ايه الحل مع البواب ده هو و عيلته عشان صبري نفذ ؟؟؟

[Bassem Youssef]

مش عارف اشتغل

مرات البواب جايبه قرايبها البوابين و عيالها و قاعدين علي الرصيف جنب المحل علي اساس انهم قاعدين علي شط الترعه في بلدهم

رغي و شتايم و اغاني سرسجيه و سب دين و خبط و رزع كأني قاعد في سيرك

ولاد البواب قمه في القذاره و قله الادب

شغالين حدف طوب علي الباب الازاز و رزع كوره في الباب و شتيمه فيا شخصيا

مش هتكلم عن التبول و التبرز في الشارع و علي العربيات

اتكلمت باحترام مع البواب و مراته و اسمع ردود في قمه البجاحه و انعدام المفهوميه

اتكلمت مع مأمور العماره و ردود سلبيه بحجه مش هنلاقي بوابين غيرهم علي اساس انهم شاحيين في السوق

هددت البواب اني هجيلهم ظابط شرطه يمشيهم من هنا و برضه مفيش فايده

ايه الحل لأني خلاص هدوس العيال دي بالعربيه و اللي يحصل يحصل

[hilal]

لا تحاول الاحتكاك بهم
واحد زميلي بيحكيلي ان البوابين ضربوا احد جيرانه وهو استاذ جامعي محترم لانه عاتب البواب بسبب التضيييق على سيارته فتجمع عليه البوابين وضربوه.

[Omar1001]

ربنا يكون في عونك الدنيا دلوقتي كله بيبلطج علي كله
ربنا يرحمنا برحمته انا و الله لو مكانك مش عارف ممكن اعمل ايه

[eslamrace]

الحل حضرتك تروح اقرب قسم شرطه لحضرتك وتاخد امين شرطه على جنب وتظبطه فى بريزه كبيره وتحكيله على الوضع من اوله لاخره وتقوله اتصرف وانا عنيا ليك واسأله نمشيها محاضر ولا انت تتصرف و قالك انا حتصرف يبقى الموضوع لاانتهى ولما ينجزه تظبطه بكمان بريزه اما لو قالك اعمل محضر قوله انت اكتبه وانا معاك وظبطهوللى على ادمتقدر وهو حيعملك محضر يمشيهم واحتمال يحبسلك بتاع اتحاد الملاك تخلص المحضر وتطلع على المحامى بتاعك تطلعه على الموضوع وهو حيعيش بمجرد مالقضيه حتترفع على اتحاد الملاك والحارس بتوع اتحاد الملاك حيتحايلوا عليك انهم ينهوا الموضوع

بس لو فى حد فى اتحاد الملاك تقيل يبقى حلك تمشيها مفاوضات لان كل اللى فوق ده حيتقلب ضدك
احسبها واعرف قدراتك وقدرات اللى قدامك واتوكل على الله ومفيش حاجه ملهاش حل ومفيش اسهل من انك ترازى حد بس المهم تعرف توجعله دماغه ازاى
#اتعلم_من_مرتضي_منصور
تحياتى.

[ali ashraf]

فوتله بريزة يا معلمى

للاسف الحصول على ابسط الحقوق بقى محتاج زقة و اتفق تماما مع الاستاذ اسلام لان الاحتكاك المباشر معهم في غير صلحك تماما و اسلم حل زقة لامين شرطة وللاسف المجتمع اوصلنا لمرحلة الغاية تبرر الوسيلة وحضرتك بتطلب شئ بسيط جدا الهدوء والنظام و النظافة و احترام حريتك يعنى اشياء بديهية و اساسية من الاخر فوت البريزة الكبيرة طبعا و لو فى بديل حد يدلنا

[4fun14]

هيا البريزه الكبيره دى اللى هيا كام؟100 جنيه يعنى؟

[khaled_sabry]

هو ثوانى
نظام البواب عندكم ايه ؟؟
مش المفروض البواب ده بياخد فلوسه منك ؟؟

[ALYSALIM]

رش ميه قدام المحل - كل يوم تروح بدري ترش ميه كتير ولما تنشف رش تاني

[ali ashraf]

ذهب المعز و سيفه و العصا و الجزرة

ردا على سؤال السائل الكريم....نعم البريزة الكبيرة هى مائة جنية و ارجع لموضوع الاستاذ باسم امين الشرطة هنا هو سيف المعز او العصا ....الحل التانى هو استمالتهم فى صفك بالمال يعنى مثلا تختار شخص و يكون له حظوة عند باقى الافراد و تديله 20 جنيه مثلا و تطلب منه ينظف حول المحل و يخلى باله من المكان و هو هيسيطر على الباقين

[ibrahim sallam]

أسلم وأسرع شيء هو عمل محضر في القسم القريب منك

[Bassem Youssef]

كلمت مأمور العماره و هدد البواب بالطرد لو لم يحترموا نفسهم

قعدوا يقولوا هتقطعوا اكل عيشنا ... هما مش فاهمين انهم بيقطعوا اكل عيشهم بنفسهم

عالم عديمه المفهوميه -_-

[A7medelfe2y]

الحل حضرتك تروح اقرب قسم شرطه لحضرتك وتاخد امين شرطه على جنب وتظبطه فى بريزه كبيره وتحكيله على الوضع من اوله لاخره وتقوله اتصرف وانا عنيا ليك واسأله نمشيها محاضر ولا انت تتصرف و قالك انا حتصرف يبقى الموضوع لاانتهى ولما ينجزه تظبطه بكمان بريزه اما لو قالك اعمل محضر قوله انت اكتبه وانا معاك وظبطهوللى على ادمتقدر وهو حيعملك محضر يمشيهم واحتمال يحبسلك بتاع اتحاد الملاك تخلص المحضر وتطلع على المحامى بتاعك تطلعه على الموضوع وهو حيعيش بمجرد مالقضيه حتترفع على اتحاد الملاك والحارس بتوع اتحاد الملاك حيتحايلوا عليك انهم ينهوا الموضوع

بس لو فى حد فى اتحاد الملاك تقيل يبقى حلك تمشيها مفاوضات لان كل اللى فوق ده حيتقلب ضدك
احسبها واعرف قدراتك وقدرات اللى قدامك واتوكل على الله ومفيش حاجه ملهاش حل ومفيش اسهل من انك ترازى حد بس المهم تعرف توجعله دماغه ازاى
#اتعلم_من_مرتضي_منصور
تحياتى.

متفق معك في الرأي