وإيه الحل مع الإهمال في صحة البنت ؟

[ESO101]

كل سنة وحضراتكم طيبين .. الناس مشغولة بالعيد والتهنئة وأنا مشغول في مشاكلي وربنا المعين

في الفترة الماضية كانت زوجتي في بيت أهلها بدون سبب حقيقي مني
( مصدرش مني أي شيء خلاها تمشي ) فمقلتلهاش تعالي
وبشكل أو بآخر وصلها إني أرغب بالزواج
فرجعت للبيت وأنا مش مهتم بالمشاكل اللي بينا .. الموضوع معدش فارق معايا

ولكن المشكلة في اهمالها للبنت عندها 9 شهور مش مطلعة ولا سنة
ووزنها 7 كيلو و 900 جرام يعني حجمها أصغر من سنها ..
ومش بتقف فترة طويلة ( مع الإستناد على الأثاث )
يعني مفيش سنان وزنها قليل ومش بتقف كويس

ماأخدتهاش دكتور لإني فقدت الثقة في المستشفيات .. وخصوصًا سنها صغير وخايف من الأدوية
كلمت زوجتي تهتم بأكلها وتغذيتها مفيش أي فائدة .. الأكل اللي بيتعمل لينا بتحط منه في الخلاط وتأكلها منه
طبعًا مليان زيوت وملح وبهارات
والمعلبات اللي بتتباع في الصيدلية غذاء لبنتي .. وحليب صناعي وسيريلاك ( في الببرونة )
بتخلي الشغالة تنظف الببرونات واطباق البنت ..وإمبارح سألت الشغالة بتنظفهم ازاي قالتلي بتغسلهم ( مفيش تعقيم )
واللي خلاني أراقب طريقة تغذيتها ونظافة ادواتها إن والدة زوجتي كانت بتكلمها وبتسألها عن الاسهال فقالتلها لسه عندها
يعني البنت كان عندها اسهال من وهيا عند بيت أهلها وماجبتليش سيرة
فإمبارح اتخانقت معاها عشان موضوع الإسهال و رغم كل كلامي معاها .. مش فارق معاها البنت وعايزة تخرج لصاحباتها في العيد
فهيا كأم مابتعملش أي حاجة للبنت وأنا حاسس إن ضعف بنتي بسبب إهمالها الشديد اتجاهها
ونفسي أخد منها البنت و اوديها عند أمي واوديها بيت أهلها لإني معدتش طايق اشوف الإهمال دا في صحة البنت
أنا على الحجات اللي تخصني مابتكلمش .. لكن مش هقدر أتجاهل التقصير دا .. ومش عارف أعمل معاها إيه

[Khaled_Nowaihy]

أنصح حضرتك تقرأ كتاب (انا وطفلى والطبيب) فسوف يكون مرجع مفيد جدا لك وللأم وخصوصا اذا كانت هذه أول طفلة يرزقكم الله بها
وبصرف النظر عن الخلاف القائم فأنصحك وعن سابق خبرة بالمساهمة مع الزوجة فى رعاية الطفلة حتى ولو عندكم شغالة

[hany2000]

بسم الله الرحمن الرحيم
شوف يا عمنا مبدأيا مفيش ام بتتعمد تهمل او تضر أولادها الا اذا كانت مريضه نفسيا
دي الفطره اللي ربنا خلق الأنثى عليها
من كلام حضرتك استنتج ان دي الطفلة الأولى ربنا يباركلك فيها
اذن الموضوع قلة خبره ليس أكثر
و عفواً لو حضرتك مصمم تصنف الموضوع تحت بند الاهمال فحضرتك مشارك في
الاهمال ده بالنسبه الاكبر
يعني ايه حضرتك شايف بنتك عندها مشاكل و مش عايز توديها لدكتور يكشف عليها
بحجة ان مفيش ثقه و مش عايزها تاخد دواء
لو على الثقه اسأل عن دكتور كويس يكون حد من معارفك بيتابع لاولاده معاه
و لو على الدواء فأيمها افضل بالنسبالك انها تاخد دواء و الغالب في السن ده بيبقى كالسيوم و فيتامينات
ولا انك تسيبها ولا قدر الله حاجه تأثر عليها مستقبلاً
المفروض حضرتك و زوجتك تقعدوا مع الدكتور و تفهموا منه كل شيء يخص بنتكم و هاتوا كتب عن تربية الأطفال
و الشغاله بتاخد تعليماتها منكم و انتوا تقولولها الصح علشان ده بيتكم و دي بنتكم
و أخيراً الزواج و الاطفال مسؤليه مشتركه و ليست واجب على أحد دون الآخر ولا تجعل اطفالك طرفاً في اي خلاف زوجي

