طلب الطلاق

[cyborg_ift]

لو زوجتك بتطلب الطلاق كتير هتتصرف ازاي ولو ابسط المشاكل تعمل عليهه فلم موقفك ايه على سبيل المثال واللى مرارته تعباه ميكملش

مثال:
- رجعت من الشغل هلكان ونمت يبقا انت مبقتش تحبني ومش فارق تقعد معايا انت اكيد متغير انا مش عاوزه اعيش معاك طلقني

- كل حاجه تشتريهه لما تروح عاوزه ترجعهه لاي سبب وطبعا انا بعد كام مشوار مش هرجع حاجه يلف الموضوع لان اسلوبي باه وحش وعاوزه اطلق

- نكد نكد نكد في التليفون وانا في الشغل واقولهه معلش شويه ونتكلم يبقا انا كده الشغل اهم منهه انت اتغرت ومش عاوزه اعيش معاك

وخد من ده لبكره والواحد ماسك نفسه عشان العيال ولما اقولهه بلاش نهد البيت تقولي احنا من غيرك احسن وانا هقعد مع امي ومعاش ابويا هيرجعلي وخد من ده لده لده وربنا يصبرني وافضل ماسك نفسي

[أحمد كمال]

طلقها و ريح نفسك

[تامر.محمد]

طنشها ولا تعبرهاش شوية

[lancer06]

السلام عليكم ورحمة الله وبركاتة
مرحبا أخى الكريم
ربنا يعينك فى اللى انتا فية ويصبرك
أبعد فكرة الطلاق دى نهائى طالما فى أولاد متتخيلش المشاكل اللى هتواجها علشان الأولاد
حاول تهيىء جو مناسب انتا وهيا وأتكلمو عن المشاكل بكل صراحة وأسمع ليها للأخر
حاول تخرجها يوم فى الأسبوع وحسسها انها ليها حق فيك
حاول تدخل حد من أهلها يكون عاقل يتدخل يحل المكلة ويبعد الفكرة دى عن دماغها علشان حياتكو وحياه الأولاد متتهدش
لو صغيرة فى السن حاول تنزل لتنفكيرها وهتلاقى طريقة توصل الكلام ليها
حاول من وقت للتانى وانت فى الشغل اتصل بيها اطمئن عليها وعلى الأولاد وواضب على كدة
أخى الحبيب أبعد الفكرة دى نهائى هيا صحيح كلمة بتتقال لكن عواقب الندم طول العمر
ضحى علشان الأولاد ربنا يهديكو لبعض

[hilal]

يا أخي جرب الكلام الحلو
الستات بتحب البكش
جرب وهتدعيلي

[cyborg_ift]

طلقها و ريح نفسك

هههههه والله كنت عهملهه امبارح

[cyborg_ift]

طنشها ولا تعبرهاش شوية

حصل وجربت الموضوع ده وساعتهه اتقالي انت متغير اكيد لافف على واحده ومتنك عليا ليه لحد ما هرشت دماغي

[cyborg_ift]

السلام عليكم ورحمة الله وبركاتة
مرحبا أخى الكريم
ربنا يعينك فى اللى انتا فية ويصبرك
أبعد فكرة الطلاق دى نهائى طالما فى أولاد متتخيلش المشاكل اللى هتواجها علشان الأولاد
والله انا مش عاوز اطلق
حاول تهيىء جو مناسب انتا وهيا وأتكلمو عن المشاكل بكل صراحة وأسمع ليها للأخر
حاول تخرجها يوم فى الأسبوع وحسسها انها ليها حق فيك

[COLOR="rgb(65, 105, 225)"]طب ايه رايك في اجازه اسبوع في مطروح ومفيش فايده ولسه راجعين منهه
[/COLOR]
حاول تدخل حد من أهلها يكون عاقل يتدخل يحل المكلة ويبعد الفكرة دى عن دماغها علشان حياتكو وحياه الأولاد متتهدش
لو صغيرة فى السن حاول تنزل لتنفكيرها وهتلاقى طريقة توصل الكلام ليها
حاول من وقت للتانى وانت فى الشغل اتصل بيها اطمئن عليها وعلى الأولاد وواضب على كدة

[COLOR="rgb(65, 105, 225)"]مش اقل من 4 اتصالات في اليوم
[/COLOR]
أخى الحبيب أبعد الفكرة دى نهائى هيا صحيح كلمة بتتقال لكن عواقب الندم طول العمر
ضحى علشان الأولاد ربنا يهديكو لبعض

[cyborg_ift]

يا أخي جرب الكلام الحلو
الستات بتحب البكش
جرب وهتدعيلي

حاضر هجرب يمكن يكون الشفا على ايديك بس خايف لاكون تعبان ولا حاجه في يوم ومبكش عليهه تقولي انت اتغيرت والهري ده لانهه اما بتتعود على حاجه تبقا خلاص مينفعش متعملهاش يوم

[msobhy]

طنشها على قد ما تقدر
فضلت ماسكه النغمه وبقيت متأكد انها عايزه تطلق - يبقى بالمعروف واكسر وراها قله

