بخصوص البلاي ستيشن

[mido3_gho]

سلام عليكم

عاوز اجيب بلاي ستيشن للولد .. واكل دماغي عليه

بس القصة ومافيها إنى اصلا معرفش اى حاجة عن الجهاز غير إنه إنتاج سوني بس

غير كده لا اعرف عنه حاجة

اللى اعرفه إن في انواع من 3- 4 بس

طيب لو عاوز اجيب واحد إيه الانواع اللى اجيبها اللى سمعته إن فيه موديلات

فابعد إذن الشباب ... إيه الانواع وافضل نوع إيه اللى اجيبه

علما إنى في السعودية

[M.Mosaad]

ps4 هو الاجدد سيبك من ps3 راحت عليه

الموديلات كلها شبه بعضها الاختلاف الوحيد ان سوني نزلت واحد بهارد 1 تيرا فدة هيبقي افضل طبعا و فرق السعر عن ال 500 جيجا مش كتير

الخلاصه هات موديل 1 تيرا و يكون معاه اكتر عدد العاب - طالما في السعوديه اعتقد هتلاقي باندلز حلوة و شوف هو بيميل لاي نوع من الالعاب و ركز في الباندل اللي فيه الالعاب اللي بيحبها

[Bassem Youssef]

Ps4

[mikho83]

بعد إذن صاحب الموضوع، لو عايز أجيب بلاي ستايشن وأشغلها في محل الأفضل ايه؟ يعني عايز حاجة تتحمل

[mido3_gho]

ps4 هو الاجدد سيبك من ps3 راحت عليه

الموديلات كلها شبه بعضها الاختلاف الوحيد ان سوني نزلت واحد بهارد 1 تيرا فدة هيبقي افضل طبعا و فرق السعر عن ال 500 جيجا مش كتير

الخلاصه هات موديل 1 تيرا و يكون معاه اكتر عدد العاب - طالما في السعوديه اعتقد هتلاقي باندلز حلوة و شوف هو بيميل لاي نوع من الالعاب و ركز في الباندل اللي فيه الالعاب اللي بيحبها

أولا معلش وبالراحة عليا شوية .. إيه الباندلز دا ؟؟؟؟

العاب كلها سيارات - حروب - تصميمات

[M.Mosaad]

أولا معلش وبالراحة عليا شوية .. إيه الباندلز دا ؟؟؟؟

العاب كلها سيارات - حروب - تصميمات

باندل يعني ال PS4 و معاه لعبه او لعبتين مثلا بسعر اقل - بيعملوها برة ايام الكريسماس و كدة - و اعتقد في السعوديه هتلاقي محلات بتعمل عروض تشتري الPS4 و معاه مثلا 4 لعب بسعر حلو فعلشان توفر في الاول لا سعر اللعب غالي شوف ابنك بيحب لعب ايه او حتي خليه يقعد علي اليوتيوب و يتفرج علي جيم بلاي لشوية لعب و بعدين هات الباندل اللي فيه اللعب دي

و برضه خلي بالك حسب سنه لان في لعب بتبقي 18+ زي GTA اللي مفيش طفل مش بيلعبها و فيها مناظر خارجه كتير و الاهل اخر طناش لانهم مش عارفين

يعني قبل ما تجيب اللعبه لازم تعرف ال Rate بتاعها ايه و لسن كام لان في العاب مثلا 18+ علشان مشاهد عنف و في علشان مشاهد جنس ...الخ

لو هتقدر تستني لنص شهر 11 كدة في حنفية العاب نازله علشان موسم الاعياد فهتلاقي برضة باندلز حلوة لالعاب جديدة

[M.Mosaad]

بعد إذن صاحب الموضوع، لو عايز أجيب بلاي ستايشن وأشغلها في محل الأفضل ايه؟ يعني عايز حاجة تتحمل

الي ps4 كله زي بعضه الاختلاف الوحيد في نسخ هارد 1 تيرا و في نسخ هارد 500 جيجا - غير كدة بيبقي اختلاف الوان - لو لمحل اعتقد هتجيب النسخ ديجيتال يعني هتحملها من الانترنت علشان مش كله شوية هتدخل cd

و مش متاكد بصراحه سوق الps3 في المحللات لسه شغال و لا لأ

[sas5]

السلام عليكم ورحمه الله
طبعا ps4 هو الاحدث ولكن فى مصر ps3 هو الافضل لانه معول له هاك وتنزل الالعاب على الهارد دسك.
وقارن مابين سعر اللعبه فى ps4 وسعر اللعبه فى ps3

[mido3_gho]

