صراصير فى المطبخ

[magid1010]

الحقونى يا جماعه عدى صراصير فى المطبخ و مبتطلع من غساله الاطباق جربت الرش و البودره بتتمشى عليه عادى جدا اعمل ايه انا قرفت

[hesham fawzy h]

كل يوم امسح المطبخ و روش

[A.Saad]

الاول ممكن تقلب الغسالة وترش تحتها وجواها عند الموتور
لو منفعش
هات رش من محلات المبيدات فى شارع الجمهورية عند قصر النيل فيه محل وفيه ناس تانية عند مديرية الامن
بيترش مرة ويتعاد بعد 4 ايام وتقفل المطبخ كذا ساعة بعد الرش
العبوة فى حدود 30 جنيه
بس لازم تشيل اوانى الطهى والاطعمة

[michohat]

لو عرفت تفك غساله الاطباق لانك زي ما بتقول بتطلع منها ممكن تلاقي بواقي طعام مركونه فيها وهي السبب في تجمعهم وكمان لو بتستخدم انابيب بوتجاز هتلاقي بدايه الصراصير منها بيكون بيضهم في قاعده الانبوبه فلازم قبل ما تدخلها البيت بالمقشه تكنس قاعدتها ولو في بيض صراصير تشيله و ترشها وتسيبها شوية تتهوى وبعد كده دخلها البيت

[م أحمد]

المطبخ لازم يتعمل له نظافة شاملة بالكامل و تبيد الحجور

لو عندك انابيب بوتاجاز رشها قبل ما تدخل البيت من تحت

[volociximab]

الجاااااز الطريقة القديمة القاتلة

[wawamoha]

عجينة الصراصير ..اعتقد في انواع منها كويسه بتقضي عليهم نهائيا

[svneleven]

شوف أنا هقولك علي حل ان شاء الله هيكون فيه النهاية لكل الصراصير ديه و متجرب أكتر من مرة. فيه حاجة في الصيدلية اسمها بوريك أسيد Boric acid أو حمض البوريك. هتجيب منه شوية و تحط مثلا كوباية منه علي كوباية لبن بودرة و تخلطهم كويس و تحطهم في كل مكان الصراصير بتعدي عليه و ما تقلقش الخليط غير ضار و أمن تماما. بس بالله عليك اما ربنا يكرمك تقولنا هنا عشان باقي الناس تستفيد.

[magid1010]

الف شكر يا جماعه انا جربت الدوا ده ميلاسيون علبه زرقا بتخفف بالميه من عند بتاع مبيدات حشريه و اساسا بيستخدم فى رش الزرع بس رحته وحشه و فيه نسبه سميه بس النتيجه لحد دلوقتى كويسه ده تانى يوم