ما المطلوب لتجديد رخصه قياده منتهيه

[salama_ahmad]

السلام عليكم ما الأوراق المطلوبه والتكلفه لاستخراج رخصه قياده بعد انتهاء الرخصه وهل يوجد امتحان أم لا

[wahba87]

هو مفيش امتحان تانى , والكلام اللى جاى ده منقول


إجراءات تجديد رخصة القيادة الخاصه
الاوراق المطلوبة:
1- صورة البطاقة
2- شهادة باطنة ونظر وكل واحدة فيهم عليها صورة شخصية (و متعلق فى المرور ان مطلوب اختبار سمع بس محدش بيعمله)
3- نموذج 256
4- ملف ورق فاضي
5- رخصتك القديمة

الخطوات:
1- بتشتري نموذج 256 من الخزينة هناك (7 جنيه)
2- بتروح نيابة المرور تدفع مخالفات علي رخصتك (10 جنيه بدون مخالفات) بتديهم النموذج والرخصة ويدوك شهادة مخالفات
3- تروح لشباك تجديد رخص القيادة تسلم ورقك يتراجع ويكتبلك ورقة بالرسوم (46 جنيه ونص)
4- تروح الخزينة تدفع الرسوم
5- ترجع للشباك بوصل دفع الرسوم والرخصة معاهم بيدبسها في الملف وياخد البطاقة
6- يراجع ورقك ويبعته لحجرة الكمبيوتر عشان تتصور
7- تستني لما اسمك يتنده وتتصور
8- وتستني تاني لحد ما يطبعوا الرخصة ويغلفوها ويندهوا علي الاسامي ويسلموك الرخصة والبطاقة

[homme49]

السلام عليكم ما الأوراق المطلوبه والتكلفه لاستخراج رخصه قياده بعد انتهاء الرخصه وهل يوجد امتحان أم لا

بما أنك من بياناتك الشخصية يتضح أنك مقيم فى مدينة نصر فيجب أن تعلم أن بعض الإجراءات ستتم فى مرور مدينة نصر (اٌحراءات الخاصة بالنيابة)و باقى الإجراءات ستتم فى القاهرة الجديدة - مساكن الشباب (اٌجراءات الخاصة بتقديم الأوراق و إستلام الرخصة)

[elrasy]

متابع

[mastr_n]

لو انا رخصتي المنتهية تبع مرور محافظة تانية اية المطلوب مني علشان اجددها تبقي تبع مرور محافظتي ؟ لازم اجيب الملف يعني ؟

[juba8]

شكرااااااااااااااااا