طيب بخصوص الالعب .. هوا انا بشتريها ولا بلاقيها علي النت ولا إيه موقفها بالظبط

يعنى كل ما يجي يلعب لعبة نشغلها علي cd ولا إيه

طبعا اعتقد هوا مش هيلعب لعبة وحدة .. انا عاوز العاب كتير للولد .. كل لعبة هشتريها .. انا بسمع ارقام عالية اوي

ولا الألعاب بتنزل علي النت ولا إيه موقفها ؟؟؟

[fepsceasar]

طيب بخصوص الالعب .. هوا انا بشتريها ولا بلاقيها علي النت ولا إيه موقفها بالظبط

يعنى كل ما يجي يلعب لعبة نشغلها علي cd ولا إيه

طبعا اعتقد هوا مش هيلعب لعبة وحدة .. انا عاوز العاب كتير للولد .. كل لعبة هشتريها .. انا بسمع ارقام عالية اوي

ولا الألعاب بتنزل علي النت ولا إيه موقفها ؟؟؟

البلايستيشن 3 ممكن يتهكر ويبقى عندك على الهارد العاب كتير بمبلغ بسيط لكن ما فيش لعب اون لاين الا للاسطوانة الاصلية ما ينفعش لو اتهكر يدخل على النت لان الجهاز ممكن يجيله حظر
هو بصراحة الاون لاين احسن متعة فى البلايستيشن بس برضو على حسب تفضيلاتك فى السعر
البلايستيشن 4 لازم اسطوانات اصلية لانه لسة ما اتهكرش ..بس طبعا سنة ولا حاجة وممكن ينزله تهكير في ناس قاعدة لكدة

[M.Mosaad]

طيب بخصوص الالعب .. هوا انا بشتريها ولا بلاقيها علي النت ولا إيه موقفها بالظبط

يعنى كل ما يجي يلعب لعبة نشغلها علي cd ولا إيه

طبعا اعتقد هوا مش هيلعب لعبة وحدة .. انا عاوز العاب كتير للولد .. كل لعبة هشتريها .. انا بسمع ارقام عالية اوي

ولا الألعاب بتنزل علي النت ولا إيه موقفها ؟؟؟

علشان تشتري العاب قدامك طريقتين
1- تشتري الاسطوانه و دي عيبها انك هتضطر لما تحب تلعب لعبه تانيه تشيل الاسطوانه و تحط اسطوانه و طبعا بتبقي عرضه للتجريح مثلا - الميزة الاساسيه سهوله البيع يعني ببساطه لعبت لعبه و خلصتها تبيعها لحد تاني او تبدلها و هكذا

2- نسخ ديجتال و دي بتشتريها بكود و تعملها دانلود و مش بتشتغل الا علي الاكونت الي اشترتها بيه - ميزتها طبعا التنقل بين الالعاب بسهوله و مفيش طبعا حاجة اسمها تجريح سي دي او نسخه تبوظ او الكلام دة - العيب هو البيع انك لازم تبيع الاكونت نفسه اللي اشتريت بيه اللعبه و كمان بتبقي في صعوبه في البيع علشان الموضوع دة في نصب كتير يعني ممكن واحد يبيع الاكونت لاكتر من شخص


اسعار اللعب غالي - اللعبه سعرها 60 دولار - حوالي 500 جنيه و هي جديدة و المستعمل بيبقي حسب نوع اللعبه و شهرتها و وقت نزولها من 200 لحد 400 جنيه مثلا ---------- الناس بتعمل ايه بتشتري اللعبه و تلعبها و تخلصها 100% و بعدين ببساطه تعرضها للبيع و تخسر بتاع 100 جنيه و لا حاجة او لو اكتر من صاحب مع بعض ممكن اتنين بشتروا لعبتين و يبدلوا سوا و بعدين يبيعوهم - او في طريقه تانيه اسمها جيم شير و هي ان اتنين يشتروا لعبه بس لازم تكون ديجتال و تتلعب عند الاتنين واحد برايمري و واحد سكندري


الافضل يتحط ميزانيه سنويه للعب و الولد يتحرك خلالها و يتصرف

[M.Mosaad]

السلام عليكم ورحمه الله
طبعا ps4 هو الاحدث ولكن فى مصر ps3 هو الافضل لانه معول له هاك وتنزل الالعاب على الهارد دسك.
وقارن مابين سعر اللعبه فى ps4 وسعر اللعبه فى ps3

المشكله ان انا عندي ال xbox 360 و متهكر و دلوقتي في البيت بقي زينه لولا الولاد بيلعبوا علي الكنكت الالعاب القديمه كات زماني عملته حصاله

للاسف الشركات طرفت نظر خالص عن الجيل القديم لان الجيل الجديد باع ملايين الكونسلز في وقت قصير جداااااااااااااا - السنه و السنه الجايه مثلا مفيش اي لعبه جامدة نازله للجيل القديم غير فيفا و مصارعه فقط لا غير