استغبيت وخيشت واحد في الرصيف وضميري بيأنبني

[AlphaCharlie]

امبارح راجع من اكتوبر انا وزميل لي من طريق الفيوم وقبل بوابة حدائق الاهرام في يو تيرن "غير قانوني" تقريبا يوم بعد يوم بلاقي حادث شنيع من الناس الي بيلفوا غلط ..

كان واحد معاه لانوس واقف عايز يدخل الملف ... اديته نور ووقف مستني اعدي.

كنت ماشي علي 100 يعني مش طاير .. ولما لقيته وقف كملت في اليمين.

قبل 100 متر بالظبط علي الملف لقيته طلع في الطريق. لا وكمان رايح الحارة اليمين. اقصى اليمين. وطبعا لقيت مفيش طريق قدامي. والله انا وقفت علي الفرامل وايدي علي الكلاكس والنور علشان يقف واعرف اعدي منه وهو ولا هنا. لدرجة ان الكاوتش عندي باظ واتحرق من الفرملة.

الحمد لله في الامتار الاخيرة عرفت اخد شمال سنة واتفادى اني اخبط فيه .. لقيت كل العربيات وقفت في الاتجاهين من صوت الفرامل لان مكنش حد متخيل انها حتعدي بسلام. .. اما البيه فماشي عادي علي اليمين ولا كأن حاجة حصلت وكمان بيبص بقرف ومش عاجبه...

طبعا احنا اعصابنا سابت و تصرف لا ارادي مني قررت اني ادخل فيه بالعربية حتي لو ححك الرفرف بتاعه او اكصدامه. والظاهر اني هجمت عليه جامد ... فخاف وكسر بعنف ناحية الرصيف .. ودخل في الحجارة الي علي اليمين وخبط في السور. تقريبا عربيته محتاجة حاجات كتييير.

كملت بدون توقف. الناس الي شافت الموقف كذا واحد جه جنبي وكان آرائهم مختلفة...
في ناس قالت حرام دا راجل كبير. ولما بقولهم دا غبي وكان حيتسبب في موته وموت ناس تانيا كانوا بيقولوا "حقك برضو"
وناس تانيا قالوا 100% الي انت عملتو. يستاهل.

بغض النظر عن الرأيين. بس انا شايف انه لو محصلش كدا كان حيعمل التصرف دا بكره وبعده. والنتيجة انه حيتسبب في احتمال موت عدد من الناس وهو شخصيا. تخيل لو مكاني عربية نقل مثلا؟
متهيألي كان لازم حد يعلمه بالطريقة الي صعب ينساها..

[medo_31]

متهيألي كان لازم حد يعلمه بالطريقة الي صعب ينساها..

معلش انت مقتنع من جواك بالجملة دي .. يعني لو الراجل كان مسن مثلاً ومات من الخضة ..أو حصل ليه اي حاجة كنت هتكون مستريح .. مش دي الطريقة الافضل للتعليم .ز كان فيه طرق كتيرة جدا بس للاسف الشيطان شاطر

[hugan]

بينا وبين نفسنا هانغلطك
لكن في ناس بتسوق وبتعمل غلطات
ساعتها لو طايل اولع فيه وفي عربيته

[eng wael]

كل يوم الواحد بيقابل ناس همج وبهايم فى السواقه بس بيمسك نفسه لما يكتشف ان وراء هذه التصرفات سيده او رجل مسن
ليهم عذرهم وممكن يكون والدك فى مكانه مش هترضى حد يعمل فيه كده
مقدر جدا موقفك لانى لا استحمل البلطجه ولا الغباء فى القياده بس انت غلطان علشان بس هوا راجل كبير

[mrvolt]

انت برنس ...ناس بتقول كنت هتموته طب ما هوا كان هيموتك ويموت غيرك

[mk3]

انا عارف اليوتيرن ده
والعيب مش فيك ولا فى الراجل
العيب فى دوله سايبه الناس تعدى من اى حته عشان طريق اهبل بقاله شهور بيتعمل

[hilal]

ما يحزنني هو ان الاخ الزميل نفسه زعلان وضميره يؤنبه وهذا شيء طبيعي ومشكور على ذلك ، ولكن البعض لا يرى ذلك ، ويرى أن هذا التصرف سليم عشان الراجل يستاهل يمكن يتعلم
لا حول ولا قوة إلا بالله

[wael30003]

طالما ضميرك انبك تبقى غلطان ....لانك اكيد بتغلط .....وما تحبش ان حد يعمل فيك كده لما تغلط وانت سايق ...ا واستشهد بحديث الرسول حب لاخيك كما تحب لنفسك
يعنى لما تغلط سيب رصيد عند ربنا الناس تغفر لك
استغفرربنا وتوب اليه ....لانك ما تعرفش الذنب ده عند ربنا قد ايه

[hesham fawzy h]

التمس العزر

[amr011111]

هو طبعا الشيطان بيبقى حاضر فى المواضيع ديه. بس ساعات بيبقى الواحد يكون فى المستشفى مع مريض قريب له من الفجر ومروح على بالليل ومش مركز.

