه الانسان وتحطهم فى الى مكان الى هو فى هتصحى الصبح تلاقيه ميت