[أحمد كمال]

هههههه والله كنت عهملهه امبارح

مش باهزر

من اجل هؤلاء خلق الطلاق

1- مش محترمة تعبك في مشوار شغلك

2- مش محترمة تركيزك في شغلك اللي مأكلها عيش

3- تقول لك من غيرك احنا احسن (دي كلمة كبيرة اوي و تقيلة) ..... و فاكرة انها تقدر تعيش و ان شغلك و فلوسك و وجودك دول و لا حاجة


و انت بصراحة واضح انك - اسف عاللفظ و ارجوك ما تزعلش مني و اعتبرني اخوك - طري شويتين معاها

ساكن بعيد عن شغلك و مشوارك طويل و بترجع ميت بدل ما تسيبك ترتاح عايزك تصحى تقوم انت تدور على دواء يسهرك (في الموضوع الاخر اللي كتبته)


انشف شوية ........ الانسان يحتاج لجرعة صحية بسيطة من الانانية ليستطيع الحياة ...... و انت مش عايز تنهب انت عايز تنام عشان شغلك اللي فاتح البيت ...... لا رايح تتفسح في امريكا و لا رايح تفرقع فلوسك عالصنف !


طول ما هي حاسة انك انت اللي محتاجها اكتر ما هي محتاجاك (و ده احساس زائف لانك انت اللي ابن ناس بس ..... هي هتلوص من غيرك) هتفضل تركب و تدلدل و تسيطر و تتنطط و تقول طلقني و من غيرك احسن



انشف شوية ......... ماجابش نتيجة يبقى الطلاق احسن لك ...... عيالك مش هيبقوا مبسوطين بوجودك و انت زي الزومبي ..... و هي اصلا - بلا طلاق و لا حاجة - هتربيهم ان هي الاصل و انت بس مصدر فلوس و بكرة تشوف كلامي اما يكبروا

[wael30003]

هههههه والله كنت عهملهه امبارح

طلقها كده وكده .....يعنى ما تتعاملش معاها خالص ولا تكلمها ....حسسها بمعنى الطلاق ....
.لغاية ما تعرف يعنى ايه طلاق ....وفى نفس الوقت انت تاخد اجازه

[wael30003]

مش باهزر

من اجل هؤلاء خلق الطلاق

1- مش محترمة تعبك في مشوار شغلك

2- مش محترمة تركيزك في شغلك اللي مأكلها عيش

3- تقول لك من غيرك احنا احسن (دي كلمة كبيرة اوي و تقيلة) ..... و فاكرة انها تقدر تعيش و ان شغلك و فلوسك و وجودك دول و لا حاجة


و انت بصراحة واضح انك - اسف عاللفظ و ارجوك ما تزعلش مني و اعتبرني اخوك - طري شويتين معاها

ساكن بعيد عن شغلك و مشوارك طويل و بترجع ميت بدل ما تسيبك ترتاح عايزك تصحى تقوم انت تدور على دواء يسهرك (في الموضوع الاخر اللي كتبته)


انشف شوية ........ الانسان يحتاج لجرعة صحية بسيطة من الانانية ليستطيع الحياة ...... و انت مش عايز تنهب انت عايز تنام عشان شغلك اللي فاتح البيت ...... لا رايح تتفسح في امريكا و لا رايح تفرقع فلوسك عالصنف !


طول ما هي حاسة انك انت اللي محتاجها اكتر ما هي محتاجاك (و ده احساس زائف لانك انت اللي ابن ناس بس ..... هي هتلوص من غيرك) هتفضل تركب و تدلدل و تسيطر و تتنطط و تقول طلقني و من غيرك احسن



انشف شوية ......... ماجابش نتيجة يبقى الطلاق احسن لك ...... عيالك مش هيبقوا مبسوطين بوجودك و انت زي الزومبي ..... و هي اصلا - بلا طلاق و لا حاجة - هتربيهم ان هي الاصل و انت بس مصدر فلوس و بكرة تشوف كلامي اما يكبروا

[hugan]

سيروس فانس
وزير خارجيه امريكي تقريبا او سكرتير عام اﻻمم المتحده في الستينات
كان صاحب نظرية اسمها حافه الهاويه
في اي صراع مكتوم وعلى وشك اﻻنفحار
كان يتبع نظريته
ان توصل اﻻمر الي حافه اﻻنفجار علشان اﻻزمه تتحل
ازاي في حالتك
عند طلب الطلاق في اي مشكله كبر الموضوع واقنعها انك خلاص هاتطلق
وخد اجرائتك واتصل باهلك واهلها
وانت مش في نيتك طبعا طلاق
هاتلاقي ازمتك اتحلت ومش هاتطلب طلاق وﻻ تكررها تاني
اﻻ ان كانت هي ليها الرغبه في الطلاق
وساعتها انت الكسبان

[wallace]

إستحمل عشان أولادك ,مفيش حد متجوز معندوش مشكلة من أي نوع لكن حاول تستعين بربنا وتصبر وكبر انت دماغك وحاول تعدي الايام الصعبة وإن شاء الله تربي اولادك بينكم