البوتجاز - ايه اللى بيتغير لما يتحول من غاز الى انبوبة

[abokoko]

حاليا البوتجاز مباشر بالغاز الواصل من شركة الغاز
مستقبلا
سوف اعزل الى مكان اخر ليس به غاز طبيعي
و بالتالى سوف استخدم انابيب الغاز

ايه اللى هيتغير
هل الفونيات فقط
ولا حاجه تانية

وهل فى نصائح اخد بالى منها

[ahmed_eng2001]

الفونيات فقط هى الى حتتغير ... ضغط الغاز فى الاسطوانات بيكون اكبر من المواسير .. و بالتالى يجب تغيير الفونيات

بس لازم تتصل بشركة الغاز ... هى الى تفكلك الاجهزة من توصيلات الغاز
و ان شاء الله لا تحتاج حاجة اكتر من كدة

[abokoko]

شكرا لحضرتك

لكن ليه الاتصال بشركة الغاز
؟

ما انا ممكن افصله البوتجاز بنفسي عن طريق غلق المحبس (2 محبس )
وبعدها افك الخرطوم الاسود الواصل ما بين الماسوره و البوتجاز
وبعدها افك الخرطوم الاسود من البوتجاز

[ahmed_eng2001]

يا نهار مش فايت .... انت عاوز تتعدى على اختصاصات شركة الغاز ؟!! و تفك و تركب بنفسك ؟؟!!
يتعملك مخالفة و غرامة و قصة كبيرة .... و فى عقد الغاز .. مكتوب كدة ... اى اعمال فصل او توصيل او مشاكل فى الخطوط لازم تخطر شركة الغاز و هى الى حتقوم بعملية الفك و التركيب و بالطبع .. نظير مقابل مادى

حضرتك تتصل بيهم و هم يحددوا ميعاد و يبعتوا فنى يفصل الخرطوم ... احنا تعبنا جدا معاهم فى مرة من المرات علشان ناخد ميعاد لفصل الغاز عن شقة كنا حنبيعها

[abokoko]

حضرتك بتتكلم جد عن الغرامة وو


ده انا عملتها من فترة وفكيت بوتجاز لاختى
لانها سابت المكان اللى كانت فيه - بس المكان مغلق الى الان
يعنى محدش من شركة الغاز عرف حاجة الى الان


فلو فيها غرامة او محاضر
قول لى احسن تصرف ايه
اخطارهم
ولا ايه
؟

[ahmed_eng2001]

ممكن حضرتك تبلغهم و هما حيقولوا ايه العمل ....

الموضوع ده حصل مع واحد جارنا .... كان معاه مشاكل و ساب البيت و مشى مستعجل و هو الى فك وصلات البوتجاز بنفسه ... لما طلبنا بتوع الغاز علشان يوقفوا الغاز من الشقة دى ... كانوا عاوزين يعملوا لصاحب الشقة مخالفة و غرامة .. و معرفوش بالطبع علشان هو كان عزل و مشى

[lonedoctor]

لما تم تركيب الغاز الطبيعى جاء فنيين شركة الغاز وغيروا كل الفونيات للنوع الذى يتناسب معه ومن وقتها وزوجتى تعانى معاناه شديدة لان اللهب اصبح ضعيف جدا والبوتوجاز ياخذ وقت طويل جدا لطهى الطعام
طلبنا شركة الغاز بالتليفون وبلغناها بالوضع المهبب للبوتوجاز فكان الرد هو كدة تمام ومافيش اى تعديل تانى ولو مش عاجبكم اضربوا دماغكم فى الحيطة
وانا السنة الماضية وانا نازل فى اجازة الصيف روحت لواحد بتاع قطع غيار البوتاجازات اشتريت مفتاح بيبة لفك الفونيات وموسع فونيات شكله زي الابرة كدة بس مصنوعة من الصلب ومضلعة ووسعت كل الفونيات على مزاجى وعلى حجم اللهب اللي انا عايزه يعنى اوسع شوية واجرب تمنهم لا يتعدى 7 جنيه
ومن ساعتها والبوتاجاز بقى تحفة بكل المقاييس

[besso]

طب بالمناسبه احنا عندن البوتجز من ساعت مركب بياخد وقت على ماتشغل كل فونيه ماعدا الصغيره خالص دى بتولع بسرعه الباقى بقى بيفضل نشغل الاشغال وياخد وقت طويل لحد لما تلاقى الفونيه وجت كده مره واحده وتولع
ده عيب ايه نوسع الفونيه بردو

[lonedoctor]

طب بالمناسبه احنا عندن البوتجز من ساعت مركب بياخد وقت على ماتشغل كل فونيه ماعدا الصغيره خالص دى بتولع بسرعه الباقى بقى بيفضل نشغل الاشغال وياخد وقت طويل لحد لما تلاقى الفونيه وجت كده مره واحده وتولع
ده عيب ايه نوسع الفونيه بردو

اعتقد كدة بس هل النار ضعيفة ؟

[Ramy_2R]

الغرامه في حالة الفك ب نفسك 27 جنيه و بيتعمل محضر اسمه عبث في أجهزه التوصيلات
و لازم تتصل بالطوارئ تيجي تأمن
و تلكمهم من الاول و يفوكوا هما و حبخدوا حدود 20 جنيه تأمين ماسوره بطبه

[abokoko]

لما تم تركيب الغاز الطبيعى جاء فنيين شركة الغاز وغيروا كل الفونيات للنوع الذى يتناسب معه ومن وقتها وزوجتى تعانى معاناه شديدة لان اللهب اصبح ضعيف جدا والبوتوجاز ياخذ وقت طويل جدا لطهى الطعام
طلبنا شركة الغاز بالتليفون وبلغناها بالوضع المهبب للبوتوجاز فكان الرد هو كدة تمام ومافيش اى تعديل تانى ولو مش عاجبكم اضربوا دماغكم فى الحيطة
وانا السنة الماضية وانا نازل فى اجازة الصيف روحت لواحد بتاع قطع غيار البوتاجازات اشتريت مفتاح بيبة لفك الفونيات وموسع فونيات شكله زي الابرة كدة بس مصنوعة من الصلب ومضلعة ووسعت كل الفونيات على مزاجى وعلى حجم اللهب اللي انا عايزه يعنى اوسع شوية واجرب تمنهم لا يتعدى 7 جنيه
ومن ساعتها والبوتاجاز بقى تحفة بكل المقاييس

[besso]

اعتقد كدة بس هل النار ضعيفة ؟

لا النار مش ضعيفه

[kimocyc]

طب لو حبيت اعدل الوصلات بزيادتها لوصلة تانية.. حد يعرف التكلفة بتكون إيه وبتتحسب إزاي ؟؟