يوم خنيييق جدا

[youssefmustang]

انهارده نزلت المعهد بتاعى (المعهد العالى للدراسات المتطورة بالهرم) فى شارع الهرم الشارع مقفول قفلة سودا ومنيلة وكمية ظباط ولواءات وعمدا كتيييرة جدا الكلام ده الساعة 8 الصبح وانا راجع الساعة 2.5 مقفول فقلة اوسخ لدرجة عشان اوصل الجيزة وصلت بعد ساعة الا ربع ...
الواحد مش عارف يعمل ايه بجد حتى الدائرى بدا يتزحم بصورة غير طبيعية..
المقصود من الموضوع ... الواحد يمشى ازاى فى البلد دى
اخوكم يوسف

[Abdelrahman]

حتى القفله بقت .....وسخه

ما فضلش حاجه نظيفه فيكي يا بلد

[Samir Elshahawy]

المقصود من الموضوع ... الواحد يمشى ازاى فى البلد دى

مش المفروض انك تمشي في البلد دي , المفروض انك تمشي من البلد دي

[نور القمر]

آآآآآآآه من الهرم وما ادراك ما الهرم
بيكره الواحد في الخروج
انا لما بكون في الجيزة بفضل اروح اخر الهرم من الدائري علشان ارحم نفسي من الدبرياش في الهرم

[Mohd_Adel_Amin]

أ. يوسف باشا أنا عندي تعليق بسيط على كلمتين في الموضوع او هم بالمعنى الأصح صفتين ..
الصفة اللي وصف بها اليوم في العنوان علشان سب الدهر منهي عنه .
والصفة اللي وصفت بها القفلة الساعة 2ونص ..
ولك مني جزيل الشكر والاحترام

[youssefmustang]

انا اسف يا استاذ محمد عادل بس والله لو تشوف اللى بشوفه كل يوم والقرف اللى كل يوم هتعذرنى وكمية العادم اللى بشمها صدقنى هتقول اكتر بس انا ما استحملتش بصراحة وانا بكرر اسفى .
اخوكم يوسف

[Mohd_Adel_Amin]

يا باشا ولا يهمك انا والله حاسس بمعاناتكم انا رحت المنطقة اللي هناك مرة واحدة في حياتي وكانت الساعة 3 وطلعت منها بإعجوبة وكاره نفسي واللي زود الطينة بله ان التكييف باظ وكان شهر 8 ... ربنا يكون في عونكم فعلا
وبشكرك على الاهتمام يا باشا