شعر الذقن

[M_samii]

انا دلوقتي شاب عندي 20 و خلاص داخل علي 21 سنة و لحد دلوقتي مطلعليش شعر في دقني مع ان الشعر طلع في بقيت جسمي بطريقة طبيعية و بصراحة الموضوع دة بدأ يسبب لي احراج بين زملائي و بيبين ان سني صغير لدرجة ان في ناس بتفتكرني في اعدادي و انا اصلا في تالتة جانعة فا كنت عايز اعرف ازاي اخلي دقني تطول ؟

[medo_31]

مش تستعجل بكرة تزهق منه .. كل اسبوع او اتنين احلق دقنك بالموس عادي ..شهر اتنين هتبدأ تظبط

[kazamodia]

دي جينات ملهاش علاقة هو في النهاية كده كده هيطلع لك متقلقش

[خالد الشاذلى]

ياريتنى زيك بكره دقنك تطلع وتزهق من كتر الحلاقه

[mido3_gho]

ياعم مستعجل ليه

بكرا هتقرف منه وكل شوية عالصبح تشد موس

[M_samii]

ياعم مستعجل ليه

بكرا هتقرف منه وكل شوية عالصبح تشد موس

اصل بعض الناس بتقيم الرجولة بالدقن

[Mahmoud Naguib]

الناس اللي بتقول مستعجل على ايه وهتزهق منها وكدة ...... هو ف النهاية الدقن بتدي شكل حلو فليه اصلا اشيلها بالموس لو عندي !!
يكفي بس اني أخفها كل 3 ايام مثلا بالمكنة وخلاص وزي الفل كدة

تاني حاجة لصاحب السؤال .... شعر الدقن وراثة سواء كان خفيف أو تقيل او مس موجود خالص
لو مطلعتلكش دقن متحاولش تدور على حلول ليها ولآ تحلق بالموس ولآ الكلام ده لأن الموضوع ده هيطلعلك شعر ف حتت وحتت لا وهتكره نفسك !

سيب نفسك خالص ولو مطلعتش عادي مفيهاش مشكلة أنا عندي عامل دوجلاس ومش بيطلعلي شعر لحية ومبسوط بكدة ولو حتى مكانش طلعلي دقن مكنتش هزعل لان ف النهاية دي خلقة ربنا

باختصار أقلم نفسك على شكلك لأنك مش هتعرف تغير فيه

[3adelnor3]

يا بختك يعم , وكمان زعلان :)

شوفت اغلب الناس قالتلك ايه , بكره تزهق منها

اما بخصوص بقي الناس اللي بتقيم الرجولة بالدقن , فدول لمؤخذه مش رجالة

[msobhy]

بكل ما تعنيه الكلمه من معنى
يا بختك

[م أحمد]

فى ناس مش بيطلع لهم دقن عادى - أمرد

لو طلعت لك دقن مش عيب و لو ما طلعتش مش عيب ...أهم حاجة تبقى على فطرتك

[minicooper20]

يا بختككك