مطلوب المشورة لشراء اصغر موتور ماء لخزان صغير

[ali ashraf]

السلام عليكم عاوز اخذ رايكم فى مشكلة بسيطة انا مركب خزان ماء متر مكعب واحد على السطح لشقتى (البيت 4 ادوار فقط و انا فى الثالث)....المهم غيرت الخزان من كام يوم و لاحظت ضعف شديد فى ضغط الماء النازل من الخزان للشقة (بقوة الجاذبية طبعا) و طلع السبب ان مخرج المواسير من الخزان نصف بوصة و متوصل ببوصة كاملة و الحل تغير الخارج من الخزان او تركيب موتور ماء صغير يسحب الماء من الخزان للشقة و خفت العب فى الخزان علشان ميخربش قلت اركب موتور ماء و حسب علمى قلت موتور ثلث حصان + مفتاح و سلك موضوع بسيط لقيت السباك بيقلى موتور و اتوماتيك و خلافه 1200 جنيه و حاسس انه بيلعب على انا بفكر موتور يركب على المواسير نفسها و من غير بالونة و لا اتوماتيك حتى لانى باستخدمه فى حالات محدودة عند الطوارئ فقط مش فتحه على طول ....آسف للاطالة بس علشان اوضح لحضراتكم علشان تساعدونى بشكل افضل و شكرا

[ahmed_eng2001]

على حسب معلوماتى .... مواتير المياه تبدأ من 1 حصان و ده سعره تقريبا فى حدود 1200 جنيه

الموتور لازم يركبله شوية حاجات زيادة علشان تضمن الحماية ليه و للمواسير كمان ... فلازم حاجة تقفل الموتور لو الضغط على فى المواسير امامه ...

متابع معاك

[ali ashraf]

شكرا لاهتمامكم الكريم

على حسب معلوماتى .... مواتير المياه تبدأ من 1 حصان و ده سعره تقريبا فى حدود 1200 جنيه

الموتور لازم يركبله شوية حاجات زيادة علشان تضمن الحماية ليه و للمواسير كمان ... فلازم حاجة تقفل الموتور لو الضغط على فى المواسير امامه ...

متابع معاك

اشكرك لاهتمامكم الكريم انا جبت تليفون شركة الشرق بشارع الجمهورية قالولى فيه نصف حصان بمبلغ 317 جنية و انى لازم اروحلهم علشان حسب ما فهمت فيه نوع بيركب بدون بالون و له طرفين طرف يدخل منه الماء و الثانى لخروج الماء و بكره الاحد غالبا هروحلهم الاثنين ان شاء الله

[Mecha]

1/2 حصان حلو بزياده ,ومتور عادي مش لازم تحضير ذاتي ,ل
كن هتحتاج اوتوماتيك اللي هو Pressure Switch ,
شغلته يفصل كهربة المتور عند ضغط معين ويوصلها لو الضغط قل
عن ضغط معين اخر او فلوماك, هتشوف تيار التقويم بتاعه لو فوق
10A هتحتاج مفتاح شديد بتشينو وسلك .وزاويه حديد او كابولي
لتثبيت المتور ومسمارين صلب بصواميل وورد سوسته وبلدي
.حسب تثبيت الكابولي باسمنت ورمل او شغل ارقي بخوابير
مقلوظه في حيطه او كمره ربط الكبولي. ونبوله ولواكير تجميع.ي
اريت الشركه تكون محترمه وتبيع الباكدج علي بعض وبالتوفيق
ملحوظه : ممكن تركب مصفاه في مدخل المتور او خرج الخزان افضل.

[Mecha]

وفي طرمبات مبتحتجش تثبيت وبتسحب كهربا قليل .اسمها طرمبه غاطسه
,احلي حاجه هترميها جوه الخزان بسلكها وخرطوم طالع منها توصله
علي ماسورة شقتك ودمتم .ومعاها عوامه لو الميه قلت تبطل وتستحمل ميه بتراب او روبه او حصو كمان.

[ali ashraf]

يا ريت معلومات اكثر

وفي طرمبات مبتحتجش تثبيت وبتسحب كهربا قليل .اسمها طرمبه غاطسه
,احلي حاجه هترميها جوه الخزان بسلكها وخرطوم طالع منها توصله
علي ماسورة شقتك ودمتم .ومعاها عوامه لو الميه قلت تبطل وتستحمل ميه بتراب او روبه او حصو كمان.
مع خالص شكرى و تقديرى للمعلومات القيمة و المفيدة , يا ريت حضرتك تدينى فكرة اكثر عن موضوع الطرمبة الغاطسة و هل تتعارض مع العوامة اللى فى الخزان و سعرها الحقيقة اول مرة اسمع عنها مع خالص تحياتى وهل موضوع الاتوماتيك ده ضرورى...السبب فى الموضوع كله انى بعد تغير الخزان اكتشفت ان سخان الغاز لا يعمل علشان دفع الماء ضعيف و يمكن يكون ده السبب الرئيس لتركيب موتور لاسيما و ان الشتاء على الابواب

[abokoko]

وفي طرمبات مبتحتجش تثبيت وبتسحب كهربا قليل .اسمها طرمبه غاطسه
,احلي حاجه هترميها جوه الخزان بسلكها وخرطوم طالع منها توصله
علي ماسورة شقتك ودمتم .ومعاها عوامه لو الميه قلت تبطل وتستحمل ميه بتراب او روبه او حصو كمان.

