كم التكلفة التقريبية لانشاء عمارة

[rockycar]

كم التكلفة التقريبية لانشاء عمارة 209 م البناء على نصف المساحه ......على 105م للدور الارضى 120م للدور الاول و الثاني و التالت و التشطيب عادى خارجيا و داخليا ارجوا الافا ده...و التسليم على المفتاح

[hugan]

في اي مدينه

[mostafa3000]

395000 للمبني ارضي و3 ادوار متكررة هيكل ومباني وواجهات ونصف تشطيب داخلي

[rockycar]

في اي مدينه

برج العرب

[rockycar]

395000 للمبني ارضي و3 ادوار متكررة هيكل ومباني وواجهات ونصف تشطيب داخلي

اشكرك كل الشكر.... ياريت لو سعر كل دور لوحده كام ....و العماره تخلص فى وقت قد ايه

هل محاسبه المقاول باليوميه افضل كما سمعت ?

يا ريت لو فى اى نصيحه تحب تقولها

[حسام الغرباوي]

دي اراضي الاسكان الاجتماعي صح ؟

[EgyArmy]

فكرتنى زمان ايام ماكنا بنقول يا هادى
بص انت المفروض لو ارض كانت زراعيه هتعمل تحليل للتربه من 4 او 5 اماكن مختلفه عشان بناءا عليه هيتعمل الاساسات
لو ارض صخرية ممكن تعدى المرحله دى
طبعا عمق الحفر حسب المساحه و الادوار و التربه بس غالبا هتحفر مترين او مترين و نص لو بيت عيله خمس ادوار مثلا
لو الارض طلعت مايا هتتشفط و هتجيب حاجه شبه الطوب الابيض و دى بتمتص الرطوبه و بتنزل عليها عربيه بتهرسها و بتساوى الارض و فجأه هتلاقى التربه وقعت بالعربيه حوالى نص متر تحت الارض متقلقش دى نتيجه هرس الطوب و امتصاصه للرطوبه بص الموضوع كبير اوى
التكلفه ممكن تكون لو الاثاث بس على حسب الاجراءات
لكن عمارة بالاساس و الارضى و 3 ادوار ممكن تتكلف من 300 الف ل400 الف طبعا الادوار هتبقى عبارة عن اسقف و عمدان و تقفيل طوب و على فكرة كل ما الارض كانت صخرية هتوفر معاك فى الاساس لو طينيه هتصرف مبالغ ضخمه اوى و نصيحه اخيره الى عايز يبنى بيبنى لو بجنيه و الى عايز يبنى بيبنى بمليار بيبنى برضه المهم تقع فى ناس ولاد حلال و بيتقوا الله لان انا فى البدايه اتقالنا الاساس هيتكلف لوحدة 350 الف و كتبولنا نفس المكونات بنسأل عليها لقينا اختلاف فى السعر رهيب و البيت كله اتبنى بالسعر ده او ازيد حاجات بسيطه بس الفرق فى الى بيتقى الله

[amr011111]

انت هتجيب للمقاول المون وهوه ياخد مصنعية حداده ونجاره وصب بالمتر المكعب وديه اسمها اجرة فقط
او انك تدى العماره للمقاول مونه واجره وبرضه
وفى الحالتين تجيب مهندس يتابعلك الاشراف والمستخلصات

[rockycar]

شكرا لكل من جاوب ...... حد يعرف نسبه الربح المتوقع قد ايه ؟ المكان فى برج العرب الجديدة

[msobhy]

عن تجربه - المتر المسطح حتى التشطيب يتكلف 2000 جنيه تقريبا للمتر
بمعنى
3*120 + 105 = 465 متر مسطح = 930.000 جنيه - بشرط انك تشتغل كله مره واحده - القطاعى هايزيد معاك حبتين

[rockycar]

عن تجربه - المتر المسطح حتى التشطيب يتكلف 2000 جنيه تقريبا للمتر
بمعنى
3*120 + 105 = 465 متر مسطح = 930.000 جنيه - بشرط انك تشتغل كله مره واحده - القطاعى هايزيد معاك حبتين

بس ده كتير اوى معظم ال قراته انه فى حدود 350- 400الف

[wawamoha]

عن تجربه - المتر المسطح حتى التشطيب يتكلف 2000 جنيه تقريبا للمتر
بمعنى
3*120 + 105 = 465 متر مسطح = 930.000 جنيه - بشرط انك تشتغل كله مره واحده - القطاعى هايزيد معاك حبتين

انا حاسس اتن كلامك اقرب للمنطقيه من غيرك ....

[mif]

انا حاسس اتن كلامك اقرب للمنطقيه من غيرك ....

عن تجربه - المتر المسطح حتى التشطيب يتكلف 2000 جنيه تقريبا للمتر
بمعنى
3*120 + 105 = 465 متر مسطح = 930.000 جنيه - بشرط انك تشتغل كله مره واحده - القطاعى هايزيد معاك حبتين

الراجل بيقول حتى التشطيب يعنى تقريبا يقصد على المفتاح

[حسام الغرباوي]

2000 جنية دا تشطيب سوبر سوبر لوكس ..

خرسانات العمارة فقط بالطوب لن تزيد ابدا عن 400 الف
وتشطيب الشقة المتوسط حوالي 50 الف ...يعني اجمالي 600 الف بالاضافة الي 50 الف تشطيب واجهة ومدخل ...يعني بكل الاحوال لن تزيد عن 700 الف

[msobhy]

يا اساتذه انا عندى بيت صغير 75 متر
3 أدوار - يعنى مسطح 225 متر أو ممكن نقول انها شقه 225 متر ولكن مصاريف التشطيب الخارجيه عاليه شويتين
من اول ما استلمت الارض ومرورا بالحفر - قواعد عمدان قصة ردم مبانى سقف دور أرضى - أعمدة دور أول حوائط دور أول سقف دور أول - أعمدة دور ثانى ومبانى وسقف
تشطيب خارجى للمبنى بالكامل فى الاربع اتجاهات + دهانات خارجيه اكريلك + اساسات سباكه للمبنى بالكامل خارجى + اساسات كهرباء للبمنى بالكامل داخلى وخارجى + حديد أسوار وبلكونات ولسه الشبابيك + محاره داخليه وحلوق التكلفه الاجماليه حتى هذه اللحظه 225.000 يستقطع منهم 15.000 خاصه بثمن البيت وبعض الرسوم للكهرباء
بما انى مش هاشطب تشطيب صاروخى أو سوبر سوبر لوكس - انا حاطط ميزانيه 100.000 كمان علشان اقدر اسكن فى البيت ده

صدقنى هاتتصدم لما تكتشف ان المبانى لعب عيال وبتخلص بمنتهى السهوله - بمجرد ما تستلم المبنى وتبدأ تشطب هاتتروق بكل ما تعنيه الكلمه من معنى (أسف على اللفظ - فشخه يا معلم)