[ESO101]

أنصح حضرتك تقرأ كتاب (انا وطفلى والطبيب) فسوف يكون مرجع مفيد جدا لك وللأم وخصوصا اذا كانت هذه أول طفلة يرزقكم الله بها
وبصرف النظر عن الخلاف القائم فأنصحك وعن سابق خبرة بالمساهمة مع الزوجة فى رعاية الطفلة حتى ولو عندكم شغالة

إيه شكل المساعدة الممكن إني اشترك بيه ؟
أنا بعمل دوري بشتري اللبن و المعلبات و كل مستلزمات بنتي اللي بتطلبها وبتابعها
لكن مش هقدر كمان أرضعها و أعملها أكل و أأكلها وأغيرلها .. دا دور الأم
مش تقصيرًا مني .. أنا مش مؤهل للمهام دي

[ESO101]

بسم الله الرحمن الرحيم
شوف يا عمنا مبدأيا مفيش ام بتتعمد تهمل او تضر أولادها الا اذا كانت مريضه نفسيا
دي الفطره اللي ربنا خلق الأنثى عليها
من كلام حضرتك استنتج ان دي الطفلة الأولى ربنا يباركلك فيها
اذن الموضوع قلة خبره ليس أكثر
و عفواً لو حضرتك مصمم تصنف الموضوع تحت بند الاهمال فحضرتك مشارك في
الاهمال ده بالنسبه الاكبر
يعني ايه حضرتك شايف بنتك عندها مشاكل و مش عايز توديها لدكتور يكشف عليها
بحجة ان مفيش ثقه و مش عايزها تاخد دواء
لو على الثقه اسأل عن دكتور كويس يكون حد من معارفك بيتابع لاولاده معاه
و لو على الدواء فأيمها افضل بالنسبالك انها تاخد دواء و الغالب في السن ده بيبقى كالسيوم و فيتامينات
ولا انك تسيبها ولا قدر الله حاجه تأثر عليها مستقبلاً
المفروض حضرتك و زوجتك تقعدوا مع الدكتور و تفهموا منه كل شيء يخص بنتكم و هاتوا كتب عن تربية الأطفال
و الشغاله بتاخد تعليماتها منكم و انتوا تقولولها الصح علشان ده بيتكم و دي بنتكم
و أخيراً الزواج و الاطفال مسؤليه مشتركه و ليست واجب على أحد دون الآخر ولا تجعل اطفالك طرفاً في اي خلاف زوجي

أنا ليا تجربة سيئة مع الدكاترة و المستشفيات في بنتي دي وهيا مولودة
وابني الأول ( توفى في المستشفى رضيع )
وبسأل و بقرأ عن كل مرحلة
وعارف انه ممكن يكون نقص فيتامين د لكن أنا كمان خايف من مسألة سحب الدم
وعارف ضعف التمريض هنا
فبعرضها للشمس بقدر المستطاع وبتشرب لبنها
ولكن هل دا كافي أنا منتظر رأي الدكاترة

[غزلة]

البنت لازم تتغذى تحت اشراف طبي اكيد هتلاقي دكتور كويس، انشاءالله تمام وتفرح بيها

[إنسانة]

وزنها ممتاز ومش لازم تعقيم بعد 6 شهور

والاسنان ممكن تظهر خلال السنة الاولى

و الوقوف والسقوط مرحلة طبيعية في السن دا

وكتير من الامهات بتفضل تدي اطفالها من اكل البيت بس بتخففه بميه وكميات قليلة << البطاطس والبازلاء والجزر والرز والفراخ بيتاخدوا من اكل البيت عادي حتى لو دخل في تحضيره الزيت والملح والبهارات لانه بيتغسل قبل تحضيره للطفل دي طريقة محببة للطفل وبياكل الاكل دا اكتر من الاكل اللي مفهوش اي طعم

كل ام ادرى بالطريقة اللي بيفضلها طفلها في الاكل وطالما الطفل بيتقبل الاكل ومش بيتعب منه خلاص يبقى تمام