اول مرة اسمع او شوف الشكل ده

انا عندى ماتور وبالونة - تيوبلس -
وفى ناس بتستغنى عن البالونه بماسورة بارتفاع حوالى 20/30سم ومطببة من اعلى وبتركب بدل البالونة فى نفس مكانها وبيقولوا بتادى الغرض دون مشاكل البالونة اللى قطع الكاوتش او تسرب الهواء

[Mecha]

بوص حضرتك ,عوامة الخزان عشان تقفل توريد ميه له ومستقله ,عوامة الطرمبه الغاطسه عشان لو الميه قلت تفصل كهربا وتحميها من الحرق. السبب اللي خلاني ارشح الغاطسه انك ساكن تحت خزان .فبدل طرمبه عاديه well pump وخطوط سحب وسكس بلف ومحابس طب منحط الطرمبه جوه الخزان. لما هتروح شركة الشرق ومنطقة نص الشارع اتفرج وشوف مواصفاتها.انا حاسس انك مش عاوز تركب اوتوماتيك .لو مش عاوز يبا التشغيل يدوي. واحد رايح ياخد دش هيشغل المتور ولازم يفتح الدش وتو ماخلص لازم يطفي.الاتوماتيك او الفلوماك يريحك من القصه دي.

[Mecha]

اول مرة اسمع او شوف الشكل ده

انا عندى ماتور وبالونة - تيوبلس -
وفى ناس بتستغنى عن البالونه بماسورة بارتفاع حوالى 20/30سم ومطببة من اعلى وبتركب بدل البالونة فى نفس مكانها وبيقولوا بتادى الغرض دون مشاكل البالونة اللى قطع الكاوتش او تسرب الهواء

ايه البالونه التيوبلس دي ياباشا غير العادي دي ,يعني مفهاش كاوتشه او غشاء يحجز الميه عن الهوا ؟ ,اومال هتشتغل ازاي مش كدا كبس الهوا هيدوب في الميه ؟؟.
وبردك الماسوره 20 ,30 سنتي ازاي تحل مكان البالونه؟ .كدا الماسوره مشلتش كوباية شاي 200 سم٣ ,في حين البالونه بتكبس ع الاقل 15 لتر في الخطوط وتريح المتور وترحمه من تذبذبات الضغط.
مشكلة الناس لما البالونه بتنخرم مبيجبش جديد والصدا بياكل في مقعد الكاوتشه او يجيب متور وبالونه صغيرين ويرجلش الاتوماتيك علي ضغط عالي يفرقعها.

[Mecha]

[Mecha]

110V 90W Self Priming Automatic Shower Washing Machine Water Booster Pump | eBay


L]


شوف الطرمبه دي محندقه واغراض محدوده اللي طالبها .

[ali ashraf]

شكرا على المجهود و الوقت

110V 90W Self Priming Automatic Shower Washing Machine Water Booster Pump | eBay


L]


شوف الطرمبه دي محندقه واغراض محدوده اللي طالبها .

الله يفتح عليك بالضبط ده اللى بفكر فيه مجرد Booster لأنى مش محتاج قوة رفع لكن مجرد مساعدة فى دفع الماء ان شاء الله يوم الاتنين ابلغ حضرتك بنتيجة مراجعة شركة المواتير بالجمهورية

[Mecha]

تمام ,والطرمبه الصغيره دي ,صوتها واطي يعني ممكن تركبها جوه الشقه .وطالما الاساسي منها تغذي السخان ممكن كهربتها مع مفتاح السخان وتوفر كهربا .وتركيبها سهل وتدي 18 لتر/دقيقه.الميزة عندك الميه جايه حاضره بالتثاقل فمش محتاج هد رفع بس تتغلب علي مفاقيد الخطوط.

[ali ashraf]

الشكر موصول

تمام ,والطرمبه الصغيره دي ,صوتها واطي يعني ممكن تركبها جوه الشقه .وطالما الاساسي منها تغذي السخان ممكن كهربتها مع مفتاح السخان وتوفر كهربا .وتركيبها سهل وتدي 18 لتر/دقيقه.الميزة عندك الميه جايه حاضره بالتثاقل فمش محتاج هد رفع بس تتغلب علي مفاقيد الخطوط.

جزاكم الله خيرا حقيقى استفدت من خبرة حضرتك فى الموضوع ده مع خالص تحياتى و انتظر الفيد باك بس يا رب الاقى حد يركبه قبل العيد

[abou-yahia]

متوسط سعرها كام (ى الطرمبه الغاطسه )