[4fun14]

اللى انت عملته طبيعي..وتأنيب ضميرك طبيعى
وطبيعى برضه نغلطك ونقولك امسك اعصابك عن كده فى السواقة

[canner]

المشكلة ان الطريقة دى مش ح تخليه يبطل او يفهم المشكلة بالعكس ممكن يزيد فيها بزيادة الحاجة اللى بتتقال لما الموضوع ده بيحصل و ايه يعنى ما الكل بيعمل كده يبقى الحل الوحيد لما يشوفنى و يشوفك و يشوف الكل ملتزم ح يلتزم هو كمان غير كل انسى

[فتح الباب]

كونك معترف ان ضميرك يعذبك ده شىء جميل يدل على الاصاله التى افتقدنا الكثير منها للاسف لكن الراجل الكبير غلطان انا معاك لكن انت كمان تكون غلطان دى انا مش معاك فيها وانا مقدر الموقف اللى كنت فيه وللاسف الراجل الكبير فاكر دلوقتى انه مش غلطان ومظلوم طيب لو ما كنتش رميت عليه ما كانش دخل فى الحجاره وكان زمانه دلوقتى ضميره هو اللى بيعذبه او على الاقل يكون عرف غلطته فين عموما حمدا لله على سلامتك وعلى ستر ربنا معاك

[SAMEH_FOUAD]

يعنى الحمد لله ربنا سترها معاك , مش الفرامل اللى وقفتك ولا مهارتك هية اللى عديتك من الموقف دة

لكن بستر ربنا , يبقى كان المفروض تسيبة , او على الاقل تهدى جنبة وتديلة كلمتين , مش تخلية يلبس ويضيع عربيتة عشان انت بتعلمة الادب
وانت تعرف اصلا هو معاة فلوس يصلحها ولا لأ ؟؟؟ تعرف هو محتاجها ولا لأ عشان يوديها تتصلح ؟؟ تعرف هل عندة اصلا حد يروح يصلحهالة ولا لأ , لانك بتقول راكب كبير يعنى مش هيقدر على وقفة الصنايعية

انت غلطان جدااا للاسف , واسأل شيخ فى تكفير الذنب دة

هو لو غلطان انة عمل كدة وكان ممكن يضيع ناس , دية حسابة فيها عند ربنا , لكن مش عندك انت

[AlphaCharlie]

يعنى الحمد لله ربنا سترها معاك , مش الفرامل اللى وقفتك ولا مهارتك هية اللى عديتك من الموقف دة

لكن بستر ربنا , يبقى كان المفروض تسيبة , او على الاقل تهدى جنبة وتديلة كلمتين , مش تخلية يلبس ويضيع عربيتة عشان انت بتعلمة الادب
وانت تعرف اصلا هو معاة فلوس يصلحها ولا لأ ؟؟؟ تعرف هو محتاجها ولا لأ عشان يوديها تتصلح ؟؟ تعرف هل عندة اصلا حد يروح يصلحهالة ولا لأ , لانك بتقول راكب كبير يعنى مش هيقدر على وقفة الصنايعية

انت غلطان جدااا للاسف , واسأل شيخ فى تكفير الذنب دة

هو لو غلطان انة عمل كدة وكان ممكن يضيع ناس , دية حسابة فيها عند ربنا , لكن مش عندك انت

انا فعلا متدايق من الي حصل. لاني بطبعي متسامح خصوصا في السواقة. وولا مرة عربيتي اتخبطت وطالبت بتعويض او حتى عملت مشكلة...
والله عمري مخبطت العربية وكنت انا غلطان والحمد لله...

لكن والله غير مقصودة تماما. كل الي فكرت فيه وقتها اني احك او اخبط عربيته من الاكصدام او الرفرف حتى مفكرتش في اضرار عربيتي.
بس هو الي خاف ورمى الدريكسيون اقصى اليمين.

من وجهة نظر اخرى...
الي هو عمله دا مش غلطة او سهوة .. دا بالظبط عدم فهم وعدم تعلم. زي واحد ميعرفش ينشن وطلع يصطاد في وسط المساكن. حيعمل مصايب.

معني انه مش عارف بروتوكولات المرور ومش عارف الرخصة دي طلعها بالمحسوبية ولا بالفلوس زي ناس كتير يعني في رأيي دي جريمة.
وجريمة ترقى لمستوى الشروع في القتل.

واعتقد بل اجزم انه لو عدى علي خير حيعمل كدا كل يوم لانه ببساطة مش عارف انه غلط.

بس طبعا الموقف دا لو حصل تاني معتقدش اني حتصرف بغباء بالشكل دا تاني.