9 شهور الطفل بياكل معظم اكلنا ودي مرحلة تسبق اكله الطبيعي

المعلبات اللي في الصيدلية مش مضرة < الام هتعمل ايه لو الطفل بياكل المعلبات دي اكتر من نوع معين من اكل البيت << لو مش بيحب الفواكه مثلا دا بديل

والحليب الصناعي بديل اثبت كفائته والغالبية من الاطفال دلوقتي بيرضعوا صناعي وعايشين وزي الفل ومتفوقين دراسيا < هل فيه طفل بيرضع طبيعي لحد دلوقتي ؟

والاسهال ممكن مؤشر على التسنين << مش لازم اهمال يعني بس لازم تعرفوا السبب وحتى لو مش تسنين طبيعي الطفل بيمر بالحجات دي يعني مناعته هتكتسب قوتها ازاي ؟

ومفيش مشكلة تروح لدكتور في مستوصف وتعرض البنت عليه وتسمع منه وتقرر محدش هيقدر ياخد منك بنتك ويعملها اي حاجة الا برضاك

بالتوفيق

[ESO101]

البنت لازم تتغذى تحت اشراف طبي اكيد هتلاقي دكتور كويس، انشاءالله تمام وتفرح بيها

آمين ربنا يحفظك

[ESO101]

وزنها ممتاز ومش لازم تعقيم بعد 6 شهور

والاسنان ممكن تظهر خلال السنة الاولى

و الوقوف والسقوط مرحلة طبيعية في السن دا

وكتير من الامهات بتفضل تدي اطفالها من اكل البيت بس بتخففه بميه وكميات قليلة << البطاطس والبازلاء والجزر والرز والفراخ بيتاخدوا من اكل البيت عادي حتى لو دخل في تحضيره الزيت والملح والبهارات لانه بيتغسل قبل تحضيره للطفل دي طريقة محببة للطفل وبياكل الاكل دا اكتر من الاكل اللي مفهوش اي طعم

كل ام ادرى بالطريقة اللي بيفضلها طفلها في الاكل وطالما الطفل بيتقبل الاكل ومش بيتعب منه خلاص يبقى تمام

9 شهور الطفل بياكل معظم اكلنا ودي مرحلة تسبق اكله الطبيعي

المعلبات اللي في الصيدلية مش مضرة < الام هتعمل ايه لو الطفل بياكل المعلبات دي اكتر من نوع معين من اكل البيت << لو مش بيحب الفواكه مثلا دا بديل

والحليب الصناعي بديل اثبت كفائته والغالبية من الاطفال دلوقتي بيرضعوا صناعي وعايشين وزي الفل ومتفوقين دراسيا < هل فيه طفل بيرضع طبيعي لحد دلوقتي ؟

والاسهال ممكن مؤشر على التسنين << مش لازم اهمال يعني بس لازم تعرفوا السبب وحتى لو مش تسنين طبيعي الطفل بيمر بالحجات دي يعني مناعته هتكتسب قوتها ازاي ؟

ومفيش مشكلة تروح لدكتور في مستوصف وتعرض البنت عليه وتسمع منه وتقرر محدش هيقدر ياخد منك بنتك ويعملها اي حاجة الا برضاك

بالتوفيق

أنا شايف إن وزنها قليل مقارنة بأولاد أقاربنا كلهم
سنهم أصغر منها ووزنهم زي وزنها ... بنت أخويا عمرها 4 شهور ووزنها 7 كيلو
وإبن أختي من سنها ووزنه 12 كيلو وهما قالولي بنتك صغيرة كدا ليه
ومش هما بس جميع معارفي بنتي وزنها أقل منهم ..
سألت أصدقائي عن أوزان أطفالهم اللي في سنها وأصغر .. هيا أقل وزن فيهم
وكل اللي في سنها مطلعين اسنان وبنتي مفيش أسنان خالص
فبأي مقياس اعتبرتيه طبيعي ؟
إنتِ كتير من ردودك بتبقى بس بتدافعي عن العنصر النسائي .. وردك دا عايزة بأي شكل تثبتي إني أنا الغلطان
أنا أب في النهاية ومش شايف إلا مصلحة بنتي بغض النظر عن خلافاتي مع زوجتي

[إنسانة]

أنا شايف إن وزنها قليل مقارنة بأولاد أقاربنا كلهم
سنهم أصغر منها ووزنهم زي وزنها ... بنت أخويا عمرها 4 شهور ووزنها 7 كيلو
وإبن أختي من سنها ووزنه 12 كيلو وهما قالولي بنتك صغيرة كدا ليه
ومش هما بس جميع معارفي بنتي وزنها أقل منهم ..
سألت أصدقائي عن أوزان أطفالهم اللي في سنها وأصغر .. هيا أقل وزن فيهم
وكل اللي في سنها مطلعين اسنان وبنتي مفيش أسنان خالص
فبأي مقياس اعتبرتيه طبيعي ؟
إنتِ كتير من ردودك بتبقى بس بتدافعي عن العنصر النسائي .. وردك دا عايزة بأي شكل تثبتي إني أنا الغلطان
أنا أب في النهاية ومش شايف إلا مصلحة بنتي بغض النظر عن خلافاتي مع زوجتي

بس بالراحة من فضلك , انا بقولك انها في المعدل الطبيعي دي حاجة تزعل ؟

مليش دعوة بخلافاتك و مش بدافع عن حد هدافع ليه ؟ انا ردي بس من كلامك وممكن الاطفال الي بتقارنها بيهم مولودين وزنهم كبير اوعندهم قابلية للزيادة اكتر

بس وزنها من ضمن المعدل الطبيعي للوزن في السن دا وروح لدكتور اتاكد لو حاسس ان عندها ضعف في النمو وديها لدكتور بدون تاخير

ولكن الي بتقوله كله مش دليل اهمال

[amr011111]

مش شرط فى السن ده تسنن. ممكن بعد اسبوعين

[ESO101]

بس بالراحة من فضلك , انا بقولك انها في المعدل الطبيعي دي حاجة تزعل ؟

مليش دعوة بخلافاتك و مش بدافع عن حد هدافع ليه ؟ انا ردي بس من كلامك وممكن الاطفال الي بتقارنها بيهم مولودين وزنهم كبير اوعندهم قابلية للزيادة اكتر

بس وزنها من ضمن المعدل الطبيعي للوزن في السن دا وروح لدكتور اتاكد لو حاسس ان عندها ضعف في النمو وديها لدكتور بدون تاخير

ولكن الي بتقوله كله مش دليل اهمال

أنا بسألك إيه مقياسك للوزن الطبيعي ؟
وهل شايفة إن الطفل يقعد لحد مايكمل 9 شهور بدون أي اسنان
دا شيء طبيعي وبتقولي كمان خلال السنة الأولى
ولما الأم تدي الشغالة تغسل حاجة بنتها يبقى دا مش إهمال ؟
ولما الأم تدي بنتها اكل مخصص للكبار .. دا مش إهمال ؟
أنا هوديها للدكتور وهتأكد .. بس إيه حل الإهمال
واضح إنك بتصفي حسابات

[ESO101]

مش شرط فى السن ده تسنن. ممكن بعد اسبوعين

بس هيا فاضلها اسبوعين وتخلص التاسع

[محمد عز]

اوعى تقارن طفلك بالأطفال الاخريين، كل طفل مختلف عن التانى، انا ابنى التانى سنن وطلع سنان بعد عمر سنة والطفل اللى بعده ما زحفش ومشى متأخر عن أخوه

روق كده وبنتك مفهاش حاجة

وعلى فكرة فيه أزواج كتير بتغير لعيالها وتاكلهم عادى

[7oda]

والحليب الصناعي بديل اثبت كفائته والغالبية من الاطفال دلوقتي بيرضعوا صناعي وعايشين وزي الفل ومتفوقين دراسيا < هل فيه طفل بيرضع طبيعي لحد دلوقتي ؟

فى ابحاث طبية كتير اثبتت ان الرضاعة الطبيعية احسن بكتير من الحليب الصناعى
اطفال الرضاعة الطبيعية اقل عرضة لمرض السكر فى الكبر
الحليب الطبيعى بينقل الاجسام المضادة للامراض من الام للطفل فبيحمى الطفل من الامراض فى الشهور الاولى
فى بحث سمعتة ان عملية الرضاعة الطبيعية مهمة نفسيا للطفل
و فى ابحاث اخرى وجدت ان مرض التوحد يوجد بنسبة اقل فى اطفال الرضاعة الطبيعية

و فى الاخر منظمة الصحة العالمية بتنصح بالرضاعة لمدة سنتين او اكتر

فيريت محدش يقلل من قيمة الرضاعة الطبيعية